2009年3月24日 星期二

何謂私人時間?

今日有個同事A 走黎同我講,

佢知我星期六去左唱K,開頭都都驚訝,.

冇咩理由會知~我都叫哂佢地唔好講我地出去玩,

點知百密點都有一疏,點估都估唔到阿C 既細佬會同佢家姐講我有份出去玩先得架,

同事A 話,你知唔知點解我會知你去左玩呀,多得你阿頭夠八,問佢細佬有咩人去,

唔好話我唔比忠告你,你要玩唔係問題,但係你而家比阿C 你去玩既,你第時有咩做錯你自己又有籍口比人鬧你,加上你知啦~你同個班人玩~都唔係班好人黎既,只係同傾得下既同事又唔係好朋友,一陣你飲到大哂~唔知自己做咩個陣,即使你唔講呀~~全公司都會知囉......聽完~心情好沉重.......

而家去玩都要有人管住.....之後阿媽管跟手到大肥~連2個最親既人都信我既時候,竟然比公司既人管我?即刻唔知有咩可以講囉>?

玩又唔得,去飲酒又唔得,

即係我認為我去玩係我自己既自由,你可以話我扮病~但係我真係唔舒服。

你可以話我唔舒服又可以出去蒲,你可以當我爛玩

但係我完完全全接受唔到一個同事/上司去管我既私人時間!!!!

仲之我唔飲到斷片~其實我覺得問題不大.

仲之我唔比到麻煩人地,我覺得我冇問題囉

加上我去玩親都係星期,我唔會影響到我平常做野既時間.....

完全唔明點解要咁話我囉,

真係唔明呢間乜差野公司.....

2009年3月21日 星期六

又一瘋狂之夜....

琴晚我又出去癲啦~本身其實都未必有得去,因為之前一日我已經病左...

亦有朋友叫我病左就咪鬼出啦...但係一個想蒲既人~都唔理病唔病架啦

最後琴晚我都係如常咁出發去尖東安達既Neway Ceo

因為唔識路既關係,同事仔V 同我一齊去,

途中佢同我講佢同佢既男友仔,分左手....

突然呆一呆...唔係卦,拍左拖7年喎,

雖然佢話佢男友仔識左第二個比佢更好既,

呢樣我會信,但係估唔到感情真係咁兒欺.....

佢仲話叫我同大肥唔好拖咁耐,覺得安穩就好結婚啦

但係我都講左一句,即使結左婚~佢要變心既,都可以離婚,

結左唔代表可以綁左佢一世架嗎...

之後就去左癲啦~~~~

一開始都係唱唱K~食下野,但係呢間真係唔太多野食,

同埋D 環境唔太OK

唔知坐到幾耐,....就開始叫酒啦~~~~YOYOYO

都係玩番我識個2樣,大話"色"同十五二十,

今次佢地話我叻左好多~好多時都WIN左

其實都唔知佢地係唔想我飲咁多,定係佢地呃酒飲唧

玩玩下都有9個人....

原來琴晚都幾多人係黎溝女,

可惜琴晚既Party ,4條女入面,我係唯一冇人追

我唔係真係咁差卦.......算數,

琴晚有個Sales 話要走,最後大家同佢影番d相.....

因為要交房既關係....11:30就要走啦....

咁原先有9個人走走下得番6個人....

又轉場落AT 啦...

不過係飲啤酒好難飲呀.....

飲飲下真係好Wing 個人好呆....

個個都好擔心我有事....又好似上次咁

今次我就醒目啦.....知到位就Stop

仲可以陪佢地玩大話"色"

証明我未醉.....xdd

最後同事V 陪我落MK 搭小巴,

佢同我講佢同Sales S 可能有機會走埋一齊,

第一時間諗唔係卦.....

不過愛情呢家野真係冇得講,.

不過我又諗過我都唔係咁差咋嗎,

又唔見有人黎搵下我.....唉.....

最後既代價就係.....我聲沙哂.....

希望仲有呢D Party 比我癲下啦

2009年3月15日 星期日

屎忽痕~又影相xdd

係3月頭朋友仔撩我去沙龍,一心諗緊大出血,點知唔太揀得落手,

佢幫我化得好靚又Set 得好正,無論係婚沙同公主裙都著得我,都ok架

點知出黎效果完完全全失望!

比一張偷影既睇下~雖然最後我都有揀呢張




好彩都叫 係$ 99蚊~~

當叫做比自己靚過幾粒鐘啦:p (化妝個陣)

最後我都係揀左3款,冇比錢加相,

皆因太貴,個套餐最平9xx 先得12張相,

加一張$ 98蚊.....嘩....水魚都唔係咁呀

影完呢次....我又開始心郁郁想影多套靚既,

後生又唔係Keep得耐(分明籍口xdd)

最終左搵右搵,終於係Blog 入面見到有人係大陸入面影左間

個價又岩我心水......又係有相簿

我見blog 加話個 package係rmb380:包12張相包相簿(加相另加15/張),1隻cd rom, 1張油畫海報相(框另計錢), 2張2r相,

今日就同左大肥上左去啦,本身打算佢去按摩,我就影相....

上到去羅胡城左搵右搵,都搵左幾個字先搵到

最後以我師奶仔既口才~就扮哂野話我朋友個契妹上次黎影,影得靚~我先上黎,佢話$300 蚊包哂所有野xdd最後佢為左要生意都係要比我架xdd

食埋野先上去影相,點知時間太唔夾啦~

最後大肥又白等左我2粒幾鐘

唉......真係無隱呀~

點知化妝個陣呢~佢1定焗你比多$50架啦,就係咩乾濕粉po 同假眼睫毛一對$30,佢定焗你買2對,我話唔要咁多對,一對已經好大啦~唔洗太大...

