2008年8月17日 星期日

嚇死既大結局!!!!!?

話說星期5晚捱住眼訓都想睇埋套大結局.....


點知睇中其中一場真係眼訓都嚇醒呀!!!


個日仲要係鬼節黎.....真係嚇屎左呀!!!


原來唔係得我一個覺得.....


睇下以下報導!!!


胡杏兒「飄出鏡」嚇倒觀眾 鬼節深夜播《當狗愛上貓》大結局


【明報專訊】羅嘉良、胡杏兒主演的無綫劇集《當狗愛上貓》,前晚播映兩小時的大結局,但為了遷就奧運「中美女排大戰」,劇集順延1小時於晚上10時30分至12時30分播出。(咪係....心諗你快d 做完套排球啦,打極都係咁樣)



當播映至尾聲,劇情講述胡杏兒發現羅嘉良未死,在醫院柱後發現他時,胡杏兒緩緩「飄」入鏡的一幕,令人不寒而慄;加上適值盂蘭節(俗稱鬼節)期間及深夜時分,被網民指是「鬼節嚇鬼,變鬼片」,不少人被這恐怖一幕嚇到在電視前尖叫。(雖然我冇尖叫....但係我都即刻由訓係度變左彈左起身)


前晚播映的《當狗愛上貓》大結局,劇情中兩人重逢原本是感動高潮位,但胡杏兒猶如「女鬼」般入鏡,卻換來驚嚇效果,令人意想不到。(咪就係.....即刻咩睡魔都比佢嚇死呀!!!好心唔好拍成咁啦)


網友亦批評羅嘉良為免胡杏兒傷心,假死辦喪禮一幕非常牽強,部分劇情更不連貫,感覺似被刪剪過。不過,兩隻動物小巴及Can Can溫馨「談情」戲,卻獲得觀眾讚賞。(咪係~突然又話佢死左攪喪禮,但係轉個頭又話佢係度喎...都唔知佢係鬼定人呀!!唔係見到Carson 扶左佢都唔知佢係人!!!但係真好鬼鐘意小巴.....同埋好多謝配音個個人咁入到佢既神"水")


慢鏡播放交代劇情


《當狗愛上貓》監製關永忠解釋,胡杏兒「飄」入鏡的效果,是採用了慢鏡播放,交代她幾經辛苦終於找到羅嘉良,他想不到觀眾有如此反應。對於羅嘉良假死辦喪禮被形容劇情牽強,關永忠說:「只是希望玩一玩效果,讓羅嘉良聽到大家向他致的悼辭。」關永忠承認部分劇情有刪減,顯得劇情有點不連貫,「因要配合結尾兩小時播出版本」。(玩一玩,係都唔係搵咁既日子玩啦....嚇死成千上萬既觀眾架嗎,個個捱住眼訓睇你套大結局攪到咁樣.....真係呀)


想知點解會嚇死人.....有張相比你地睇睇


但係真係唔好係夜深睇.....真係會嚇死....


雖然冇電視咁恐怖......但係咁樣都幾嚇人.....


睇下嘉良個樣就知啦......



 


2008年8月11日 星期一

My 21 Birthday'ssssss ------嗚謝篇

終於完結我呢個21歲生日....
好多謝每一位曾經為我生日出盡腦力心機時間以及忍口時間
好多謝每一位令我今年生日由絕對失望變絕對快樂+興奮....(睇我打左咁多篇就知)

特別嗚謝:
Yuky ,
多謝你為我同Feon 既生日出盡心機,要你計劃2個月絕唔係一個小問題....我知道你當中本身都有自家既煩惱...但係你想我地有個驚喜生日,亦不計教咁搵人,搵地方,搵禮物....呢樣野唔係個個都有心機去做...真係好真心想同你講一聲多謝....你既生日我地未必做到咁驚喜但係亦希望我地以後既每一年都係咁開心...驚喜一年就夠...我都唔想每年都喊一次嗎....多謝...

