2008年2月20日 星期三

Swisher HK Annual Dinner 2007

一年一度既Annual Dinner

終於係16 February 中舉行.....地點係佐敦既逸東酒店

第一次參與呢d 晚宴心情好興奮呀!咁星期6收工後我就同同事去食Pizza Hut 再去睇埋場戲...."魔法奇緣"好似咁叫...

套戲都唔差有笑位....女主角唱歌好好聽....最唔得就係佢係NewYork 叫d 昆蟲幫佢手個度...真係有d 嘔心....-口-

睇完戲...就搭地鐵落佐敦Join番我地其他同事去酒店啦....第一次係酒店食飯,感覺真係唔同d 既,心情好興奮.....坐底冇耐我已經拎定相機不斷咁影影影.....嘻~~冇計...我認我係自戀狂..







我的會計同事Eva




我地個日著得好似...xdd


我公司既媽媽.....佢真係好錫我架...




排板部.....合照..其一




正式既排版部.....係咪個個都咁靚咁正呢.....




我地係3合1組合...

係11:00左右散Band....12:30先番到屋企.....散咁濟





初十二‧財神到

18-2-2008

本身唔想開呢篇Blog 架....因為唔知打d咩....但係我又想比d 野Iris 睇....










但係真係嘈到乜咁...我公司都唔錯嗎...

仲去拎左我老闆利是....佢地就開心啦...100蚊封架

原本星期一係冇野做,仲諗住準時收工同大肥去行街街...

點知4點幾開個門...我老闆就要我地排版部留底....

9點幾先收得工呀!!!!大肥係公司樓下等足我2個鐘....

2008-2-19

照樣OT 到9點3.....做到個人好攰.....D骨真係痛到呢想死...

2007-2-20

叫D 工作都完成左,7點半可以收工.....外勤唔會圍攻我啦XDD歡樂小姐唔怕做啦.....

嘻~Iris ,,,,唔錯嗎d 相...





2008年2月15日 星期五

回憶---布吉之旅28/3-1/4/2007

突然想回想了同大肥第一次去旅行的時間... 雖然記憶可能有點模糊...但係相片的確令有些回憶...


 28/3/2007 記得那天我們是11點幾機的...但係因為旅行團...要早2個鐘到達.... 個1日我同大肥~7點幾已經起身出去搭機場巴... 幾怕冇位坐...差不多9點左右已經到左機場啦!


差不多去到布吉都3點幾啦....嘩......35度呀!!!一落機即刻感覺到什麼叫煮熟雞蛋....雖然熱...雖然勁出汗....但係完全唔會立痴痴....


一落機就帶我地去超市....佢話因為布吉太熱,一定要狂飲水...攪到我地去到Super Store 就狂掃掃......


夜晚就去左呢間.....自助餐度食野...唔好食不得止....仲要食到我地....不斷去廁所....



29-3-2007


我地甩團....去左食雪糕



呢杯雪糕....賣港紙16蚊....爆好味,打後我地就去商場



第三日....我地去左旦島....呢度成個海都係魚你身邊游黎游去




但係d 魚係你身邊真係幾驚架...我縮到冇可再縮


玩完1個上午....下午就去食日本野



呢間野叫張杰倫商場....


打後我地去左食恐龍餐廳



第四夜....


我地又去食雪糕...又去食雞翼



雪糕火鍋....都係83蚊左右.....不過個朱力唔識熔既


最後一日......我將會離開陽光與海灘


雖然除左旦島外.....我未落過水...我只係知道我肥左勁多...



大肥bb我期待....我們十月曼谷之旅呀!!!


2008年2月14日 星期四

我們的第2個情人節....

琴日我同大肥渡過左我地既第2個情人節..


回想番上年.....吵吵鬧鬧成個情人節都唔開心....


收到札花...沒有欣賞過它的美...沒細心享受過情人節的浪漫


今年....或者大個左....沒花收...沒有不快樂;收到大肥送一條地圖手鏈,佢話要襯番我個地圖袋:P 雖然我覺得條鏈好平平無奇,但係只要你送既.....即使1舊垃圾我都咁鐘意....


我知道大肥你每次節日都花盡心思去搵一樣野送比我,你會問好多人意見,怕我唔鐘意;你怕好似上年生日個條Gucci 腰帶一樣,你怕我會再將你送既野換左.....但係我而家大個女啦...知道咩野岩做咩野唔岩做,多謝你為我準備的一切


雖然琴晚我地沒有食有浪漫氣氛既西餐,反而食左日本餐廳。雖然等候多時,你亦沒有怨言;知你很攰很攰,但你亦陪我吃呢一餐情人節晚餐.....


沒花不重要。你說只要快樂,每天都是情人節。


你琴晚問我開唔開心?我答你我開心。你話梗係開心啦,我送條鏈比你....但係我開心係因為...有你陪我過呢個情人節!


我信我地可以過到你個個3年咒語.....我信我會做你個傻豬老婆架:p


2008年2月13日 星期三

給我一個家......好嗎?

琴晚.....媽媽收左工...突然叫我入房話有d 野想同我傾.....

突然個心離一離.....因為次次媽咪話同我傾...都唔係好野...

今次都唔例外...開頭以為....會同我傾大肥既野....

但係我估錯了......媽咪話.....

"可能我老豆遲早同我地攤牌.....今個月唔講,下個月都會講"

我呆左一呆.....下.....咩事呀?

