2012年2月17日 星期五

【我們的情人節2012】火辣辣曼谷之旅 の Day 1 完全迷失於曼谷街頭篇 ◕‿◕




Day 1 行程: 機場→All Season Bangkong Hotel Siam水門街海南雞飯→白金商場→

Big C →番酒店放底野→唐人街→小小夜市→番酒店 


前言度講過,因為我有個同事都係同我同一日出發到曼谷既關係,
所以決定第一日就一齊食飯啦....
由於我同事比我遲起飛去曼谷,
加佢又係住 『Grande Centre Point Ratchadamri』 既關係,

所以我地最終決定我地去佢酒店搵佢啦,
而佢住酒店附近既BTS站係Ratcjadamri或者遠少少既Chit Lom

我地係香港個陣已經講明,佢大約會係12:00-12:30pm期間check in,
如果過左呢個時間佢地就未必等我地

始終人地一家人六個去,點會等我呢d 三唔識七既人咁耐呀,
加上我地預呢一日係去大皇宮,時間真係好緊張架


當我Check 好間房,就真係拿拿臨出門口去搵我個同事啦,
但係由我地酒店去BTS 真係幾鬼遠架...
而我地最近既BTS 站就係Victory Mounment 由我地酒店行過去大約要10-15mins ,
當然要睇下你本身行路既速度啦,其實一出酒店,
向你自己既右手面行(一出門口你係要面向馬路)
首先見到既係酒店既名啦,再向前行其實係見到條天橋架....途中有D 小食店其實好香架,
但係男友又有少少水肚不服既關係,我地住咁多日係冇食過D 串燒




(萬分叮囑,有腳力既真係聽話d 行天橋過馬路,
曼谷雖然成日堵車,但係當d 車行緊個陣真係唔睇人架..)

其實我地第一日問小食店D 人點樣BTS 站呢,
佢就教我地先行天橋過對面,再轉左又轉右咁既...
實情係過唔過天橋都冇問題既,不過點都要過對面架o者xdd 
即係而家有兩個方法就係先行天橋到對面,再向前行(期間會見到個公園架),
行到盡頭向左轉(盡頭轉左後係見到個白色既樓)再向前行...其實期間你會覺得條路好難行,
因為係好多好多既街邊檔係度,再直行到最盡其實左面會有個商場,你都見到個BTS 牌架啦
個商場有間鋪仲要不斷咁播緊韓國D 組合,你可以揀行商場入去轉番出去BTS,
再唔係就行商場隔離既天橋上去,再不斷向左跟住人流行就終於到BTS 站啦XDD


好啦....講完一段點去BTS 站,係唔係好悶呢=口=
我都覺得好辛苦XD所以係搭巴士最方便既
我地就要去搵我朋友,首要我地係Victory Mounment搭BTS 去Ratchadamri
但係我又懶醒咁以為係Ratchathewi,仲係度同男友講,乜原來我地咁近架...
落左車之後問人地呢間酒店係邊,完全冇人知,問有個人又指住另一座大廈,

其實由香港一到曼谷個陣我已經熱到頂唔順,熱到成頭都濕哂又要趕住過去搵個同事wor..

點知行左過去,人地都唔知話唔係呢度wor,問佢又話要搭BTS,行既起碼十分鐘...

當時我已經好心急架啦,一來又怕同事唔等我,二來又熱WOR...男友見到我咁既樣,

又走去望一望我部IPOD 張相,望左之後佢就同我講...[小姐,我地落錯車囉!]

佢就指住個BTS地圖話你望下我而家落左個站,附近都冇Chit Lom 站既,



原來我望錯個站名,佢係Ratchadamri 唔係Ratchathewi,

而佢我就懶醒望頭個幾個字既就記住佢個幾個"Ratchxxxxx",之後男友又話係 落車啵...
最後行到成身濕哂,又左搵右搵....終於搵到同事間酒店啦!!!!
幸好,因為佢又遲左起飛,又未Check in 到,最後先可以見到啦....
既然講得係完全迷失於曼谷當然唔止咁少野啦....我真的情願冇呢一日存在過...

正當等佢地Check in 好,Check in 好都差不多成兩點左右啦,
而同事家人話因為大皇宮係5:00 關門架啦,
所以佢地決定第一日就唔去大皇宮,
加上大家都肚餓所以決定去食水門街最出名既粉紅衫海南雞飯!!!
點知.....我地兩點半前已經到左,佢地已經將d "登"放哂係枱上面...
但係同事家人同係旅行書度睇到係三點先中場休息架
咁冇計啦,唯有係第二間食住先啦,因為實在太餓啦....咁行番去前面個條街度食番,
當時呢間野都幾好生意,但係原因係我地覺得或者係因為粉紅衫水門雞飯中場休息關係
我地係曼谷既第一餐飯就係水門街海南雞飯(綠色衫)

唯一唔同既就係呢間係餐牌比你睇,同埋有串燒食~~起碼你唔識講,都可以看圖點菜

而今次我地叫左最普通既海南雞飯,同埋串燒xdd 
呢度唔洗叫湯架,佢會自動比埋個湯你架,最重要係一枝好凍既可樂!!!!!


