2007年12月31日 星期一

2008年.....

2008年我第一樣就做左好激既野....就係剪頭髮

我剪個bob 頭....但係大肥好似唔多接受...佢話好怪雞..

唔緊要啦...正如iris 咁講唔剪都剪左啦....唯有等佢長番啦...

仲有12日...陳老老結婚啦...真係好期待

轉眼間又08年....Iris 幾時到你呀????

轉眼間Meme 同佢男友拍拖10年啦....恭喜哂...等多1陣啦:p好快到你嫁架啦

今晚做左我等左好耐既叱吒2007...

雖然有d 獎我覺得唔應該比...有2個新力軍組合...我係唔識囉..

但係係呢個頒獎禮入面好多有好多感動位...好多攪Gap 位.....由其係Jan 講野個Part...同埋張計聰講既一番話....連我都感動到...

農夫拎到組合金獎...我覺得好岩...佢地今年真係努力....

雖然未必每個人都接受佢地....但係我覺得佢地真係有付出努力!

加油呀農夫.....最美中不足....華仔冇獎...亦唔會出席任何頒獎禮....不過華仔係我心中永遠都都係No.1...雖然我係近年先喜歡他...但係我1定唔會追車去機場接機個d 女仔....

最愛基仔講左.....無論羅咩獎........跟住唔記得啦:p







2007年12月30日 星期日

The Last Day Of 2007

係07的Last Day 我決定同大肥用最平凡的方法去渡過


食飯睇戲番屋企.....


可惜.....原來冇我地諗得咁簡單


首先...大肥18:10 已到左上水等車....等到18:55先可以上到小巴...可以諗諗條人龍一定好長...點知...上到車都未必快番到屯門...


因為平時由上水番屯門 最耐都係30分鐘,但係今次差不多20:30先番屯門,因為元朗個頭有個拖頭反左車呀...高速公路上唔到去...


而我呢...係九龍灣等車入屯門既時間....都左等左15分鐘...好左唔係太凍....有車上,但係冇站去大肥個頭....其實我只係識佢屋企附近既地方...其他地方...我會變路痴的
最終我都係1個唔識既地方落左...再轉左1架車...最終20:40 我終於到左大肥屋企啦:P



我拾好D 眼耳口鼻個陣既LOOK


拾番好個樣...再出發去屯門市食飯...
今次我地決定食意粉屋..但係..20:50等到21:15 先入到去...
今餐真係食得最急既一餐.....30分鐘就食完....食到勁辛苦
一食完找數都要等...冇必要真係唔想食呢間...有木台又唔比人坐...
D人就只係不斷的唱水不斷的玩...完完全全不知所謂


我們的頭盤"魚子三文魚湯"蠻可以啦...食得咁急,都唔知咩叫好味



第二個...冷盤..亦係我係呢間餐廳最愛既食物之一...三文魚什果沙律



大肥等緊開餐....仲講左句..仲影相...快D食啦


我就一於少理...影埋先啦...幾難得你肯比我影相呀



第二道就係....海鮮墨魚汁天使面;好好食架...同墨魚汁飯都一樣好好食
食完又要跑去戲院...


就係去睇異獸戰2




諗起都好笑.....
成套戲只係不斷食人...不斷的閃...閃到眼都痛....
好在我有聽"唉笠"講套戲講咩...如果唔係..我睇完都唔知套戲講咩
睇完戲...行去大肥屋企....
番到去...岩岩倒數....呵...2008 咁就到左啦




大肥BB...今年係第2年你陪我過除夕啦,我想以後每一天..都係你陪伴我呢個野蠻妹。你知嗎..只有你才可以收拾我呢個野蠻小姐,只有你..我先會做你的樹熊。只有你...我才會知道我係咁幸福...即使06倒數到07,由07年倒數到08....我想不止到08年...我想會到09,2010,2011年....我只想每一天亦可以有你愛住我,我真真真真係好想對你大聲對你講一句.....老公,我愛你呀!!!!!一切有你.....只因你呀>w<


2007年12月29日 星期六

08年.....我想.....

