2009年12月7日 星期一

七仔 & Venus Wedding 之 伴娘任務

6/12/2009 我既一對朋友們要走入佢地既另一階段。

七仔同Venus我由佢地開始拍拖到準備結婚,到而家擔任伴娘角色,雖然短短兩年時間,但係已經大大不同。

雖然係呢個婚禮入面,我同新娘子好多好多既不和,好多好多既不滿,但係亦冇阻我同佢之間既友誼。

今次呢個婚禮真係令我覺得結婚係好煩洗好多錢,好多好多細野要準備....但係可以同自己鐘意既人走入人生既另一階段又真係好幸福~~

---------------------------------------------------------------------------------

5/12星期六

我收左工之後就去左帝京酒店想放低我包激重行李...上去酒店房,但係足足等左半個鐘佢地兩公婆都未肯落黎.....等左激耐,我又再打上去比佢地,最終因為意見上佢地兩個又係度鬧交...放底左之後,我就去番join朋友食飯....食到咁上下,我就番酒店join番我既新娘子,就開始準備明天既野,包括佢個日既私人物件etc.....

攪到咁上下...我地就開始佈置酒店房......先黎門口....**1579**




再黎入面既佈置.....




兩度都係我整架.....不過只係整左呢度兩面,因為都冇哂特別位置可以整到....

整到咁上下...搵定聽日需要既野就準備去訓....但係我個日就訓得唔多好,最終4點幾訓....6點半起身....好耐都冇試過咁早起身....旅行個陣都未試過咁早起身。

一起身我就開始拾定D野出黎,反而新娘唔知係度忙D咩咁....最終我就叫佢快快手沖涼洗頭,轉個頭化妝師就已經到達酒店樓下,我又要沖落樓下接佢上樓,但係個陣我都仲未刷牙洗面,真係可以講一句會嚇死街坊XDD

接完化妝師上黎冇幾耐,就到姊妹Ada 到達酒店,我又要不顧儀態咁沖落去接佢上黎,都好在Ada 幫我地買左早餐我都可以安心去沖涼洗頭...

差不多7點半個陣另外兩位姊妹都到達左酒店,我就叫左Ada 幫我接佢地,因為我已經冇時間分身做咁多樣野.....最終我沖完涼洗完頭拿拿聲就吹頭準備set頭化妝....

新郎都唔知幾點個陣就不斷打上黎,但係由於我地又未set 得掂d野,正當我準備set頭個陣攝影師們上左黎影花"水"...點知...攝影師一上黎就同我講恭喜哂新娘子,即刻-口-都唔知好笑好嬲啦真係,之後就拿拿聲玩接新娘遊戲......但係我覺得一切都太快.....同咩都做唔到....就話玩完.....話哂我第一次做伴娘....我都唔想咁完既接新娘遊戲.....

新娘就接左啦....仲有好多好多時間.....都可以去影下相先,










接完新娘又影完相....我地就準備坐車落奇妙欣典啦




去到奇妙欣典,反觀佢地個環境唔夠 E甸園靚,第時結婚....我都係鐘意張太嫁個陣既hall ~~不過都係唔係而家既事:p


奇妙欣典就會以教堂型式咁行禮....岩一般係基督教既朋友...而租唔到教堂既朋友啦~自家認為.....


行完禮....番去酒店斟茶比埋奶奶...就拾哂所有野去食飯.....去到酒樓個個好似餓狼一樣.....食呀....xdd因為我真係好肚餓
食完飯就準備去番觀塘酒樓準備....一開始就唔係太忙...仲可以坐下...仲可以落下街買野etc.....後期就忙到自己都唔記得要做d咩啦......都係個句....成晚都比人係咁叫.....伴娘伴娘......野都食唔到啦......




2009年11月26日 星期四

特別既假期.....

自從轉左呢份工之後.......由星期六,星期日....變左做星期四


由以往每星期都可以同大肥放假....到而家番左3個月....


只試過1次係大肥陪我過full day...再唔係星期六夜晚出去食餐飯...


以前放親假大多都係佢屋企睇dvd 或者佢屋企附近行街...


而家有機會1齊放full day....我就想有咁遠去咁遠~~~


難得大肥拎左一星期大假.....所以呢個星期四可以陪到我去玩...


本身打算入長洲........大肥話來回都用左大半日....為咩咁辛苦...


本身又打算去CWB....但係又想搭咁耐車...


最後大肥話陪我北上......行下XDD


北上第一站大肥話同我去飲茶,,點知行左好耐好耐都搵唔到個酒樓...


行到一個商場.....見到鼎泰豐...


睇左個價錢....見到唔太貴就入去食.....


總括黎講......不過不失....比起台灣的.....差得緊要-,-


食左6-7樣野,找數$ 132


食完就出發往東門進發....


本身打算去東門整埋指甲.....但係難得既假期我又唔想大肥咁哂啦.....


所以行左一陣街....買左一件衫....


就決定轉戰按摩場....


一來~大肥番工番到好攰.....


二來.....我番工都要著少少爭既波仔鞋......


又會幫手搬野,隻腳同腰好多時都好鬼痛.....


今次按個陣都幾鬼痛.....


最後按完落番沙田同朋友食飯.....


仲去左一間化妝品公司買野.....原來去化妝品公司前一定要化定個靚妝囉


買左五百幾蚊野竟然....冇試用庄送.....


激到我....仲要態度唔係太好囉...


最後食左一餐飯就番屋企啦......


