2008年5月11日 星期日

拾屋記.....

話說琴晚我足足睇左2套戲.....一集台劇最終睇埋iris 既blog後...5點半訓落床....但係今日未夠12點又彈左起身....因為....我地要唔要張木沙發xdd

咁首先要清左d垃圾.....老豆最鐘意就係咩都話唔要...唔理個d係咩野...仲之佢認為係垃圾就要唔要...

成日為左間屋多野同媽咪都鬧左好多次交....

唔知點解今日都不斷鬧間屋好多垃圾....但係佢話叫你阿媽睇埋d 野要唔要...就"dom"左佢...

佢轉變左....琴日都好破天方咁同阿媽去行街....平時叫佢行街要佢死咁...呵~唔知媽咪會唔會覺得好恩惠.....



琴晚突然睇戲個陣收到一個電郵....係一個好耐冇聯絡既友人...

佢係一個有個bb但係送左比人既媽媽....琴晚佢既電郵講....她依然想起她的兒子...我問佢都隔左4年啦...你仲未放得底...雖然我知自己既親生仔冇可能忘記...佢話本身都好耐冇諗....但係唔知點解佢突然心血來潮想睇juno 個套戲...因為佢失戀所以去睇d 笑戲....當時我都睇緊呢套....當我睇到最後我終於明白點解佢喊到收唔聲.....喊到失哂控...因為個女仔都係最終放棄個bb 送左比佢養......而她當生完後只望個仔一眼就唔敢再去睇佢.....因為她怕....她怕自己唔捨得......

咁既日子收到一個咁既信息真係有點唔知點咁.....但係又覺得點解d年輕媽媽可以咁忍心又要攪又要有....又要生左出黎咁殺左佢.....我同事有日食飯係度講.....我覺得就係而家既性教育太詳細令到而家既細路不斷去試下....最終咪攪出個禍.....你諗下之前會唔會有咁多既未婚媽媽....以前既年代話錫下都會有左...而家...唔理三七廿一...攪左先算....有左咪落....唉....

6 則留言:

  1. 呢張相影到你自己好似小人國
                張老字
    [版主回覆05/12/2008 23:02:00]噓.....唔好講比人知....其實我係小人國偷走出黎大人國架嗎xdd

    回覆刪除
  2. 生左就送比人?佢真係好狠心呀!比著係我,我情願辛辛苦苦捱大佢
    [版主回覆05/13/2008 13:59:00]如果佢叫狠心...有左又要殺左佢個D 會唔會仲狠心?
    起碼佢而家叫比左個生命個B 比個好環境佢
    而家個B 去左外國比人養....起碼都叫好事呀!!!
    佢不知幾唔開心....就係因為個B 攪到佢入醫院
    佢為個B 自殺....攪到差D 入青山呀!!!
    佢個陣先得個15歲點養得起個B...個男家個便又唔認數仲話唔知個B 係咪佢個仔既....唉.....諗番起都心酸

    回覆刪除
  3. 送比人....咁都捨得?!
    [版主回覆05/13/2008 22:53:00]佢都唔想...佢養唔起...1個15歲既女仔,仲讀緊書個男仔屋企人仲要講個b唔知佢係邊攪出黎...
    攪到不斷要死呀!!!!有時d 男人攪之前不如諗清楚先啦

    回覆刪除
  4. 唉~而家 d 小妹妹, 就係唔識得諗, d 男仔又冇品, 所以先至會搞咁多 d 未婚媽媽出嚟.....^_^"

    回覆刪除
  5. 所以我們每做一件事前,務必三思才去做,免得害了下一代...

    回覆刪除
  6. 我爸同你爸剛相反.....乜都要...
    有時執完野佢摷我D垃圾,勁唔like

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...