2008年5月31日 星期六

1個特別的星期天...

仲有3日就係同大肥既兩周年既大日子...


轉眼間...2年了....但係感覺像一齊了好耐...


很多朋友也問過我...乜你地一齊左先得個2年咋


原來唔止我1個感覺係咁xdd


今年原想同他...去食個自助餐慶祝一番


可惜大肥要盤點....我亦不敢打擾


經過2次的任性...最後得到都係自己唔開心


今次我叻左....食唔到咪遲d 先...


費時今次又攪到大家鬧交收場


琴日....可以在大肥收工前番到粉嶺


諗住可以見見他...


可惜他說我身上的香精味很臭...


叫我番去..快d沖涼洗頭跟住休息訓教


但係我好耐冇好好咁同佢一餐飯


沖完涼...打個電比佢問~可唔可以同我食餐飯


落到去...就問我係咪要買榴槤...


要呀~買比阿媽食牙嗎....


本來他很不願意..因為他認為將來結婚是兩個人既事點解下下都因為阿媽呢?唉.............


跟住佢同我去食西餐...本身佢連呢間鋪係邊都唔知...


就係因為佢記得我上星期同佢講過屋企附近開左間唔錯既西餐廳...點解唔知係邊都要同我食呢間...因為想同我慶祝一下....浪漫一下的.....


食完飯....就番我屋企...同meme 傾完一大輪..心情的確又好一點...加上meme 說....世上沒有醜女人...只有懶女人....咁我唔想做個懶女人就走去"夫" maks ..


今日落去屯門搵大肥由於好遲先到...大肥只係同我係屯市行左陣我已經叫番屋企...因為又熱又攰真係唔想係條街行...


行經東海堂...大肥突然捉住我....話不如買個蛋糕囉


我話又未到你生日又冇芒果蛋糕....買黎做咩呀?


佢一句"慶祝嗎...慶祝兩周年嗎..."


即刻甜到入心...當我以為只有我會記住什麼什麼的日子


最後蛋糕沒買只買了幾個Cheese Cake



(由於大肥過份大意的關係....蛋糕上也出現了缺憾)


回家後吃了M記....小睡一會


食埋D Cheese Cake



(其實呢張都幾靚架~因為佢肯笑嗎....但係我個眼鏡..)



(影到呢張~大肥已經話我....又話影一張....咁影影下都3,4張啦.....


本身我都唔影相,同你一齊之後我影多幾多張相呀!!!!!


我笑笑口話咁第時結婚做成長紀錄都唔洗用咁多婚沙相嗎XDD)


佢而家帶緊個條鏈都係我送比佢做2周年既禮物...



最後佢唔陪我再影既關係~就自拍下啦


諗住幫大肥換埋張sim 卡


點知唔換好過換


而家連電話都用唔到


攪到我地飯又冇食...


大肥又發哂癲


個個阿Ling Law 小姐呀!!!!


話咩張卡一定要放入3G 機先用到...


唔好玩啦..我部2G 機咪又係咁用...


低低地既.....真係呀!!!


聽日大肥又拎電話去門市嘈佢地架啦


本來好好既一日又攪到咁


情緒失控...........

其實我好真係好唔開心.....

其實我會有傷心既時候...

琴晚我再一次情緒失控.....

哭了很耐....原來無聲淚比任何野更痛

或者壓力令到我咁...

或者一句話都可以令我情緒失控

其實.......我都好攰........

其實我唔想做一個陌生人....

其實我都係想開開心心咁.....

我好希望我想既野不會是事實

2008年5月28日 星期三

其實我不是一個鐵人......只是一個女孩

容許我真的大喊一場嗎?

成個5月 不斷的OT .....除左5月17日

我真係未試過準時收工.....我好攰好攰

我真係撐唔住...

我唔係一個鐵人呀!!我冇可能日日都收11點

第二朝又番9點呀!!!我頂唔順呀!!!

點解只係我地部門咁辛苦....

點解我要睇住人地收工我冇得收工

點解我要咁樣捱落去.......



琴晚唔記得帶電話,番到屋企收到SMS

個仆街又再拖我筆錢....我11點35 分先收工已經攰到喊咁濟..

仲要同我講爭我數......

你想點呀大佬...為左個500蚊我同佢角力左成大半個鐘

最後300蚊今個還...下個月前一定要清哂

或者你地話我蠢梗係要佢還哂

但係朋友咁講...拎得幾多就多....好過連拎都冇得拎...

