2007年10月28日 星期日

我的敗家日....



1個女仔最開心就係可以不斷的Shopping...

Yo...今日係我既敗家日...足足用左差唔多...500蚊...嘩..好耐冇洗呀

一落車係2%個特賣場買野

1開始睇中左件Tee..46蚊都抵買既...雖然個Logo唔靚..但係都ok既

之後我睇中左條褲...好貼身既...我都考慮左好耐....始終太貼身..佢又話唔試得...個條女又話唔比試...好啦...當我比哂錢入去換個陣...我連個小腿位都上唔到....可知我有幾肥加貼身啦....我就同個Sales 講...唔好意思我連著上去都唔得...可唔可以換第2樣..佢話唔可以...我話我知唔比換...但係係你同事話岩我先買...而家連小腿都上唔到..你叫我買左有咩意思先...佢話問左第2個人...佢話比我換...當我睇中個d又冇我Size ...全部都S ...撞鬼囉真係...我冇Model咁好既身材囉講真個句....S 碼...最後有條男庄款都睇得上眼...但係得S 同L...照殺啦...著上身好似變身做男人...最後拎數就160好似..條褲我就比左人啦..足足係2%我企左45分鐘呀....攰到攰死...難為等我個位人兄

係2%掃完..就上潮特整d野....點知咁好彩比我撞到V小姐同S先生...見到佢地真係好鬼甜蜜XD.....跟住整完...15號拎得....跟住行左一圈左右...咁都比我拾到平野..而家女仔好興好似頸巾個條野呢...我都唔知佢叫D咩..XDD10蚊雞白色的...雖然係Display都抵買呀...又買左1條....之後就落番去啦....




其實我今日去旺角既目的唔係買野...我只係想去玩新世紀既鬼屋...點知去到個陣佢岩岩有Show暫停....唉....上左書局諗住買d英文書學下英文...但係原來冇岩既....睇睇下個陣有個男仔背影勁似阿武囉...(難道日有所思...XDD)之前都可能而家未必有咁既可能啦....隔左1陣..佢竟然打黎...原來佢同樣係MK...佢原本都想搵我..但係聽到我身邊有人係度就冇Lu...落到去...個Show 都差唔多開始...未夠7點企到差唔多8點...見到幾多名星仔啦...有東東啦..EO2啦..鄧穎芝,應昌佑同唔知咩范蔚宣..仲有關楚耀..阿Ben同范鎮鋒...露符,達哥仲有咩鄺祖德..仲有個新人..都唔知佢咩人...影相影得好多...但係部機唔知咩事....用唔到usb....過唔到...

跟住行左去旺中拾下拾下....旺中大家樂一句講哂...唔掂...收銀態度差...野食勁唔好打...菜苦既....豆腐爛既..要雜錦比個蝦我....唉...仲之唔得啦....

食完諗住上去旺中行一轉...睇中左件3幾靚...諗都唔諗...咁就120啦....唉....

足足用左好多錢啦.....

2007年10月25日 星期四

女生最希望的事情?

1個女仔...最想身邊既另一半能為自己做到D咩?

買好多你鐘意既野比你?

日日都陪住你?

定係聽哂你話呢????

我自己覺得1個女仔最希望得到既係...身邊的人會遵守承諾

好似我同事V小姐同S先生咁...

佢地而家係一對情侶...但係都只係1齊左大約個幾月左右..
但係我睇到個男仔為左個女仔真係改變左好多好多...

佢地相識於3年前...佢地由係舊公司識到而家...
到左上2個月..S先生先開始追求V小姐...當時我真係唔睇好呢個男仔...
唔好話樣啦...份人比我個種感覺好...唔友善囉...
即係佢有佢做事作風..唔會理人感受個d...即係好難得人鐘意個d人黎啦..

但係至從上個月...佢地1齊左後...真係睇住個男仔開始變好...

以前:  只會著白飯魚番工         而家:佢會肯著健康鞋

以前:佢唔會交D Report 出黎  而家:唔洗叫,每日都肯交     

以前 :佢d頭髮同我有得揮 (長度) 而家:短左好多

以前 : 佢食煙食得好狼死         而家:都唔見佢食煙囉

有次講起..問佢地會唔會結婚...睇住V小姐個甜樣..
真係替佢開心...有時女仔唔係 下下都需要甜言蜜語...下下都要驚喜..

