2008年6月9日 星期一

回鄉探親日....




本身1日好好既假期.....就係因為想上去探我爺爺

轉眼間都好多年都冇上過

神早7點2呢...就比老豆叫醒左

仲慘過番工呀!!!不過算啦....都係一次唧

足足坐左1.5個鐘頭巴士番上去大陸

真係好老實我1定接受唔到大陸既生活

多蚊多烏蠅....趕極都唔走....

不過好彩今日都去一日來回

我鄉下d 親屬都變哂

爺爺老左好多....

堂弟堂妹大到我完全認唔到

d堂姐個個都生哂bb唔係就有左....

個個見到我都話雯雯你廋左好多呀~靚左好多呀!!!

我即刻回想....我肥個陣都係好似係中2開始.....

真係想知我中學時代有幾肥xdd可以問問包包

因為佢係我師姐呀~^^

係屋企悶左一日......最終食埋晚飯~

6點車8點落番深圳........

就完結我呢日既假期.......

番緊屋企既時候.....我2妹同我嘩....哈士ki

我話咩哈士ki呀....

我望一望就係佢好鐘意個隻雪橇狗呀!!!

我好多次收工都見到呢個男仔拖住2隻雪橇狗

我媽又見過2次

唯獨我阿媽有幾次專登8點落去等個男仔

點知今次比阿妹見到....阿媽即刻幫阿妹"節"個靚仔

阿媽就講阿妹落街想見佢隻狗既事件...

佢笑左一笑....佢隻狗好熱情...

我地同佢玩呢佢好熱情

但係佢撲上黎我身度都有我腰咁高呀

又好重架佢地...

真係唔明點解個男仔廋到咁都拖得住2隻大狗...

阿妹話呢d狗好難養....少d 心機都冇可能攪得掂

同埋佢地食既野唔係下下香港有得賣....



13 則留言:

  1. 點解一日來回大陸咁趕既?
    [版主回覆06/10/2008 13:45:00]即日來回都已經悶到想死...
    又比野咬到成身都係....
    加上第2日我又番工阿妹又要考試
    媽咪又開工咪即日來回~加上都係想上去見一見d 親戚咋嗎

    回覆刪除
  2. 係呀....雪橇好怕熱, 香港日日要開住冷氣俾佢地tim...但真係好靚....聽講香港的唔係純種的, 係搞咗d唔知咩種, 如果係純種, 係香港熱死好耐了....=.="""
    [版主回覆06/10/2008 13:47:00]好靚好可愛又有型但係真係好大隻加好重.....
    但係阿妹話有一隻係藍色眼架....
    不過真係見到隻狗阿妹好開心呀!!!

    回覆刪除
  3. 我都唔知幾耐冇番過鄉下lu, 而家更加唔駛番....................
    [版主回覆06/10/2008 13:47:00]點解呀?因為你爸??
    我都有成5-6年冇番過去

    回覆刪除
  4. 雪橇狗都幾貴...不過又真係幾靚!!
    [版主回覆06/10/2008 23:40:00]係超貴但係仲好難養~又好重.....xdd

    回覆刪除
  5. 哈...我鄉下係邊忽都未知呀, 哈哈哈~~~~~
    其實雪橇唔輕過金毛law....我諗返起ex隻金毛係佢ex到.....=.="""""""好乖, 好可愛....我同狗特別有緣的....XDDD
    [版主回覆06/10/2008 23:39:00]我阿妹特別鐘情呢d 大狗...
    佢最愛雪橇狗跟住就愛金毛啦xdd
    你唔好成日諗番之前既野啦~~^^
    人要望向前望...

    回覆刪除
  6. 您都幾有孝心 , 仲肯上去探爺爺
    [版主回覆06/10/2008 23:37:00]都叫做咁耐冇見過
    加上佢好大年紀啦
    近來太多親友過世了
    怕爺爺做傻事

    回覆刪除
  7. 我咁耐都未番過鄉下
    [版主回覆06/10/2008 23:36:00]唔係因為見下阿爺真係未必會上去...
    多蚊都想死....攪到而家皮膚敏感呀!!!!

    回覆刪除
  8. 嘩!個男仔開心死喇!咁多女人圍佢呀
    我都鍾意雪橇,但金毛乖D喎!雪橇真係好難養架,夏天仲麻煩添呀,要勁開冷氣先掂架!冇乜錢唔好養雪橇添呀!唔係窮死都似

    回覆刪除
  9. 老實講, 如果個老豆好, 又有邊個想唔理佢呀....................... 我好煩.....................

    回覆刪除
  10. 當去左一日旅行囉~幾好!
    雪橇狗唔止身價貴,養都貴,熱D都唔得架!!要開冷氣比佢,唔係會熱死佢地呀~

    回覆刪除
  11. 大陸鄉下更係唔同香港啦!.....大家文化唔同,城市人只會喜歡城市的!

    回覆刪除
  12. husky 我都好鐘意, 勁可愛, 但響香港養佢地太殘忍, 天氣太熱, 返到屋企要由朝開冷氣開到晚, 如果唔係會熱到佢地暈

    回覆刪除
  13. 果然係個好有風味既 鄉 下呢

    回覆刪除

【保養】 頑強的海星精神 ♬ 超強急救MYOSKIN 海星安瓶 ✿

安瓶,也許不少女生也聽過這名字 而我第一次聽說安瓶就是準備婚禮期間, 就是去試妝時或者去影Pre-Wedding 時 一定有一些會水你同佢買一些什麼安瓶類的東西 我不是不相信它們的功效,就是不相信要那麼貴嗎 就自己在街外買一些人家推介的安瓶產品 但是...