2009年4月13日 星期一

日記變了事記......

真係好耐好耐..都冇打過Blog,

仲要比位朋友話你個Blog 變左事記啦xdd

回想一下又真係,而家每日都好似好忙,好多野做

已經好似冇咩野想打落去咁....

原先打算係復活假會打日記....

但係又要趕份會議紀錄,又要做番份指引.....

又要出街玩喎,個人又懶既關係啦!

所以就冇打到啦....

講番我呢幾日假去左邊先~

第一日~原先都打算係屋企乖乖地咁做功課,

點知比朋友仔叫我出去唱K~

就係2條女唱Happy Hour!

咁就冇左百三蚊啦...

唱完k~我番到屋企又好比心機去做番份會議議程

第二日就準時咁交功課啦....

又玩下電腦咁啦~無無聊聊又係夜晚先走去開夜車...

第三日.....開完夜車就走去踩單車啦...

Wa~今次好急....三粒鐘入面要來回大埔同沙田...

但係今次一d都唔好踩太多人啦,

係咁撞車....係咁窒車.....真係有d 恐怖....

踩到差唔多到大埔個陣~竟然竟然....我望一個人好熟面口

好熟好熟....咁似一個人既....真係咁似....

原來真係Feon 呀,真係咁有緣先得架....

咁耐冇見,咁都可以係咁多人既時候見到先得架,

不過係見唔到七七,有d失望xdd

踩完單車真係有d腳軟....或者今次比上次用力左...

之後上去Join Gym 既課程,

原先要麻煩RX幫我手既,但係朋友仔話佢幫手~就冇叫rx 啦

但係RX 下次你做既時候睇下我放唔放早啦:P

跟身佢地話落去"6 Ling"腳仔都軟咁濟...

加上我唔識~最後我同3個人又落左去唱k

哈哈~又去唱啦~~~

最後~既結果咪就係隻腳就足足痛到一晚...

申直就完全係痛.....

琴晚係有生以來痛到訓唔到.....都係第一次

今日就比個fd 嘈醒陪佢出去食飯....

wor....好彩腳唔痛...唔係都唔知點陪佢行街...

但係條腰就到想死咁...

我fd 仲笑我....人肥係負重多d....

哼....我一定會做成績出黎既...



3 則留言:

  1. 我都覺得同你好有緣呀, 踩過咁多次單車都未試過撞到朋友, 今次都係第一次~~~~~ hehe~~~~

    回覆刪除
  2. 嘩....真係勁有緣wo....XDDD我都間唔中撞到人....仲要係一個諗到諗唔到的地方~~~XDDDD Angel, 妳都玩得好勁wo...快d休息多d, 等對腳無禁痛啦~~~
    [版主回覆04/17/2009 00:56:00]我都好耐冇撞到朋友....仲要撞到咁耐冇見既Feon

    回覆刪除
  3. 因為太耐冇做劇烈運動, 突然間做, 所以咪痛囉~
    [版主回覆04/17/2009 00:56:00]真係痛到傻....

    回覆刪除

【保養】 頑強的海星精神 ♬ 超強急救MYOSKIN 海星安瓶 ✿

安瓶,也許不少女生也聽過這名字 而我第一次聽說安瓶就是準備婚禮期間, 就是去試妝時或者去影Pre-Wedding 時 一定有一些會水你同佢買一些什麼安瓶類的東西 我不是不相信它們的功效,就是不相信要那麼貴嗎 就自己在街外買一些人家推介的安瓶產品 但是...