2009年2月25日 星期三

難忘海滂的回憶....

原先今日可以去睇套3D 戲,點知比人放飛機,

我最憎人地放我飛機仲要冇聲冇氣......

好彩我冇推左另1個肯陪我睇既人~...我星期日先睇!

亦好LuckY~ V小姐琴晚神早打比我約我去行街,

唔係今日都唔知點算,又比人放飛機仲要冇飯食....

放左工就出左去尖咀去搵我個靚VV ,

點知對一個路痴黎講,我只係識行海滂附近.....

足足行左15分鐘先到長樓梯...

但係一路行既時候......突然好多好多回憶走番哂出黎

好似第一次收花又係海滂雖然得2枝....XDDD

好似有一年情人節,坐係海滂食風食足一晚啦

好似第一次玩通頂又係海滂既長梯

好似同初戀第一年既聖誕又係海滂啦

好似有一個男友第一次拖我既時候又係海滂

好似第一次睇現場煙花又係個度

唔......真係好多好多回憶係海滂.......

同VV 去食許留山吹左陣水~~~

就同左我去睇化妝品.....

想本想睇Mac 既化妝品

超憎d 人好似不可人世咁樣

而家冇錢買咁架喎~~

最後又落左旺角行街,去左睇手鐲

睇中左個手鐲......好好好好鐘意呀!!!

但係$ 488/隻....雖然係Love & Kisses既

雖然真係好靚.......但係.....好貴呀!


XOXO Signature Bangle




陪左VV 去睇介子,我就冇緣帶呢D 情侶介啦~~

番工帶介子超級唔方便......

最後都係去左朗豪買MAC....個Sales 都係串七七咁...

我最後都係買左2樣.野,星期日先去買埋濕粉~哼

我唔比你賺!!!!!!

今日有個朋友搵番我,想約我食飯......

突然覺得舊朋友又回歸啦......

連續2個星期有一半日子都有人約我去街:P

我又開始忙忙忙既日子,我既錢錢錢又洗得勁快啦....



2009年2月19日 星期四

最特別的情人節-----春茗後既下場

既然完左春茗.....理應我都應該要番屋企啦~~

可惜.......小魔怪都有日做左個壞女孩.....

比人捉左去左唱K 玩喎....本身都打算唔去架啦

因為差唔多成日未休息過

打算玩一陣就走架啦,,,,,

點知愈玩愈癲......

或者真係太耐都冇咁癲過....

不斷咁飲BACLK Label ......

愈飲愈多.....不斷叫人教我玩十五,二十!

仲之狂歡之夜啦.......

可惜一玩得癲係有後果架.......

就係我狂湯啦.....係Neway 都唔左2轉....又要麻煩人地照顧我

嘔左2轉就完全虛脫.....唔知點解凍到震....

哈......估唔到阿C既細佬竟然比件褸我....好感動呀>w<

最後佢地都要送我呢隻醉貓番屋企.....

番到粉嶺既時候.......我又忍唔住嘔啦.....

唉.......真係累人累物...

我又要出動細佬送我上樓,,,,,,,

攪到看更叔叔以為我受左咩刺激...

番到屋企仲攪笑.....因為個太醉啦....

知道自己要除con 上床訓教....

但係我又做左人生第2次瘀事...就係坐係廁所訓教....

明知自己除左con 就坐左個廁所上面就訓左啦

攪到阿媽起身去廁所時,嚇親呀.....

又唔敢大大聲叫醒我,又以為我比人灌醉....

最後我又係唔知既情況下走番自己張床度訓.......

玩完既後果係.....我真係虛脫啦~~又頭痛啦~又軟奶奶咁

但係我都仲好想出去玩呀....

有活動~~~記得叫我呀!!!!!!



2009年2月15日 星期日

最特別的214情人節-----春茗(1)

終於終於我又打下Blog 啦,今年既情人節終於唔悶~仲好精彩tim ar!!!

不過唔好以為阿邊個比左d 乜驚喜比我......

而係我今年同左我公司既同事一齊過呢一晚呀!!!

214既朝早大家都好比心機咁做野,預備準時收工番屋企換衫,

而我就冇番去~我同幾個同事去左食和民~之後落左旺角朋友間Cafe 度坐,

坐到7點鐘就出發去逸東酒店啦......

去到先係7:15 係個酒店門口等埋其他同事一齊入去....

唉,.....今年唔知攪左個乜鬼,將d 人拆散黎坐,,,,,

我完全悶到抽筋.......

好在影相時候我就最開心啦.....

又係我狂癲既時候.....XDD

想睇相~~去我Facebook 度啦.......



今年要表演...但係竟然係最尾.......我地好努力咁練架喎

或者真係太亂啦~~又太多人既關係

今年抽獎都係冇我份...

不過最重要我都幾享受呢一日....

想知點解,,,,睇埋下一篇啦

2009年2月3日 星期二

轉眼間又2月啦....

對上一次打Blog已經係一個月前....

每日番工只可以講一句忙忙忙...

加上自己超懶既關係啦~十分唔想走去打Blog

反而愛上玩Facebook既Pet Pet ,

因為太多競爭者啦xdd



唔知點解一到新年我就一定壞左好多野,

首次我部電話又死亡啦....雖然花紅可以幫補下xdd

但係都肉赤架嗎.......

新年間又洗左好多錢買衫又買鞋.....



今年公司周年晚會好揀唔揀....揀直二月十四-.-

唉....又要著指定黑色T,買左件靚衫都冇機會著.....

同事之間話放長雙眼要睇下個日有冇人約我去街,,,,

我諗我身邊個個同事仔就有人等佢既,

上年都係咁架啦.....

希望我今年愈黎愈黎靚,愈黎愈廋

身體健康,心想事成啦...



【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...