到而家我仲諗緊......我駁唔駁頭髮好,


朋友話唔好.....因為好傷頭髮....


但係我本身又想整番個頭變番深啡色.,.....加長d....


2009年11月19日 星期四

就快過試用期.....

轉個眼到月尾.....我係呢間學校就做左3個月....

雖然我覺得唔係做得特別開心,仲覺得唔知自己係度為D咩?

就係為左舒服既番工生活.....早前好朋友話佢公C請人叫我去試...

而呢份工就係係西武做Sales....同左屋企人講冇支持仲要比佢話番轉頭

都唔好話唔灰.....又係屋企人叫轉行,唔好成日搵文職.....而家轉做sales...又話唔岩我做......雖然知道阿媽係為我好,知我唔企得.....但係有時我又係度諗唔試過又點知自己真係做唔黎.....雖然之前都試過做1星期sales...都頂唔順....

係學校而家有個計劃~就係要我地sell 新生黎我地學校補習....仲要定左1個數量...雖然我地仲未到...但係聽到我主任話靠我個陣,的確有d 開心架,起碼比人知道我真係得架嗎....可惜對於人事上.....我依然做唔到......睇完2012 之後,我好認同,囝囝話其實佢地後父唔係男主角諗既咁衰.....其實我都唔期望全世界都鐘意我,但係我都唔希望我身邊既人唔鐘意我,個種感受好難受....

2009年10月30日 星期五

走回一段舊道路......

開始忍受不到咁既工作模式,接受唔到咁既工作伙伴......
我開始去搵第二份.....
原本琴日只有一份係上水既工見,打算見完番屋企訓餐死...夜晚先入屯門整埋last 一堂既蛋糕堂...
當琴日見完上水份工,打算再send d cv 出去既時間...
見到一份工叫我同日既下午時份去見工...
就係咁....隔左2個月......我的生日前日..
走回一段..熟悉既舊道路...荃灣...

記得當日....係我生日既前1日,同樣我都係要去荃灣見工...
打比一個人問路....最後都係說著我見完工再慢慢傾xdd
見完工我要入屯門拎朋友份禮物....

事隔2個月...我又係去係去荃灣見工...
同樣我又係打比同一個人問路.....
同樣我最後都係講同一句說話
同樣我見完工都係要去屯門..拎野...

事隔2個月...前者我還憂心何時搵到份工唔洗屋企人擔心
後者,我係想快d 搵到一份正正經經既文職.....唔想過住1d非人生活....

時間係過得好快架....

2009年10月20日 星期二

係我人緣唔夠,定係我唔識做人?

番左學校都有個半月.....唔知點解愈做愈唔開心

之前好恨番早,因為有得同朋友食飯行街....

而家好恨番夜,因為我番夜先叫得到少少歡樂

而家番親早冇人同自己講野,真係對於我呢個咁多講既野人黎講真係好辛苦

完全覺得自閉一樣.....

今日番12點~~到左3點都冇人同我講野,難道我真係要番補習班?

自從我話想星期三想番學之後,A 小姐同B 小姐就好似開始不斷咁暗串我....

一時又話D人係度做雙面人...唔係就話係度扮哂野,

一時就講D野句句針到你死.....

好似今日咁樣,由於我聽日本身要去上堂....

所以就番9點.....A小姐就問B小姐聽日番幾點,B小姐就話番2點囉

A小姐又話唉唷~你咁午先番,我會好掛住你,B小姐又話點解呀?

A小姐就話根係啦,冇你係度~我仲唔比人地激死咩?

言下之意~我估都係講緊我o者?

A小姐仲要話.....呀~你聽日番夜會唔會幫我抄野,B小姐話會~點會唔會

A小姐就話~咁我留番比你啦咁...言下之意當我冇到,完全唔打算叫我做啦~番早D野...

之後掂下佢D日校野,就好似黑口黑面咁.....有時真係唔知點樣做落去

有陣時佢等人收工個陣又問埋D我未必識既問題....

正當我唔識答既時候佢就會話你做左個幾月仲未識....你黠攪架....

好無奈囉.....咩事o者~咁多野,唔會一朝一直學得哂呀?

唉.....難道我真係要係試用期之前搵份工轉.....



2009年10月15日 星期四

Sweet Cake♥ 芒果忌廉蛋糕+ 提子,蜜瓜莎利蛋糕

上回講到我拾床記......拾完床就要去上堂....

去上堂就梗係去整蛋糕啦

今堂師傅文叔有事黎唔到,黎左另1位師傅黎救我地,

呢位師傅姓余既,佢既教學方式同文叔有d唔同~

但係佢生動較為令人受落....所以大家都幾鐘意呢位代課老師

今次整既蛋糕係《芒果忌廉蛋糕+ 提子,蜜瓜莎利蛋糕》

今日6點上44a 小巴....點知因為唔識路既關係,

個架小巴兜左好耐都未去到我想去既目的地

最後去到一個差唔多既地方落車,趕去搵間中心...

最後7點1 先去到個度,

一去到師傅就叫我地幫手磅左d野先,因為d人未到齊

經過上次既嘗試後,同學們已經好快咁磅好哂d野

所以今次整既速度都幾快....

加上今次師傅幫左我地好多....所以整既速度好快之餘

仲可以試食tim.....一句正....




芒果忌廉蛋糕



休息日.....拾床記

又到休息日,阿媽話不如你拾下你房個張床吧啦....


