2009年8月13日 星期四

09 Birthday Week---7/8 Feon & Angel Birthday Dinner

(岩岩打好哂篇野...一個錯手又冇哂...)

今年生日過得超級咁開心,因為我有一班好友於整個星期馬拉松式咁同我食飯去玩,
足足由7/8 玩到 12/8 ,連阿媽阿妹都話~每日起身見到你仲訓緊,番到黎又唔見左我...

今年生日玩足哂我一路想去既地方,做既野,但係開心過後我就真真正正去搵番一份文職工作,唔可以再懶落去啦....雖然我仲好想休息~

今次呢個生日飯局,壽星除左我之外仲有阿Fe既...今次生日既驚喜呢就出動左阿Fe 既2個靚妹~哈哈,真係好危呀,,,因為我地係樓下見到阿fe 呀~好彩大妹醒目....一眼關七見到...唔係呢個就唔係驚喜啦....

而我就唔係冇驚喜.....而我呢驚喜就係一段片...係阿六搵哂我地幾個去拍啦~最估唔到連"寶貝"都出動埋~果然勁呀你!!!!完全嗚謝yuky baby 情願唔拍寫真都黎為我拍片..iris 整親隻腳都出黎為我拍片.,,當然唔少得阿fe 既生日歌啦~~特別嗚謝 RX 要左搵右搵D人仔出黎.........

由於上年既驚喜過份的大,所以今年要過得平平淡淡一點~~今次餐我地揀左MK既歌德餐廳....環境唔錯~野食又夠大碟...價錢都唔錯...

而我既生日禮物方面,係一個沖涼磨沙,RX知我手脾上面有D唔知咩黎既粒粒..希望呢D可以幫到我啦XDD

睇下個晚既精彩照片....


當時係用手機版睇緊段片....而係聽唔到講咩~



09年第一個生日蛋糕~~~


希望我中六合彩~嫁個有錢人~唔洗再做做野.....通通都唔係我生日願望XDD








人地合"緊"交杯~我地合"緊"交士多啤梨~~XDD

實際上粒士多啤梨好鬼凍~~~

3 則留言:

  1. 個願望...真現實......=.=""
    [版主回覆08/14/2009 13:09:00]你有冇睇到後面個句~~~
    全部都唔係呀>w<
    願望梗係唔會講出黎啦

    回覆刪除
  2. 驚喜一次就夠. 再黎就唔驚喜架喇. xddd
    再一次祝你生日快樂~心想事成.
    [版主回覆08/14/2009 13:09:00]多謝Yukybaby~~
    今日正正常常咁都過得好開心呀!~^^
     

    回覆刪除
  3. 嘩, 咁咪好貴囉~! 呢間餐廳我食過一次, 果真係唔平架喎~......
    你個生日願望....你條仔都好大壓力下播~ ^_^"......
    [版主回覆08/15/2009 01:30:00]間餐廳既價錢都可以接受啦....但係都ok好食
    你地個個都冇人地後面個句..”通通都唔係"

    回覆刪除

【保養】▌只需要10mins ✨ 給肌膚享受三種不同功效 ❤ ▌

炎炎夏日,又熱又焗既天氣真心唔好受 加上空氣污驗,天氣影響真係 放完工番到屋企都覺得成面係塵同油呀 即使係岩岩番到公司,都會成頭汗同成面油咁 真係唔知可以點解決呢個咁難頂既夏天 早前就收到b.liv 既最新產品 O2 bubbly bright  O...