2014年4月29日 星期二

【妝品】✧✦ 華麗般的設計 ❤ 扮公主用的CC Creaam ✧✦

我想一說起最美既妝品,我想一定非Jill Stuart 莫屬
小妹也真的想擁有一件的它家的產品
可以當一下公主的夢幻感覺對嗎?

它家的任何一件產品也真的是美得驚人
每次它一出推出新品,我也是走去看看,走去摸摸
今次小妹終於有幸可以得到我人生第一樣它家的妝品!!!
Jill Stuart airy tint CC cream($240/30g)


JS 的妝品全部都以設計精華為主打,
當然今次呢枝小小的CC Cream 看似沒什麼設計
但係它的蓋已經設計超精華,已令我即時心心眼了!!


來跟大家分享一下呢枝CC Cream 係有咩成份架先
而家用彩妝品跟護膚品一樣,真係成份行先架啦xd

它的主要成份含有:粉紅珠光粉體(pure illuminate成分) 、
胺基酸系粉體、礦物粉體、桃子果汁、
迷迭香萃取液、薰衣草油、牛油果油

當然睇左成份,大家都會覺得好似好多油類成份係度,會唔會極之油淋淋呢?
其實呢枝CC Cream 含粉紅珠光粉體及桃子果汁,具有護膚功效之餘,
令質地變得更水潤輕盈。配合毛孔focus powder 及皮脂吸附粉體,
可以遮蓋毛孔,令肌膚細緻明亮。
最重要都係含有SPF30 PA++ 架


然而今次小妹會跟大家分享既顏色就係它家的01色
01 light floral beige/02 natural floral beige


來吧!!假設小妹今日又唔知醒起身
但係個樣又真係殘爆咁啵,又趕唔切化妝?
咁攪好呢?當然呢個時候BB / CC Cream 最幫得手啦


先跟大家分享一下,把它們搽在面上既效果先
今次小妹試的01色好像有一點白
不過的確是比起沒有搽上任何的CC Cream 的皮膚更有光澤的


另外呢,在眼肚的位置記得唔好推推推啦!!
係要慢慢用手指印開它,咁就可以減少眼紋之如
仲可以令色澤更自然一點的

看得出小妹,雖然好像白了一點但係整個面色也有一點光澤
可能小妹係岩用02 色會好一點


趕時間又想精神一點,搽上CC Cream 帶番個眼鏡
記得梳番好個頭,時間唔夠連眼線都可以唔畫
快快手就可以出門口囉,記住!! 盡量唔好係公共交通工具上化妝
真係好難睇架,小妹都試過比人白眼架


今次呢枝CC Cream 小妹喜愛既程度都真係一半一半,
它的包裝絕對令每位女生也會喜歡對嗎?
但係小妹就略縑它的CC Cream 好像有一點香過龍吧
雖然朋友說,因為它當中的成份
【桃子果汁、迷迭香萃取液、薰衣草油】
可能係會令整個產品也變得很香,但係小妹自己就不太喜歡呢種咁香既化妝品

當然它的保濕程度都不錯,不過係呢d 天氣一定要落碎粉
唔係會有一點淋之外,仲會好快出油架~
所以大家真係要留意呢一點,小妹當天就沒有外出
但係搽左約5小時左右仍沒有怎大出油問題
不過始終沒有外出不能作準的,遲一點再跟大家分享它好嗎?

唔知你又點睇我今次呢個小介紹呢?
有咩意見講我知啦~^^

希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^










2014年4月27日 星期日

【保養】上妝唔夠貼服 ❤ 讓你一枝由頭到腳去角質 。★。

夏天一到,大家的背心短褲都開始慢慢出動
我想大家會在意的就係做脫毛,
不過小妹今次反而想同大家講另一個都幾重要既野就係去死皮啦!!!