一於食左個Lunch 就開始拾我呢張好耐冇訓過既床...


由於張床係冇訓太耐加上又上放左好多好少用既野,好似我d袋呀~長褸呀


一路拾,一路睇番d好耐冇掂過既野,由其係d相片....


由其同那1個他的相片....真的有一些恨不到馬上把它們燒毀


但係想撕毀既時候...我又有d唔捨得....


最後我都係將佢地掉番佢地入個櫃度,


但係佢送比我公仔就決定把佢地掉左佢地....


始終回憶......相片就真係夠啦......


我都唔想再發惡夢....


但係由於我張床有好多好多尋夢園既書....


都打算出售佢地.....都要問阿妹先.....


 


2009年10月8日 星期四

休息日下的節目......學整蛋糕篇(栗子蛋糕)


自從轉左呢份工之後,我放假由以前既星期日改到而家既星期四,

由於星期四既關係,我出街既機會少左,

自己出街我又唔願出....

所以我決定係呢個過渡期入面做我一路以來好想做既野....

就係..........進修......

由於之前番個份工,根本係冇時間去讀書...所以而家咁hea 既時間

唔拎黎讀書真係對唔住自己

其實我都有D擔心自己唔得.....始於太耐冇掂過D書...

咩野都比番老師啦.....但係唔試過又唔點知呢....

所以由10月尾開始我星期三要番英文班........上到12月中....

休息五星期就讀出入口....希望我會Keep 得住啦....

而我既我休息日我都用左黎上堂....

唔係讀書.....反而學整蛋糕....仲要走到入屯門大興整.......

比人話我,學野都要入到咁差遠......

冇計.....我上網搵過就到星期四就只得屯門明愛....

又有人話......乜蛋糕都要學架咩?唔係上網跟住整咪得囉....

有天份既人...直情唔洗磅野都整到蛋糕...但係我冇天份....又冇咁既心機....

加上....上次整個個蛋糕失敗左之後...我已經唔敢再整.....

怕再失敗........但係今次當係興趣而整....又真係幾好玩...

琴日係我整蛋糕既第一堂.....但係一切唔係我諗既時間之內...

由於呢度整完蛋糕...就可以比你拎番個蛋糕走....

所以我琴日就打算係上水買左個盒先入屯門...

點知我係上水舊墟搵左勁耐間野都搵唔到......最後都要打去間鋪頭問,,,,,

買完即刻跑去搭小巴.....點知好死唔死撞正d人放工....條隊長到......

但係見到我平時搭入屯門架小巴....反而冇咩人排...仲有好多車...

即刻打比阿明問左.....搭呢架車點入大興.....

最終係好趕既時間入面終於趕到去上堂...

睇黎我都要買定幾個,等下次唔洗咁趕


等我講番我今堂,咁呢個課程...1堂會整2個蛋糕...
但係只for1個係比你拎走,1個for 係呢度食...
今次拎走既就係...栗子蛋糕...
雖然唔係一人整一個咁,但係我今次我每個部份我都有份幫手整過呀
雖然未必記得哂點樣整番個蛋糕出黎xdd
因為唔知可唔可以影相既關係,我都係等焗左既個蛋糕初型出黎..
先開始影相....但係都幾多相架xdd
由磅料,攪蛋再攪粉....
入焗爐....起版~切3份~再切蛋糕...落cream....
今次成功介個面....又成功切三份...
原來真係可以親手整個蛋糕出黎個滿足感真係好大...
雖然今次都要整黑森林....由於時間關係,好多都由師傅整哂...
但係2個蛋糕都好好食....由其係栗子蛋糕...唔太甜不得止,仲要d Cream 好企身,真係連埋蛋糕1齊...
唔知我本身個個係唔係都要咁呢...
真係好興奮....Yeah~~~期待下星期既"蜜桃、蜜瓜、提子蛋糕;雲石芝士蛋糕"
雲石芝士蛋糕仲要係拎得走呀!!!!!




詳細相片請到面書收睇...

2009年9月23日 星期三

一場惡夢.....

好耐好耐都冇打Blog啦,只因都係個一句...因為太懶啦

加上番左工之後都冇咩精力去打字...

雖然我份工真係唔係好辛苦

只係都需要精神....so.....都係個句...我太懶.....

講番主題先......近來總有幾天差不到起身的時候...

總會發夢....總會發到那個初戀男友....

好幾次總是發夢夢見之前和他的種種....

或者是回憶卦.....總是很害怕看到他的眼神......

早幾天,發了一個立即會嚇醒的夢....

故事就夢到我同屋企人去食飯.......

唔知點解食食下d飯....其實d食送黎哂...

突左黎左碟"德國咸豬手炒河粉"

我地話,我地冇叫呢碟咁既野啵...

之後個待應好似好難做咁....

之後突然有個人走黎比我張優惠卷我...

但係入面又寫左d野...

話我會係舊地方等你,不見不散...

睇到頭都大埋.....邊個比我架

點知一轉個頭又望到佢個眼神-,-

我已經即刻避左佢眼神....

當我地成家人食完飯走個陣,佢突然追出黎...

佢捉住我話....我會等你...

你一定要黎.....\

之後我就驚到即刻醒左.....

唉....都唔知係唔係前世同佢有仇

2009年9月12日 星期六

911 遲來生日飯局..

一個約左好耐好耐既飯局....


由當初話同我食生日飯到左琴日既慶祝我搵到份新工...