最後我揀左4款衫,一套婚沙,1套紫色晚裝,1套公主裙(始終想影套靚)同埋貴妃衫

影左咁多套....對婚沙個d 已經估到唔靚,因為個陣好硬個笑.....

之後都唔敢太大期望,雖然影相個個叔叔好識哄我笑...

影完哂等多一粒鐘去揀相....

當想每一款揀d 相,幫我揀相個個人好似趕住咁樣,睇都未睇清楚就轉第2張...

真係好鬼激氣.....真係唔知係唔係做生意

之後佢見我揀唔掂就話不如你揀一d先,再唔要啦

如我所講,婚沙真係一張都揀唔落手.....好硬唔識笑,成個木頭人一樣

而公主裙都影得唔算太靚,唔通著就好睇影就唔得?

反睇呢~晚裝同貴妃Look 又幾得喎

晚裝就有d 扮性感得黎唔錯....

貴妃Look 係4款最鐘意既....超正....xdd

當我再揀既時候佢真係好晦氣咁趕住要我揀,

當我揀揀揀個陣,佢就話你多左6張要Cut 多6張...

Cut Cut 下唔對路,其實靚既,我都想要,都係15蚊張唧

我就話係唔係我可以加相架咩?

佢即刻笑笑口咁可以呀可以呀~~我就話想睇番你Cut左個d

最後我都揀多左4張xdd

16張入相簿~~希望佢執相個陣好好地啦

最後大肥又發哂脾氣咁,佢話我又呃多佢一次

唯有下次拎相個陣,真真正正陪到大肥上去按摩啦

2星期後等大肥放假陪我上去拎....

到時再Post 我個貴妃Look 你地睇睇

2009年3月10日 星期二

歷史博物館+唱kkkkkk ~~

唔開心完既星期日我帶左妹妹去左歷史博物館度反~

由於前一日喊得太勁攪到個人好攰....我成12點先起身

差唔多2點先出得門口~就帶妹妹出城啦

去左歷史博物館度反,玩足3粒鐘.....

影多好多好攪笑既相....




估唔到一個博物館都可以咁好玩,

去到差唔多5點就趕去Sogo 拎番隻手鐲啦

嘻~~好彩,佢真係好鐘意亦冇白費我既驚喜:p




最後去埋揀我之前影既沙龍.....滿心祈待點知....

我揀唔落手,唔係超大細眼就笑到一條線咁,

1係就怪怪地,好想再影多一次係令令既

揀完相就帶妹妹唱佢人生第一次KKKK

第一次真係興奮D,我地就係咁食,佢就係咁唱

6點半唱到9點9都係 100/人

都算抵呀XDD 我又飽,阿妹又開心....

咁就完左我一日啦....

2009年3月6日 星期五

再見-------章仔!!!

今日番工真係完完全全令我崩潰既一個星期六,平時我即使比人點鬧點話,講D野幾難聽都好,我都未試過好似今日喊得咁勁.....

今朝我如常咁聽留言,聽聽下,發覺我部門既同事突然好激動,好似有件大事發生左咁,但係由於我聽緊留言既關係,我都冇特別理佢地發生咩事,聽聽下,我既同事A 叫我講唔洗打比一個琴日病假既同事,我仲諗"唔係卦,請1日病假唧,咁殘忍就炒佢"點知我聽完留言,起身睇下有咩同事放假既時候,我發覺我部門入面3個人係同時喊......我呆左....因為係我部門入面最軟弱係我,最易喊個個都係我,點解佢地3個會同時喊呢?當我走去問~同事A "你做咩事喊,唔好唔開心啦" 同事W 就叫我唔好再問,我打算行開既時候.....同事A 同我講,[章仔,佢死左....]個1刻我真係完全黎唔切反應,我仲可以走去我個公司媽媽度講呢個事實,唔知點解我一番到位睇到阿頭既e貓提到佢既死因後,我就開始失控,我腦海不斷浮現佢每朝打番黎公司報到既聲音,前2日同我講野既情景,佢平日走路既姿勢~等等...

本身喊完一輪我都停左冇事,就當我去做第2樣既時候,我要幫手去調動原先屬於章仔既單,每寫一張佢原先屬於佢既服務卡,我既眼淚又開始不斷咁流流流.......

當我收好心情,準備去做第2樣野既時候,老闆番左黎,佢見到我地部門個個都好似眼紅紅咁,就走黎安慰我地,點知我仲喊得勁過頭先!

成個上午不斷咁喊喊喊.....咩都唔識,

今日下午同阿妹去睇套一百萬零一夜,播之前又做d片預告片...

好播唔播....播套禮儀師,,,,佢一播我已經開始忍唔住.....

..........章仔,或者你而家係第2個世界比係度更加舒服,放心,你既精神會永遠存在係公司,我亦會永遠掛住你,即使第時有第2個 T010.....點都唔會取代你係我心中既T010....好好咁安息......我一定會去送你最後一程,,,,

今日令我知道人生苦短...再唔係為左死左既人去傷心,而係珍惜身邊值得我地去愛既人......

【Hugo成長日記】率先了解小孩的天賦潛能 ❤ 22Plus Talent Test (測試篇) 。★。

因乜解究Hugo 又要睇醫生? 仲要睇個咁靚既姐姐? 非也非也,Gogo 近來身體都暫時不錯, 係試過d 流下鼻水少少打咳次咁者 也許而家時代唔同,科技亦比之前更加唔同 好似之前唔會知道陀住既小朋友會唔會有唐仕既基因 而好似我之前亦因為係政府醫院...