雖然好似講到好肉酸咁,之但係我地每個人每日都有產生不同程度既角質
不單單只是面部,竟連手腳,頸部,耳背都通通有你意想不到的死皮存在

不過對於面部, 大家都可能講
【去角質唔係話唔可以日日做?只可以一星期幾次架咩?】
係!! 大家講得岩,平常既去角質產品的確係唔可以日日用
因為它們當中的會含有磨沙份子,所以會令肌膚變得更薄之如
仲會加速令肌膚受傷架!!!

只但係今次要介紹既產品,就唔同啦!!!
呢款去角質產品就可以日日使用之如,仲唔會令肌膚受傷架tim 
它就是Bio-Essence 既 深層去角質青春素


來先說一下今次呢款青春素既特色先
溫和型不傷害肌膚的深層去角質青春素含ATP
能將黑頭,老廢角質一併清除乾淨!
富含生物類黃酮精華、BEF生物能 量晶液、蜂王漿、
以及人參、當歸、枸杞等精純草本萃取,
能軟化角質層,輕鬆揉除老廢角質,
不用磨砂,不用強搓,效果看得見!
同時補充皮膚所需要的營養,對皮膚無傷害。
塗抹後輕輕打圈輕揉,就能將毛孔深層的老廢角質和黑頭揉出來,
提供礦物與植物的營養,滋潤肌膚,
改善膚質,且能輕鬆卸除殘留底妝與汙垢

今次呢款既青春素以牙膏庄設計,
而它的形態就像較液體庄的


大家平常用上去角質的產品,可能需要濕面去使用
不過今次呢款青春素就不需要了,反而更加需要乾手乾面去使用
先吱出適當既份量,之後以打圈方式去按摩
慢慢肌膚上的角質就會走出來的唷!!


咁大家就可以按番自己需要既份量吱出來
之後就可以在臉上各位置去按摩一下囉
如面豬仔位,鼻仔,額頭同最重要/最易比人遺忘既下巴位置
就可以慢慢地摔摔摔,摔走D 角質層啦

當然除左以上既位置,當然大家既頸呀,
手爭同手脾都係一個大家未必留意但係值得重視既地方黎架
仲有d 腳呀,大家可以用磨沙之如就可以用下今次介紹既呢枝產品啦


今次小妹介紹既呢枝產品唔知大家有冇興趣?
但係小妹今次呢枝,唔知係唔係係個o者o里有d 問題
定係我用得唔岩呢?
除左個顏色上有似深d 外,今次小妹好似摔得唔夠多野出黎
係面部份,竟然面仔個d 少少都摔唔到啵
唔通我真係咁冇角質?定係我面皮比較薄呢xd
不過係其他位置小妹都摔到少少既

我自己歡喜它就是性質溫和,而且用完唔乾
小妹都有一枝類近呢類形既去角質產品,
它同樣不含有磨沙成份,不過用個陣又要加水
用完個面仔就乾到癲炸,唔搽野都唔掂

反而今次呢枝又唔會啵,除左唔乾之如仲好似有d滋潤感
最重要價錢上也不算太貴,正價約$169
萬寧會有優惠價的唷!
希望你地會喜歡今次既介紹~


希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^



















2014年4月26日 星期六

【保養】★ 給肌膚24小時持續補水❤ Dr.Jant+輕柔水漾補濕霜 。★。

一搭入春夏,潮濕天氣的確令肌膚真係出油得好勁
所以之前用開既護膚品又好似令個肌膚更加多機會油淋淋
所以小妹也要開始轉換番d 岩而家天氣使用既護膚品先得

近來韓國既東西大熱,大家不是在為教授而迷戀呢?
而今次小妹唔想再同大家講星星!!
今次想同大家講另一個教授,它就是Dr.Jant+

唔知大家對於呢個教授又認唔認識呢?
其實小妹也曾介紹過它家既產品架啦
就好似有份子釘系列】

然而今次我再介紹的不再是呢個系列既產品
反而係介紹它的另一個系列
Most Moist輕柔水漾補濕系列】

今次呢個系列主要都係功效就係保濕保水
咁好多品牌/產品都係會咁既功效架啦,有咩咁特別者
它特別就係專為敏感肌而設,好多時好多敏感肌既朋友
都唔敢會試不同既野,始終唔知呢一件野會唔會令到肌膚出事架嗎