我地最想要既係...你地真係會為左我地而去改變...

唔係改左一陣又打回原型個隻...真係要長長久久咁可以..

唔係....根本唔係真的為我地而去改變....

P.S. 朋友仔件事....解決左...我都唔洗日日咁擔心啦...佢話唔係鐘意我...我都希望佢講既係真啦...因為我都唔想不斷咁避佢而失去呢個朋友架嗎

2007年10月19日 星期五

為左啖氣‧嚇死自己


呀 me 你愛的人唷,.....


如果呢篇野....再係打打下冇左...我唔會再打第三次.....


承上篇....因為阿武生咁對我之後...我真係好嬲...對左1個朋友仔...狂發脾氣....狂噪底...狂癲囉....完全火中燒呀....但係朋友仔...一句怨言又冇...嬲我都冇....反而仲好關心我....仲話出黎陪我..佢怕我咁嬲番到屋企唔知會點....但係我又唔想佢係屋企再出黎九龍灣搵我...又先番屋企...最後都係係屋企發脾氣


突然間..我諗番起....當初朋友仔都有叫我陪佢睇....因為佢知我驚呢d冇迫我陪佢睇...我又覺得既然朋友仔完全冇怨言咁比我鬧比我係度癲...我應該做番一次好人..陪番佢睇既....既然我都決定陪阿武睇,...點解唔睇埋落去...我個陣其實係咁諗...阿武叫我陪佢睇既..我就答佢我睇左xdd...雖然我知佢唔會再約我...


就係咁....琴日就同朋友仔去左APM 諗住睇7點半既...點知去到已經爆哂場...唯有睇十點八啦,講到呢度..我又有少少忟忟地...琴晚都係睇9點8咋...我住到咁差遠都冇出聲,我仲要聽日番工架....就埋佢去APM 都話唔睇...我真係火呀...


咁10點8大把時間就周行....咁岩APM 又有活動係IVE攪既聯校歌唱比賽...有幾個歌星仔啦.....D 入得決賽既真係唔錯..唱得好好聽....


但係個新人周柏豪真係唔識唱Live囉....但係佢個d歌真係唔錯既....


就係咁Hea到9點鐘...去吉之島行街...病左既人去食雪糕....完全係正呀...20蚊2個球...之後又入去狂睇野...勁多朱力想買..但係個$$好唔掂...即使日本都冇...係唔值...


跟住陪朋友仔上去食Super 三文治...睇見佢食薯仔...睇見都飽...我真係唔會食...


食完即上戲院.....Apm 既戲院廁所完全係正....好多色戒arXD 但係好多假門....


係廁所都攪左好多耐...攪到遲左入場....睇唔到開頭....


成套戲D 特技都好好...但係好恐怖....我好多場面都冇睇...我個FD 隻手....比我係咁捉實...佢話洗唔洗咁驚ar....我係只係聽聲我都叫定先...XDD佢話我有進步比起係哈囉喂好左好多...XDD


就係咁.....12點20 分終於上車回家....佢陪我等車個陣...突然好溫柔咁同我講,下次唔好因為1個人或者1啖氣去做1D自己唔鐘意既野...唔係最後你會好後悔...


唔知點解聽完...真係好有喊既衝動...我望住佢..或者佢知我想喊..佢話摸住我個頭同我講...傻瓜...記得我講既野..我唔想再聽你唔開心....個陣真係好想攬住佢喊...但係我冇咁做...上左車...我的眼淚就不斷流...我真係好傻...好蠢...有幾多個人咁同我講過...鬧我都冇用....都唔知自己想點.....就係咁...流流下...我訓著左...


番到屋企仲有樣仲爆.....