阿媽話唔想比2妹知道...因為佢今年重考唔想影響佢

其實老豆過左澳門做野咁耐....我都有懷疑過佢有第2個

但係佢又冇証據比我發現係....有問題

佢去左澳門做野咁耐...改變左既佢變得唔食煙.....同更著重自己既身體

反而....朋友們講既....唔拎家用,有d 唔知咩電話打黎,鬼鬼祟祟,唔番屋企....

唔番屋企就係得年初二個晚....其他時間都好少唔番

但係媽咪點解咁講.....係因為個日佢睇左老豆個袋...

發現左有d 船飛係中秋個d 時間番左hk.....但係平日黎...

我老豆係極少.....機會係零咁濟....會係平日番HK

仲要有張船飛係早上7:00....我老豆未試過係咁早走

仲有一樣就係.....係屯門友愛睇醫生.....

有咩可能一個住粉嶺既人.....會走去屯門睇醫生?

我開頭有諗過會唔會去d 專科....

但係大肥已經Band左我呢個諗法

之後媽咪話....叫我唔好洗錢洗到咁盡

真係有呢一日,會老豆轉番我個名...幫我地供埋呢一年

打後個十年我地自己攪掂佢....

聽到呢度我同媽咪一齊喊....我真係唔想睇住頭家散

從來我冇諗過我爸媽會有離婚呢一日....

阿媽話"冇左個人都唔可以冇左間屋"

點解好好地...會攪到咁....

媽咪又話之前有一次....突然番黎係隻狂鬧"你地唔係而家攤大手就有人拎錢番黎比你洗先得架,你地又唔知搵錢幾辛苦"

阿媽就覺得好大問題.....我可能成日比客鬧...都冇咩反應....

所以媽咪就覺得個女人可能迫得老豆太勁.....所以.....

但事實係咪有個女人存在到而家我地都係懷疑當中.....

唉....同媽咪傾完...我就喊唔停...大肥知我喊.....佢真係唔會哄我架-,-

大肥話如果個男人要出去玩......就唔好上身,要上身就冇得好講

如果為左個女人...唔要頭家,呢個男人都唔要得啦....

既然未成事實可必咁唔開心.....今日同Iris 傾既時候...一路打一路d 眼淚流出黎....

幾驚比同事們知道....始終唔係一件好事.....如果真係事實...我同大肥今年既曼谷之旅可能會推後........

唉......點解要咁樣....



2008年2月10日 星期日

大年初三。小天使家

赤口....人地唔應該去拜年....


我地就偏偏走左Feon 家度玩.....真係可以講句...


Feon 你屋企好鬼大間呀!!!羨慕死人呀!


我先開始發覺....人地話網絡世界唔好....


但係我起碼係呢度....我識到一班好朋友....


雖然我地識得唔係耐.....但係我真係好想真心講一句....


你地比我識得更耐既朋友....更好感情....



一朝早起身化妝換衫搭車去荃灣Join 張太同Iris(其實都唔係一早,大約10點啦)


前一晚同阿武已經傾左3粒鐘電話,好耐未同佢傾咁耐電話,或者因為佢有左新歡...加上做OL之後真係唔會太夜訓....頂唔順,我要將大肥幫我改既"夜之女"除名XDD真係比大肥知我傾到咁夜1定鬧到我死


去到荃灣先知原來改左時間,唔打緊啦....陪2位靚靚去行左陣街,行左陣發覺...好多鋪頭都冇開....完完全全似1個死城....


行多一陣....因為我發覺我太肚餓啦,佢地陪左我去食M記,同時間我地都搵緊Feon,Feon約我地2點係小巴站等.....我地就一等再等....等到2:30 終於出現啦...原來佢為左我地個Cheese Cake 周圍搵料買野......但係個電話就聽唔到響,所以冇聽我地電話啦........上到佢屋企......即係就嘩聲四起....真係好大呀!


坐底冇耐Feon 就又汽水又香賓咁招呼我地,可惜我地只係當自己屋企咁玩xdd



睇下張太坐到咁就知啦xdd


我就開始迷戀佢個Wiil XDD 我地玩左幾個Game....




玩緊既其中一隻Game....



嘩.....笑到失哂儀態.....



大戰完畢影張和平d 既相....



玩完有得收利是.....多謝張太



影張大合照先啦



開餐啦.....同時間...Feon 係度.......



整緊蛋糕我地食....好幸福呀!!!!



有咩睇到張太咁開心呀?



至唔係睇緊七年很癢囉xdd



整好啦個蛋糕....




真係好好好好開心既一日呀!!!!!!幾時再玩多一次呀???


 


2008年2月7日 星期四

大年初一‧恭喜發財

大年初一,祝各位靚仔靚女...身體健康,萬事順利,工作愉快!!!!!

準備結婚既朋友.....我等緊你地比利是我架,但係千千祈祈唔好問我幾時到我派XDD

我一早已經係大肥公司收到7封利是仔.....真係對我好

嘻!!!!新既一年....梗係要做個靚靚架啦

係屋企換好衫已經捉阿妹不斷係咁影影影.....

難得我有心機去化妝去著新衫XDD

跟住就去做我每年新年既例牌啦xdd

今年著左對高跟鞋.....條帶呢就一路行一路甩....

辛苦死我!!!!!幾驚辛苦終於上到婆婆度.....真係呼一口氣....

不過唔知係咪人大左......好似同表弟妹唔多岩玩....

加上...佢地信左耶穌後.....就更加.....-口-




我同我可愛既3妹,,,,,,因為佢成日咁話自己





我同3妹既靚靚Post,,,,,用腳架影,,,







欠左1個妹既全家幅.....

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...