Iris,RX,七七,阿King
多謝你地幾位忍到口唔爆比我知道你地有個咁既Party,唔係我唔會咁驚喜喊到咁樣....下次我唔會睇下地下有冇袋架啦.....真係多謝你地肯陪我過一個咁難忘既生日......

Queenie同阿船
多謝你2個識做我地party既特別嘉賓...由其你呀~Queenie你出黎真係令我又開心又快樂....多謝你地寫比我既每一句話....我會用心記住...希望唔止呢一次出黎啦

Vicky,
多謝你即使冇人陪我都搵d人出黎,雖然未必係一班人,但係我知道你既心意,你買比我既生日蛋糕,你送我既禮物每一樣野都放哂係我心度....你送既每一樣野都好好心意,你係我一世既好友,冇人能及你....我地識足9年.....雖然我地唔會成日聯絡,但係大家一有事都即時諗起對方....真係好想真心說一聲多謝你Vicky....你給我的無限心意.....我真係知道....我真係知道你係幾為我而想....你呢個朋友我冇識錯....

最重要既.....梗係禾的醉唉啦....
大肥...多謝你今年為我準備既禮物.....本以為你唔會買我想要既野比我....原來你永遠都係殺我一個措手不及,真係好想講我真係有d想你送介子比我個陣同我求婚架...我都艮白而家未係時候.....等多幾年....你成日都話隨緣啦...到時想結就結...每個人都以為我拍左好耐.....嘻...我已認定你係我將既另一伴啦.....Love You so much....



多謝咁多位留祝福比我,多謝咁多位SMS 比我既人,呢個生日可以咁難忘都多得各界既大大幫助......今年我既生日....真係21年內我最開心最感動最驚喜最多眼淚既一個生日......冇你地我冇呢個咁難忘既生日,冇你地無限既愛,我唔會知道我真係好幸福....真心說一聲多謝....



由於相片未完全收齊既關係......將於日內POST 番哂....THX

My 21 Birthday'ssssss ------禮物篇

首選就梗係Yuky ,iris 同Feon 夾份比我既砌圖同生日卡&壽包....
原來我真係好冇用心睇每份禮物.....收到砌圖時好驚喜真係既...
但係生日卡原來....右面張相有意思架.....大大個蛋糕同Angel嗎xddd
阿媽唔講我都唔諗到~阿媽係心水清d

第二份....就梗係大肥既白金鑽石介子啦同21枝花啦
真係好重手筆,但係我好肉赤.....
21枝花代表住我今年既生日歲數....
但係阿媽話太多花冇位放xdd下年唔好再送....xdd

第三份...就梗係我好知己Vicky 送既禮物....
係一條頸鏈....係3個M字....真係好靚架...
但係我又諗...點都應該係A唔係M啦....
又太攰既關係我又放棄左諗佢喎....
原來.....係有意思架.....
點解唔送A字要送M字呢....
就由心水清既媽媽幫我解答左...
M字代表我?點解M字代表我呢?因為我個名有個雯字...雯字既英文係MAN
順班成章就梗係送個M字好過送個A字啦...
一聽到個解釋真係又想喊囉....好有心思既禮物

第四份.....就梗係朋友丁....送比我既一套Free 沙龍啦....沒有靚人靚衫...
但係影出最自然既相片......呢份禮物我會好好珍惜...下次你要收錢啦..

第五份就係 12點後先出現既神秘嘉賓送既米奇裝飾燈....都唔錯係暗d

第六份就係老闆送既一封生日利是價值一百蚊......

第七份就係有人傻更更咁.....係12點前走黎我樓下請我食左個雪糕既人...最後親口講聲生日快樂比我...



