2008年3月9日 星期日

眼鏡鋪事件

因為本身我唔見哂D Con呢....攪到要去買啦......我真係超級超級唔鐘意眼鏡88!!!!第一態度差,第二當人冇度.....有一次我副眼鏡成日跌落黎...諗住去就近既眼鏡鋪整....咁對我黎講最近都係德福唧,諗住整下副眼鏡個男仔,第一句已經問我,你副眼鏡係邊度買?我話係A-LOOK!佢就即刻黑面啦....心諗唔洗呀,你有冇講明第2間眼鏡鋪買既眼鏡唔可以係你度整先.....有既OK係我問題....但係你有冇當我係一個客仔呢....真係有心買野呀!!都唔會係你呢間買啦.....今次我要急住買CON....最近都係得眼鏡88,入到去門口.....D人見到你唔會SELL 你架...當我走個櫃面先有個女仔好公式化咁講有咩可以幫到你?我想買CON,佢就好晦氣咁話咩牌子?博士倫...170盒...340蚊2盒...1定要買2盒...心諗 邊個規定1定要買2盒架?我買親都係1盒....我又唔係成日帶,點解要買2盒..?之後我話唔洗啦唔該....即刻黑面囉.....咩態度呀!!!!我同大肥講到明唔係搵到第2間又要急住都唔會揀呢一間......態度超差既眼鏡88囉......

之後我去左偉華個頭....確實唔記得咩商場,係有間M記既!!個架眼鏡鋪雖然唔係集團式起碼入去令我好舒服,雖然盒CON 係比我平時買貴左40蚊....起碼我肯比呢40蚊人地賺囉....又好態度好又好笑容.....起碼我唔係個度買眼鏡.....人地都冇黑面咁幫我整...仲要整到我認為岩囉...又比我係度帶埋CON.......我做客人都係想有態度好既人對下我....唔想下下都黑面唧...我知可能你公司要跑數但係你咁既態度真係令人地唔會黎幫襯囉....



3 則留言:

  1. 同佢嘈呀麻!睇下佢點講都好呀!佢呢D咁既態度比我實鏟左佢上天喇!仲忍佢,唔似你喎!
    [版主回覆03/12/2008 13:52:00]乜你睇到人地咁野蠻架xddd雖然我叫野蠻妹唧...係人地面前我唔會做到咁架嗎xdddd
    所以唔係必要搵眼鏡鋪呢.....我都唔會再去.....

    回覆刪除
  2. 眼鏡88我呢一世都唔會再去,因為細個响呢間野配過副眼鏡戴到我頭暈又唔肯換比我,所以以後都唔去呢間.
    [版主回覆03/12/2008 13:53:00]我細個又係呀!!!帶個眼視既永數同我本身都唔同.....帶落唔對路去左第2間換先知咋....都唔明點解佢仲可以做咁耐.....

    回覆刪除
  3. 呢d集團式既舖(眼鏡88&藝視)最搵笨實,我以前都比佢地扼過,唔好幫襯佢

    回覆刪除

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...