2011年11月27日 星期日

染傷頭髮點打救?KeraSys SALON CARE系列幫到你

試問下你身邊有冇人係從來只係剪頭髮而冇做過任何負利子,電髮,漂染?
我相信有,但一定不多,當你有冇諗過,當你靚完個一刻其實對頭髮係勁傷呢?雖然大家也會知,但係都會Keep 住去做,因為就係想靚嗎?
因為我都係咁xdd 所以一路把頭髮都好似把草咁,即使用左坊間幾多可以修護頭髮既產品,可能都幫到一段時間都未必完全改善...
其實啦~我好多時去剪頭髮個陣,髮型師都係問我~你想唔想剪短佢呀?說真的,當你D 頭髮唔太識長就真係唔捨得一次剪短佢
不過我都明唔剪短佢....又點可以長呢....有邊個唔羨慕韓國既名星有一把長長而順滑既頭髮呀~~




然而我今次試用既係KeraSys Salon Care 深層修護系列,係係網絡上面都真係好多人介紹啵,,,,
仲要拎埋韓國美容節目"Get it beauty"既blind test入面擊倒各大品牌成為護髮精華No.1!

真係有咁好?等我去試下先XDD




金色樽身,黑白分明既樽蓋.....即使你好似我一樣係近視妹,洗洗下頭都唔洗好似嗅咁先見到個樽先知呢枝係洗頭定潤頭髮啦,
咁咩色係咩洗頭,咩色係潤髮呀????
就係黑色 係洗頭水,白色就係護髮素啦~~~加上呢佢有防止你按到出黎既"失" 真係唔怕可能小朋友沖涼個陣係度玩哂你D 洗頭水啦









產品特性:幫助損傷的毛髮集中修護,再現彈力、光澤及活力。

     集中修護因反覆的直燙髮、捲燙髮及經常性使用電熱機器而造成損傷的毛髮。

     集中修護因反覆的直燙髮、捲燙髮及經常性使用電熱機器而造成斷裂、分岔、打結的受損毛髮。

     因直燙髮、捲燙髮而產生斷裂、分岔的損傷毛髮表面有集中的修護效果,使用後可減少斷髮問題。



產品作用:天然草本配方,天然角蛋白成分,修護流失的毛髮蛋白質。

     紅葡萄 酒,幫助受損斷裂的毛髮增加彈性。

     水晶抽取物,使受損的毛髮變得潤澤、滑順。



毛髮修護功效:

1.有效集中深層修護流失的毛髮蛋白質→天然角蛋白成分將蛋白質營養成分集中深層供給到重度受損傷的毛髮內部,集中深層修護流失

  的毛髮蛋白質,使毛髮保持健康。

2.減少毛髮斷裂問題、增強毛髮彈性→含有紅葡萄 酒多酚成分,減少毛髮斷裂問題,增強毛髮彈性。

3.給受損毛髮表面的集中修護→含有(Crystal)水晶抽取物,可一根一根的包覆住分岔的毛髮表皮(cuticle)並形成包覆的保護膜,集中

  修護受損毛髮表面,讓毛髮變得潤澤、順滑。



適用對象:打結、分岔、易斷裂的毛髮專用。


先看看黑色洗頭水先,質地跟普通的洗頭水質地一樣,但係唯一不同的就是它沒有香香的味道XDD
輕輕把洗頭水於濕的頭髮上,很快就可以起泡泡了XDD
可惜為了影相,泡泡也走了不少,也很冷呢~XDD


看完神秘的黑色洗頭水,就來看看白雪雪的護髮素啦~~

護髮素質地跟白色樽的感覺一樣~~白雪雪仲要滑o者o者~~~~!

