2008年6月8日 星期日

暴風雨後的星期天....

之前同大肥鬧左場大交....本身既2周年都係自己一個過


加上大肥因為盤點都已經好煩


攪到呢個2周年我喊到眼都腫埋


多得meme 陪我傾完先叫明白自己有幾無聊


嬲得幾冇謂...喊得幾多餘


琴晚因為黑雨都要番工攪到個人仲攰左


所以一收工番到屋企就訓死左


得閒個陣就影左同佢2年內既相...


原來同大肥2年都影唔知有冇100張相....


唉.....真係過份...XDD


不過今個星期日係佢盤點後最開心既1個星期日


平時佢盤點個個星期日1定係我自己訓教或者睇電視或者自己係度睇漫畫......因為佢要諗解釋點解會差咁多數...


今次終於唔洗由於佢今次盤點成功XDD


佢話我送比佢鏈帶比佢幸運呀!!!如果係就好啦....大肥快D 去買6合彩...


好開心呀!!!我同佢1齊咁耐.....都盤點左4次啦.....4次都係得今次唔洗比佢老闆插佢咋!!!


今年書展漫畫展終於可以陪佢去癲下啦........


咁今日亦由係屋企變左出街.....


今日我地就出發去荃灣及葵芳啦



要出去就梗係要搭巴士啦......原來今日起加價....又加價....人工又唔加.....唉....



係等車個陣自己不斷自拍....呢張就係我最鐘意既一張(但係之後都影唔番咁既Feel,有時影相就係咁...靚得1句其他就唔會跟住咁靚)


唔怪得人地話化妝係女人既天物.....無錯


我化左妝變左幾唔同......XDD


點知係車度撞到個小學補習同學


其實有幾次都撞到佢...因為佢而家同佢男友1齊住.....而家佢住我隔離樓架咋.....


今次傾左2句都唔敢阻住佢...


落到荃灣就同大肥去食小巴黎....


食完行左1陣千色....買左對啡超.....99蚊...


(我要同陽光玩遊戲)


去左睇相簿....為左大肥既生日禮物準備


跟住落番葵芳去左買飛去睇"The sex and the city"


yoyoyo......真係唔明......雖然套戲係3級唧


但係呢我今年8月都21啦.....唔係唔比我睇呀!!!!


比大肥笑我.....仲要話我智商已經都唔夠10歲...


個樣仲要唔夠18歲.....


我都覺得ok呀套戲.....有笑位有感動位


有攪野位....有波有dede睇.....攪到大肥唔知睇唔睇好


呢套戲好多女仕們睇.....睇到we 嘩鬼叫xdd


但係當睇到有個女角結婚但係新郎悔婚時我都眼濕濕


因為我都好怕....當我結婚時.....新郎會唔出現


我同大肥講如果你真係會同我結婚....


1定唔可以唔見左人...唔係我唔單好似carrie 咁變得咁殘


我可能真係會為你而去死架....


一句傻妹....攪到唔知有咩反應


睇到都差不多8點幾.....跟住去左葵涌廣場行左陣....話唔買衫唔買衫


最後咪又係買左2件xdd


由於諗唔到食咩就做番老決定....


和民同Pizza Hut 拎飛邊間有位就食邊間


今次就中左Pizza Hut


但係真係冇咩好食....不單又貴又少野食


平時可以飲凍朱力都要加8蚊呀!!!!


餐廳都係加2蚊唧.....


就叫左個208套餐




呢個係3文魚班check 前菜




唔好睇少呢個Pizza 真係幾銀胃.....我對住佢真係哂完咁!!!



搭地鐵過大窩口搭車番粉嶺啦...因為大肥話轉車1定企死我.....仲要著住高跟鞋死係度都似...



唔開心完就煙煙銀銀下先得架嗎......做人咁先完美架嗎


不過大肥好似冇同我影過好似咁既相架XDDD


今次真係第一次呀!!!


8 則留言:

  1. 哈哈...平時見你同男朋友d相
    我覺得佢唧都唔笑
    今次佢笑得好燦爛下wor....
    [版主回覆06/09/2008 21:42:00]你都話係呢...
    我成日都同佢講...同你影張相好似冇笑容咁
    係咪好唔想同我影呀!!!佢一句話你知道我不嬲唔鐘意影相..我都冇野好講
    不過近期佢同我影d 相都開始好自然咁笑....
    好事架啦>w<

    回覆刪除
  2. 係喎係喎!今次笑得幾開心,眼腫都抵喇!
     
    [版主回覆06/09/2008 21:43:00]我都唔想再喊多一次腫哂
    亦唔想你地擔心我...
    我要大個女牙嗎
    我會記得你同我講既野架...

    回覆刪除
  3. 我覺得你本身已經好靚同好甜....化妝只不過你錦上添花啫!
    你同大肥好 SWEET呀....
    [版主回覆06/09/2008 21:44:00]你真係識哄我
    你真係未見我唔化妝個樣真係嚇死你呀!!!
    我隻佬已經嚇左好耐佢有抗體架啦xdd
    希望呢個sweet 可以長長久久咁落去啦

    回覆刪除
  4. 黑雨都要返工,真係慘~~
    繼續sweet落去啦,唔好成日為d小事嘈,傷感情呀~其實陪唔陪到你或者見唔見到面係好小事o既啫.將來仲有幾廿年要對,見小一日半日又有咩所謂呢.況且佢都係做野啫,唔通你想個男人唔做野日日對住你好咩,男人有事業係好o既,將來大家生活都舒服d,做女人要識做咁先可愛o架麻,你諗下喇,返工已經夠辛苦,放咗工仲要晒精神同你嗌交同氹你,換轉係你會點.唔好將段關係迫埋床角.你要知道,搵一個愛你又錫你o既人唔易o架,今時今日好男人亦都唔多o架喇,搵到應該要好好珍惜,唔好比d小事影響到.
    [版主回覆06/09/2008 22:05:00]咪係黑雨都要開工....
    我知道我今次真係癲得好無謂
    知道佢真係我需要既好男人
    雖然佢未必係十全十美...
    但係佢足夠有愛我既心就夠啦...
    我會好好好好珍惜佢
    我會同佢好好好好sweet
    勁過Feon呀哂到你地要帶住超呀!!!xdd
    我唔會要你地擔心我...真係既呢句

    回覆刪除
  5. 兩個人好番就好啦~~好難得兩年架!
    [版主回覆06/09/2008 22:12:00]係既.....我會珍惜架

    回覆刪除
  6. 好sweet呀,我都要買返副超先 !! 我呀,同我隻佬拍拖十年..我諗我同佢影既相+埋都唔知有冇50張...你已經好多架喇 !!!keep住開心呀~
    [版主回覆06/10/2008 23:43:00]我係千色買99蚊咋~~超大烏蠅眼鏡xdd正!!!
    而家d 男仔係咪真係唔鐘意影相
    我唔迫佢同我呢個自戀狂影xdd
    邊黎一百張咁...多-口-

    回覆刪除
  7.  保持sweet落去呀.

    回覆刪除
  8. 黑雨我都要返工,我同我老老都影咗唔小相,不過兩人相就真係唔多囉
     

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...