2012年4月26日 星期四

♥ 與太空人談戀愛 ♥ 上太空都要最靚!!!!

如果有一次遇然既機會,你可以識到個由其他地球黎既外星人,而佢對佢梗加一見鐘意,
你地梗係相愛相戀,但係佢話佢係時候番上去佢本身既星球,佢問你肯唔肯佢1齊番上去?
咁你會點呢?雖然呢個故事可能你睇過XDD亦知道唔會係真....

但係你有冇諗過你有日可以出遊既時候,唔係單單去歐洲,亞洲~或者D 特別地區?而係上太空,你會唔會想先?而家科技愈黎愈先進上太空已經唔係一件難事,但係如果真係上到太空?你唔會想素顏咁去太空卦?但係地球始終唔同太空,我地唔可以用番自己用開既粉底....好似以月球咁計~
佢上面跟本冇水份又氧氣咁究竟可以顧住自己身體定皮膚先?

但係而家有一枝新既粉底竟然可以上月球都用得,想知係咩?
其實佢就係Benefit Hello Flawless Oxygen Wow SPF25 PA+++ 
完美無瑕氧氣提升粉底液

點解我話佢可以係太空用呢?因為佢配方入面含獨有成分氧氣提升強力保濕因子,蘊含維他命、礦物質和氨基酸複合物,可使皮膚吸收更多的氧氣,幫助刺激細胞的新陳代謝,同時具有抗氧化、排毒和保護細胞膜的功效。 
仲要佢有SPF25+++ tim呀,即使係太空紫外線係好高都可以有呢枝粉底頂一頂嗎係咪先?



另外樽口以泵裝型式,但係出口好細,唔係一下會整好多粉底出黎哂野


先睇質地方面,表面睇都比較"傑"身,開頭都會以為係好難推架~
不過當一推開又唔同啵,估唔到咁清爽同有d 水份呢~
好岩係而家香港既夏天/太空又乾又潮濕既天氣啦


先試下上手先,左面係推開左既粉底~第一眼已經好明顯睇得出係有光澤左
同埋感覺上都好水潤好清爽,只需輕輕一下就可以查到整隻手啦~
所以有陣時多唔係好,貴精不貴多呀^^

或者你會話Wa 咁深色既,咁查上面咪梗係變黃臉婆?
不如睇下我將粉底查勻成隻手背~效果又點呢?
睇到嗎?黃氣冇左整個手背好自然一樣~
但係始終試係手又唔同係面既~~


所以先比一早起身既樣大家睇,眼又開唔大,完全嚇死人既Look
可以見到我本身黑眼圈好重,仲有鼻入面開始準備爆d 暗倉出黎,所以都幾紅架
加上本身我個臉仲有d 紅印tim 呀
即使有咁恐怖既情況~你估下太空用既粉底又得唔得呢?
首先我泵左兩下粉底,足已查夠成面~仲可以遮埋黑眼圈tim~
開始上粉啦,都係開始點番五個地方~
位置就如我相中一樣,額頭,兩邊面豬叮,鼻,下巴
再先看一看我查左半邊面既效果.好明顯我本身既黑眼圈同埋個鼻明顯冇咁紅
另外本身個面既暗倉都完全遮到
上好成個妝啦,不過因為我實在太趕時間,所以今次唔畫眼線啦~
起碼個樣都會精神一點先啦~

近來....天氣一係就好熱一係就好大雨....
好似我今次試粉底既時候~天好像有九個太陽一樣,哂到人都癲呢~
所以嗎....各位SIS 們請記住,即使粉底/bb Cream 係有防哂度也不要忘記查防哂呢
由於公司與我家相距不太遠,有陣時等車也等到遲到既關係
所以我是行路回公司既,不過係而家咁既天氣,真係出汗得好緊要,
由其我每日番到公司我整個頭都好似剛剛洗完頭咁濕...
所以我都立即看看自己既妝容有冇甩到先~~~
好像有點甩甩地,是鼻那紅點特別出位,加上面上那紅點其實我比蚊咬-口-
還好只是鼻那點出較突出,其實面部還好沒有怎甩妝
食完午餐後,通常Office 中的女廁總是很多很多人,原因就是要補妝嗎XDD
幸好,我是帶飯的女生,所以不需於大熱天時外出食飯~
唔知係唔係因為我多數係冷氣地方工作,妝容好似冇咩點甩
就是鼻那一點,就是那麼突出呢~~~
看到我的眼也精神點嗎?哈哈我平時就是要Keep 一段時間才會精神,未知你地都係唔係呢?
因為那天工作真的很忙很忙,又要趕住出去跟舊同事食飯,所以沒有再影收工時既樣啦~
不過我也想給大家看看這種粉底既對比效果
先給各位看看左面先,由朝早到中午時候其實都冇點甩妝,或者我真係Keep 住係冷氣地方
但係當經過一晚後,於沒有補妝既時候妝真係甩得七七八八啦,
右面也是差不多~