約左足足大半個月....我地終於食得成呢餐晚飯


琴日我揀左上次食生日飯既地方食...


就係"歌德餐廳"....


由晚上8:30 食飯吹水到11點30先走人...


足足吹足3個鐘~上至公司事下至講D八卦野.....


呢3個鐘入面好開心,好享受....


同事們都話個環境好正....雖然一到九點就好嘈


希望仲會有下一次既聚會...


----------------------------------------


題外話...


近來學校多左一位數學老師.......他給我的感覺好似我的初戀情人...


雖然聲音不似樣子亦不似....只是每次看到他的片段.....


由他的外型到他的衣著.......真的令我覺得好像....


或許我的初戀男友是一個斯文的男生...


令我往後喜歡的男孩,男友亦都係斯文男生....


或許是種情義結.....XDD


近來每當我是夜回家的日子,每當是由那一條道路


每一次亦會看到一位男孩.坐左椅子上打著PSP...


第一次遇見,發覺他很面善....


第二次遇見,發覺他很像一個人


第三次遇見,發覺他很像一個舊情人...


第四次遇見,會估他是否是那一個他?


當第五,第六次的時候......就認為看到他就知我那天很晚回家了.....


這兩個舊情人.....卻讓我遇到一個像他們的人....


是命中註定....還是他們令我印象深刻?


這個不理定斷了...


 


 


2009年9月8日 星期二

09/09/09 特別的一天

今日係一個超特別既日子......因為今日係09年9月9日~~


都唔冇咩可能再有第二日,係呢1個咁特別既日子入面


我有一位好好朋友,係呢一個好特別既日子入面


同佢最愛既男人走入另一個階段....


我真係"登"佢幸福快樂,雖然我未能親身的跟她說聲新婚快樂...


雖然我沒法親身的看到她幸福的一面,


但是.....我知道我對她的祝福~


她是知道的,我最希望朋友你.......今年結婚~


下年生b....最好出生日期都係10年10月10日~~


咁就最完美啦......新婚快樂!!!Iris~


______________________________________________________________________


今日約左另一位朋友出黎食飯+送番份生日禮物比佢~~


慶幸今日可以收早......7點已經出到去旺角啦.....


本身打算去左買左禮物先,但係唔岩既關係...


正當陪朋友去拎錢既時候....我突然講我好想睇"孤疑 (Orphan)"

mov


其實我都冇打算朋友會陪我睇呢d戲


因為識得我既人都知道我係唔睇得鬼戲同恐怖片...


因為坐我隔離既人會好慘....


朋友話佢都有興趣睇呢套戲....


就即刻去左百老匯睇下有冇位....又咁岩得好彩比我地睇到7:50 個場


成場戲冇我所想恐怖到咁.....雖然都有嚇位....但係都有笑位....


所以3級.....我都唔明點解....但係後尾個細個囡不斷殺人我個陣真係好驚...


雖然短短的一個晚上...是興起的約會


其實我都幾享受放工之後仲可以同身邊既朋友去下街咁...


雖然我而家番工番到好攰....


因為實在太早起身啦......好攰呀!!!!


朋友們~如果要玩足一日,煩請請預早約定呀!!!


2009年9月5日 星期六

一星期後的番工生活.....

轉眼間......番左呢度一星期......

反觀九月份開始的確開始忙番D....的確真係冇咁Hea...

始終學生要開學.....又加上d 咩"三三四" 又加上d 最後一年會考...

今個九月真係好多人黎左報名....

但係我都冇減低到我唔想做既感覺....

反而我愈黎愈想唔撈.....真係唔知點解...

由其放假個日真係攰到想死....雖然我唔洗企又洗搬野,但係真係好攰....

最重要係....我番慣左d 寫字樓時間...放星期六,日紅日....

完全唔慣星期六,日番工......

正當我每次提起我不想做的時候....總人給他人說.....難道你喜歡每日加班的生活嗎?

冇咩人會鐘意過d要加班既生活....冇咩人會鐘意比人鬧...

但係你話我犯賤都好....我完全接受唔到呢份工既生活節奏....

好攰.....我想做番一個正正常常既文員......
唉.....呷完一大輪之後.....我都係要繼續做......
只希望打後都係比我番10-6啦~~~
出街都方便d...





2009年8月26日 星期三

一間又奇怪又恐怖既公司........

****如果呢篇Blog再出唔到,我就以後唔再打Blog*****

話說我星期一有一份文職既工可以番wor,聽到都開心啦,話哂都hea左咁耐,加上而家真係超難搵到工做,所以我滿心希望做得長份工.....點知...

係滿懷希望既心情下行去火炭既番工地方,其實真係好熱..好彩我唔係著住套OL套裝...

番去到D人仔都未番到,等個姐姐係度,佢仲同我講老闆娘冇咁早番,起碼9點半先番唔係卦,終於等到9點齊左D人仔啦,之後男同事就打左比老闆娘話我黎左番工,就叫女同事話口頭上教D開單既野啦....

好啦,終於等到老闆娘番工啦!本身女同事係口頭上教我做既野,我抄底左係自己本Notes上面,老闆娘即刻話唔得....1定要抄落佢本簿度,仲要我比佢tim....即刻-口-冇野呀?筆記咋wor咁都唔可以抄落自己度?算啦...咁話咁我費時出聲啦....之後我開左部電腦...但係部機set 左PW,老闆娘又好似驚死我偷睇咁,又要我行開又要遮左黎打....又1-口- 事件..