食飽飽之後,男仕們就話完全唔覺得食左d 咩囉!!嘻嘻~我就覺得岩岩好啦>w<
之後去左見左同事既家人想去一個商場,佢地叫個商場做"白金商場"其實佢係叫Ptannnum


但係老老實實講,我完全唔覺得呢個商場有咩行,
只係覺得佢似香港既旺角中心一樣囉,
係有幾層,每一層都有唔同既衫呀,鞋呀~袋呀個D,但係係冇男生野買架XDD

不過佢有兩間Cafe 都可以望到對面

Big C方向條河架,都係一個幾好既放鬆抖抖既地方!




跟住就係去左Big C大掃突掃啦,因為同事家人叫我地夾埋比錢,

可以1齊扣稅啦~點知我地買完好耐都見唔到佢地啵,又再行多幾圈啦...

當我地行到真係唔想再行既時候....原來佢地一早買好野等我地...

說真的...燒左左個Big C之後,我覺得少左好多野賣,
起碼我之前係可以買好多隻味既百力枝,

但係今次得番一隻味囉-口-

今次完全乜都買唔到,同埋冇咩特式野食~除左紫菜外,
我都見到好多小老板之外,同埋一隻我食過一次必回購既紫菜xdd
好多野根本百佳惠康有既野,點解我要係曼谷買番黎先?
但係我地都唔知點解點掃都可以掃到二千幾蚊泰幣...

本身原意就話我地買咁多野,不如放底係我同事酒店度,
當我地去完唐人街食飯同埋去埋夜晚先去拎番D 野啦
點知男友又話唔好啦,我地又有生果又D 野飲,不如直接拎番酒店先,我地再係唐人街集合啦!
咁冇計啦~咁大家約左7:30左右係唐人街南星入面等啦
誰知...又開始迷失係曼谷街頭,因為我之前又睇過人地D 文,
知道係有巴士番去酒店,但係我地又唔識搭wor
打算行番酒店,點知愈行愈攰,最後忍唔住真係要問人點樣搭巴士....

點知同人地All Season Bangkong Hotel Siam ,

有個好熱情既姐姐就以為我地係住係Siam

所以又教我地搭車~又陪我等車仲教埋我上車tim....
真心的很感謝個姐姐既幫忙..
但係最終我地係上錯車,去錯方向.....
但係巴士上姐姐講我地知上錯車之後又冇收我地錢
係巴士上面仲有個識講廣東話既男人話我地知我地搭錯方向,
最終我地又去番Big C 度落車
真係頂唔順啦,我地最終決定搭的士就搭的士,
好彩一上架的士就可以計咪錶

原來由Big c 行番去酒店都好鬼遠,所以大家唔好學我咁做-口-
番到酒店,我放底野已經同男友好準備行啦,唔好叫人地等....
點知佢話"我成個背隻都濕哂啦,比我涼多一冷氣啦"
好啦,最終成七點先出到門口...
.記得睇過人地話d 文酒店門口定唔知對面係有巴士去唐人街既,
問多次酒店既人,我又懶醒咁以為人地係講對面個巴士站,
點知原來我又再一次搭錯巴士-口-

其實去唐人街係酒店等73號巴士就岩架啦,咁冇計啦,
又落車行番過對面啵,點知係落車期間又走左架巴士,
過緊馬路過對面期間又走左間巴士,我真係好心急呀!!!當時己經7:20啦....
等左好耐等到7:45左右終於上到巴士啦,
一上車問巴士姐姐係唔係去唐人街,佢點頭,先安心一點!
誰知....我唔記得左曼谷係勁勁勁勁堵車既城市囉!!
我地足足堵左車成粒鐘咁濟...不斷望住部電話,又心急又唔知人地等唔等我地
又唔知堵幾耐車,又驚人地怪我地玩野....
仲之當時我係完全冇心機去影相,最大問題我係唔識落車囉....
真係不得不讚當地既人,真係好有心,因為我真係唔識點落車,
當時我前面有對後生既情侶,我用我有限既英文問佢,
可唔可以教我落車,佢地真係超好...
我已經堵到冇哂心機,完全迷失既時間佢話我知,差不多到了...
當我地落車個陣,已經係夜晚既9:00 啦......呢程車足夠我由粉嶺搭幾程車去到赤柱啦-口-
其實當架巴士經過呢個牌既時候,你已經可以準備落車架啦~~


一落車我仲立即跑去南星搵我同事啦,幸好我同事仲係入面食緊野...
我萬分唔好意思呀雖然同事同佢家人冇講d 咩,但係大佬比我都嬲嬲地啦
玩咩,我約你7點30,你成9點先到....
最後我地係Day 1 既晚餐就係南星食既最豪既一餐.....
一坐底,餐廳小姐已經為我地準備一杯透心涼既菊花水...