將至2008年...係度預初大家快快樂樂

突然覺得2008年...

我好似冇咩享受過我地既香港

記得呢1年....我轉左2份...

06/12-07/7 我係Tagtime度做

07/07-Now 我係史偉莎度做..

不斷的番工番工番工....真係好攰

記得之前係勁唔想番工...成日都請假見工...

3月請左假去布吉...

之後就不斷的做做做

每次放星期日...唔係行葵芳就mk...唔係mk係係屯門行...再唔係apm ,Mega Box....去到好悶

今年....我起碼有幾個地方想去...

我想去....大埔火車博物館

我想去...山頂立象館(暫定6/1)

我想去...赤柱

我想去...大陸整甲(暫定20 或 27/1)

我想去...多次泰國...今次要去曼谷

我想去...坐昂平360

我想去...迪迪尼...

最重要....我想廋番落黎....真係肥左好多

再肥落去L 生唔要我架啦

個人真係比較貪心.....





2007年12月25日 星期二

ღ我的戀愛歷程----初戀-平淡期ღ

2003年算係我最平淡既一年...
同佢之間既回憶真係可算記得哂...
只係記得係呢年我地成日都鬧交..
有時真係唔知為咩而鬧...
最可笑係....每次鬧完...哄番對方既都係我而唔係佢囉
最開心既係送左我人生第一部我喜歡既手機...
Nokia 8250 冇記錯係...不過仲要係水機囉...
不過以佢做m記既佢...買部2700既電話又真係幾死既xdd
而佢個年既生日係點過...我又真係唔太記我
反而我好記得我個年生日係去黃金海岸囉....2個傻人都唔知為咩去個度
我好記得2003既8月11 係 舊曆七月十四囉...
個年我覺得係有d野...好不安架
點知真係比我講中左...呢1年我中四升唔到上去要重讀
收到個消息真係喊到呢.....因為冇諗住我係升唔到上去
重讀中四呢年...真係冇咩心機讀上去..
點知係同年既十一月...我收到個我完全接受唔到既消息
十一月頭我就入住了1個宿舍....
當我住係宿舍既期間....我先發覺原來家人對我多重要
記得入住宿舍的第一天....我真的變成淚人...
由朝喊到訓教...眼都腫埋呀
同年聖誕...係宿舍入面只係得我1個...
個陣既無奈加寂寞...令我梗加喊得勁...
寂寞既感覺已經難受...
仲要比呢個完全不知所謂既人鬧我
又陪唔到佢過聖誕
佢決定要搵人陪佢過
聽到喊到收唔到聲..但係可以點做呀?
唔通叫佢唔比...唔准...但係佢會聽咩?
我可以見到佢唔同第2個人出去咩...
平安夜...我就同我既舍監..在我眼腫腫下渡過
聖誕夜當晚...我係度睇tv 個陣...突然聽到有人叫我個名..
開頭以為舍監叫我..但係唔係呀..佢睇緊電視..
再次坐底又聽到..我就周圍搵邊個係度叫我
其實都驚驚地係個d野架...
點知原來佢去我宿舍下面..佢話雖然我地唔可以一齊過
但係見到我...都覺得好滿足..
聽到心都甜埋....琴晚既事完全唔記得啦..
當我以為佢真係為我已變...點知...
27號我收到一封佢寫既信..
內有一隻介子..佢話係聖誕禮物...同時..
佢覺得我地之間係時候要結束
因為佢覺得咁既生活好辛苦
又話我阿媽又唔鐘意佢
佢阿媽又唔鐘意我
可必我地要夾係中間?
我記得....2003既聖誕....我喊得最多既聖誕
個陣真係崩潰....你想點呀真係..
之後佢話只係佢陣突然咁諗其實唔係...
到左出年既2月....我終於可以離開宿舍啦....
但係...

