2007年10月19日 星期五

為左啖氣‧嚇死自己


呀 me 你愛的人唷,.....


如果呢篇野....再係打打下冇左...我唔會再打第三次.....


承上篇....因為阿武生咁對我之後...我真係好嬲...對左1個朋友仔...狂發脾氣....狂噪底...狂癲囉....完全火中燒呀....但係朋友仔...一句怨言又冇...嬲我都冇....反而仲好關心我....仲話出黎陪我..佢怕我咁嬲番到屋企唔知會點....但係我又唔想佢係屋企再出黎九龍灣搵我...又先番屋企...最後都係係屋企發脾氣


突然間..我諗番起....當初朋友仔都有叫我陪佢睇....因為佢知我驚呢d冇迫我陪佢睇...我又覺得既然朋友仔完全冇怨言咁比我鬧比我係度癲...我應該做番一次好人..陪番佢睇既....既然我都決定陪阿武睇,...點解唔睇埋落去...我個陣其實係咁諗...阿武叫我陪佢睇既..我就答佢我睇左xdd...雖然我知佢唔會再約我...


就係咁....琴日就同朋友仔去左APM 諗住睇7點半既...點知去到已經爆哂場...唯有睇十點八啦,講到呢度..我又有少少忟忟地...琴晚都係睇9點8咋...我住到咁差遠都冇出聲,我仲要聽日番工架....就埋佢去APM 都話唔睇...我真係火呀...


咁10點8大把時間就周行....咁岩APM 又有活動係IVE攪既聯校歌唱比賽...有幾個歌星仔啦.....D 入得決賽既真係唔錯..唱得好好聽....


但係個新人周柏豪真係唔識唱Live囉....但係佢個d歌真係唔錯既....


就係咁Hea到9點鐘...去吉之島行街...病左既人去食雪糕....完全係正呀...20蚊2個球...之後又入去狂睇野...勁多朱力想買..但係個$$好唔掂...即使日本都冇...係唔值...


跟住陪朋友仔上去食Super 三文治...睇見佢食薯仔...睇見都飽...我真係唔會食...


食完即上戲院.....Apm 既戲院廁所完全係正....好多色戒arXD 但係好多假門....


係廁所都攪左好多耐...攪到遲左入場....睇唔到開頭....


成套戲D 特技都好好...但係好恐怖....我好多場面都冇睇...我個FD 隻手....比我係咁捉實...佢話洗唔洗咁驚ar....我係只係聽聲我都叫定先...XDD佢話我有進步比起係哈囉喂好左好多...XDD


就係咁.....12點20 分終於上車回家....佢陪我等車個陣...突然好溫柔咁同我講,下次唔好因為1個人或者1啖氣去做1D自己唔鐘意既野...唔係最後你會好後悔...


唔知點解聽完...真係好有喊既衝動...我望住佢..或者佢知我想喊..佢話摸住我個頭同我講...傻瓜...記得我講既野..我唔想再聽你唔開心....個陣真係好想攬住佢喊...但係我冇咁做...上左車...我的眼淚就不斷流...我真係好傻...好蠢...有幾多個人咁同我講過...鬧我都冇用....都唔知自己想點.....就係咁...流流下...我訓著左...


番到屋企仲有樣仲爆.....


番到屋企啦...我個朋友仔叫我番到屋企1定要打比佢...咁我之前電話冇電飛左條線係佢手提度...我番到去就諗住直接打自己手提...可以搵到佢...唔知點解神推鬼X咁打左去初戀個度啵..我仲係諗點解咁耐都唔聽電話?未番到屋企...突然間有個男人聽電話啵...把聲又勁似我Ex...咁因為我Ex 之前激親佢...我第一句就爆...點呀嬲完未...XDD 但係諗諗下唔對路...即Cut線...即打比我個fd....講哂成件事比佢聽..笑左佢勁耐.....之後收左線又打比我姊妹同佢講啦..佢就即使叫我sms 番比我初戀...費時佢誤會時...佢條女又發癲(佢條女係我舊同學)...點知...我上番網個陣.....佢條女真係黎興師問罪....唉....煩死/////就係咁...我既一日就過左啦