番到屋企啦...我個朋友仔叫我番到屋企1定要打比佢...咁我之前電話冇電飛左條線係佢手提度...我番到去就諗住直接打自己手提...可以搵到佢...唔知點解神推鬼X咁打左去初戀個度啵..我仲係諗點解咁耐都唔聽電話?未番到屋企...突然間有個男人聽電話啵...把聲又勁似我Ex...咁因為我Ex 之前激親佢...我第一句就爆...點呀嬲完未...XDD 但係諗諗下唔對路...即Cut線...即打比我個fd....講哂成件事比佢聽..笑左佢勁耐.....之後收左線又打比我姊妹同佢講啦..佢就即使叫我sms 番比我初戀...費時佢誤會時...佢條女又發癲(佢條女係我舊同學)...點知...我上番網個陣.....佢條女真係黎興師問罪....唉....煩死/////就係咁...我既一日就過左啦


 呢對係合唱組既No.1


 



2007年10月15日 星期一

All About Love 楊千嬅 2007 演唱會

唔知有冇人記得我之前講過我叫左某人幫我買飛買足2星期都買唔到張飛...晌後令我發哂脾氣先買到飛既事呢?


今日終於到我睇到千嬅既演唱會啦....總括黎講....都唔錯....比起阿詩既演唱會就冇咁多悶場但係真係好鬼少衫囉...但係真係好多特別嘉賓....好多好特別既公仔...但係比起阿詩佢既台..真係差D...雖然我係坐最尾個行...但係都可以成日見到千嬅...雖然係好遠...但係都好過對面台D人....XDD抵睇呀~120蚊


第一個特別嘉賓就係靚仔Daniel 啦......嘩...開頭完全唔知個男人係邊個黎...因為佢拎住札花遮住左個樣....完完全全睇唔到囉....當佢一爆1句....方麗娟...全場好多人係度尖叫呀....包括我在內....XDD真係好靚仔ar...雖然我係電視見到..:P


咁第2個就係Edmon 啦....希望我冇串錯啦...佢同千Fa 唱左首滾...其實首歌真係好有現實既情侶既寫實....但係唱左一首後...當有個男人上左黎...我地以為佢彈琴...點知佢已經走左啦...


咁第3個...就梗係古天樂啦...嘩.....仲正過Daniel 呀.....簡直係我既Dream BoyFriend 呀.....正到呀....真係好型呀.....最後佢地咀住落去XDD愛死佢ar...


咁第4個就係陳曉東啦....其實呢佢係黎Show架....但係d 人係咁叫佢上台唱番佢首水瓶座....真係好回味呀....


同場加影仲有Liza 姐啦....


千Fa 話其實大家心裡有問題可以唔洗睇中醫直接聽佢d歌就可以啦...能醫百病...xdd


好似可惜我是水瓶座咁...有句歌訶係...誰待我好..待我差 太清楚


最衰我部電話影影下就冇哂電...影得又唔係好靚...都比d大家睇下



呢張係等開Show 個陣影.....



呢張係佢岩岩上黎既相.....特別高起左個個就係千Fa



呢張都唔記得佢整緊咩影啦...


我諗緊睇唔睇華仔呀...


2007年10月13日 星期六

我的新寵兒......W580I




登登登....我部W580i 終於到手左幾日la....


個Mon有32萬像素我冇記錯....就好似係....其實個Mon 真係好大...自戀狂係愛放自己個樣係電話度XD

我將呢張相放左係Msn..我朋友話似人地係巴士站賣廣告d水牌...xdd睇睇下又幾似...




推開左之後就會咁既.....左右個2個制會閃架....但係真係好食電....




機身真係好鬼薄......都好驚唔見...XDD

2007年10月11日 星期四

嘩....攪咩呀!個Blog...

呢個更新左既Blog...我完完全全唔覺得好用....加上覺得靚囉


又麻煩~睇個bLOG連點睇日記都唔得.....仲慘過做咩...


可唔可以要番之前個個咁AR?


而家火都黎埋..