產品特性:幫助損傷的毛髮集中修護,再現彈力、光澤及活力。

     集中修護因反覆的直燙髮、捲燙髮及經常性使用電熱機器而造成損傷的毛髮。

     集中修護因反覆的直燙髮、捲燙髮及經常性使用電熱機器而造成斷裂、分岔、打結的受損毛髮。

     因直燙髮、捲燙髮而產生斷裂、分岔的損傷毛髮表面有集中的修護效果,使用後可減少斷髮問題。



產品作用:天然草本配方,天然角蛋白成分,修護流失的毛髮蛋白質。

     紅葡萄酒,幫助受損斷裂的毛髮增加彈性。

     水晶抽取物,使受損的毛髮變得潤澤、滑順。



毛髮修護功效:

1.有效集中深層修護流失的毛髮蛋白質→天然角蛋白成分將蛋白質營養成分集中深層供給到重度受損傷的毛髮內部,集中深層修護流失


  的毛髮蛋白質,使毛髮保持健康。

2.減少毛髮斷裂問題、增強毛髮彈性→含有紅葡萄酒多酚成分,減少毛髮斷裂問題,增強毛髮彈性。


3.給受損毛髮表面的集中修護→含有(Crystal)水晶抽取物,可一根一根的包覆住分岔的毛髮表皮(cuticle)並形成包覆的保護膜,集中


  修護受損毛髮表面,讓毛髮變得潤澤、順滑。



適用對象:打結、分岔、易斷裂的毛髮專用。

     因離子燙、陶瓷燙、冷燙髮、熱塑、冷塑…各種燙髮而造成損傷的毛髮。

     經常使用電熱機器(例如:電棒、吹風機等)而損傷的毛髮。




使用方法:洗髮後,將頭髮上的水稍微擰掉後,取適量的【賦活乳】均勻塗抹於髮絲上,輕輕稍加搓揉按摩後,再以清水沖淨即可。



主要成份:Water、Cetearyl
alcohol、Cyclopentasiloxane、Dimethicone、Stearyl alcohol、Stearamidopropyl
dimethylamine、Dicaprylyl carbonate、Alpha-Isomethyl Ionone、Benzyl
Benzoate、Citronellol、Geraniol 、Hydroxyisohexyl 3-Cyclohexene
Carboxaldehyde Linalool、Butylphenyl
Methylpropional、Fragrance、Ceteardimonium chloride、Propylene
glycol、Glutamic acid、Benzyl alcohol、Amodimethicone、Behentrimonium
chloride、Behenyl alcohol、Keratin、Hydrolyzed keratin、Hydrolyzed wheat
protein、Panthenyl ethyl ether、Panthenol、Butylene Glycol、Wine
Extract、Quartz、Adansonia Digitata seed MC 73extract




嘻嘻~~真的好怕把自己素顏上鏡xdd 但係看到我d 頭髮順滑左嗎???



開叉問題也減少了....



雖然我個頭唔係好直,但係滑滑程度~真係令人欣賞,我d 同事成日走黎摸人地個頭,攪到而家日日要洗頭xdd

總結: 一枝洗頭髮水成功與否,我相信不是但但藝人宣傳就可以成功,不是洗頭水一定要香香的才是女孩該使用的洗頭水,驚喜在呢枝洗頭水真係可以即刻見效,由其我d 頭髮真係好難會唔打結,反而呢枝潤髮乳我不打結,不過我認為洗頭水,洗完後比較乾....不能懶一點,只用洗頭水了。不過要好好保護頭髮也需要定期做焗油啦,如果各位對呢枝洗頭水/潤髮乳的話,真的可以到附近的大Sa Sa 可以購買啦

如果大家對呢個牌子有興趣的話,可以到它們的Facebook 專頁及官網,參考一下的。
http://www.facebook.com/kerasyshk

http://www.kerasys.com.tw/
(此網站是屬於台灣的,因為此產品經台灣入口,是韓國製造的,放心使用XDD)

2011年11月25日 星期五

錯有錯著...巧遇驚喜的食店@浪漫館橫浜

未知大家有否留意我上星期說了去潮聖我最愛的Kitty 呢?本來當天我是買了戲,打算看"打死不離三兄弟的"但係我實在太八痴了,只看人地的海佈又沒看清楚人地的戲名...傻傻的就網上訂了...原來啦....UA 院線是沒有再上影這套戲啦......有興趣睇的SIS 真的要留意啦,別要跟我一樣啦-口-攪到最後也給人怨了....