當你睇完我呢篇分享文後,你認為呢隻粉底又點呢?
我覺得呢個可以太空上都用得既粉底,其實佢唔係真係會好水咁架,
所以呢,我覺得你查完保養物後切記要等佢開始乾乾地先好再查Bass 及呢個粉底啦
因為我當時係哂左防哂後就即刻再查同品牌既Bass 再查粉底個陣呢,就有點易推啦!
不過不讚佢既遮暇度真係好好,同埋我開頭以為呢枝粉底咁深色咁咪攪到個面好黃?
不過就推既問題就差左一點,同埋如果你真係懶d 唔上碎粉都會摸到有d 痴淋淋架
所以要上太空就要睇下仲有可以上太空既碎粉啦~~
唔知你地又點睇今次我介紹既粉底呢?

















2012年4月22日 星期日

[泰好物]我在泰國買左既戰利品=]

去完旅行都過左個幾月啦,一路都好想打我去曼谷買左既戰利品.
雖然今次買得唔算太多野,但係我都會介紹一下既,第一樣當然係泰國最出名既BOOT 啦
今次係我買左之前冇買過既產品,首先介紹Boot 既青瓜系列先係青瓜洗面膏(適合任何皮膚性質)



洗面膏既質地係以水質配以淺綠色,再加以錫紙包裝又有衛生保証

另外帶點青瓜既味,好清新!!!不過如果洗左面入左口就會有D 苦苦地啦.不過我自己洗完面之後


覺得有D 乾啦~



另外一樣都係BOOT既青瓜系列既磨沙產品


而磨沙膏同樣以綠色膏庄,都係好清新既味道呢~~不過要加點水呢~如果唔係就好乾跟本推唔開~~


查左上面就唔係綠色架啦,係白色架啦在面上推開之後其實會Feel 到有d 幼粒,不過老實說我覺得去角質效果唔算太好

因為我睇唔到效果住xdd 不過真係當磨沙也好啦=]


之前我又要介紹呢枝好物,Vitara 既蘆薈膏~點解我話佢係好物呢?因為佢一物可以多用呀

首先佢又可以當洗面膏,對暗倉真係堅好架好消炎!!所以我次次我生大粒粒就會用佢幫手啦

第二樣就可以係哂傷左之後大急救啦~第一次去布吉個陣男友哂傷左背隻都係靠佢架咋~~



好似如果你哂傷皮膚就唔好加水直接查上哂傷既皮膚度就可以啦但係如果你拎黎洗面呢~就要加水啦~~唔係就好難推架~因為好"傑"架~


另外就係我之前望過其他Blogger 介紹既"Beauty Buffet" 啦,呢個品牌我真係第一次見,

不過佢係曼谷入面同Boots 有得揮呀,不過佢既品質都唔錯啵,今次我介紹一下呢枝深層清潔膏~


點解我話佢真係唔錯呢,不如睇下我以下既示範啦~首先就係我比一個殘到爆既樣大家望望先


呢枝深層清潔既質地係以奶色帶點透明膏庄~不過記得要加水啵,唔係真係推唔開~


當係面度按摩後,望下我塊面同個鼻~真係d 白色一粒粒多到呢~証明我真係好厚既角質層....


洗好面啦~個樣精神番d 啦~不過真係黑眼圈好勁-口-

都怪自己成日唔願訓~真係呢~


之後再望下我用爽膚水抹面個度,真係想死囉真係~

你睇下以下既化妝棉已經抹左第二次啦~黑到嚇死人~真係好少黑到咁-口-
所以我覺得產品有唔錯既效果就係咁解啦


另外要介紹既就係爽身粉啦,或者你會講車~有咩咁特別呀?

本身我阿妹就話想要某品牌既爽身粉,但係我就誤會錯左以為佢要下面個款~

不過錯有錯著~呢隻爽身粉都好好用,仲要有唔同既味道tim


其實佢好幼細加上有殺菌功能~因為係夏天時候,如果我著短裙或者做完運動之後好易因為出汗令大脾磨損

仲有女生既每月一次,一到夏天我就會好易整損~不過用左佢之後二日就可以唔痕唔痛~

而家係香港都呢隻產品買架~有興趣真係可以去搵搵~


我仲要介紹一下~我自從係布吉買過黎食之後~每次去親泰國都必買既小食!!!!

