2008年5月25日 星期日

深圳半日遊....

今日....我又上深圻整指甲啦

本身呢....就會五人行...

但係2公婆因為落雨問題而冇跟我地上

咁今日我就同左大肥同一個朋友仔上去....

不過今日真係難為大肥啦......

足足坐左係度等左我地2粒鐘............

我知佢想發癲~比面我先唔出聲....

跟住去左食野...

食完野去搵阿媽介紹既骨場...

我個骨妹完全唔得囉

不斷咁蛇左去.....2個鐘足足唔見左20分鐘

比十蚊貼士我都嫌多

仲要望住我...你冇野呀!!!!!

大肥個個仲衰....簡直性騷擾

幫佢整底底xdd仲要玩Body按摩

最好都係朋友仔個個真係超好

呢個場唔會再去....

跟住為左搵書城....搵左個幾鐘...

想食小肥羊都因為時間問題而冇食....

唉.....今日真係好無隱.....

下次整甲都係唔好叫大肥....只會死....

突然間好想去影沙龍....

整指甲個度有得介紹

但係又好想同大肥影婚沙相

琴晚同meme 傾計傾開

我好想結婚.....或者身邊太多人結婚啦

而家我夢想係尖咀e甸園行禮....要Daddy 拖住我入去....

我要係太子彩福皇宴....度擺酒

因為上次去Q小姐個飲宴....已經愛上左個個場.....

唔知我結婚個陣會唔會真係咁呢...

我第時既老公又會唔會....仲係大肥....

唉.....諗起聽日番工就十萬個唔想....

每日十一點收工...我快頂唔順....

有冇工可以令我離開鬼地方呀

8 則留言:

  1. 咁您快D嫁啦 , 可以同一時間實現2個夢想 .
    [版主回覆05/27/2008 19:31:00]我都想...
    但係連媽媽都未見,,,,
    呢個願望有排都未實現.....唉,..

    回覆刪除
  2. 骨場技師要找個合適先得,未必是個場既問題,書城你是去新個間嗎?
    [版主回覆05/27/2008 19:33:00]唉,.,,,,
    原來我去錯場囉....
    一半係正一半係邪架...
    激屎我....好在大肥夠定性冇亂黎....
    唔係,,,,,就激屎我啦
     
    我地去個個書城係大劇院 C 出口一行出去個個書城呀
    仲要比人呃左囉
    行左去D 出口....走左一個圈先去到...
    又攰又熱....飯都冇食呀!!!可憐

    回覆刪除
  3. 都叫你去我果間場架喇!你睇下,大肥比人性騷擾喇!
    你快D嫁啦,我想做姊妹呀!
    [版主回覆05/27/2008 19:34:00]唉,,,,,,唔好再講啦
    我已經發哂癲咁啦....
    下次唔會亂黎架啦....
    我知錯了.....
    我要你等你嫁左先....
    起碼你做姊妹係嫁左先可以做架XDD

    回覆刪除
  4. 大肥你男朋友?
    [版主回覆05/27/2008 19:34:00]冇錯.....
    大肥就係我男朋友XDD

    回覆刪除
  5. 性騷擾?OH.... NO....
    間野係咪有特別服務架?!
    你同大肥分房咩?做咩個骨妹咁大膽?
    [版主回覆05/28/2008 13:54:00]係呀...原來佢係對男仕有特別服務架
    不過呢次係媽咪介紹所以唔知
    問番個成日番大陸既同事先知..
    唉...今次真係出事
    因為我同個女仔FD 一間房
    本身我地3個人一齊既..
    個個骨女就叫我轉大房...
    估唔到佢另有目的....唉
    今次真係知大年事啦

    回覆刪除
  6. 嘩.....咩工呀???成11:00先至收????
     
    [版主回覆05/28/2008 13:54:00]我做文員
    我做到快癲啦...
    等我有多少少時間會過黎試鞋
    留番對39比我呀!!

    回覆刪除
  7. 搵書城都搵個幾鐘?唔係呀化?你地真係好少返大陸
    [版主回覆05/28/2008 13:55:00]我有幾呵見我番大陸...
    你個死仔成日都唔見左人
    今年8月我地攪生日會
    你點都同你出黎呀!!!記住呀

    回覆刪除
  8. 深圳好有邪骨既場架!
    [版主回覆05/28/2008 23:08:00]今次完全見識到啦
    我下次會知驚啦

    回覆刪除

【Hugo成長日記】率先了解小孩的天賦潛能 ❤ 22Plus Talent Test (測試篇) 。★。

因乜解究Hugo 又要睇醫生? 仲要睇個咁靚既姐姐? 非也非也,Gogo 近來身體都暫時不錯, 係試過d 流下鼻水少少打咳次咁者 也許而家時代唔同,科技亦比之前更加唔同 好似之前唔會知道陀住既小朋友會唔會有唐仕既基因 而好似我之前亦因為係政府醫院...