2008年8月10日 星期日

My 21 Birthday'ssssss -----正日篇

終於到左11號既正日啦~
本來都Plan好左今日去迪迪尼...
可惜天工不做美呀!!!落大雨....
大肥番落hk 個陣都成11點半~佢問我仲去唔去...
雖然我好想去但係我真係好攰....
最後見個天愈落愈大......最後我放棄去迪迪尼....
改左做同大肥去行街街....點知大肥過左黎接我之後同我講...
不如去觀塘接阿女麻囉....我話下....我完全唔記得左今日阿麻會去左大肥度住...
但係接佢入屯門之前....阿麻要睇醫生...
我足足坐左係馬會....3粒鐘.....我成本雜誌睇哂....每粒字我都睇得清清楚楚
但係我好鬼眼訓......仲要陪阿麻食野...心諗快ddd啦
我好眼訓呀真係.......
不過始終係老人家嗎......
上到巴士我訓死左.....原來諗住上到大肥度....再訓既...
始終人地成家係度我走左去訓...好似唔係咁好睇....
最後我都頂硬上.....坐係發呆...同阿麻食埋飯,,,,

雖然大肥話我今個生日正日好無聊,但係我笑住講~之前太驚喜啦

始終平淡D 中和番啦....
我就搭車番屋企....整埋d相....
差不多12點前仲有請我食雪糕....
呢個生日真係夠難忘.....
有時真係覺得我身在福中不知福....
到而家我知道我好多人好錫我....
好多人好愛我....
雖然有個人呃完我一次又一次...
Anyway 我已經完完全全心淡....

我知道邊個真心愛我就足夠啦.....

My 21 Birthday'ssssss -----12點篇

Happy Birthday!!!!!
真係要同自己講聲生日快樂.....
因為我真係21歲生日啦.....
Vicky 約左我10點9左右係mk度等
臨落車個陣呢...見到對面條街好多車喎~
我仲以為拍緊戲....但係望一望又唔對路...
原來係火警既現場.....個刻心情好差...因為咁樣既大火攪到4個人死左....
跟住即係去左Join VIicky 食野....間好旺角真係好貴囉d 野食...
22蚊碗雲吞面...食左曉飛???除非飲左Red Blue啦
跟住Vicky 話去影張貼貼囉.....
上年既今日....我地都影左一張架....
話說我係上年既聖誕見完Vicky就冇再見佢啦
影左一陣阿哥黎左搵我.....但係我見到佢一DDD開心都冇
因為佢唔陪我過生日呀!!!!
心情好差好差.....不過到最後佢都陪我到左12點.....
都係咁啦.......
今次K Party既主題係夏日Look~我既Look就係短衫短褲啦...
我既朋友仔就係背心吊帶出 動哂啦....羨慕死...
唱唱下其實都過左12點....Vicky就話有特別嘉賓...心諗邊個呀?
原來係以前番義工既一個男仔.....回想4年前.....我地呢Team 真係好鬼開心.....
坐坐坐下收到好多電話sms 啦....攪到電話都冇哂電....
突然唱唱下......Cut 左我首有一種快樂既.....係呢個時候Vicky 就拎左支咪講~係咪覺得好奇怪點解Cut左首歌呢...因為......就有另一個fd 拎左個雪糕飛糕入黎啦......雪糕蛋糕呀!!!!又係我恨係生日有既野呀!!!當時一見到我又喊到收唔到聲.....仲要狂比人影我個喊樣...估唔到Vicky 我同佢講左一次咁大把唧....佢已經為我準備好..
好感動真係好感動.......唱唱下把聲好沙個人好攰....
走左去回blog 啦....咁樣阿男仔呢見我回親都打好好好好開心個d野啦
佢話你唔悶我都悶啦.....大家吹吹水唱唱k....最終4點幾先走....
我5點鐘先番到屋企...我都唔敢比大肥知我咁夜先番到去......
攰到想死呀!!!!!但係真係好好好開心呀!!!

My 21 Birthday'ssssss ----------沙龍篇...




聽日聽日聽日就係啦........