2007年12月24日 星期一

聖誕快樂~~~

聖誕快樂~聖誕快樂


一年一度既聖誕節又到左啦


唔知咁多位有咩慶祝活動


係平安夜我同L生有少少既分畸...


攪到琴晚唔算太開心...


Anyway 有佢陪住都夠啦


我係度有少少既聖誕願望(打完先覺唔少~呵呵)


第一...我要同L生日日都開心,我唔想再同佢有嘈交既時間


希望陳&張老老永遠都開開心心..幸福快樂~最好生番個b 玩下啦


Meme 就同男朋友開開心心,最好結婚啦


Iris 呢..就快同你隻佬快d結婚~我等緊做姊妹


豬兜呢....快d放底呢個,好好咁搵個第2個


呀 me呢~就搵番好工,做得開心d


旋旋...快d 同你老婆好番...囡囡唔可以冇左是但1面架


Alice  呢就同你心儀對象可以1齊


西門兄呢.....就番工番得開心


曹師奶 呢就同你老公日日都開開心心...永遠都甜甜蜜蜜,最好快D番HK啦XDD


小叮叮...就愈大愈開心


Cindy 永遠都同你男友甜甜蜜蜜快d 結婚啦:p


梓逸 就愈大愈靚仔...細佬快d出世xdd


扯扯 .....就每日都開開心心....你既願望都可以達成


......仲有好多....但係我好攰...唔諗啦


好不負責任呀...大家日日都要開開心心呀,,,,,,,


 


2007年12月22日 星期六

小魔怪番黎啦~~

我終於番黎啦....

唔好以為我去左旅行....我都好想去旅行呀...

因為我連續幾日不斷的OT....番到屋企唔係9點幾就10幾...個人真係散咁濟...

終於可以係星期4到今日...出單出到星期4既單....

即係3日時間出左7日既單....我真係覺得我地好勁...

雖然我唔係做得好多野....但係都好滿足架..

大家辛苦得黎既結果係開心D既....




好多謝咁多位網友真係等我呀>W<

不過係度....真係要同陳&張老老 ,IRIS 講一聲...對唔住...因為我地攪到你地咁掃興...真係唔好意思

另外...今日係豬兜生日....係度講聲Happy Birthday~


今日收左工去左幫"鄰家的e貓"做化妝Model

又幫襯左樣野啦xdd

今年收到2份同事收的聖誕禮物....真的很窩心唷>w<

仲有2日就聖誕啦...

好開心L先生可以收工後陪我睇燈色...

諗番轉頭...佢要番工唔通下下都要陪我去癲咩

佢都唔細啦,唔係下下都想出去同人地迫既...

我應該要咁諗....

真係好攰呀...25/12 我會打番我既初戀啦XDD





2007年12月19日 星期三

小魔怪要短暫Yahoo Blog

星期一收工就諗住落觀塘...因為想買隻Game 比Mr.L嗎,

但係阿武話淘大都好似有..叫我落去睇下先...

落左淘大睇係有...但係價錢仲靚Tim..1個179 1個189

之後落左觀塘行...行行下阿武打黎....傾左1陣..

聽到個好無聊既對話...完全反感...

最後成功買左160 :p

星期二 收到Me me送的一件褸..很滿足

多謝Me me

收工同左姊妹落左旺角..皆因佢想買禮物比佢男友..

原來對上同佢去街既時候真係好耐之前既事啦

2條女周圍行...原來都幾好笑....真係好耐冇一齊行街過

遊左咁多個商場..都買唔到野...

有件衫想買...但係佢又想買~我就冇買

當佢唔買個陣...又冇我想既黑色...最後咩都冇買xdd

去左朗豪食味千.....撞到舊同學...佢好似扮見唔到我地囉...So..Never Mind

去食味千...最嬲找數個陣..我fd 話我有會員卡....個條女聽唔到...找左數之後拎左我張卡黑哂臉囉唔該.....咩態度呀...

