2007年12月25日 星期二

ღ我的戀愛歷程----初戀-平淡期ღ

2003年算係我最平淡既一年...
同佢之間既回憶真係可算記得哂...
只係記得係呢年我地成日都鬧交..
有時真係唔知為咩而鬧...
最可笑係....每次鬧完...哄番對方既都係我而唔係佢囉
最開心既係送左我人生第一部我喜歡既手機...
Nokia 8250 冇記錯係...不過仲要係水機囉...
不過以佢做m記既佢...買部2700既電話又真係幾死既xdd
而佢個年既生日係點過...我又真係唔太記我
反而我好記得我個年生日係去黃金海岸囉....2個傻人都唔知為咩去個度
我好記得2003既8月11 係 舊曆七月十四囉...
個年我覺得係有d野...好不安架
點知真係比我講中左...呢1年我中四升唔到上去要重讀
收到個消息真係喊到呢.....因為冇諗住我係升唔到上去
重讀中四呢年...真係冇咩心機讀上去..
點知係同年既十一月...我收到個我完全接受唔到既消息
十一月頭我就入住了1個宿舍....
當我住係宿舍既期間....我先發覺原來家人對我多重要
記得入住宿舍的第一天....我真的變成淚人...
由朝喊到訓教...眼都腫埋呀
同年聖誕...係宿舍入面只係得我1個...
個陣既無奈加寂寞...令我梗加喊得勁...
寂寞既感覺已經難受...
仲要比呢個完全不知所謂既人鬧我
又陪唔到佢過聖誕
佢決定要搵人陪佢過
聽到喊到收唔到聲..但係可以點做呀?
唔通叫佢唔比...唔准...但係佢會聽咩?
我可以見到佢唔同第2個人出去咩...
平安夜...我就同我既舍監..在我眼腫腫下渡過
聖誕夜當晚...我係度睇tv 個陣...突然聽到有人叫我個名..
開頭以為舍監叫我..但係唔係呀..佢睇緊電視..
再次坐底又聽到..我就周圍搵邊個係度叫我
其實都驚驚地係個d野架...
點知原來佢去我宿舍下面..佢話雖然我地唔可以一齊過
但係見到我...都覺得好滿足..
聽到心都甜埋....琴晚既事完全唔記得啦..
當我以為佢真係為我已變...點知...
27號我收到一封佢寫既信..
內有一隻介子..佢話係聖誕禮物...同時..
佢覺得我地之間係時候要結束
因為佢覺得咁既生活好辛苦
又話我阿媽又唔鐘意佢
佢阿媽又唔鐘意我
可必我地要夾係中間?
我記得....2003既聖誕....我喊得最多既聖誕
個陣真係崩潰....你想點呀真係..
之後佢話只係佢陣突然咁諗其實唔係...
到左出年既2月....我終於可以離開宿舍啦....
但係...

8 則留言:

  1. 時間, 仲唔可以幫你沖淡過去嘅回憶嗎? & 你今年聖誕點樣過呀! 講嚟聽下丫~!
    但...容我八卦下得嘛 ! 點解要住宿舍嘅?
    [版主回覆12/26/2007 12:07:00]對呢個人...我過去既回憶我未能忘記....始終太慘太痛既回憶...
    我今行聖誕又真係幾無聊....係尖咀周圍行....過左十二點就回家啦
    咁我咪話收到個消息既,之後我就入去住宿舍啦...咁個消息..我唔太想講...so sorry ....但係真係唔係1個好消息...
    而住宿舍都唔係一件好事囉....只可以咁講

    回覆刪除
  2. 原來4年前的聖誕, 你有這些慘痛經歷, 怪唔得知你眾記得啦!
    [版主回覆12/26/2007 12:03:00]呢個人點解咁令我記得住...
    因為佢比我每1樣野..都唔係開心....
    永遠唔係令我喊就令我唔開心...
    同呢個男人1齊...諗番真係唔知為咩

    回覆刪除
  3. 原來2003年聖誕你咁慘 , 咁今年雖然有少少少少唔開心 , 但掉轉頭諗 , 咪已經好過以前好多 , 希望你以後每一年都會越來越好 ! 開開心心 !
    [版主回覆12/26/2007 13:26:00]其實同初戀個3年幾時間.....我真係好慘xdd
    咁諗番轉頭...L 生比佢對我真係好十萬九千倍
    嘻~我都希望每年都可以開開心心
    你都係牙...你都要開開心心

    回覆刪除
  4. 看到'平淡期'這幾個字
    再看到你03年所經歷的
    自己覺得這是一個落淚的聖誕
    早給淚水沖刷乾淨, 洗得淡白的聖誕
    [版主回覆12/27/2007 01:42:00]03年頭....真的很平淡....只有鬧交...鬧交....
    但係勢估唔到....03年的聖誕是過得這樣難忘....
    同佢1齊呢3年幾...我諗我流既眼淚都有6公升的眼淚了

    回覆刪除
  5. 15,6歲已經經歷過咁多野.依家諗返會唔會覺得自己好傻呢.
    [版主回覆12/27/2007 13:46:00]完完全全覺得傻啦...
    完完全全覺得超後悔啦
    完完全全為呢個1D 都唔值得呀
    都唔明點解個陣仲可以同佢拖咁耐...
    為佢喊咁多..

    回覆刪除
  6. 但係?
    [版主回覆12/28/2007 12:01:00]下回分解...:P

    回覆刪除
  7. 你可以記得咁多野,勁!
    [版主回覆12/28/2007 12:02:00]因為真係太難忘了...

    回覆刪除
  8. 又係既…難忘記既,實記得

    回覆刪除

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...