之後打算開份文件,點知一準備開之時,部機Lag 到郁都郁唔到...老闆娘話係呀部腦條Ram壞左...遲d我會搵人黎整....

之後攪左好耐都郁唔到....老闆忍唔住就問對上個次邊個用過部腦呀?老闆娘即刻話咪係Angel 囉,係星期五Angel 試左工之後冇人用過啦.....又再-口- 1次囉,我只係打左2篇中英文打字咋wor,我用緊個陣已經開緊機架啦wor....冇野呀?算數....

終於開到部機啦.....終於可以開單啦....已經係10點半啦....女同事就教我d 次序啦,改d咩啦...點知老闆突然話比張貓紙咪得囉,老闆娘即刻話係囉睇貓紙就得啦,阿"jan li"都係咁做,都係睇住貓紙做咋嗎........

之後要開個文件,我完全唔知係邊度搵份野出黎,我問老闆娘份野係邊個文件夾入面,老闆娘就話你貓紙啦.....阿"jan la"都係睇住貓紙咁做,佢都做左一個月架啦,佢都係睇貓紙做到d野,手板眼見功夫.....x20次以上....(一日內)

冇錯冇錯~阿"jan li"做落既野,無論開單好,定係做存貨出貨紀錄都唔難做,真係手板眼見功夫....但係作為1個新人,即使我幾有經驗都好,我未知你d野係點跟既時候....Sorry我真係唔岩亂黎....

終於開完單啦,我就做佢地d存貨出貨紀錄,你有數量你要打入去唔難,係食飯時~我已經完成2間公司係一星期前既數.....

老闆娘就不斷要係部簿仔入面寫低你1日入面做左d咩,加上佢仲要睇埋我d貓紙.....我完全唔知佢諗緊咩,唔知點解佢要咁做......成日係度講(阿"jan la"都係睇住貓紙咁做,佢都做左一個月架啦,佢都係睇貓紙做到d野,手板眼見功夫),(劉生既做法就同劉太既做法1樣~1定係岩既...)

好辛苦等到食飯.....我忍唔住即刻打比媽咪呷個公司d野....

我落街買外賣之後,上番去~老闆娘又話我啦wor,Angel 我地呢度落街食飯要打咭架,你聽日可以帶飯番黎食.....-口-

好啦...打算上下網啦~~點知原來個間公司係冇上網既,仲要係寫住...公司電腦不得作用私人用途.....唯有玩下接龍~睇下頭條日報啦....

係準備開工個陣~我又八卦既心態...睇下條Ram 壞左...仲有幾多係度...唔睇由至可...1睇就嚇死我....得番96mb 係度...唔怪得我部電腦可以一開文件就Lag 機,用老鼠 check 份文件就會唔郁...救命....老闆娘仲話部電腦之前好貴買番黎啦,應該唔會咁易壞.....

好啦~到下午開工...我問老闆娘....你有冇D咩野要我做呀?即係我覺得你叫Filling,入下Data 呢d野我覺得我做得掂....反而佢叫我睇阿"jan li"做落d文件....好啦....睇囉....慢慢按慢慢睇....睇左一個鐘都睇哂,再問老闆娘有冇野我做呀~老闆娘依然講你睇文件啦.....睇到我發火啦....佢終於搵左大家樂d data 我入啦....

佢就叫左男同事拎本簿係佢(木台)面,再叫我係佢(木台)面上面拎番部簿入個data wor....其實我覺得點解唔直接叫男同事拎黎我(木台)面,都係差幾步路jer...好啦,我入到咁上下,有條數唔對路...我就走去個個同事位度問佢,老闆娘即刻又話~你睇貓紙啦,唔好阻住人地做野,你有咩問我....好啦,我就問佢啦,佢話你睇下貓紙先啦,你問我我都係睇番份野先教你,但係呢樣野係都係問番當事人...好啦...咁我就見到男同事行過黎Fax,順便問埋佢呢條數入落個位jer....老闆娘又話都叫左你問我先架啦,男同事要幫老闆比較d價錢呀...最後男同事都幫左我一口,你又叫問當事人,我咪係當事人囉,老闆娘又話你要幫老闆計數嗎...咪阻住你囉...

我之後我已經完全唔想理佢.....佢一行開~其他同事就係度吹水~我就梗係玩接龍啦...

最後5點半有得收工...我即刻問埋老闆娘,試工試幾耐架?佢話唔定架,以睇表現,我話係唔係試完工先傾人工,佢話係呀,我再問咁係唔係試工冇錢架?....佢靜左一陣,先問係....我再問星期六洗唔洗番~佢話你預收2點左右....

到左第二日我冇再番呢份工.....我完全覺得呢間公司係變態....都唔知點請人..

2009年8月19日 星期三

09 Birthday Week---11/8 Birthday Dinner

去完迪迪尼,其實我已經餓得緊要......

本身同陳生打算去晚飯...但係我個好姊妹Vicky打黎話同我食餐飯...

咁唯有再等佢啦,當時我真係餓,到有d腳軟...

之後Vicky 約我去夏雪食飯,其實呢間野都食過一次...都好耐歷史lu~~~

但係陳生話太攰都冇同我地一齊去食....

我同Vicky係度等位期間等埋 Crystal.....

由於間野太旺場......等到10點45分先可以上去食飯.....

但我已經餓到唔識肚餓...

上到去不斷叫叫叫叫野食...










食下野吹下水咁.....都食完哂d野......