之後等等等足10分鐘囉...搵經理...連經理都唔理我囉...我以後1定唔食呢一間味千囉...野食又細碟d 既....黑人憎牙真係...

食完飯諗住行去搭270A...

朋友仔好行唔行...係砵蘭街行過去啵

點知行行下..我地比個男人隻狗擋左我行...

跟住個男人指住我個Fd 話.."你好似我個仔個女朋友啵,你係咪我個仔個女朋友呀"

我之後就笑我個fd...做咩你認下岳父ar XDD

朋友仔唔理我照行....又行到1條唔知咩路

有4個外籍人仕...我唔知點解好驚呢D人..唔係歧視...但係真係..唔知點講

當我愈行愈急...佢地有個人就講Hello ,How Are You 我就愈驚啦

點知朋友仔想行廟街啵...好啦..陪佢行1轉...

又比佢買到個太陽眼鏡....

88講價講到50蚊...佢都掂架啦...

就係咁.....就完結星期二啦

打埋呢篇Blog 之後....可能要短暫咁多位幾日啦

可能過到25號我就可以打番Blog架啦...

記得等我呀!!!!

番黎我會打番我戀愛回憶架啦

記得等我啦



2007年12月17日 星期一

星期日@沙田

星期日...同左Mr.L遊沙田.....雖然無聊但係有得見Mr.L都好好架啦


用左佢送1比我部相機影影影.....


部機影出黎真係好靚


化左妝既我仲靚....自大狂....XDD



出賣左Mr.L 呵呵...我的同事話佢個樣老左...


好難先有一張相.....都唔似情侶既.....




我幫人賣廣告XDD比番D廣告錢我啦



影完一輛去左葵芳


買左少少野就入左彩虹啦


悶足成晚....番到屋企即訓.....真係攰死


2007年12月15日 星期六

ღ我的戀愛歷程----2006 的日記 序ღ

轉至小魔怪的日記...
人生18年,經過...遇過都有好多,
尢其係我既戀愛,由我認識阿K,正式開始我既既拍拖生涯
一心以為待我最好既阿M,3年半的感情反反覆覆,
一路以為對我最不離不棄的一位,亦以為愛既一位。
當我決定離開他之後,我發覺原來世界冇我諗既咁好,
世上的男孩十個中底者只有一位或者會付出真心,或者....
亦有可以制止到溝慣女既男生...但係始終我永遠都做唔到呢個角色
文,一個重視兄弟多過重視我既人,今日到他嘗到那滋味,
可惜我不是那女生...
當1個人受到好多既傷害,亦會想有安定既一日。
當認識到我既人生第2最愛,一心以為佢可陪到我好耐;
可惜快樂既時光都有限期,我與他的愛情限期.....
就在三個月紀念當天完結了....完成了當天Leo 的預言
我們我愛情經不起父母,唔知道今次的那個他...
可以去到幾耐....而我地之間既戀愛保
質期亦可以去到幾時


2006年1月


2007年12月11日 星期二

ღ我的戀愛歷程----初戀-甜蜜期ღ


就係1句咁攪笑既話...我地走埋1齊...


由第一次拖手....初吻....


(真係睇番淘大個廣告,都真係d回想架xdd)


咩都係新鮮...咩都係特別....


第一次的情人節....我地去左睇戲,好似叫黑鷹15小時
套戲好悶...但係依然享受...因為可以享受2小口既甜蜜時間
即使其他野悶...始終有自己愛既人係身邊嗎


始終第一次...嗎...
人地話頭3個月係戀愛既甜蜜期....


原來係真架.....


但係掛住拍拖既我...固之然讀書都唔會好左啦....仲退得好緊要tim 呀


阿媽仲唔嘈嘈嘈...又鬧又話唔准出街..唔准講電話,
又講埋D 好難聽既說話...你都知啦...鬧起人上黎唔知自己講左D 咩
我仲好記得阿媽個陣鬧我D咩....
大約話"拍拖啦拍到你咁,抵你死呀...讀書讀乜鬼呀,我睇你點升中四呀"
已經為左呢件事好煩...阿媽又比見又唔比講電話
又好唔開心....仲要為左呢件事介手...諗番都覺得自己好傻...