唔知你鐘唔鐘意食"小老板" ,如果你愛"小老板"就一定會愛呢個品牌既紫菜


呢個紫菜~冇記錯好似起碼有四隻味~我自己都買左原味,鹽味~冬陰公~仲有一樣唔記得

佢只係Big C 有得買架咋~最大問題我地同佢溝通唔到~好在左行右行~比我搵到佢~~

脆卜卜真係好好吃架~~不過食得多真係好熱氣~我家有三桶~不消一個月真係比我地食哂-口-

你話我個陣點減肥呢?真係......難忍口架嗎XDD(天音: 你都真係好哂氣)


要介紹既暫時就係咁多先,希望睇緊既你~會喜歡我既介紹啦~

即使唔知會唔會打動到你去買~但係起碼係一個選擇嗎XDD 

多謝收看~~~

了解我更多~不如齊來加我FB 專頁傾傾計https://www.facebook.com/angelbabyhome 

















2012年4月20日 星期五

齊來當『粉底公證人』。粉底大比併

或者會有人覺得我地做Blogger 既一定係為左拎貨Size 既產品就去打幾隻字就咁狂讚某d 產品幾好幾好
我可以老實答你,我岩岩開始學人做Blogger 個陣真係咁諗,但係我唔係為左拎貨Size 先學打人打Blog
如果認識我既朋友其實我一路都有打開Blog 但係Blog 就係講自己野同埋真係唔公開
世代唔同,而家個個都好似作家,攝影師一樣~拎住個電話影影影,係個電腦前面打打打咁就係Blogger
雖然做左Blogger 真係半年,但係已經覺得同我岩岩開始做既時候唔同哂~

我知~好多人會覺得d 大牌子就搵d Blogger 試用,又比貨Size 佢地試,試親乜Q都話好,
但係我地自己去買野呢又優惠又冇Sample 送,去拎d 試用又比人白眼真係好嬲好忟~
之前我會有理冇理乜都參加乜都Join ,但係而家既我~就真係唔會再咁啦~
因為真係想有興趣既產品先去試~亦唔會好唔好都會同人地講係好到癲咁~
好似愈講愈講離題咁tim~都係講番正題好d

今次我既題目係粉底公証人~當然係要粉底!!!!
近來大家都睇到我呢排多左試用既產品係我最愛既濕粉底,由我開始正式化妝開始,我都係揀濕粉~
因為對於我呢d 混合性肌既人黎講,乾粉實左上唔到~太難推啦~即使幾貴既產品都好,我係用唔到乾粉~
今次有機會試用兩隻唔同品牌既粉底,不過我係完全唔知呢個品牌係咩~
所以會以我既第一身去評論呢兩款唔同既粉底液~


我將兩隻品牌先試於手上,睇睇質地方面既分別~
先論顏色方面,即使兩隻都係自然色但係都有分別,品牌A 比較白一點,而品牌B 就比較深色一點


再講水潤度,品牌A 感覺上比較水一點跟剛剛新出的L'Oréal 差不多.而品牌B 就跟我平時用開的IPSA 差不多
另外再講遮暇度方面,睇係手度而論呢~我自家覺得品牌B 既粉底好似會遮到D~或者顏色會影響到係手既表現


試左係手,當然唔少得要試上面架啦~始終手唔同面部既效果
所以我而家就再比一比大家睇下我既素顏效果~呢個樣我係查左個日霜包含左Bass 既成份


另外再將兩隻唔同既粉底查於面上,單單將粉底點於面前都好明顯睇得到係有兩隻色~
不過唔知真係將佢地查均左係面度有咩效果?咁就要Keep 住睇我以下既效果啦

首先我先把品牌A 既查均於整個左面,個人感覺就是遮到毛孔,不會感覺太重
(不好意思,影完相才發覺原來我未有查均)

(真係好低能,冇帶CON 化妝真係睇唔真係唔係查均左)
當兩隻粉底查完之後,反而我覺得粉底B 好似比較跟自己皮膚顏色一樣
但係品牌A 會睇落較明亮一點,效果出黎會好一點

而家我再將兩個品牌分明以左右面~以素顏同上左妝既效果做對比
先睇睇品牌A ,由於相機色系唔同或者效果出黎唔好,同埋我係將素顏既相Cut 出黎,
所以會大細唔同,希望你地唔會介意呢個問題啦~
先講毛孔方面,佢遮暇效果唔錯~黑眼圈都遮到下,雖然唔係話真係完全遮哂~
不過出油問題就因為我今次冇再落碎粉.粉餅定妝~我係3個鐘左右鼻方面已經出油~
五小時後就整個面也出油~而當天我整天在家沒有外出~


再講講品牌B,先講貼服度~我開頭會覺得佢會令我皮膚變深色左,但係估唔到查左上面跟我本身皮膚差不多
貼服度也不錯,感覺上跟品牌A 的一樣很輕~不會令你加重皮膚既壓力~
但係遮暇度就比較差不多,都遮到黑眼圈同面部紅印~
另外出油方面跟品牌A 一樣,約3小時後已經開始出油~唔知係唔係真係冇用碎粉開係呢?