今次大肥知道我真係發哂火....話7月前還唔哂500蚊佢會出動

本身話今日可以準時收工...

因為我地本身要做既野都可以做哂

今日可以早少少抖抖....

因為聽日都要開OT 做自己野

點知一句第2個部門唔掂...全世界留底...

當我阿頭同我講....Angel今日有冇約人

我即刻話唔係又要ot呀....

頭: 老闆落左聖子1定要做

我 : 我真係好攰呀....

頭 : 我知你好攰,我應承8點一定比你走

心諗...11點走都要做架啦....你都話老闆囉

真係唔明本身負責個d 人收工既收工~唔番既唔番...放假既放假

一d 團體精神都無....仲要....本身同我係拍檔

過左CS 之後就當自己升左...講到自己幾為公司咁

咁為公司就自己做哂佢啦......做咩要我幫手唧...

當我知道要OT....我真係坐係位度喊左出黎......

我係一個人黎架....鐵人都要休息架

做你D 加價信...我足足殘左成個月...

我真係真係頂唔順....

人黎架.....做電腦都要熄熄機啦

今日同陳老傾開....

決定 8月比信...9月 唔做....去埋旅行搵番新工

我要離開呢間咁既公司....

即使你點留我都好....

我真係頂唔住....雖然同事都話過左加價信就冇事

點知佢幾時又再加呀?而家你都整加紙啦

我連想上堂既時間都冇.....你教我點呀?

今日同大肥講我決定9月唔做...

問佢可唔可提早同我去旅行先....

佢話過左中秋後陪我去....

即係九月中係我既重生日

朋友們,,,,,,幫幫手留意有冇工介紹我做.....





2008年5月25日 星期日

深圳半日遊....

今日....我又上深圻整指甲啦

本身呢....就會五人行...

但係2公婆因為落雨問題而冇跟我地上

咁今日我就同左大肥同一個朋友仔上去....

不過今日真係難為大肥啦......

足足坐左係度等左我地2粒鐘............

我知佢想發癲~比面我先唔出聲....

跟住去左食野...

食完野去搵阿媽介紹既骨場...

我個骨妹完全唔得囉

不斷咁蛇左去.....2個鐘足足唔見左20分鐘

比十蚊貼士我都嫌多

仲要望住我...你冇野呀!!!!!

大肥個個仲衰....簡直性騷擾

幫佢整底底xdd仲要玩Body按摩

最好都係朋友仔個個真係超好

呢個場唔會再去....

跟住為左搵書城....搵左個幾鐘...

想食小肥羊都因為時間問題而冇食....

唉.....今日真係好無隱.....

下次整甲都係唔好叫大肥....只會死....

突然間好想去影沙龍....

整指甲個度有得介紹

但係又好想同大肥影婚沙相

琴晚同meme 傾計傾開

我好想結婚.....或者身邊太多人結婚啦

而家我夢想係尖咀e甸園行禮....要Daddy 拖住我入去....

我要係太子彩福皇宴....度擺酒

因為上次去Q小姐個飲宴....已經愛上左個個場.....

唔知我結婚個陣會唔會真係咁呢...

我第時既老公又會唔會....仲係大肥....

唉.....諗起聽日番工就十萬個唔想....

每日十一點收工...我快頂唔順....

有冇工可以令我離開鬼地方呀

2008年5月18日 星期日

5月17日 (下)-------iris 生日快樂


生日快樂呀!!!!Iris


今年你的生日開心嗎...


我地為你準備的驚喜感動嗎


如果blog 們的祝福比人一早講比你知....


我想你會梗加驚喜嗎?


不過怎樣也好只想你好好的快樂下去......


什麼也有我地.....


沒有男人死不了...Annie 都講過的.....


你仲有我地.....冇男人....仲有姊妹愛......


你要記住我地4為一體......


沒有他還有我.....


不要為一個人哭.....


要為我地作去既東東去感動,,,,,,,


姊妹嗎....我們每年亦會給你驚喜,,,,,'


今次我沒想到的地方....


所以有點出錯嗎.....


希望你喜歡呢份禮物....







5月17日 (上) ----Q小姐的婚禮

呢一日真係一個大日子.....不但有我既好姊妹生日啦....仲有我既BLOF 友Q小姐結婚啦


由識佢到而家睇住佢結婚....真係好感動呀!!!


呢幾日不斷的開OT,好在呢日阿頭肯放我走....不過我都有點吃不消了....


我像一個師奶仔...1個人拎左2袋野....好在...姊妹們見到我都即刻幫我拎...


我地未夠3點已經到左....