為左呢件事..我已經同佢鬧交..就係為左見唔到...
就係為左D 咁小既野....同我講左第一次既分手...
聽到...依然喊到收唔到聲,阿媽聽到我係咁喊...
問我發生咩事..我喊住話"佢要同我分手呀"阿媽就勁講勁話,都叫左你唔好同呢個男仔1齊架啦
佢對你都唔會係真架啦...係你咁蠢,"中"個埋去唧
同D FD 講...原來個個1路都唔睇好我同佢...
朋友仔話"雖然你地係咁孖公仔咁出相入對,但係始終感覺佢唔係真係愛你"
聽到咁...喊得仲勁...
或者比人傷完1次唔想再有第2次啦
我就死求難求咁叫佢同番我1齊..咩叫冇哂尊嚴...個陣真係冇諗到...
唯有個陣就日日1放學即刻搭車落去上水...5-6點左右又走番屋企...(學校係我屋企對面)
1星期起碼4-5日係咁...去佢度冇野做架..唔係睇佢打機就自己睇電視
再唔係就玩隻狗...
如事者...咁就過咁既生活啦..
2002/5/16
到左佢生日..第一年既生日..同佢係我屋企既後樓梯度食蛋糕...
雖然辛苦,雖然冇穩...但係個陣真係開心架..
6月係我既博殺期..因為上次我退得好緊要,所以個陣好多時佢地去玩..我都冇去..
而佢個陣亦體諒我既苦處....咁考完出黎既成績都幾理想
都尚算可以直升中四...
2002/8/11
呢1年既生日....或者大家都係柴娃娃...
相約左幾位朋友1齊去梅窩過我既生日...
1行8人...個陣都幾攪笑...
8個人係1個冇房...只有2張床既地方...
但係依然享受...因為我地可以咁癲玩番一晚...
(有時同姊妹傾開計...都好回味呢1次梅窩之旅
成日都話幾時都去梅窩攪下生日...但係而家個個都出黎做野,真係未必個個就到)


2002/12/24 記得當日...媽咪特赦比我出街慶祝,已經開心到死啦又相約左姊妹佢地柴娃娃的去玩...去癲...周圍行...我仲好記得個日...有個男仔拎隻枝錄音筆,想錄好多生日快樂比佢女友架....回想個陣6個人大叫....真係好開心...


2002/12/31 同年既除夕....媽咪話出左1次唔比再出....冇計啦..陪唔到佢倒數已經好唔鐘意...但係冇計....望住電視..拎住電話....其實都1樣開心唧


2003/1/1 新既一年...陪唔到佢倒數...都要陪下去玩街仔架嗎......但係.......


待續....我地的第2年


 



 



2007年12月8日 星期六

ღ我的戀愛歷程----初戀-序ღ

突然有d想打下自己既愛情故事出黎...


唔知點解想發洩1下....


回想20年黎...同左都有好多個男仔1齊過...


或者對其他人黎講...我呢d邊叫拍拖呀...但係每次我都放哂所有心機落去...


所以...每次失戀..我也是傷痕累累...人跌得多...點都會醒,點都會有介心...


有時都問自己點解會咁蠢,比咁多個男仔呃完...都唔會諗下點解...


其實係我自己真係咁易比人呃嗎?


人地話只要自己拍拖個陣唔好放咁多感情落去...


其實係咪個個人都可以做到?起碼我做唔到...或者同1個自己唔愛既...都可以既...但係唔愛....又點解1齊先?沒意思的講法


     


記得我這個叫初戀的男友,我稱他M先生,我們相戀在2002年1月2日..這樣傻瓜瓜的愛情斷斷續續的愛了3年零七個月的時間;(差1個月就同日軍侵入中國的時間1樣唷)直至2005年9月後...我們正正式式的分手了。那年我正式18歲了..