咁今次呢個系列就會可以瞬間為乾燥或缺水肌膚注入所需水分,
改善肌膚儲水力,24小時激活乾燥肌膚,達至極緻補濕效果。
每日使用,可保護及修補肌膚水分屏障,
提升水分儲存及阻止環境有害物入侵

今次就先介紹一下它家的
輕柔水漾補濕面霜】$308/50ml
適合任何肌膚使用,特別適合敏感肌膚
獨有保濕配方可24小時長效為肌膚保濕,更可紓緩疲倦及敏感肌膚,
加上具天然防腐劑作用的乳酸菌肽,能令面部肌膚持久水潤,
提升面部輪廓,增加緊緻度及彈性。
肌膚零負擔全因採用4 Free System,加上質感清爽,容易被肌膚吸收。


今次呢款面霜的設計,會有一條小匙附送給予大家使用
然而係每一個未曾開啟既面霜中都會有一條小小的膠紙
所以大家買了產品的時候也可以先留意一下產品旁的膠紙會否有問題呢


打開了蓋子後,就會發現在韓品的產品也會有的防層隔
打開它後,就會看到水潤潤的面霜Gel 是白雪雪的
沒有什麼的香味,而且很棒的水潤感!!
有一點像小布甸對嗎?


來一個小體驗的即時效果跟大家分享一下先
先搽上適當既份量係肌膚上,
輕輕地塗開後,我建議大家再跟肌膚按摩一下
咁就可以令肌膚吸收得更多之如,同埋仲可以幫到肌膚去水tim 


好吧!!來跟我一同試上水潤潤的面霜囉~
點樣可以用上它呢?
首先可以精華後再搽上它
又或者可以在敷完面膜後搽上面霜鎖水!!
(**記得!!!搽完面霜真係要搽野,唔係真係敷咩都冇意思)

之後我就拎上約兩毫子的份量就差不多夠囉
唔夠先再拎多dd 啦,正如份量一樣!!
      少可以再拎,但係太多的話就會太浪費啦   
                                       

小妹如果當天唔係太攰既話就會跟皮膚來一個小按摩
如果唔係的話多數都係打圈按摩就訓覺囉
不過有朋友可能話用完面霜好似仲係好淋咁既
點樣可以幫手解決呢?
就係可以好似平時用爽膚水咁樣,拍拍它令肌膚吸收啦
又或者用掌心用微溫令面霜更快吸收,咁就唔會痴淋淋啦


來一個即時效果跟大家分享一下
呢個面霜搽完之後個臉會好似油光滿面
不過它的吸收程度蠻快的,所以它絕對岩係夏天使用

唔好以為夏天係唔需要補濕,反而夏天更加需要保濕
因為我地係呢d 天氣好多時都係開定冷氣訓教
唔多唔少都會抽乾肌膚既水份,加上天氣熱更加易出油
所以保濕真係少不了的一步,所以小妹認為嗎!!!
防曬365 日都要,保濕也是365日都要用呢!!

Dr.Jant+ 系列可在Sasa 中選購

好吧,今次介紹到呢度先!!
如果大家都有興趣Dr.jant + 既其他產品
可以按以下既Link睇番我既分享

醫學品牌Dr.Jant+ 份子釘.。♥゚ 打救寒冷天氣的乾燥肌膚

別讓肌膚嚴重缺水 ♬ 好好運用Dr.Jant+ 份子釘面霜打救肌膚 。★。

Dr.Jant+ 家族新成員 ♬ 一瓶多用的份子釘滋潤保濕急救軟膏 。★。



希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^











【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...