當天我影Kitty 的時候其實大約都係下午時段,影完都係6點左右,但係個陣我係訂左9:30 的,所以啦,見有時間就打算去之前Sis 介紹有好靚既海景,價錢不太貴的意大利菜的,但係啦我又傻更更的把人地是在The One 的餐廳啦,記錯左是在iSQUARE ,最後搵極又搵唔到wor...之後見到呢間"浪漫館橫浜"啦,加上我地又好肚餓,就是但決定入左去啦~~~







雖然話係第一次黎呢間野,但係呢間餐廳係我FB 打卡率都真係幾高,斷估都唔太差卦...




當決定入去食既時候~待應小姐帶我地入去一個2位座位坐,鋪面不算太大,我想約有廿張木台左右,有兩張卡位,當時六時多左右,我看到有某木台卡位,應該是準備走的,
當時我跟帶位的小姐說,我可否當那木台走了,我轉過去...她說不能,我問為什麼?她說有人訂了木台....也算了...轉個頭叫左野之後,有另1位小姐問我地是否想坐卡位,梗係想坐啦~你同事唔比我坐咋嗎....真的不明,為什麼當時未叫東西就說訂了木台,叫了兩個餐加一個小食後就可以轉位?我想這是一個令我有點不滿的地方!!!!


調左去卡位坐之後,待應小姐送上2樽加一個芝麻的東西,完全看著也無理頭,之後那個小姐就好快速地說怎樣用....其實我一句也聽不到,也不懂她在說什麼-口-,這位說話不清晰的少女真的令我對這間鋪頭失分不少呢=口=



就是呢3樣野啦,左手面是蘋果醋,右手邊是吉列汁,是把芝麻磨碎加入吉列汁來食吉列豬柳的



我好努力把D 芝麻磨碎,但係我都係唔夠力,要搵番猛男幫我手先得XDD




我地叫左兩個餐,呢個係安格C 牛扒定食$148,我本人試食了一點,我認為價錢上不太值得...口感上還可以





炸雞軟骨$36,呢個真係好好食,雖然係油了點....但係佢真係唔似平時個D 又細粒又乾....呢個仲有D 肉汗係度,好味~^^



呢個就係我叫既餐,好似係芝士蝦加豬柳定食$98,我對芝士蝦最驚喜,因為我好愛食芝士既,加上佢既蝦豬柳都好滑,唔會因為炸野令到D 肉汁流失...


另外豬柳也是不錯的,比起我之前食有間專食豬柳的餐廳更好,起碼唔會炸到乾爭爭,但係我可能不太愛吃炸東西,所以也吃不完
仲有我認為驚喜的是,那些配菜....其實我好討厭食椰菜,但係當椰菜C 加上蘋果醋竟然可以令我食走了一半的配菜,真的夠好味....
好像吃生菜一樣呢....所以我認為驚喜就在此啦~~~


總結: 可以提提大家我們的叫的餐,可以不停地加飯同配菜的,所以如跟男生來吃,也不怕不飽啦....另外我在OPENRICE 看過有好多人都說不太好食,我想是團購問題啦,加上呢,可以的話真的早一點來吃晚餐,會坐得較舒服一點....除了店鋪的員工令我有D 不滿,總括來說呢間餐廳也是不錯的,或許餐廳要找一個說話較清晰的人來招呼客人,加水情況我們加得較少-口-服務態度也令餐廳失色很多,即使野食有多好味....也令客人會離開的!!!!!





.;










 

2011年11月23日 星期三

為食團隊初嘗@正宗澳門豬骨煲

認識我既人多數都知我而家不斷廋身....為既只係靚靚既身型,不過減開肥/減緊肥既人其實都知,減肥係一件好難好難既事,因為有陣時你好多野真係唔敢食,好似我而言,雖然而家都真係有成績出現~但係背後都真係幾慘架...煎炸野又唔敢食得多,甜品/零食直情係同佢斷絕關係咁濟...真係有陣時都唔知自己咁辛苦為咩,但係當你廋身有成績又真係覺得值得既XDD