不過如果真係以一次性作比較係唔夠既,黎緊我會分別兩日去試用呢兩款粉底,睇下究竟用埋碎粉既效果
會唔會同冇用一樣咁快出油?會唔會因天氣熱既問題甩妝?仲會睇埋佢會唔會耐左就變色既問題
不過單單第一日試用,以鴛鴦面咁見人真係第一次~不過問左屋企4個人~有3個人覺得品牌A 較好,而我跟爸爸都覺得好似差唔多 

當然化一次係唔夠既,仲要得半邊面wor~睇緊既你都會話我玩野呃鬼睇文啦,所以黎緊我會分開三日再試下成面既效果
首先第一次既試用係品牌A 既粉底,而今次我同左個朋友行下街仔所以我化左少少眼妝
本身左上既就係素顏,睇得出我本身黑眼圈蠻勁,因為前一晚又睇門徒xdd
又打下Blog 攪攪下又成四點先訓所以當天皮膚也不算太好,加上我右眼近鼻位有少少暗倉印
加上本身面豬叮既位係有dd 暗倉印,當上完妝之後黑眼圈問題就未必遮得哂~但係整體睇番就好自然
如果加埋少少眼妝同胭脂就成個Look 好睇好多啦~


再睇番出油問題啦~
可以睇到其實如果我有用番碎粉定妝既話~三個鐘暫唔算好出油,大約鼻係有少少
而五小時開始就會d 出油,而七個鐘加上我不斷係時裝店試衫行街已經睇到我成面都係油
仲有少少甩妝既情況,好彩我當時我已經番屋企食飯o者XDD

再傾傾B 粉底,由於我實在太懶啦~所以今次只係上粉底我乜都冇查啦\
另外我完全唔記得左自己上左粉,所以唔記得影番張做記錄,希望以文字補救我既錯失
先講星期一既皮膚簡直比星期日更錯,原因係我個日又掛住睇"小學生殺人事件"攪到又三點先訓
加上個集劇又好感人攪到我喊到傻左,所以黑眼圈加眼腫問題都好勁~
當上左粉之後,我係呆左唔知睇緊既你有冇一路望住我打既野啦,
其實我曾經講過我覺得粉底B 係好深色,但係上哂成面之後竟然覺得對於我黎講係有D 白啵
不過認真的佢遮暇度係估唔到咁得Wor,起碼我個黑眼圈都遮到~
個妝係我番工時間都Keep 到食飯時間都冇點出油同甩妝~
我諗緊,究竟係因為我長期Keep 住係冷氣地方做野,又冇點大動作郁動~雖然係有陣時會行出倉做野
但係都冇點溶妝,定係我轉左方式上妝呢?因為星期日當天我仲係試用緊
Caudalie 
 既日霜
所以我當時係只係用日霜,而今日就用番防哂+Bass 所以會唔同左?


所以我都係唔信邪,為左試真個效果我都係用番同一樣產品試多次產品A 粉底,
經過一個訓番好D 既教,個樣都冇殘冇咁大個黑眼圈,所以話呢~Sis 們唔好太夜訓啦
對比品牌B 黎講,佢遮暇度差DD ,起碼個黑眼圈仲係幾覺,不過好自然,
同埋個妝真係Keep 到Lunch都無出油啵~~睇黎真係枝Bass 好大幫忙呢~~

整體黎講,其實品牌A同B 都各有千秋~品牌A 好水潤好自然但係遮暇度唔高
但係品牌B 遮暇度好好,感覺都好輕但係對於我黎講真係太白啦~
同事們就覺得品牌A 比較自然岩我多D,而品牌B 就差不多但係對於我黎講就太白
所以雖然感覺上差不多,如果真係論整體就係品牌A 比較好,而遮暇度就比較B 好一點
品牌A 就感覺上比較輕,而品牌B 就比較厚一點,我也覺得品牌A 會岩夏天用,而品牌B 就岩冬天用
唔知你地又覺得邊個品牌比較岩我多D 呢?

你又想唔想知究竟呢枝品牌A 同B 係咩呢~
其實品牌A 唔係咩大牌子既產品,佢只係一個你可以係屈臣士成日見到既Za True White Plus 既粉底
係唔係有d 估唔到呢?其實即使係大牌子又或者開架產品都各有千秋~
唔好以為平就唔係好野,我介紹左比你啦~有興趣歡迎到各Sasa ,屈臣士揀選~
只係需要$139~就可以搵到一枝岩係夏天使用既濕粉啦~希望我既介紹幫到你啦~



















【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...