2007年10月6日 星期六

宣佈死亡-----2006/3/27-2007/10/6

嗚.....我的W800I 死亡了.....終年一歲半
死亡時間:2007-10-6
死亡原因:機身入水
好唔開心ar....部機真係好鐘意....影相又好,聽歌又得....
好壞唔壞係呢個時候壞......我又冇後備電話....
攪到要即買部機.....=,=
而家買左部新機係W580I....原本阿武說W910I好好....叫我1齊買....
但係我真係等唔到啦...我已經冇電話用...
唉....又白白冇左二千八啦.....
心都痛埋la.....唉....希望呢部唔好再咁快壞la
但係而家W580I仲未拎到....因為我買既係白色...佢未有貨

2007年10月4日 星期四

回憶--十月全城哈囉喂2006

記得我上個Blog去07既哈囉喂.....既經過....今次我地回望我上年玩過d咩啦xdd

06年既鬼屋有猛鬼衙門,吸血殭屍舞會,血獄地府,荒廢校園,「太凶異域-3D」,而第1個嚇親我既嘩鬼就係我相下面個個la....因為我1見到佢個陣我係咁追住佢黎影...但係呢...佢就好多人想同佢影...我迫唔到入去...當我1轉身...佢就係我後面出現嚇到我ar...勁驚ar...本黎張相係我自己影既..但係我真係好驚...捉左個fd同我1齊影啦.....哈

玩1個鬼屋排1個鐘但玩得5分鐘...途中比不少嘩鬼追住唔放....玩親個個鬼屋都係咁比人嚇...叫到救哂命咁..

之後去左睇Show.....但係07年我就冇睇到Show啦....因為排隊都排哂d時間.....

猛鬼衙門,吸血殭屍舞會,血獄地府,荒廢校園都好得人嚇好嚇人....但今年完全冇呢d玩....反而太凶異域-3D真係唔玩好過玩...佢要帶左個唔知咩眼鏡係熱帶雨林個頭玩架.....玩完真係好鬼暈...

今年個女神好似唔同左好多....老左我個fd都話佢似阿嬸多dddd

呢隻嘩鬼係我地排掛下隊走入黎架.....請無視我的咀

 

呢個似1個電影人物....但係我諗唔起佢係似邊個

看看2張相.....其實背景1樣...但係人物唔同...唔知係玩左1個鬼屋前影左1張...之後又轉左人又影多張xdd

我記得第2張個人問我係咪好驚架....其實真係幾驚...都唔知驚咩....

最後就梗係大合照啦....都唔明點解冇影到上面既....


泰國手信---金色蝴蝶袋



靚唔靚ar 個袋.....我就覺好靚同好開心tim ar!!!
呢個袋係Meme係泰國旅行買番黎比我架....正唷~~~勁靚ar...我勁鐘意!
我阿媽仲話做咩唔叫你個fd 買多個番黎....真係聽到-口-
已經難為人地架啦.....但係好開心arrr
我又好想去泰國arrrr.....
我個fd睇到張相話似人地裝禮物d袋...但係好靚個隻....真係ar

                多謝Meme

2007年10月1日 星期一

十月全城哈囉喂2007


9-30 十月全城哈囉喂2007

今年鬼屋有瘋醫生解剖室,鐘馗捉鬼,東瀛凶間,死囚浩劫,冥通大靈堂,鬼旅逃生,奪命嚇輪

必玩呢....就有鐘馗捉鬼,東瀛凶間,冥通大靈堂,奪命嚇輪

有時間既就去玩瘋醫生解剖室,死囚浩劫

可以唔玩呢就係鬼旅逃生(因為係滑浪飛船)

今日同左d同事同朋友去哈囉喂...我覺得今年冇上年咁好玩,始終都有d唔同...d鬼屋多機關人就真係唔多啦

冇上年咁多野玩...最唔好玩就係日本花園個頭個個....行左唔夠5分鐘就行完...

係大樹灣門口個2個已經排左2粒鐘啦...真係好似陳老老咁講....排隊都排死...

真係咩都排..玩鬼屋排~影相排...連去廁所都要排...番屋企搭車又要排....慘過乜咁

但係都ok既...百五蚊...都抵玩既..

但係唔知我係咪真係比人感覺易嚇d....成日比鬼屋d人嚇...我個fd又係我左右嚇我...係咁v嘩鬼叫咁...最記得有個鬼屋...明明就到門口...明明見到隻鬼係我面前行過都要番兜我囉...嚇到我死arr...