不過係早前突然咬柴,攪到隻腳腫到豬腳咁,仲要將之前D 舊患迫番出黎....冇計啦,最後呢個十一月被迫停止做任何運動....就係因為呢個傷比籍口自己去食好野XDD 真的好耐冇咁放肆啦.....咁講完咁多廢話都係時間要介紹一下,我今次想介紹比大家既地方啦

首先....想介紹大家去打邊壚!!!!老實說,我出街打邊壚咁多次...真的每次都係叫任食,為既就真係唔洗理價錢不斷不斷食
但係今次就係同班同事落左去荃灣去打邊壚,而呢間野就係正宗澳門豬骨煲
本身係想係大窩口食既,但係因為我地食個日係星期5黎呀,好多地方都冇得BOOK 木台,所以就初嘗呢間野啦....

雖然呢間叫正宗澳門豬骨煲 ,但係睇番d 食評都唔多十卜呢個豬骨湯底,然而我地班同事係無咩人想食豬骨,所以最後我地決定叫鴛鴦湯底啦

由於我係食唔到辣野,所以我就試左清湯底啦,唔....我覺得唔似一般味精湯,真係有少少用雜菜煮既湯,同埋佢湯底入面d (食送)都真係幾新鮮,仲有好大隻既冬茹~同 D 黃牙白係完全係似新鮮野唔似個d (食送)頭(食送)尾.....而湯底好似$68



講完湯底都係時候講下我地既配料.....腐皮,山根同埋唔記得叫咩名野食~~都係浸一浸就食得啦..


仲有牛柏業啦~其實應該好多人都知牛柏業白色反而係唔好架,不過都講聲啦~真正既牛柏業係黑色,白色既都係漂染過架
不過呢個牛柏業唔知係咪煮得太耐都幾難咬

3

呢個係駝鳥肉...係我最愛打邊邊既配料,我認為份量都幾多....同埋都真係好食過d 任食既xdd


呢個係腐皮捲...開頭以為麻麻地,反而有驚喜呀...好夠爽口,不過價錢就真係貴d 啦~好似$40 得6件


炸魚皮......我不愛,所以冇食到~~不過同事們話比起佢地食開既更好味,同埋份量都ok 大份呀!



呢個有個名架...不過真係唔記得左咩叫名,咁其實就係4隻唔同既餃....包括水餃,雲吞,韮菜餃同埋雲耳蝦餃
當然對我黎講最好食就係雲吞同埋雲耳蝦餃~~佢地d 蝦真係幾大隻架....好好味!!!


我既大愛...美國牛肉...說老實的,你任食既地方係無可能食到咁多雪花既牛肉...同埋佢切得好薄,所以滾一滾就可以食啦~~~

其實我地當日食就真係唔止咁少野既,不過我真係掛住食...乜都冇影度,仲有食左個菜藍啦$5X ,雲吞$28,仲有手打蝦丸,仲有叫多ROUND 本地牛肉,西洋菜

咁最後找數$1200/6個人~對我言梗係覺得貴既,但係野食方面真係不錯,但係本地牛肉可能個陣真係好多人落ORDER ,師父切得好碎呀,冇美國個d 咁好食
不過雲吞啦,蝦丸真係值得一叫...真係勁回味~~~d 蝦真係好彈牙好爽....

個菜藍其實真係有不同種類既菜...咁就唔洗獨枯一味~又可以中和d 油份~~~

如果你都有興趣去呢間地方一試,就去荃灣楊屋道69-71號地下試下啦~~
不過真係多d 人去食可以食得多d 野!!!

多謝你細心欣賞~^^




2011年11月19日 星期六

♥ Max FacTor 無間活肌美妝 の 實戰篇♥

上星期一去左Max Factor 既Work Shop,又可以學到野又有新產品可以用,既然學左新方法,一於放假既時候就扮靚d 去潮聖我最愛既Kitty 啦,以下相片含本人之素顏相,極之驚嚇,極請留意!!!!!

首先介紹下我今日所用既化妝品,其實有d 都好似冇用到,只係以為自己要用,所以影埋




首先,我化妝前通常都會查多一次Cream ,由其係秋冬天既時候,因為天氣特別乾,今次揀左Clinique 最新出既保濕Cream,在最右手面第一個...