但係我仲好肚餓.......所以打算再叫之時,

Vicky唔比我再叫.....心諗....即係想講唔係卦,我好餓呀.....

最後只叫左個碟花之戀....係等緊野之際......

突然有個生日蛋糕出現.....當時係11點55分.....

好驚喜.....好開心....係快完結左既生日...

食到最後一個唔再係雪糕既蛋糕....



2009年8月13日 星期四

09 Birthday Week---10/8 生日前夕飯局

終於星期一啦...我既生日前夕.....

不過今日既行程非常之咁緊張

因為全部時間夾哂係黃昏至夜晚既時間.....

我既行程就係要

4:00 落到荃灣見工.

要入屯門拎Mr Chan份生日禮物...

出番上水同2個朋友食飯

再要入番屯門過我既十二點

最後多謝RX 給我意見,再由屋企出發去荃灣→入屯門拎禮物→落番上水食飯→番屋企換衫→入番屯門過12點

就係咁樣我就搭車入荃灣見工....可惜該公C 話我開既價錢較高...如果咁都高我都真係唔知點做......所以見左5分鐘唔夠就叫左我走......亦因為咁,我避左一場大雨,但亦望到個天咁黑既時候我都好擔心我聽日既迪迪尼之旅.....

見完工我就行去搭車入屯門.....架車行緊既途中...D雨大到我以為打緊八號風球,好在我依然係架車入面...唔係我都唔知點行呀真係.....

好彩落到屯門一粒雨都冇,但係要入去搵Mr.Chan 既工作地方真係好難搵,因為我好日都唔去....兜兜轉轉終於搵到....一份一定要過12點先拆既禮物....

拎完份禮物我就落番去上水join 番我2個朋友.....Belam 同阿敏去上水食青森....
呢間日本野唔知我太大響里定點~雖然細細間但係d野食都幾大碟下...
好似三文魚壽司咁......好似大快活廣告咁......成尺長既三文魚.....最衰我個陣未拎相機...1定影比你地睇,同埋d幔魚又係成尺長.....wa~~~正..
之後又叫左d沙津啦~炒烏冬呀,其他壽C等等......吹左好耐水~真係好耐冇見但係好多野傾.....多謝哂2位陪我食餐生日飯~
食完飯阿君先講原來佢有帶相機出黎......所以我地就去左一個商場打算影相...
點知個公園因為落雨關係暫停開放.....唔緊要啦~我地下次再影過啦
飲飽食醉就係時候番屋企沖涼出發落屯門....


試機....


With my friend 阿敏~


唔知點解突然曝光~但係睇一睇我地既笑容係一致的xdd

09 Birthday Week---9/8 Sweet Day

終於到星期日,就係同大肥既拍拖日啦~~

不過佢呢日就成3點都未落番黎HK......

足足等到3點半先約係上水等...

咁呢日佢就神神秘秘話去買龜令膏....

實際上佢係想帶我買電話.....

因為我部電話成日自動熄機攪到好多人都搵唔到我.....

呢個問題存在左好耐.......唉~LG 機真係玩唔過....

而佢打算送比我部電話就 HTC 既 MAGIC

HTC 機我用都用過....買比我都唔識用

我話就不如你送第2樣野比我啦

真係非買電話不可就買番SE . N機好過....

佢就話非HTC 機不買....最後佢話要等買Hero 出.....

最後佢都係講左一句....送咩比你都band-,-

我都只係唔想你哂咁錢買部機比我...

09 Birthday Week---8/8 BBQ from Mona'Home

食完咁正既晚飯後...第2日又食過....今次就去一個舊同事屋企度,
當時我就快唔做個陣都已經講話要去多一次bbq
雖然今次唔係真係幫我攪生日....但係我當係架啦~

當日一早就搭車入左KWB 打算去報毅進~嘩~去到九展個度D人多到以為排D咩隊,成萬人都有~最後我同阿妹都冇再排~去左Mega box 既M 記度hea ~~~

hea到咁上下就同左阿妹去行大眾...竟然搵到阿妹一路想買既書~就係咁~買完書~就送番阿妹去巴士站番粉嶺~而我就番去信和中心等佢地~~

終於等到佢地~就係咁我地就入去Mona 屋企~佢地就梗加開木台啦~而我就係度睇電影啦~~

到左5點幾左右~就準備bbq.....真係好肚餓~開始我地既bbq啦~~
首先燒左d易燒既野先啦~~~到左中段何生就整佢地牛扒....
真係爆好食....到而家都想食番呀!!!

食到咁上下~就要做下運動~就係打wiil啦~~
真係好耐好耐冇玩過....因為某人部機唔拎去update我就玩唔到啦

由於我太耐冇玩過既關係,....我竟然....竟然.....輸左比個o靚妹....

最後食到11點幾就走人啦...番到屋企~12點15分....

好滿足既一日...

09 Birthday Week---7/8 Feon & Angel Birthday Dinner

(岩岩打好哂篇野...一個錯手又冇哂...)

今年生日過得超級咁開心,因為我有一班好友於整個星期馬拉松式咁同我食飯去玩,
足足由7/8 玩到 12/8 ,連阿媽阿妹都話~每日起身見到你仲訓緊,番到黎又唔見左我...