感覺上Yuki結婚個度好似靚少少...


或者d燈光....唔夠好....


一開始就見到Q小姐的老闆.....久仰的伍生....


原來伍生個仔係個花仔黎架.....仲好可愛...



冇幾耐....小叮媽同小叮叮都黎左.....


未見新娘就梗係影下小叮叮啦....


你終於肯定定地啦





冇幾耐D人開始到齊啦......亦準備行禮.....



睇下呢對花仔花女...個花女笑得好甜好似自己行禮一樣呀!!!


當註冊完成.....新人梗係要KISS 下啦



好鐘意個攝影師好有氣氛....好識講笑....


成個氣氛都好正......


梗係唔小得我地去影影影....




最後亦比我搶到花球.......Yeah~~~雖然唔係真花....但係真係好有心機...


阿媽....我可以嫁啦.....xdd


好似好唔要面...但係開心得啦呵....



跟住我地搭的士去太子....真係好貴呀....或者唔經油麻地冇咁貴既.........


上到酒樓....



已經見到佢張大相啦.....個堂好靚...好正...


你睇下佢既大大大大隻Mo痴痴





見到J小姐仲唔捉住佢影影相....(J小姐...其實你真人仲靚呀)



終於等到新娘啦......我地知你好忙.....所以都等你拆埋份禮物....


見到你鐘意我地都好開心....




影左幾張相就去左食飯.....


Q小姐.....我要番我搶花球D 相架XDDD


新婚快樂甜甜蜜蜜開開心心....


P.S. 感謝CNDY話比我知....朋友丁有我的相片.....


終於搵到我搶花球的相唷.....


雖然吃了檸檬....但是也影得我好真好美,,,,


謝謝朋友丁,,,


(小叮媽...你的小叮叮好肯食相呀!!!好多人影佢呀~^^)


朋友丁的BLOG


http://hk.myblog.yahoo.com/jw!_Ed.L5SGGRkSUkN_mtODJy9zgjs2/article?mid=4967&suc=1


2008年5月11日 星期日

拾屋記.....

話說琴晚我足足睇左2套戲.....一集台劇最終睇埋iris 既blog後...5點半訓落床....但係今日未夠12點又彈左起身....因為....我地要唔要張木沙發xdd

咁首先要清左d垃圾.....老豆最鐘意就係咩都話唔要...唔理個d係咩野...仲之佢認為係垃圾就要唔要...

成日為左間屋多野同媽咪都鬧左好多次交....

唔知點解今日都不斷鬧間屋好多垃圾....但係佢話叫你阿媽睇埋d 野要唔要...就"dom"左佢...

佢轉變左....琴日都好破天方咁同阿媽去行街....平時叫佢行街要佢死咁...呵~唔知媽咪會唔會覺得好恩惠.....



琴晚突然睇戲個陣收到一個電郵....係一個好耐冇聯絡既友人...

佢係一個有個bb但係送左比人既媽媽....琴晚佢既電郵講....她依然想起她的兒子...我問佢都隔左4年啦...你仲未放得底...雖然我知自己既親生仔冇可能忘記...佢話本身都好耐冇諗....但係唔知點解佢突然心血來潮想睇juno 個套戲...因為佢失戀所以去睇d 笑戲....當時我都睇緊呢套....當我睇到最後我終於明白點解佢喊到收唔聲.....喊到失哂控...因為個女仔都係最終放棄個bb 送左比佢養......而她當生完後只望個仔一眼就唔敢再去睇佢.....因為她怕....她怕自己唔捨得......

咁既日子收到一個咁既信息真係有點唔知點咁.....但係又覺得點解d年輕媽媽可以咁忍心又要攪又要有....又要生左出黎咁殺左佢.....我同事有日食飯係度講.....我覺得就係而家既性教育太詳細令到而家既細路不斷去試下....最終咪攪出個禍.....你諗下之前會唔會有咁多既未婚媽媽....以前既年代話錫下都會有左...而家...唔理三七廿一...攪左先算....有左咪落....唉....

母親節快樂!!!!

今日係一年一度既母親節!!!!


我已經係琴日同yuky 去shopping時已經買左花比我阿媽啦


由於琴晚好有心機去整比大肥既禮物~~~


原本係諗住係2周年禮物架....但係今日行街見到.....XDD


咁琴晚整整下....咁就整到4點....之前整既步驟原來係好錯....我又要買番D 黑色整啦.....


今朝成點半先識醒....大肥落番黎HK個陣我仲未想醒!!!!