琴晚興奮既心情依然未停底....雖然番到屋企都3點鐘.....影下相打下Blog 咁都差唔多4點幾啦

但係今日我約左一個特別嘉賓......

佢就係朋友丁啦......多得佢肯為我影一攝沙龍

天氣好熱好熱.....佢一句唔鐘意既樣都冇....

仲好樂意同我地影相....

一早9點9左右已經起身化妝洗頭.....換埋衫準備出門口......

一開始就去大埔火車博物館度影.....行過去已經好熱出哂汗...

大肥梗加流到成件衫濕哂.....影下影下







大肥已經話唔影啦好熱呀!!!嘻~~比我自己做一下Model xdd

影到咁上下....大家又熱我又諗唔到想點影.....

跟住落左去食飯.......食到1點左右....

搭的去海濱公園諗住影花架......點知而家唔係時候d 花唔開呀!!!!!




已經冇哂心機.....一心黎影花架嗎.....

點知冇....不過都影左好多好多好多.......

不過代價係成腳比蚊咬.......






好多謝朋友丁陪我地影左幾個小時.....




休息一陣.....朋友仔Vicky話今晚有節目?

仲要我著比堅尼出席唔係卦.....就睇佢有咩攪作先.....

待續.....

2008年8月9日 星期六

My 21 Birthday'sssssss ----驚喜篇...

仲有2日先到我生日.....但係今年我過得好特別.......
本來以為得自己1個過12點既時候有Vicky 特別為我攪個生日會.....
原來好戲在後頭......


今日係星期6,但係我都係3點先收得工.....因為之前打風既關係....
我要Call 客.....又約左舊同事去Cafe 坐喎.....
難為了大肥一早係mk度等我.......
今朝諗住開msn 問下舊同事約幾點食Tea.....原本約左2點半既.....突然張太話佢好唔開心想我陪佢飲野.....仲要落吧.......已經有d頭痕....好搵唔搵搵到唔會飲酒既人落吧....
但係張太唔開心做fd 既一定會陪.....但係約埋d時間又奇奇怪怪咁.....9點鐘...

一收得工即落mk Join左個同事仔....飲野飲到5點半左右.....悶到大肥屎屎下......
跟住行左落太子啦.....行左一陣街啦....張太又打黎係今晚9點啦喎~我就問佢做咩唔開心呀,佢話擺酒度有問題.....梗係奇怪....下?唔通book唔到....我就問一句點解唔坐Cafe要坐吧~佢話識人喎....

跟住大肥話要買一枝花做乾花....我話1定冇一枝買既呢....死都唔信....係要入去行下......原來....大肥想比個驚喜我.....佢買左一札花比我呀終於比我恨到札花.......唔怪得月光天使問我朋友仔有冇送花比我....xdd月光你開口中呀!!!

我已經笑到收唔到口....雖然係知佢邊度買....但係真係估唔到係生日收到札花
(我數過啦.....有21枝架>w<)

行下行下~大肥又話落左尖咀先....我話7點半咋喎...又話落去食野....其實個陣完全唔餓,落到尖咀前,大肥送左條不知明既珠鏈我....佢話我既生日禮物.....完全Never mind 最重要送個個人既心.....但係我直覺認為唔止既.....

落到尖咀仲好早既時間.....大肥同左我去尖東公園度坐......當我同札影緊相個陣....我聽到佢係度攪個袋....我望一望佢....佢就突然拎左介子比我......好驚喜....真係好驚喜....因為隻介子係鑽石介子呀!!!我廿一歲女第一隻鑽介.......完全估唔到大肥會送.....因為我之前叫佢唔好送d咁貴既....我肉赤.....但係收到個陣真係心都甜埋.....我叫大肥話~你向我求婚呀xddd我而家唔應承你住...xdd佢話唔會....呢隻係生日禮物....唔會拎黎求婚....呢個老公我嫁得過啦....

