大肥......生日快樂

今日係我男友....大肥既生日


生日快樂呀!大肥....


不過我知佢今年生日一點也唔開心....因為連我自己都唔開心....


為佢生日我諗左好多好多既計劃同佢慶祝...


假又拎埋...仲要比人拎D冷言冷語講我聽...


星期六都專登做夜少少...做埋D 野開心咁同佢慶祝生日


但估唔到.....佢鋪頭有事....生日都放唔到假...


我知佢生日都要開工都好唔開心....但係我真係好唔開心


辛辛苦苦清哂D 野為既....想同佢開心一日咁慶祝


不過本身自己個人又係易發癲既人....係星期六已經黑哂臉


我知佢好想發癲鬧我....我知佢好辛苦


所以星期日我都好乖.....係七點先落去搵佢...知仲有幫緊佢都唔敢入去搵佢住...


跟住同左大家姐傾過下....


"佢話我如果我地仲成日硬碰硬既話,我地又好快會散,.....佢都同我講....你都唔想你地咁辛苦得到既感情咁樣冇左架.....你都知道佢身為一個經理,佢鋪頭有事...佢最大責任架嗎,你都知道佢幾怕你唔開心先得架...你發一次脾氣..佢個日成日都冇心機做野....你琴日咁樣黑面,我地識你就唔會出聲由你地唧....仲有其他人係度...仲有其他細架嗎?佢地睇到會點諗先?"


跟住因為佢知我黎左同諗住陪我食餐飯....佢走個陣同我講佢可能唔見左電話,琴日我都覺得自己好叻....冇發火不得止....仲好好聲氣咁同佢講...或者我知道我要體諒呢個辛苦經理既....比著平時我一早發癲咁鬧佢做咩咁唔小心唔見左我送比佢部電話....因為呢份係我送比佢既生日禮物....


係車度佢拆左我送比佢本相簿....但係佢太了解我啦....佢一見到本相簿就知道入面係D 咩黎....我整左D咩.....我唔知佢驚唔驚喜...我只係想佢記住我地之間既回憶.....我地仲數左....原本2年入面影左得個59張相咋.....之後佢仲同我講....你送D 咁有心思既禮物比我....我都唔知送咩比你好啦....我話你唔好再甩我底,.....可以陪我去到迪迪尼我就好開心啦......


今朝一訓醒就好頭痛....一醒就落左樓下睇下有冇蛋糕買...點知最後一個都比人賣左....諗住出去東海堂買個佢鐘意食既芒果蛋糕比佢.....點知粉嶺站度冇.....我專登要搭火車過上水先買到...不過都覺冇所謂啦....最重要佢開心啦....


買完即刻番去鋪頭度搵佢....佢見到個蛋糕冇開心仲要話你買個蛋糕做咩唧....我話唔得閒食閒就放係入面先啦....佢又話冇位...我咪放番上屋企囉....點知佢有個FD 又係樓下做既...SMS 我問大肥係咪今日生日....我話係蛋糕都買埋但係佢都唔想食....佢問我點解...我答雪櫃冇位....我個陣真係好嬲....


本來約左阿哥3點係沙田見面架.....但係都怕佢1陣收工我趕唔到番黎最後都推左....頭先七頭左右落去...都見佢唔得閒...最後我就放左個蛋糕走左啦.....而佢呢一日咁完左.....或者呢個生日佢會好難忘........


今年係我地之間既第3個生日....不過今年你冇時間....


只好哭住同你講聲.....生日快樂...


 


留言

  1. 生日要過得開心,唔好想太多!

    回覆刪除
  2. 男人以事業為重呀~無事業佢第日點養你呀~

    回覆刪除
  3. 其實我知你想為大肥慶祝生日先咁緊張
    但係我覺得佢大姐講得arm
    男人係需要為事業搏命的
    做女朋友/太太要識得體諒下佢
    如果佢對事業冇責任感or沒事業,你都不會喜歡他吧?
    所以唔好唔開心啦
    你地仲有咁多個生日慶祝,少一個都唔相干啦
     

    回覆刪除
  4. 所以幾年前我已經決定.....生日一定唔係香港過, 無人找到我, 更加無人找我開公.....今年的生日都未決定好去邊到, 好多地方想去, 好多plan.....
    哈....大肥, 生日快樂啊~~~~~

    回覆刪除
  5. 您都係想佢生日開開心心 , 先咁緊張姐 . 係咪仲有農曆生日未過呀 . 到時再慶祝囉

    回覆刪除
  6. 大個女喇~~~要學識體諒同互相尊重~咁樣既感情先會長久!!加油~

    回覆刪除
  7. 生日年年都有, 今年唔可以盡慶咪出年囉, 唔好咁啦.

    回覆刪除

張貼留言

熱門文章