當查左保濕Cream 後,我在半乾情況下我會查上Sofina 既Primavista 3合1完美遮暇Bass ,



今次我揀選既濕粉當然就係Max Factor既55色濕粉啦,55色較自然的,比較適合我,查完之後都好貼服,比較自然 


當然查完濕粉,梗係要定妝啦.....今次揀左bareMinerals 既碎粉,不過係Sample 版...
嘻嘻~~不過真係值得回購既!!!!


定完妝,梗係要用番遮暇膏遮一遮d 黑眼圈,暗倉印...

好啦~~玩完底妝後都係時候玩玩對眼...今次我唔係
smokey eyes,所以我都係普普通通查上眼影,因為我家沒有白色的眼影做不到大師說的黑白對比,我用了銀色,加下0.5cm 的粗度眼線....下眼線畫上1/3 ,再查上捷毛液...


看回相片後...我認為自己可以再查多少少眼影,因為而家開左眼係睇唔到我有查眼影.

用回MAX FACTOR唇筆....把雙唇做回粉色系列..老實說的...我平時化妝係本少數會查左任何Lip 類產品係自己個咀度...因為我怕痴淋淋的感覺,又迫"將"住咁....唇筆真的是第一次使用呢...其實我本身唇較厚~所以我是只畫上唇,因上唇色較暗...可以做番一個平均。之後當然要查上MAX FACTOR唇膏吧,我有說過我係極少會查野係唇,加上我認為唇膏係d 媽媽級先會用,因為太實色啦,又會"將"住你個咀啦...我係從來沒有擁有過一枝唇膏....但係呢枝MAX FACTOR唇膏令我另眼雙看,它沒有一般唇膏既怪味,但係佢擁有一種香香的味道....I Like it!!!!當查上之後,第一下我都覺得有點"將"既感覺,不過好快就消失,仲幾潤tim, 起碼唔會乾到你甩皮先啦xdd因為我都試過查其他既Lip 好快就乾到我甩皮...真係有d 怕怕呢...

大家覺唔覺得我好似少左個Step xdd 我影完相之後先發覺我仲未查胭脂

最後我送上我當天既Look 去潮聖我最愛既Kitty 啦


還記得我上年十一月中也有去影我最愛的Kitty ....當時我是著住長衫加九分褲,仲要著Boot...加西裝褸
2011年的我,同樣是十一月中去影Kitty ,但係我竟然著住Kitty 短T,短牛仔裙...西裝褸?-口-
今年KITTY 展真的令我們反思?點解我地係十一月...仲可以著住呢D 短袖衫???
希望大家也愛愛我們的地球~我也不想沒有冬天啦...

最後....希望大家也像我相中一樣...永永遠遠開開心心,甜甜蜜蜜~笑得開懷吧,放鬆點吧香港人!!!!


.

唔知大家今次又會比我幾多分呢個妝容呢?你既支持就是我的動力!感謝~~~

2011年11月15日 星期二

由普通OL 變身為Party 女皇? MAX FACTOR 無間活肌美妝工作坊教到你




MAX FACTOR 對我而言不陌生,給我一個感覺是一個開架而外國牌子的產品,
不過我未買過它的產品,原因是我不知從可選揀,我之前用開的產品多數也是朋友用過好用的介紹我用,但朋友口中很少很少聽到用 ,偶然既機會...我參加了BE X  MAX FACTOR 無間活肌美妝工作坊,亦帶領我第一次參加化妝班既活動...