今年生日玩足哂我一路想去既地方,做既野,但係開心過後我就真真正正去搵番一份文職工作,唔可以再懶落去啦....雖然我仲好想休息~

今次呢個生日飯局,壽星除左我之外仲有阿Fe既...今次生日既驚喜呢就出動左阿Fe 既2個靚妹~哈哈,真係好危呀,,,因為我地係樓下見到阿fe 呀~好彩大妹醒目....一眼關七見到...唔係呢個就唔係驚喜啦....

而我就唔係冇驚喜.....而我呢驚喜就係一段片...係阿六搵哂我地幾個去拍啦~最估唔到連"寶貝"都出動埋~果然勁呀你!!!!完全嗚謝yuky baby 情願唔拍寫真都黎為我拍片..iris 整親隻腳都出黎為我拍片.,,當然唔少得阿fe 既生日歌啦~~特別嗚謝 RX 要左搵右搵D人仔出黎.........

由於上年既驚喜過份的大,所以今年要過得平平淡淡一點~~今次餐我地揀左MK既歌德餐廳....環境唔錯~野食又夠大碟...價錢都唔錯...

而我既生日禮物方面,係一個沖涼磨沙,RX知我手脾上面有D唔知咩黎既粒粒..希望呢D可以幫到我啦XDD

睇下個晚既精彩照片....


當時係用手機版睇緊段片....而係聽唔到講咩~



09年第一個生日蛋糕~~~


希望我中六合彩~嫁個有錢人~唔洗再做做野.....通通都唔係我生日願望XDD








人地合"緊"交杯~我地合"緊"交士多啤梨~~XDD

實際上粒士多啤梨好鬼凍~~~

2009年7月5日 星期日

大肥生日大作戰.....前夕

聽日.....就係大肥生日啦


今年黎個驚喜.....


就係整個Hand made Cake~


嘻~~唔知整唔整得成呢.....


今晚就有成果架啦


由於聽日開始要收膠袋費,所以今年生日都係冇假放xdd


冇計啦.....唯有諗計仔....


哄下佢啦......雖然...佢前2日激到我死死下.....


但係始終好似rx 咁講~~~


都係生日......算啦~~


套公仔我又買左囉....


加上佢又肯買隻Love & Kisses 既介子比我>w<


(但係又比佢話我之前買比你個隻又唔見你帶....)


仲買左雪糕比我食>w<肥死啦......唔理啦.....


今次就算啦.....


今年我送上一個Porker 既啡色書包型袋...


上次個男Sales 試得好好睇....佢仲好靚仔...


可惜唔夠高........都係差dddd


再加1個.....朱古力吐魯夫蛋糕


希望佢今年都會開開心心啦


 




我既新寵呀xdd今次唔會唔見啦...


2009年6月30日 星期二

2009台北之旅~~-Day 2

黎到第二日啦~~~


但係第二日冇我開頭既預算.......


一心諗住去好多好多地方~~


點知失哂預算....


食完個好難食既早餐~~~就出發去台北車站


由淡水上車........我諗要搭大半粒鐘~~


我就訓足半粒鐘~~~


但係唔講唔知捷運有分藍色同紅色"登"架


好似紅色係比老人家同傷殘坐架.......


終於去到台北車站~~~


差不多十一點~~~~


打算行1陣台北車站入面條街~


點知所以鋪頭都未開~


打算出左去書局街先~~


點知本旅遊書係呃人既.....


d出口完完全全唔岩...


搵到個人都攰埋...總算出到去....


點知又落雨......唉.....超煩....


好彩好快有得傘一傘~~~


好快就見到一間4層高既書局~


我地就入去睇睇啦


唔知係唔係因為個人太攰既關係~


睇睇下,我好似比人催眠好想訓教....


坐係度訓著左.....-口-真係有d救命....


我問阿妹幾時走好,阿妹又話想行多陣~~


點知睇多陣,阿妹話可以走之際


F 又唔見左,阿妹上去搵佢又唔見人


足足搵哂4層都係唔見左佢...


我同阿妹講,......我地係度等佢....


點知半個鐘頭後佢終於出黎.....


仲問我地幾時走得....


係呢間書局~我地足足坐足個半鐘


跟住打算再行下d書局啦






2009年6月28日 星期日

2009台北之旅~~~Day 1

由於我地個團係早機去晚機番既關係...


我地既上機時候就係8:00 坐港龍機!


導遊係前2日前黎叫我地6:00 去到機場,


詢問左糖糖意見後,我地決定搭頭班既A43


已經預先叫左 F 黎我屋企訓先,


因為怕佢唔知醒既關係.....


由於頭班車開出時間係5:15分


阿妹佢地4:30 已經叫醒左我....


我前一晚成2點幾先訓呀!大佬.........


最後我地3行人浩浩蕩蕩咁出發去機場,


我地準備6:30 到達機場XDD


足足遲左半個鐘~~即刻去左大快活食早餐


點知都未食得哂又話要趕去禁區


好趕呀.......好快就準備上機....


坐左一陣就又話食早餐......



由呢一刻開始......我個肚從未試過肚餓.....


直至我番黎香港為止....


由於F 咁遲先拎到Passport 既關係...


我根本冇時間去整台整...


所以我地一落機就要分開做野...


一個唱錢,一個排隊整台証...


由於台灣唱錢唔同泰國....


唔係周圍都可以唱錢....


個個都要係機場度唱錢....


攪到我等左好耐.....都未唱到台幣番黎....


當唱到個陣......又好多人排隊整台証...


又怕D 團友等我地~~


其實我都好心急......


好在......出到去~我地都唔係最遲個個XDD


等齊人~~我地就出發去台北市啦....


