【 我的懷孕日記❤】我最煎熬的十月份 ♬ 第一次的唐氏測試(11w6) ✿

在做唐氏測試前夕,小妹已經在私家婦科見過醫生三次
仲係照唐氏前一星期先見完醫生,都未發覺任何問題
直到國慶日後的第二日,我跟先生懷著興奮既心情去醫院做唐氏測試

去到醫院一般程序就係交表之後,就拎個籌
再等等等等同等...之後就等叫名入去睇片
但係條片好Old School架啦,睇完就可以出去等架啦
之後就等姑娘叫名入去準備照bb 啦

當天醫院姑娘都好測左好耐
聽到隔離媽媽係咁話佢BB 點點點,真係聽到都覺得開心,
但係唔知點解當日既我就測左好耐,仲要叫我抽左血再番去再測多次
開頭就以為寶貝他的位置不太好吧? 
因為在做檢查之前我是有做資料搜集的
誰知....BB 的頸皮厚度蠻高的,仲之數字就是什麼3.7
正常的度數應該是2以下,去到3已經危險,我還要是3.7
姑娘已經即時通知,我有機會是高危的唐氏BB
醫院方面一定一定會打比我通知,
而一聽完消息後,我一行出去醫院門口就開始喊到收唔到
番到屋企又喊,喊到失哂控
男人又望住我係度狂喊,又唔知可以幫我做到D
直到朋友們叫我唔好太擔心去做T21 買多個保障
就即刻打去港安醫院同劉子健醫生度約期做
由於當天係假期之後,約期真係好難插位
劉醫生個度就已經即時打左去問,都話有D 困難

已經六神無主,乜都好似等人地電話確認我咁
最後為左自己唔好亂諗野就死都要番公司
其實即使番到公司都開始六神無主
當時也許為左自己唔好亂諗野卦

點知係男人陪我番工途中就收到港安既電話
可以即日既下午去做T21 既Test
即使就番到公司附近我都同番同事單聲就即刻上左去港安啦

去到港安就首先去左護士站做好登記,之後度高磅重
問一下有關於你既家族既病例,同埋本身自己有冇食煙飲酒等等
之後就可以再等叫名見醫生啦,今次係見何嘉慧醫生
本身就冇咁快可以見到何醫生,不過姑娘應該見到我喊唔停
所以就比我打尖先見左何醫生先,不過見左佢唔夠5mins 就比佢叫番我出黎
講既野都係話真係幾厚下,一陣出去抽血咁就完左

最後姑娘就叫左我比左錢先再等抽血,
總共比左$7000 左右好似,
T21 就好似$6200 , 見醫生係 $760
之後又要等待最難捱既一星期,因為報告要一星期之後先有
係呢一個星期入面...我可以無時無刻突然咁喊
坐係度睇電視會喊,睇到朋友Send 黎既MSG 會喊
睇到有d 情節會自己係度喊..

直到星期一番緊工既時間又收到醫院打黎話高危
要係星期二見醫生,又開始喊到收唔到聲....
見左醫生佢就講多次既頸皮既問題,之後就問我做唔做抽絨毛
當時乜都話好,乜都話做,最後仲決定做埋晶片問題
再約左下星期二再做呢個抽絨毛
點知......係同日醫院又話我原來有地中海貧血
問我知唔知同時又要抽埋男人既血,
正當我地都以為冇問題啦
因為婚前檢查一切正常,誰知.....



想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com


以下地方可以找到小妹架^^










留言

熱門文章