一段msn 中的對話

前日同個舊同學Chat 左一陣...

但係早知唔Chat 好過Chat....

話我見到C 小姐呢話去泰國;問佢幾時去啦?

我: 咦 ?你9月去泰國呀?

C : 係呀!我9月去呀!!同佢去囉....

(佢 就係我既初戀男友 M 先生)

我: 哦....咁你地9月幾時去呀?我諗住9月尾去

C : 我地諗住9月頭呀!本來想8月架....但係好貴呀!!

我地諗住每人帶一萬過去呀

我: 洗唔洗一萬咁多呀?

---------------------Skip--------------------------------

C : 係呀!我老公話喎同我去旅行,今次去完泰國下年去日本喎

我: 好呀!去日本...我諗我會遲D 先...

C : 係呀!我老公話想開壽C 店喎咪陪佢行個轉囉...

---------------------Skip--------------------------------

C : 我地呢排成日都出MK 買野裝飾我地間房呀!

我: 我一早攪左佢間房啦XDD連屋企都放左好多

C : 你奶奶咁好既,你放野都唔鬧你既....

我: 奶奶? 我未嫁住....佢阿媽都幾錫我既...

C : 你就好啦! 我奶奶就唔好啦....買少少野都問長問短,我話過第時一定唔同佢2老住架...

我: 你唔係到而家呢一刻先知佢阿媽係咩人呀?

C : (靜左)....係呢,你幾時結婚呀?

我 : 計劃緊....睇下儲唔儲到錢先啦

C : 係?你會請我架呵....

我 : 會!一定會啦.....你同M 都會黎架呵?

C : 我老公未必啦....我地都儲緊錢呀!!佢一個都儲5000架...

都唔知幾時先儲到個個數....



當完結呢一次既MSN ..就回想....

如果他當初對我好似對C 小姐咁好既,,,,我諗我地而家都可能結左婚啦.....計計下如果我地而家仲一齊緊都有七年.....當初如果你唔係咁對我既,,,結果都唔會好似今日咁,我一路都對C 小姐 冇咩好感...一來佢同左M 一齊,而一齊既原因就係因為負責任......

當初你每次追回我時,,,都會說有多愛我.....仲好鐘意我,冇左唔得咁樣.....但係點解?當我每次心軟番你身邊....你....你只會對我好一星期....一星期後永遠也只會發我脾氣....完全打回原型.....還記得我的十八歲生日嗎?我千叮萬囑叫哂我既朋友唔准你到我既生日會...你就苦苦哀求B 小姐 點都話你知我地係邊玩.....好...你既十派係令我好開心....你送上三年半來最貴的禮物給我.....就是Play boy 手錶及相機一部.....就是這2份禮物...我以為你會為我改變.....我以為你真的是愛我,,,,誰料....這次你完全的把打入谷底...

這次我真的失望了.....為你....我流了多少眼淚.......為你.....我的手上有多少傷痕......為你...我在你家中門口等了多久.....為你....為減肥而一度入醫院......做咁多野我為邊個?就係為你呢個負心人.....說好愛我....但係你從來沒珍惜過我.....直至我遇上另一個他....你才再一次追求我...男人係咪犯賤....我有人追有人追時你又追到我天腳底都要追我.....好啦...知我失戀知我最想有人錫既時候你又好對番我....仲要SD 張相比我同我講我這條鏈沒有你的另一半.....永遠也不會完整....你不斷的感動我...當我說....給我多一點時間....我說我真的想清你一點....

你卻又走去交友網識女仔....That'OK...我也能識一個比你更好....沒多久我也識了新友...而你也好像新戀情......

我也覺得你好神通廣大...你身在中環工作...你卻知道我可時失戀的...可惜你沒想到....我已經不是你當初認識的雯雯....我變了...也因為你我才會令自己變得不同....

當我遇上大肥...你再一次的追求....可惜你這次的追求...我很怕你......怕得要狠....你會我家的附近等我....你會到百佳中找我....當初也以為可以和你可以做回朋友....誰知.....原來你這樣可怕....前年的聖誕你說買了飛要與我去嘉年華....因他曾說要帶我去....可惜我已同大肥去了...而你卻同了C 去.....而你們亦因酒後發生關係嗎?你會知道我有咩感覺?我只會覺得你是傻瓜....你會知道C 小姐是什麼人.....既然你決定你要去愛這個人....真的麻煩你.....別說我曾是你的三年半女友....我冇咁既榮幸.....

