2009年5月13日 星期三

下定決心.........離職....

唔好咁擔心住,我仲未比信,

不過今次應該唔會得個講,應該真係會唔做啦,

公司太多太多既轉變,一時之後我接受唔到佢個套

同埋有時覺得做得太遠~即使比我6點半收到工,番到屋伍都要7點半八點!

加上成日有太多突如其來既工作要做,

D壓力不斷不斷咁加左上黎有時真係有透唔到氣

雖然係呢間公司,只要你肯講佢地一定會聽,

不過做唔做到就另一回事,

好似近來攪既文字化,文章交流會呀,乜差閱讀報告等等

都係我個個"好好阿頭"同阿老闆講既

不過真唔真就真係唔知啦,始終我都係聽番黎!!!

近來同事入面叫傾得埋既朋友都一個一個咁離我而去....

諗諗下~話唔做到而家都差唔多2年,

既然咁辛苦~應該講得出做得到嗎~

但係始終我就係咁~【船頭驚 ,船尾驚(擦)】

乜都驚一餐,最後咩都做唔到.....唉

最近又因為不斷開OT攪到自己個精神好差

仲無端端自己喊.....好得人驚

同班同事出黎玩.....已經冇Mod 飲.....醉又唔識醉~唉...

真係辛苦到爆炸....

所以決定左一定會8月比信架啦

但係同事仔J話其實做得咁辛苦點解唔而家一齊走,

同事H 就話佢要等夠2年啦

同事J 就話其實差3個月其實出到去都係一樣!!?

係架咩@@但係而家最最最擔心就係我爸爸個邊

我爸爸一要番黎,即使我幾辛苦我都為左D錢留係呢間公司......

唉......到而家我都唔知應該6月比信好,定真係等到8月先比信呢????

4 則留言:

  1. 慢慢諗清楚先啦~~~如果真係頂唔住, 就六月俾信law....仲記得我第一次炒老細尤魚, 無人型得過我! 唔駛陪七日, 立即走!!!咩原因~~下次msn話妳知呀~~~哈哈~~~

    回覆刪除
  2. 做我唔開心咪走....

    回覆刪除
  3. 頂唔順就走喇,就算你做到8月都係頂唔順架喇,唔通你8月突然會頂得順架咩!你爸爸返左黎,就要你繼續係度做?唔通要你一個女養晒成頭家?唔通要個女就算幾頂唔順、幾辛苦、精神就黎崩潰都要維持頭家?如果係咁,我覺得佢好自私囉(希望你唔好嬲)!或者有其他原因會令你繼續做落去喇,但我真係驚你頂唔順。

    回覆刪除
  4. 你有你自己既諗法架喇~
    俾意見你同時都會尊重你決定,信得過你自己^^

    回覆刪除

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...