坐下望下....咁差唔多搭半既時候......張太就打黎...我地亦準備行落去張太約我地既地方度等....岩岩Feon 同七七都到埋...一齊落去.....好攪笑.....張太話去廁所又話唔係個間房...我都覺得好奇怪....
一入房就見到張生,又見到成地都係袋....我仲要認得係Iris 既Playboy 袋...坐低已經覺得好怪好怪.....明明話唔黎又要咁多袋...突然間佢地一班人衝左出黎即時喊囉我....好樣衰呀!!!原來佢地提前攪到個Party.....其實我都覺得今日好奇架啦....問極大肥都唔講....等我著最靚既樣黎慶祝嗎.....

但係最驚喜係連Q小姐都有出現.......某君又到埋....張太話最美中不足係我阿哥唔係HK唔係仲驚喜.....我喊得仲勁...但係我好想講我已經好驚喜我完住冇諗度你地比我一個咁既驚喜.......我一路以為我既生日會好唔開心.....點知今年既生日我係喊得最多....但係感動既喊......

坐左陣個人已經係好番心情.....佢地送上七色壽包,真係有架我>w<


跟住到佢地送禮物時間.....睇見Feon 既禮物我都好鐘意呀!!好有心機呀>w<唔知我份係咩黎架呢.....當Feon 拆完禮物蛋糕都同時送上.....好抵死既大波既蛋糕......好正....影下相開心都屎啦.....




跟住到我啦喎......當我一拆d 眼淚又把把聲咁流左出黎....



佢地整左一由砌圖比我....本身我叫佢地整比Feon 架....冇諗過自己有番....仲要揀左我好愛既相....仲有佢地既合照......好感動......大肥仲話我傻....係度喊......唔感動我唔識喊架...




.跟住就影影影影......唱唱唱唱........猜猜猜..........

好多謝咁多位為我同Feon 既生日出心出力......
好感謝咁多位比我地既驚喜.....
好開心識到你地呢一班好姊妹好朋友....
今年我生日真係好開心......
雖然仲未到....
多謝你地.....
我地 31/8/08見!!!!



2008年8月8日 星期五

My 21 Birthday&#39;ssssss ----------前奏

今日除左係奧運開幕外.....

亦係我既生日前奏......

雖然仲有3日先到我生日......但係媽咪已經為我買定生日蛋糕....

雖然冇唱生日歌,冇許願.....都多謝媽咪給我咁多大個既一個女蛋糕....

至從我升上小學後.....媽咪已經唔會再為我慶祝生日

佢話大個女唔可能年年都慶祝

年年我都會問自己?點解阿妹每年都有得慶祝,係咪做大既就一定唔會有?

但係今年真係好感動.....除左有生日蛋糕外.

今日都收到屬於我既生日利是......

就梗係我老闆比我啦.......

今日亦有個同事請我食生日飯......好開心呀!!

今日收到1個姊妹電話....

佢問我.....星期日晚仲去唔去唱k?

講真.....我已經唔想再答.....

我對自己生日已經好失望....

又係約齊人個個都都突然失約......

為左呢件事...我已經好唔開心.....

或者我份人諗野仲係好細個,真係正如Feon所講

我好恨個日我係主角,我好恨個人好多好多人陪我過....

但係我都會明白唔係下下都咁如意....

姊妹話仲有佢同佢yi~

我話"其實唔攪都冇問題我唔想你地專登為左我而出黎唱個K"

佢話唔會...最重要我唔怕悶

佢幫我打左比好多我識佢又識既人

叫佢地出黎陪我過生日.....雖然未必個個都得閒.....

但係呢份心意未必個個做到.....

真係好好好感動......真正比我知道邊D 叫好朋友

雖然我地唔會日日講電話,成日見面...

但係....由我地相識到而家呢一刻

我知道佢真係1個最好既朋友.......

多謝你Vicky.....



【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...