我討厭給人比較我與你的女友.....別再給我聽到你女友口中,,,你女友說你不捨得我.....還想與我拍婚紗照,,,我將來的老公一定不會不會是你.....梗加不要聽到你女友說我不夠她細心溫柔.....

愈想愈討厭這個不知所謂的你....

愈想也不知道當初為什麼要苦苦哀求要與你走在一齊....為左D 咩?

留言

  1. 咁都要經歷過人先會成長...過去就由佢過去啦...你都好幸福快樂架..何必同人比較?唔通C小姐唔開心同佢鬧交會話你知,佢比佢老公打你都唔知啦..有時D人要面,咪係你面前作得就作囉...算啦~
    [版主回覆06/04/2008 13:50:00]即係我覺得做人唔好做咁哂命...真係呢會好令人憎架
    即係你要話我呢M 而家有幾錫你比起佢對我個陣有幾唔好
    Anyway 我冇所謂~但係唔好每次傾計都要講埋不知所謂既野
    我當你朋友先咁同你講野唧
    你就....唉,.....

    回覆刪除
  2. 過去了就過去,好難可以吃回頭草既.....
    [版主回覆06/04/2008 13:51:00]放心啦...只係發洩一下心底既說話

    回覆刪除
  3. 識得講出來 , 即係對里2個人無感覺囉 , 係好事呀
    [版主回覆06/06/2008 00:25:00]好耐都冇架啦..
    只係睇唔過眼唧...

    回覆刪除
  4. 其實,點解你仲同果個C小姐聯絡既?明知佢吹水怪,明知佢講野頂心頂肺,明知自己聽完佢講野會唸番以前既事,你就咪鬼再同佢聯絡喇!唔好咁介意佢講野喇!依家大肥好咪得囉。阿me講得岩架,算囉~~
    [版主回覆06/06/2008 00:27:00]放心喎....
    我諗番起....只係慶幸我冇咁蠢比佢呃落去
    或者阿me 咁講~可能佢比佢打個陣我都唔知啦

    回覆刪除
  5. 唔好再諗啦
    過去了
    你個小肥(都唔肥,因咩叫大肥)咪對你幾好~~
    [版主回覆06/06/2008 00:28:00]放心喎
    我真係冇事...
    佢叫阿m
    佢唔會叫小肥~因為只有一個大肥xdd

    回覆刪除
  6. 傻妹,過左去就算吧!!
    應該要往前看!!係咪???
    祝和大肥開開心心!!
    [版主回覆06/10/2008 23:44:00]放心喎
    只係突然有所想....
    我冇唔開心...
    只要同佢開開心心我就夠
    其實我都好幸福架嗎xdd

    回覆刪除
  7. 人要向前望,唔好望返轉頭,你前面重有好長既路要行架..唔開心既囥忘記左佢啦~
    [版主回覆06/10/2008 23:45:00]我冇諗佢好耐架啦
    只係突然有所想....
    只係覺得佢咁對我又話好錫我
    其實我先知幸福係我前面等緊我...

    回覆刪除
  8. 從字裡行間看出你寫這段文章時很亂,既然現在活得比他好,又何需介懷呢?
    [版主回覆07/10/2008 22:07:00]我冇事喎真係....

    回覆刪除
  9. 其實我睇完呢篇網誌之後我真係戥你好唔抵..呢d咁既男人唔死都冇用喇..犯賤到知你有人追先珍惜你..佢冇病呀???
    仲有嗰個所謂C小姐根本就係度曬命喇..呢個男人既然可以咁對你..我諗我唔相信佢而家可以對個C小姐咁好...呢個人係度自欺欺人...~
    [版主回覆07/10/2008 22:06:00]所以我打出黎...只係發洩心既不滿
    只係覺得有人比我更傻
    但係佢覺得佢比我而家更幸福咁囉~^^

    回覆刪除

張貼留言

熱門文章