仲有個...我記得呢..我地玩完個鬼屋..我用完張紙巾,上到去M記個頭個個位..我見到個垃圾桶咪諗住拋左佢囉,我推極都推唔開個垃圾桶蓋啦,我心諗會唔會咁爆ar...我就攝張紙巾入去la...點知1轉身....個垃圾桶就係度講...我雖然係個垃圾桶,但係我係唔可以拋垃圾...嚇到我即係拎番張紙巾出黎...比我個fd係咁笑.....

之後唔知想搵個滑浪飛船,我就問個女仔員工...個陣佢講緊電話.我就問個女仔...我想問滑浪飛船係邊ar...佢就下..呆左1陣...就話你行呢條路落去就得架la...當我1轉身...就有隻牛仔嚇我...我叫得勁大聲...連個牛仔都比我嚇親~成班人指住我黎笑..勁冇面ar...我fd仲話...原來佢同我地迎面咁行過...但係佢見我1枝箭咁行去第2邊..就跟住我...企左我後面好耐...真係樣衰死ar....

比我d 同事話我...你就抵哂啦....咁驚...睇你驚就已經夠好睇la...我記得都係比人咁講...乜我真係咁好嚇...?但係今年我係比fd嚇多過比鬼嚇囉...真係好少...最好玩係唔知咩客輪...仲有d唔記得咩名....最無聊係貞子啦....真係無聊死....同大快活個個囚室...好普通....

最抵死係鐘葵個度...我地準備入鬼屋個陣有個唔知判官定鐘葵....佢就隔左1陣就話...要上路,莫回頭...想影佢個陣...佢就話莫影相...之後d工作人員就話...請勿影相,勿與我地既收魔鬼怪有任何身體接觸及拍照...勁抵死...到我地個陣...我地話不如1齊啦...你都差唔多收工la...1齊上路啦..佢就話鐘葵叫佢地係度守門口...未係時候上路架...我話夠鐘啦..都12點啦~~哈..勁攪笑....都幾好玩....哈

仲有個憂靈水澤...有個人突然間1郁就變左舊石...睇到我同個fd呆哂.....超勁arrrr

今年個女神殘左好多...完全唔靚~~~唉..失望....

但係今年都影左好多相....嘻~去相啦

我地呢張全家幅好難得架...咁岩阿媽黎接仔走xdd

好多人指住佢話佢似Eason ..肥版Eason

我地影唔到黑白無常1齊呀....不過都影齊2個arr

呢個係判官....

呢隻野真係好高...但係我都唔知佢係咩黎....

本身呢個女仔都好靚...化到咁...浪費哂...

呢個似唔似魔盜王3既女神....

 


Happy Birthday Of Vicky




9-27 Happy Birthday of Vicky

星期4我姊妹生日...假於大埔Neway..慶祝

我10點到...等到10點45先齊人..11:15 先上到房...

我已經攰到個人好呆....但係姊妹生日....就豁出去啦...

唱到點半我已經頂唔順...2點番到屋企...大昏迷ar...

第2朝番工已經夠迷.....仲要做12點3先收工....

真係難頂....但係冇計....真係頂唔順...我會轉工....

收工個陣收到電話~仲以為媽咪打黎...點知係他...

我第1句聽佢電話我就講...點解你會打黎....哈

攪笑..連佢都問我....點解我咁問?因為我冇諗到佢會Call我,其實我都知我依然做緊佢冇人搵先Call我既角式..但係我已經冇左個種嬲佢既感覺...我都有問佢,做咩唔搵Vicky呀~佢話我fd唔理佢...所以都冇搵佢la...我只有1句哦~傾傾傾到我番屋企...傾左咁耐...個種好有之前冇事發生個陣咁....好似之前好好朋友咁既感覺,個感覺舒服好多~唔同之前..我會好期待,我會成日為佢唔開心,但係今日之後又好似...唔同哂咁

嘻~我好記得個晚佢同我講~我聽朝叫你起身!聽到係幾開心既...突然我諗起佢之前每日都叫我起身既感覺,但係....第2朝佢冇打黎....都冇失落既感覺...或者我已經夠失望...夜晚BBQ 佢有打黎...但係我唔知,但係我最後都冇Call番佢...或者佢要傾佢都會打黎....

比d生日相大家睇下~~

 


【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...