M先生認識,真的很可笑的!在與他認識的前,我是同1個叫阿K男孩叫拍拖...是叫唷..可是我地叫1齊3個月入黎...只係見左3次...冇拖過手...乜都冇做過...最後為何這個阿K解會叫同我1齊..只因我那時1個同學,或者佢唔鐘意我,所以就搵佢呢個契哥黎玩我....沒想到我呢個傻瓜真係信人地黎追我..回想自己都覺得好傻....5年前大約呢個時候...阿雞對我好冷淡...搵佢搵唔到...打比佢飛左落我個陣既契家姐度...完全失蹤咁...當5年前的平安夜(2001/12/24)當晚我約了我那個契家姐阿P給她聖誕卡同想問佢究竟有冇見過阿K...那時佢吱吾以對咁...我也沒以為意...當我見完阿P後...又見到阿K的1個EX-Gf...又寒暄幾句...那時她係同緊1個男仔出黎架...而個個男仔就係阿M 啦,直到12月27日...我終於搵到阿K,亦係決定個日同K講清楚...哈..想起都好笑...明明我係約左佢1個...唔知點解K既EX 同阿M都出左黎...好啦....都冇計...當我地去網吧啦...我就問阿K 拎部電話用...其實我想Check佢的...沒想到..我1開他的sms File 就見到他的ex sms 他..叫他做老公...個陣d眼淚不斷咁流....那時我打給了阿P...說我見了這些..P好似仲想呃住我咁...當收好自己既心情個陣...我就將呢D SMS比阿M睇...個陣...我已經想喊...佢見到我咁..就借個膊頭比我...同1時間K的ex 亦看到...


當係網吧打完機之後....大家百無了賴的在街的發呆....突然K有事要走先...我連1句話也未能說到...他已經走了...叫都叫唔住..隔左1陣...K的家姐打左比我...我仲好記得佢個陣同我講既野"我有D野想同你講,你唔好再搵阿K啦""點解?"其實阿K 同阿 Y 一路都冇分手度,只係阿K係度玩你咋"個陣我已經喊緊...我既第一次感情就係咁比人呃左..."喂?你冇事嗎?阿K都好擔心你呀,佢自己唔夠膽同你講呢D野.....其實我地成班fd 都知呢件事...只係冇人敢同你講,我地知你好純情,唔想你再唔開心啦,係咁啦"我個陣真係呆哂....成班fd...即係...連阿P 佢都1早知啦,當我搭緊車既時候,打比阿P...佢已經冇聽我既電話......個陣真係度諗,你地明知我純情仲要呃我..為咩?


打後個幾日....我都係好靜好靜咁既屋企過....因為我個陣既心情係完全未平復番...


直至.....2002年1月1...突然收到阿P的電話...那時我說話...也是冷冷的。突然佢對我講阿Y(K的EX)...要自殺...個陣個心就...係諗.....又攪咩事呀?之後打左比阿Y...問佢你為咩事要自殺....佢又叫我打比阿M....我心諗..又關佢事..又傻更更的真係去打比人啵...真的很8痴......但係如果沒有當天的打去...就沒有這個初戀了....但係原來呢個是個局,因為阿Y內疚,就想令我同阿M 一齊啦


就是1晚的電話....就令我地1齊了.....就是1句...."不如我地試下1齊呀,當你搵到你鐘意既男仔既時候,我地先分手呀"我之後都講左1句.."唔可以咁唔公平既,不如當你搵到1個你鐘意既女仔既時候,我地就分手啦..."諗諗下真係覺得好好笑....邊有人地拍拖...未1齊先諗定分手架....個陣既我同佢就係咁傻....


 


待續.........


2007年12月7日 星期五

終於病倒了...

天氣一轉...我就會好易病

呢2個月...都小病過幾次...但係食食下D幸福傷風素都冇問題

但係今次真係好嚴重,狂流鼻水,又喉嚨痛,又咳..連聲都沙埋....