 呢對係合唱組既No.1


 



13 則留言:

  1. 依~咪幾好,即刻有第二個對你咁好,所以話駛乜咁姐.
    [版主回覆10/19/2007 21:16:00]係對好好架呢個朋友仔...
    但係我D火仲係上上上....
    但係病都愈黎愈唔掂

    回覆刪除
  2. 你又會打錯左比ex, 你真係病了. 你就好啦, 可以見到周柏豪, 我覺得佢好靚仔嫁, 佢真人高唔高嫁?
    [版主回覆10/20/2007 17:10:00]佢都ok啦....高呀....um..同其他男仔差唔多啦
    但係有個叫OsCar 既真係好鬼高...

    回覆刪除
  3. 唔該你以後將關心你d人放大,將對你唔好果d眼尾都唔好望啦.
    [版主回覆10/20/2007 17:11:00]我知道陳老老...我唔會再係咁...我下定決心左架啦

    回覆刪除
  4. 佢講得好恰呀,唔好迫自己做D唔想做既野,咁對自己唔好呀 =]
    打錯俾個 ex....好好笑呀XD,又估唔到佢女友打泥話你喎,其實唔洗啦,
    唔洗理佢啦,開開心心咪得囉 =]
    [版主回覆10/20/2007 17:12:00]聽到真係超級咁感動.....真係覺得自己超級咁無聊....唉
    我諗都諗唔到點解我會打到比佢...我2年都冇打過比呢個人...我記得有次去交電話費又係....口快快講左佢電話出黎...交成二百幾蚊...嚇都嚇死....原來我講錯電話No xdd

    回覆刪除
  5. 你都有同朋友仔去睇呀...我唔敢睇,男朋友叫過
    不過我一定唔睇....因為勁勁勁勁勁勁驚~~~~
    [版主回覆10/20/2007 17:14:00]有呀...唔...我都驚到係咁捉實我個fd 隻手....
    佢話我進步左ddd啦xdd唔叫得咁大聲

    回覆刪除
  6. 朋友花燈轉
    [版主回覆10/21/2007 23:51:00]只做朋友 不做情人呢...

    回覆刪除
  7. 套戲我都睇左,麻麻地之麻,都係第二集好睇d
    [版主回覆10/21/2007 23:51:00]但係都嚇到我死死下呢...你知我幾"大膽"架啦

    回覆刪除
  8. 多謝你post佢張相比我睇呀! , 我依嫁

    回覆刪除
  9. 我星期六也有去apm wor....
    [版主回覆10/22/2007 11:05:00]我星期4夜晚去...

    回覆刪除
  10. 哈哈~~~識得咁諗咪好囉~~~keep住啦!!因為唔係人人都應份對自己好,但當有人對自己好時就一定要珍惜
    [版主回覆10/23/2007 00:13:00]但係佢對我好得黎.....好似....過左火呀

    回覆刪除
  11. 生化危機3麻麻地~~妳想嗌下的話就要去睇C+偵探!!! 有D位我都呆左!!!haha....... 另外我呢個acc同之前個acc係唔同左ga!! 妳留意下個ID name!!!
    [版主回覆10/23/2007 00:14:00]搵到人陪我睇既...我都會睇既XDD
    其實好似差唔多唧....有分別?

    回覆刪除
  12. 你個FD對你好好呀!要珍惜呀
    [版主回覆10/23/2007 00:17:00]係好呀.....好到我唔識再面對佢

    回覆刪除
  13. ~~~我好想睇, 不過無時間~~~~嗚嗚嗚~~~
    [版主回覆10/23/2007 21:44:00]睇d咩?生化危機3

    回覆刪除

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...