2008年11月22日 星期六

泰遊曼谷之旅---Day 2

琴日神早訓左,朝早8點大肥 就問我8點啦喎,我地起唔起身呀?一聽到8點,起!1定要起身呀!!!!人地話6-10點冇早餐架!!!!
左攪右攪,,,,,,最後8點落到樓下食早餐~~~都預左唔多野食架啦~~~冇諗到少到咁,,,,,,不過一讚係佢地服務真係唔錯架,雖然其他配套真係唔多得xdd





食飽飽~~就上去換番件衫~化個靚妝就出去啦!


呢個係房出面既外景~似唔似係大陸xdd

我地既苦行憎行動正式開始,首先我地就行去搭BTS 去Chit Lom落車,但係11點未夠商場係未開哂架,似個空城一樣!去左一個商場Amarin Plaza見到有Boots,嘩....又發揮我既小宇宙時間,買~買~買Hand Cream,潤唇油等等.....行行下,見到Anntie Anne's ,見到d 營友話好食兼抵食,起碼係香港唔係易食到!


咸咸地咁,都唔錯呀! 不過食完早餐又食呢個餅有d 飽喎......honey 話帶我去見下四面佛!


HONEY 話影張相好啦,唔好冒犯神,
因為一早同Honey 講左黎到bbk 我1定要食雪糕,因為係布吉個陣已經愛上泰國既 Swensen's !但係今次好似唔多岩心意咁....Honey 唔肯陪我食雪糕火鍋,左揀右揀....最後都食左佢地今期既推介.....


呢個可以揀5個球


我既可以揀2個球~~
Honey 話之前佢黎bbk 個陣~呢間雪糕店好多人黎食,而家CentralWorld開左,靜到我地食咁耐,都冇人坐底!勁似包場xdd
跟身Honey 要買蚊怕水去左Big c 2/F 個間藥房度買野,點知比我見到營友話好好用既蘆薈啫喱
Day 1我係BIG C 買左1枝~因為我以為係用黎洗面-.- $175~但係間藥房買緊 $ 150/枝(中size)以我既師奶性格考慮緊之際~Honey 話既然好用,買多幾枝啦....咁就掃多4枝啦xdd Honey講得愈黎愈好聽架唧
跟身轉入去Big c 買d野啦,再去Boots 望下~買下d 野啦xdd都其實唔係d架啦~~~好鬼重呀!!!
轉個手去左CentralWorld既室內JJ  Market 行左陣,或者真係太早既關係真係冇咩人行!睇中左個騰袋但係得個細既,仲要$350 ,雖然有得講價,但係細既唔太岩...Honey 話要買個Naraya 既袋比契妹~揀左個新款既背心型袋比佢~
跟手又去左ISETAN 嘻.....係時候又掃貨...Honey足足等左1個鐘去揀Bar.....最後都係買左5個Bar 同3條底底,找數$3480
買完野又搭BTS去MBK !開頭我真係以為MBK 似旺中一樣好多野買~或者我真係太攰啦~最後都係空手而走...行下行下~見到Loft ,我記得我睇書個陣見到Loft 係有我想買既情侶TEE 同情侶帎頭套!即刻又衝過去啦~~~~
果然呢度真係買到哂我想要既野,我揀左1套帎頭套(藍色)3套情侶tee 同1件盒仔tee,本身拎住咁多野想番酒店放底野先番酒店....點知坐錯站,,,Honey 話不如直接去Sala Daeng 行下~佢話有個似廟街既夜市,但係睇書又話星期一 OFF 喎!
愛人話既然黎到~去左Central Department 食Fuji 先~呢間又係我係布吉食完真係一試難忘既餐廳!





成木台野食先係港紙 二百幾蚊,香港有冇可能食到
Honey 話既然去唔到個個夜市~不如同我去"樹唸夜市"~轉去搭MRT 去Si Lom 啦,有左MRT 真係超級方便!






愛人話而家比之前真係冷清左好多好多好多,,,,,,或者太多不利傳聞啦
最後我都買左對拖鞋$80,朋友ORDER 立足$70,我想買既大騰袋$350
頂唔訓+勁眼訓之下......放棄啦番酒店!
愛人去之前係咁既樣


番酒店個陣係咁既樣

今晚我地2個好叻呀~自己由BTS 行番酒店,不過夜晚真係要行都幾煩,因為佢幾條街係1齊,,,,夜晚冇咩街燈...真係唔多得...轉左2-3條街先搵到....
番到酒店真係想去按摩下,,,,,點知人地Booking Full左,睇下我地既林真香到左未~因為老闆話即晚送貨!問左Lobby 話冇野比我地喎!下~唔係卦!好在愛人拎左老鋪卡片,即Call
老闆打救,老鋪老闆真係值得一讚
!由我地打電話比佢~到個貨番去我酒店,到唔洗半粒鐘!原來酒店太偏啦,伙計去左第2條街既酒店~老鋪老闆超好人,我Honey 話下次真係再戰BBK 1定要幫襯老鋪!!!!!!從來未聽過佢會講1定要幫襯1間鋪,,,,老鋪係得既,咁不得不提,Lobby 既Staff 都好好,由我打落去問我件貨去左邊,直至件貨到手,佢都電話不離手咁幫我Follow!
攪掂好d 野.....就番上去影戰利品啦~~~~~~Yeah!

Day 2戰利品,,,,


黎過Day 1 同Day 2 既大合照(唔係愛人要拾行李~都唔可以搬哂出黎影相)










真係超攰啦今晚,,,,,,,所以影完相.....就沖涼訓教


3 則留言:

  1. 嘩..................... 你買咗好多嘢喎............................

    回覆刪除
  2. 我上次都有買boots既番茄味hand cream!!!ok好用架!!! wow~你都買得幾多野啵...

    回覆刪除
  3. day1,2就買左咁多野~勁呀~ 早知叫你幫我買蝴蝶袋喇~

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...