2009年6月30日 星期二

2009台北之旅~~-Day 2

黎到第二日啦~~~


但係第二日冇我開頭既預算.......


一心諗住去好多好多地方~~


點知失哂預算....


食完個好難食既早餐~~~就出發去台北車站


由淡水上車........我諗要搭大半粒鐘~~


我就訓足半粒鐘~~~


但係唔講唔知捷運有分藍色同紅色"登"架


好似紅色係比老人家同傷殘坐架.......


終於去到台北車站~~~


差不多十一點~~~~


打算行1陣台北車站入面條街~


點知所以鋪頭都未開~


打算出左去書局街先~~


點知本旅遊書係呃人既.....


d出口完完全全唔岩...


搵到個人都攰埋...總算出到去....


點知又落雨......唉.....超煩....


好彩好快有得傘一傘~~~


好快就見到一間4層高既書局~


我地就入去睇睇啦


唔知係唔係因為個人太攰既關係~


睇睇下,我好似比人催眠好想訓教....


坐係度訓著左.....-口-真係有d救命....


我問阿妹幾時走好,阿妹又話想行多陣~~


點知睇多陣,阿妹話可以走之際


F 又唔見左,阿妹上去搵佢又唔見人


足足搵哂4層都係唔見左佢...


我同阿妹講,......我地係度等佢....


點知半個鐘頭後佢終於出黎.....


仲問我地幾時走得....


係呢間書局~我地足足坐足個半鐘


跟住打算再行下d書局啦






2009年6月28日 星期日

2009台北之旅~~~Day 1

由於我地個團係早機去晚機番既關係...


我地既上機時候就係8:00 坐港龍機!


導遊係前2日前黎叫我地6:00 去到機場,


詢問左糖糖意見後,我地決定搭頭班既A43


已經預先叫左 F 黎我屋企訓先,


因為怕佢唔知醒既關係.....


由於頭班車開出時間係5:15分


阿妹佢地4:30 已經叫醒左我....


我前一晚成2點幾先訓呀!大佬.........


最後我地3行人浩浩蕩蕩咁出發去機場,


我地準備6:30 到達機場XDD


足足遲左半個鐘~~即刻去左大快活食早餐


點知都未食得哂又話要趕去禁區


好趕呀.......好快就準備上機....


坐左一陣就又話食早餐......



由呢一刻開始......我個肚從未試過肚餓.....


直至我番黎香港為止....


由於F 咁遲先拎到Passport 既關係...


我根本冇時間去整台整...


所以我地一落機就要分開做野...


一個唱錢,一個排隊整台証...


由於台灣唱錢唔同泰國....


唔係周圍都可以唱錢....


個個都要係機場度唱錢....


攪到我等左好耐.....都未唱到台幣番黎....


當唱到個陣......又好多人排隊整台証...


又怕D 團友等我地~~


其實我都好心急......


好在......出到去~我地都唔係最遲個個XDD


等齊人~~我地就出發去台北市啦....


第一站~又係食...."鼎泰豐"


可惜天公不做美.....


差不多去到台北市個陣都覺得個天好黑....


入到市內仲要落雨....


導遊琴姐話~"上星期日日都成35度~完全唔想出街


都估估地到會落雨或者打風架啦,但係我地個天文台又話天晴


所以唔好多信台灣個天文台"


其實我地香港個個都差唔幾jer~


或者應該話天氣變化莫測


係平凡人估唔到....


一落車就要拎左把傘做人啦.....


我報呢個團都係因為有得試鼎泰豐



不得不提......鼎泰豐d 女待應又真係幾鬼靚


又開始開飯啦.....其實我唔多肚餓


但係黎度梗係要食啦...


呢個一人一隻既....蟹粉小籠包~




呢個係一人2隻既小籠包~


但係為左呢個小籠包~都攪左好耐....


因為唔夠數~~唉.....


我d國語又有限...d人又唔幫手講....


攪左好耐先黎齊數........



左面係"九"菜"食交",右面唔記得....



呢個係甜品~~豆沙包..激讚!!!!


都係每人一隻.....


尚有酸辣湯同炒飯....


食飽飽........就出發去第二個景點....


本身話打算上九份~落到咁大雨點上去呀!!!


最後改為去左 101 先~再睇天氣決定去定唔去.....



大雨下既101 ~~你話個天係唔係真係好黑......



台灣人好信風水.......所以101 都要如意吉祥拎整架,,,,



101太似 海港城得個睇冇得買.....


阿妹突然話想去誠品行下....


真係考起我....雖然琴姐講過下點行.....


但係我冇專心聽....我只係唔知咩最高個座就係.....


仲要咁大雨行過去.....


阿妹出到聲.......點都死過去啦....


好在.....都比我地搵到....



我叫阿妹去影一張到此一遊誠品站~~XDD


短短半個鐘~~~


我地3個都有收獲~~~除左F 之外...


有個小插曲~因為阿妹唔記得拎番把傘既關係....


要上番4/F 拎,我地就係地下個層等佢...


點知F 又話想去行多陣,我話好啦....


點知阿妹出番黎....F 都仲未見人....


攪到要出動搵人.....


唉......最終佢都自動走番出黎....


仲話姐姐~我頭先好驚呀~我唔知自己去左邊


心諗....救命......-口-


最後我地用10分鐘既路程就行到去101


集合完之後.......由於愈黎愈大雨既關係....


放棄左去 九份改為去木柵動物園...