打比個Staff話我"你未訓醒呀",我係病緊,佢就話..你小心呀~呢排好多人病"

聽到真係好窩心

阿頭終於頂唔順我咁病要我早退.....

咁早知我1早唔番工~又唔洗哂咁多車錢啦...又要早起身>.<

番到粉嶺...已經狂比Mr.L 狂鬧...:都話你架啦,叫左你去睇醫生架啦..又唔聽..而家攪到人地要你收工啦..你話呀..."

真係咩Mod 都冇哂...睇完醫生...盛為150蚊....唉....

食完野...食藥1點訓到6點...

訓到個人好滾...起身食粥...打埋篇Blog...我諗我係時候又要訓啦

好耐冇試過病得咁緊要....

唉.....各位要小心1點呀~~~~

由其係MeMe....

2007年12月4日 星期二

12月.....

頭先打完又唔見哂d 野....

唉....

我想買份聖誕禮物比Mr.L

3 Choose 1

1) Will 既槍+Game (約400)

2) Wll 既差電座

3) Ndsl Or 銀包

其實第3樣未必想買...佢會唔鐘意

我又唔想買太貴比佢....佢一定雙倍比番我-.-

你地覺得邊個好d?

1/ 12 陳老老帶左我上去佢表姐度做Facel,真係幾掂...整黑頭真係唔痛..但係陳老老好衰架...係人地線緊面個陣...係咪講...係邊學埋呢d失傳左既婆仔線面...係咪跟左下面d阿婆學架...笑到我收唔到聲.....掂呀~

送左份結婚禮比陳&張老老....希望你地真係鐘意啦...

但係我真係覺得好平凡...

2/12  夜晚約左班舊同事去唱k....好耐冇見過佢地啦....可惜個日塊面真係嚇死人...又唔敢化妝....但係佢地好擔心失業呀....Elike Lee 唔係真係咁賤....係放花紅前炒人咁賤呀....我到而家都冇反悔過我當日咁衝動唔撈呀

3/12 收到一本令我引以自豪既一本書....




就係我老闆同佢1位合夥人1齊出既書呀....

而我地公司每1個人都有1本...而每個人都有老闆既簽名同自己個名架...

我真係好夠膽同人地講,......我係 史偉莎公司 做架...記住唔係史立沙呀....:p

4/12 今日收工搭車見到個阿婆.....佢好似好慘咁...原來係呃錢架...

佢1上車就拎住個地鐵飛唧啦....你冇睇錯...真係地鐵飛呀...

開頭同緊阿武講緊電話~阿武叫我唔好理佢...但係我覺得人地咁慘唔理人好衰女唧

之後佢話佢自已冇散字...我自己又冇...我隔離個女仔又幫佢比埋錢啵.仲讓埋比佢坐

之後佢就話佢個仔唔知點點點,....又話手腳又凍咁....

我都冇理佢...當去到粉嶺..我問佢你係咪要落車~佢話唔係又話總站

點知當我準備落車之時..佢就叫我比錢佢..佢冇錢番去...我心諗你唔係搵個仔咩

加上我本身得100蚊...唔通我比哂100你咩~我真係唔做到咁傻啦

之後我打番比阿武講~個阿婆真係係呃我架...佢之後就話都話左我架啦咁...

唉....我真係咁蠢咩...

今日阿武都為左d問題而煩...我都希望你可以事業愛情2得意啦

但係個女仔真係定假....我真係唔敢講啦.

【Hugo成長日記】率先了解小孩的天賦潛能 ❤ 22Plus Talent Test (測試篇) 。★。

因乜解究Hugo 又要睇醫生? 仲要睇個咁靚既姐姐? 非也非也,Gogo 近來身體都暫時不錯, 係試過d 流下鼻水少少打咳次咁者 也許而家時代唔同,科技亦比之前更加唔同 好似之前唔會知道陀住既小朋友會唔會有唐仕既基因 而好似我之前亦因為係政府醫院...