第一站~又係食...."鼎泰豐"


可惜天公不做美.....


差不多去到台北市個陣都覺得個天好黑....


入到市內仲要落雨....


導遊琴姐話~"上星期日日都成35度~完全唔想出街


都估估地到會落雨或者打風架啦,但係我地個天文台又話天晴


所以唔好多信台灣個天文台"


其實我地香港個個都差唔幾jer~


或者應該話天氣變化莫測


係平凡人估唔到....


一落車就要拎左把傘做人啦.....


我報呢個團都係因為有得試鼎泰豐



不得不提......鼎泰豐d 女待應又真係幾鬼靚


又開始開飯啦.....其實我唔多肚餓


但係黎度梗係要食啦...


呢個一人一隻既....蟹粉小籠包~




呢個係一人2隻既小籠包~


但係為左呢個小籠包~都攪左好耐....


因為唔夠數~~唉.....


我d國語又有限...d人又唔幫手講....


攪左好耐先黎齊數........



左面係"九"菜"食交",右面唔記得....



呢個係甜品~~豆沙包..激讚!!!!


都係每人一隻.....


尚有酸辣湯同炒飯....


食飽飽........就出發去第二個景點....


本身話打算上九份~落到咁大雨點上去呀!!!


最後改為去左 101 先~再睇天氣決定去定唔去.....



大雨下既101 ~~你話個天係唔係真係好黑......



台灣人好信風水.......所以101 都要如意吉祥拎整架,,,,



101太似 海港城得個睇冇得買.....


阿妹突然話想去誠品行下....


真係考起我....雖然琴姐講過下點行.....


但係我冇專心聽....我只係唔知咩最高個座就係.....


仲要咁大雨行過去.....


阿妹出到聲.......點都死過去啦....


好在.....都比我地搵到....



我叫阿妹去影一張到此一遊誠品站~~XDD


短短半個鐘~~~


我地3個都有收獲~~~除左F 之外...


有個小插曲~因為阿妹唔記得拎番把傘既關係....


要上番4/F 拎,我地就係地下個層等佢...


點知F 又話想去行多陣,我話好啦....


點知阿妹出番黎....F 都仲未見人....


攪到要出動搵人.....


唉......最終佢都自動走番出黎....


仲話姐姐~我頭先好驚呀~我唔知自己去左邊


心諗....救命......-口-


最後我地用10分鐘既路程就行到去101


集合完之後.......由於愈黎愈大雨既關係....


放棄左去 九份改為去木柵動物園...


大家都話唔係卦.....大雨去動物園


琴姐話如果日日都落雨....咁動物園咪唔洗去....


你都咁講....我地有咩好講Wor~


就係咁....我地就出發去木柵動物園啦


同事卡話呢個動物園行4粒鐘都行唔完....


但係琴姐只係比2粒鐘我地行.....


真係趕頭趕命,........仲要落住雨...


唉.....慘過咩....


#1 門口



#2



#3



其實我係見到蛇會起哂雞皮既...人...


#4



呢張相不得不放啦...


阿妹話見到朋友~要打聲招呼XDD


#5



超正企鵝~超正既館~最舒服既展覽館~~XDD


好似公仔....但係真係識郁架...


#6



#7



呢隻野叫做Puma......你冇睇錯~佢真係叫做Puma


但係佢好串....


為左影佢轉過黎....我地足足企左10分鐘~


不斷喂佢~叫佢....咩都做齊.....


最後比我地影左相佢就走左啦xdd


#8



呢d 咪叫做回頭一笑囉xdd


#9



#10



#11




呢d 動物相都係阿妹影.....因為落雨我已經毫冇心機去影d 相番黎.....


終於完結雨中動物園之旅......


我地就上車去出發去士林夜市...


個個都叫我去士林一定要食



我地4個人食一塊都覺得好夠....



呢個又叫做大腸包小腸~~


係麵包入面包左條腸~~爆熱氣....



F 買的小吃....忘記左叫咩名


最後妹妹同F 各買了2條頸鏈同1頂帽


我就買左5對小人"物"


小豬著個一隻.....因為好友愛小豬


所以就買黎送比佢做手信啦


係士林行一輪~~就去我地既酒店進發,,,,,,


我地住既酒店係淡水既福格酒店....


我聽到都覺得死死地.....淡水....唔好再遠D


當去到酒店.....我真係好想即刻去沖涼...


但係琴姐話叫我地15分鐘後好落黎....


帶我地去行夜市....


好啦~放底D 野就準備落樓啦


酒店都尚算可以....




進發去淡水夜行,,,,,


我地到達個陣大約 9:00PM


但係好多鋪頭都關門.....


咁叫夜市唔係卦......


咁都行下睇下有咩買啦.....



咁大塊既魷魚你係香港有冇可能食到......


都係港紙 13左右....


抵食呀!!!足足呢一晚我地食左3串....



咁長既雪糕......睇就真睇得多....


食~你又食過未?


大杯庄都係港紙 $ 5~~~


但係唔多好食....冰黎既....



行下都唔知有咩好行~想搵番阿妹又唔見佢地...


足足等左半個鐘~係相約既時間係門口等


佢地話岩岩行完一個圈....


Orz........點樣行都唔行唔到1粒鐘呀....


最後我地係台灣既惠康買左好多Lemon CC


都係 4蚊一枝~~抵到爛呀!!!


就係咁完左第一日既行程啦


第二日係Full Day Free~~~


【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...