我沖埋涼落埋街搵佢....跟住去沙田行街街....


點知係途中.....又係因為佢唔肯見我媽咪攪到我又發哂脾氣....


最後大肥敵唔過既脾氣.....最後應承我媽咪生日去見下佢...


跟住落到沙田去醫肚...因為諗唔到沙田有咩好食


揀左最方便既地方~~~m記.....


但係今次真係食左個好嬲既m記囉


首先買野食已經等左好耐.....因為之前個個人可能係新手


今次我買左2個餐當比左錢...我想分時....


跟住我問個收銀.....有冇得儲分架....


佢話有


我話點解唔響既...


佢好細聲講....我唔記得按....真係比佢吹到啤一聲


真係咩心機都冇哂!!!!!


食完野同大肥去行一田....


行去文具部....見到有隻生日熊仔.....好想買架....


但係得大肥既生日,搵唔到我個個....


我話買左你個個先,大肥話要買就買一對!!!


買一隻就冇意思.....突然諗番起...第一次同大肥去約會個陣xdd


我地都係各自送一對生日公仔比對方xdd


轉眼間.....2年啦.....大肥我地相戀左2年啦.....


買唔到生日熊仔.....就行去睇其他野....


行到睇袋.....見到個地圖袋其實都幾想要....但係1080呀!!!!好似唔多值......最後唔要....打死都唔要....


跟住去左睇飾物.....一見到..


呢個Logo....唔知點解我就停低....原來大肥都一早停左因為佢見到個十字架....


最後買左....


呢個我送比大肥既2周年禮物....靚唔靚~~


跟住大肥買左800既頸鏈...因為一買就買左2條....


都係十字架既...



呢條係我既....佢條就粗少少...個圈圈大dd....


跟住送比媽咪既.....禮物



本身好閃......我梗係借花敬"罰"


話大肥同我夾份買架啦xddd Yeah !!~~~媽咪好開心


跟住去左買野飲.....又比我見到有士多啤梨仲要係美國


但係要35蚊盒...大肥話想食就買唔好睇個價錢....


最後買左盒


跟住就周圍行多陣....



最後番左粉嶺同屋企人食飯....咁就完左呢日假期......


 


大肥....你今日咁攰都要同我去街,,,,多謝你咁寵壞我,錫我....多謝你容忍我既無理取鬧,我既臭脾氣.....我知你一路都唔肯見我阿媽係驚媽咪見到你大我咁多...而要我同你分手....我應承你冇人可以令我唔愛你唔要你....除非你出面有女人......記住呀....


今年既2周年又冇得慶祝.....唔緊要啦....做野要緊.....下次補番....


P.S. iRIS 姊妹你既生日禮物我地已經準備好.....你有得心理準備未先?好期待禮拜六!!!!


2008年5月5日 星期一

一千蚊......

原來一千蚊真係可以睇到一個人既人格

難怪大肥話份人好心軟好易比人呃....

但係咁既人.....真係第一次見到......

為左一千蚊....可以鬧我呢個借錢比佢既人

可以將應該由我口講出黎既野變左佢講

為左一千蚊,可以話我為錢失去理智

為左D 錢可以話唔岩...

咁既朋友我唔要啦....

陳生,,,,你要嘈我...我可以同你嘈...

做人唔好做到咁過份....

借錢個個係我,我要你還係天公地義

我追你錢好似冇錯囉....你可以鬧我大洗...

大唔大洗唔關你事唧.....

我唔信要你還番一千蚊比我...

你拖足我2個月,

又話冇入錢機又話食左卡

但係你有錢同條女去街

有錢成日去華富

有錢可以買個3百幾蚊既袋

有錢去養條女.....邊個變左自己心照

做你朋友真係覺得好甘羞恥

點解我會唔信你,,,你有冇諗過點解我會唔信你

我已經同你講我冇哂錢

你仲好意思叫我過多幾十蚊比你拎埋100蚊出黎

你痴線唔該唔好痴上腦

你遲早比條女玩死你咋.....

麻煩各位...

5月17日係一個大日子.....


除左係Q小姐既大喜日子之外


仲係我係Y!Blog識既好姊妹Iris 生日!!!!!!!


做得姊妹梗係想我朋友生日開開心心咁過....


而家我好想各位幫幫手......留留言....講一d生日說話呀!!!


希望唔止生日快樂咁簡單啦


講多d....我會將你地既說話交比佢睇....


我一定會架.....麻煩各位啦....


但係1定唔好比Iris知......記住呀!!!!


【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...