今次上堂是在尖沙咀海港城既Facess內的Seminar Room,,原來在粉嶺出去尖沙咀原來是很哂時間的,我已經預了個半小時也要遲到....感謝BE 同事的致電及體諒,...真係很抱歉。



好了說了太多癈話了,一坐底已經看到很多SIS ,每個位子前也有一塊鏡子及我們的小禮物,另外亦有MAX FACTOR 最新出的Foundation  同埋不同顏色的Lip Stick


當坐定了一會兒,有一位應該BE 負責人跟我們說稍後MAX FACTOR 首席化妝師會來教我們化一個秋冬妝,很期待呢,說那時快,Jonathan 已經入來了,原來真的好有型呢,也要介紹我們今次化妝班的Model ,她叫曾寶,唔知係真定假既呢...不過佢真係好靚好高,所有輪廓都好美...真的很羨慕她這樣好的皮膚及甜美樣子


之後Jonathan 問了我們有否試了木台上的Foundation,未試既我就梗係唔客氣即刻試哂三隻色,呢隻Foundation分左3隻,首先係40,55同埋60
8
40色是最淺色的是適合較白哲的人仕
55色是較自然的,是適合一般亞洲人仕的
60色是較深色的

可以看看推開後的效果,..其實J 說過之一個妝實在不需要太多的粉底,或者我手上其中一PART 就可能已足夠一個妝..

可以先看看曾寶素顏的樣子,J 先給Model 自查上胭脂膏,為的是營做一個白裡透紅的感覺...及是適合我們上班的妝

可以先看看化了胭脂膏的Model ,其實胭脂膏可以做很多附助產品,可以當胭脂,眼影及唇膏,再上Foundation .....

先看看當查上了Foundation .....Model 的樣子真的是白內透紅....以想不到的效果


當Jonathan 問我們在場各位有否畫內眼線...原來只有我不懂畫內眼線,,,他說要令眼有神也需要畫三條眼線~除了最主要的眼線外,還有內眼線,及中眼線...
化妝師已為Model 畫了內眼線...看到效果嗎?與右眼的有很大的明顯,已經較精神了..化妝師告訴我們,現在畫眼線不是愈畫愈尖,是要向橫畫,同埋畫埋下眼線3分1既位置,咁樣可以令對眼更大之外仲會更有精神,......



化妝師話Model 係一個好好既化妝demo,因為每個人看到你的時候是先看你的額頭,眼眉及雙眼...假如你的頭髮處理得唔好,就會給一個"樓休"既感覺,眼眉的作用是為了擋一擋水點,然而最後防線當然是眼捷毛吧...


既然說得是最後防線...我們就可以用附助產品去加強雙眼的神彩....就是MAX
FACTOR的捷毛液啦,因為它的刷頭夠大,輕輕一刷已經可以令雙眼更有神,及更長更濃密



再加深回眉色,就是用番眼線筆可深...再用眉掃"暈"佢...

看到明顯的效果嗎?

再加回唇色...番工Look 正式完成.....



好了...當接放工時間,廁所也是最熱鬧的時間,為何呢?因為大家也想要變身跟男友去街街嗎?
化妝師教我們不是查很多很多顏色就是美....留意將最大對比我顏色放上面吧?什麼是最大對比呢?就是黑同白了
今次J 是查上MAX FAXTOR白色眼影筆.....Jonathan 給我們一個錯誤示範
為何我們總是怕查左眼影?原因是怕腫嗎?因由就是我們查得太多.....
查眼影的位置是只查眼窩.....然而眉骨下面是不能掂的......


除左查上了眼影能改善雙眼的問題外,由於今次是化smokey eyes,所以用回黑色的位置加重眼線位置


除了用黑色眼影筆加重上眼線外,再可以加強回下眼線的,最後也要加上眼捷毛液來令雙眼電力更勁嗎....J 教我們smokey eyes不單單是查黑色的,還可以查上藍色的,可以令效果更突出...



很明顯的對比.....其實化妝不需要太多色也可以美美的,Jonathan 說我們不要麻目地跟風潮流的妝容,是要找一種適合自己的...不是多色就好呢
給多兩張較近的~給大家看看對比吧

真的聽大師一小時的教學,總比自己化多次妝呢...謝謝Jonathan 令我學懂了很多我不懂的知識,就是因為我查錯位,所以我怕了查眼影...
而我雙眼是不太適合畫內眼線....感謝BE 給我一次學懂化妝的Event....真的夠開心呢
最後我得到的小禮物是以下呢的小禮物是55色的Foundation,730色的唇膏,04色的唇筆~






希望你們也喜歡我這篇文章吧~~^^
























 

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...