大家都話唔係卦.....大雨去動物園


琴姐話如果日日都落雨....咁動物園咪唔洗去....


你都咁講....我地有咩好講Wor~


就係咁....我地就出發去木柵動物園啦


同事卡話呢個動物園行4粒鐘都行唔完....


但係琴姐只係比2粒鐘我地行.....


真係趕頭趕命,........仲要落住雨...


唉.....慘過咩....


#1 門口



#2



#3



其實我係見到蛇會起哂雞皮既...人...


#4



呢張相不得不放啦...


阿妹話見到朋友~要打聲招呼XDD


#5



超正企鵝~超正既館~最舒服既展覽館~~XDD


好似公仔....但係真係識郁架...


#6



#7



呢隻野叫做Puma......你冇睇錯~佢真係叫做Puma


但係佢好串....


為左影佢轉過黎....我地足足企左10分鐘~


不斷喂佢~叫佢....咩都做齊.....


最後比我地影左相佢就走左啦xdd


#8



呢d 咪叫做回頭一笑囉xdd


#9



#10



#11




呢d 動物相都係阿妹影.....因為落雨我已經毫冇心機去影d 相番黎.....


終於完結雨中動物園之旅......


我地就上車去出發去士林夜市...


個個都叫我去士林一定要食



我地4個人食一塊都覺得好夠....



呢個又叫做大腸包小腸~~


係麵包入面包左條腸~~爆熱氣....



F 買的小吃....忘記左叫咩名


最後妹妹同F 各買了2條頸鏈同1頂帽


我就買左5對小人"物"


小豬著個一隻.....因為好友愛小豬


所以就買黎送比佢做手信啦


係士林行一輪~~就去我地既酒店進發,,,,,,


我地住既酒店係淡水既福格酒店....


我聽到都覺得死死地.....淡水....唔好再遠D


當去到酒店.....我真係好想即刻去沖涼...


但係琴姐話叫我地15分鐘後好落黎....


帶我地去行夜市....


好啦~放底D 野就準備落樓啦


酒店都尚算可以....




進發去淡水夜行,,,,,


我地到達個陣大約 9:00PM


但係好多鋪頭都關門.....


咁叫夜市唔係卦......


咁都行下睇下有咩買啦.....



咁大塊既魷魚你係香港有冇可能食到......


都係港紙 13左右....


抵食呀!!!足足呢一晚我地食左3串....



咁長既雪糕......睇就真睇得多....


食~你又食過未?


大杯庄都係港紙 $ 5~~~


但係唔多好食....冰黎既....



行下都唔知有咩好行~想搵番阿妹又唔見佢地...


足足等左半個鐘~係相約既時間係門口等


佢地話岩岩行完一個圈....


Orz........點樣行都唔行唔到1粒鐘呀....


最後我地係台灣既惠康買左好多Lemon CC


都係 4蚊一枝~~抵到爛呀!!!


就係咁完左第一日既行程啦


第二日係Full Day Free~~~


2009年6月27日 星期六

2009台北之旅~~~前奏

我地今次既台北之旅~就係 11/6 - 14/6 ~進行


點解事隔半事我又去旅行~唔係因為我好有錢


因為有幾個因素既,一黎我想同大肥慶祝三周年拍拖紀念~


二黎我番工番到精神壓力好多,成日係屋企喊...好想去放下假...


三黎妹妹又想去台北買書既關係


今次去台北得到各位朋友既意見,


但係發覺~原來買左好少手信番黎....


反而書就一大堆.......


呢個旅程入面有開心~有唔開心~~


開心既~就係可以完完全全唔諗公c 野


唔開心既野........去左4日~落足3日半雨....


同埋妹妹朋友激到我地死死死死下.....


今次我地係去跟團.......雖然身邊有十個有九個都推介我自遊行


但係始終唔係我同大肥2個人去,加上人生路不熟


真係唔敢博......


但係而家下一次去~我地真係會去自遊痕啦...


因為真係識路.....xdd


****************************************************


其實為左呢個旅行....


已經由5月份開始準備....


除左睇旅行社之外~仲要為妹妹朋友苦惱佢既護照~


我叫妹妹朋友叫做 F 啦,


我地成家.......你冇睇錯~係成家~除左細細妹同爸爸外


我地3個不斷去疲勞轟炸去叫拿拿聲攪護照


點知由5月1日叫到佢5月10日都未去整.....


但係我地係5月1日已經比左份FROM佢去寄


拖拖拖.....拖到我都頂唔順.....


我直情捉佢上我屋企拿拿聲整.....


拎去寄......真係好死唔死~寄左去空郵個邊.....


唉......都總算解決左一件大事....


.點知等到5月 尾仲未收到幾時拎護照張咭仔


真係皇帝唔急太監急.....


唉~~最後總算係旅行攪掂護照既問題.....


但係原來只係我地既慘劇開始.....


200篇啦~~~

由5月中到而家6月尾....

我終於捨得去打番個Blog

每日都想走去個電腦前面打blog

但係次次都因為懶~同埋攰

放棄左打Blog.........

係呢一個半月入面~我發生左好多好多既野

開心既唔開心既~都好多

希望我今日之內會打得哂啦.....

唔係我既懶神經又令我拖拖拖架啦.......

我係呢段時間我去左台灣.....我同妹妹既第一次旅行

我終於請到我朋友仔食件小小的生日cake....

同埋.......我終於走出我既困局......

下個月月尾就變雙失.......

唔.,....而家就開始一下我地既台灣之旅....



【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...