係去旅行之前我同佢講今次我真係要食翅食燕窩食T&K!!!!
點可能今次唔叫左魚翅先得架,我知我唔係環保人仕,
難得去到曼谷,比我做一次衰女啦好嗎XDD
叫左個$500/B 既翅,同叫左個炒飯同埋炸魷魚~~


我影左翅之後我冇再影相啦,根係拿拿臨食野啦,仲叫人地等我咩.....
其實我都未落到格,佢地話不如再去食燕窩啦...咁又去食燕窩啦
今次我地揀左小碗,因為大家都係想試下咁解,所以無謂叫碗大啦! 


你地睇唔睇得出,兩碗燕窩有咩分別?


答案: 就係上面個碗冇白果,下面個碗有白果
有咩分別呀?我地覺得就係冇白果既係多D 燕窩XDD 
但係有白果就冇咁單調,同埋d 白果好好食,好甜架...
如果你地真係有諗過去試既話,
可以一個有白果,一個無白果,試下個分別啦:p

食飽飽就係時間去買手信啦.....不過唔知點解,
我地去個間唔係林珍香(老鋪)而係林珍香(合記老鋪)
而男友同同事老公都發覺呢間鋪唔係之前去個間,
出左去搵,但係又唔出聲wor...攪到我同同事係度搵男人xdd
最後唔知係已經關門大吉定係搬左啦,佢地行左好遠都唔見...
咁最後都係買番手信..其實當時我已經攰到好想訓教.....所以完全冇心機去影間鋪既相...

以為食完飯大家各至各番酒店休息啦,點知同事家人話不如行下書入面個曼谷女人街呀
咁都係要去搭地鐵轉車番去架啦,我都費時亂咁搭巴士又搭錯車呀真係
但係由唐人街行番去地鐵站都真係幾鬼遠架,同埋同事家人話佢地係地鐵站行過黎個陣,
已經有四個唔同既人同佢地講唐人街附近冇人開門架啦,附近冇野食架啦,
最抵死個個係同佢地講唐人街逢第一個星期既星期五係唔會開門做生意,
但係以上既人,全部都唔係話帶佢地第二度食飯,呢樣先係最可笑.....
事實上唐人街一年三百六十五日都係會開門架 !!!!

同場加影: 送上於唐人街既又大又圓既月亮...好靚呀>w<
(男友: 個 亮都崩左少少啦,有咩咁靚呀!)同佢講浪漫真係哂Q氣=口=


行左差不多20mins,終於到左我地去搭車既地鐵站,
亦係唯一一次係曼谷搭既地鐵!
而地鐵個站就係Si Lom 啦!


係等緊車期間~我偷影左我男友xdd 


上到車啦,其實我地係上車....


落車就係 ,佢同時係一個轉車站,
就好似香港既九龍塘咁,行番落去就已經係BTS Sala Daeng站啦


再轉車去Saphan Taksin打算去曼谷女人街,但可惜既是.....
同事家人不懂走入去那個夜市,我們就係個條街度左行右行,不斷來回咁行...
其實個個都已經好攰啦,所以同事就同佢家人講,不如算啦...大家番去酒店休息啦
就係咁既....我呢個完全錯哂既第一日就係咁完結左....

其實係咁攰既時間係BTS 站行番去酒店,真係會想死,
最大問題係.....我地夜麻麻係認唔到路呀
幸好,見到酒店個牌...唔係我地又再一次迷路啦...
番到酒店,我立即搵衫沖涼....
但係當時我太攰啦,都未拎我D 洗面產品出黎,
所以就只係草草沖過涼
就叫男友沖涼先,自己抖一抖再起身拎D 野出黎洗面...
點知我一抖就訓到成隻豬咁樣...郁都唔識郁....男友叫左我好多次先有反應
佢話人地唔知,佢以為我昏迷左XDD 又或者死左-口-

我呢個完全錯哂既一日.....就係咁過左啦......
你又覺唔覺得我呢日係完全錯哂呢XDD 


希望你地也喜歡我今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com


以下地方可以找到小妹架^^

1 則留言:

  1. Son Cheung 正 義2012年2月21日 上午8:03

    ♥ ~ ~ ~ Happy year of 2012 ~ ~ ~ ♥
    [版主回覆02/22/2012 09:35:18]Happy New Year~~~

    回覆刪除

【保養】▌只需要10mins ✨ 給肌膚享受三種不同功效 ❤ ▌

炎炎夏日,又熱又焗既天氣真心唔好受 加上空氣污驗,天氣影響真係 放完工番到屋企都覺得成面係塵同油呀 即使係岩岩番到公司,都會成頭汗同成面油咁 真係唔知可以點解決呢個咁難頂既夏天 早前就收到b.liv 既最新產品 O2 bubbly bright  O...