2016年5月24日 星期二

【 Hugo 成長日記❤】餵奶。沖涼。按摩。換片片 ♬ 一塊多用Petiten多功能軟墊嬰兒椅 ✿

自從Hugo 出世後,就真的發覺當上媽咪這個位置絕不易
在他的出世後要每兩小時餵奶一次,有得訓突然變得好幸福
有時餵完奶,換埋片洗下手再抱下哄下又已經係下一餐
幸好的就是我在娘家坐月,有婆婆在早上幫忙一下
可以令我休息一下,但係始於埋身食奶,抱住呢個Hugo B
絕對不是一件易事,Hugo B 一日一日長大
就睇住佢一日一日咁重左又長左,抱住佢有時真係會手都痛埋

有好幾次一路抱住一路另一隻手要搵D 野碌下等D 根冇咁痛
有時長時間抱住餵奶,隻手痛到真係有D 想喊,
又擔心會唔會咁快有媽媽手呢?

好彩係呢個時侯我有機會試到呢個
韓國Petiten多功能軟墊嬰兒椅
聽講佢可以減輕餵奶既壓力同時又可以同阿B 沖涼tim


呢一款既多功能軟墊嬰兒椅共有兩色分別有粉紅同粉藍色
今次我分享既就係粉紅色既
本身呢張多功能軟墊嬰兒椅擁有柔軟易握而防滑的PU物料
唔會咁易線左阿b 出黎之如仲可以令佢坐得隱隱陣陣


加上它流線設計,用黎餵奶隻手又冇辛苦
加上墊底仲有個小位置可以固定係浴盤上面


首先我分享下我用左黎埋身既時間啦
平時埋身就一定要用一隻手托住阿B 個頭
最好就利用手臂既位置托住頭,手掌就攬住佢條腰
但係當長期咁抱隻手真係會痛到想喊

但係有呢塊既軟墊嬰兒椅就可以幫助不少啦
首先唔洗下下用手臂托住個頭,
其實真係想講阿B 愈大個頭就愈重
利用呢個墊我最多就係就係托一托阿B 背隻位置
壓力冇咁大同時可以佢又坐得舒服
又唔會因為我既姿勢令佢嘔奶/回奶,最重要就係唔怕佢會濁親呀嗎


另外就係可以用黎沖涼啦,不過今次我就費時拎真人示範啦
因為我怕我一路影相會令佢冷親啦,就簡單咁介紹下啦
要知道坐月時間,多數話我地呢d 媽媽唔好掂生水
咁係頭頭既一個月多數係Hugo 婆婆同爸爸幫佢沖涼
但係坐完月之後就唔可能下下要麻煩左婆婆幫手,
加上我都唔係長時間係娘家度訓
坐完月第一樣要挑戰就當然係要學點同阿B 沖涼啦

雖然阿B 比起岩岩出世個陣真係大左好多,
但係始於佢仲係BB 黎架嗎,個盤就一定比佢大
一個唔小心線手比佢跌左落水就肉都赤埋啦
次次沖涼都好似同佢駁鬥咁,又要捉住佢"加拿大"位
又要托住個頭仔,次次沖完涼條腰同隻手都好攰

不過有呢個墊就唔洗咁煩啦,因為只要有呢個墊
將下面個塞貼實係盤上面,咁我就隻手就唔洗專登扶住佢啦
同時又可以幫佢將D 水淋落身度,唯一就係唔可以比佢自己扮游水啦
我就覺得初生BB 係最岩用架,因為唔洗咁擔心會線左落水
最重要呢個濕左水抹一抹就乾啦,又唔會有陣臭味存在

最好就係可以一路浸水同時幫阿B 按摩下肚仔同時可以去下肚風
仲可以拎黎換片架,要知道唔知點解D BB 係要
你係除左片片或者換曬片先黎再噴便便架嗎XD
要搵一個容易清潔既墊絕對係一件好事黎架


睇完我既介紹唔知你地又覺得點呢?
今次呢個 Petiten多功能軟墊嬰兒椅 只需要$269 
最重要係送埋上門(包住宅區)
小魔媽同Hugo 對今次呢個墊就幾滿意啦,起碼阿B 訓左咁多次都冇爭札唔肯坐
我呢個B 好有性格係唔岩就唔用唔坐唔要,所以今次阿B 都冇爭札
的確唔會唔舒服架,與其買個D 沖涼網不如買呢個用下
價錢上分分鐘差唔多,但係一物多用呢個抵好多

真係有興趣既朋友可以到Mamibuy 購買,以下係購物Link 
可供參考,(按我查看)


當媽的日子不知不覺快兩個月了,証明小Hugo 也快兩個月大
睇住阿B 一日一日咁大,一日一日比之前更曳
喊得更加大聲,一肚餓就更加唔等得
有時真係對住佢真係好嬲,好想發脾氣
但係最後都係死死地要哄佢抱佢,
為左Hugo B 我既Blog 更新真係完全係冇咁濟
或者有人會唔再睇或者呢度愈黎愈少人
希望將來我遲d 多d 時間分享多d 阿B 既相比大家睇下

更加想講,餵人奶既路真係好難行.....
有時屋企人唔明你既堅持,唔明點解死要埋身
唔明點解死都要餵人奶,奶粉又唔係毒品
但係始於冇一個媽媽唔想比最好既野自己小朋友
希望香港多D 設施比我地呢D 人奶媽,
有時BB肚餓真係唔知可以搵咩地方比佢食
說話講到呢度...好似離左題,希望下次再講下Hugo 既點滴啦


MamiBuy媽咪幫邀稿體驗
**希望大家也喜歡我今次既介紹**
想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com


以下地方可以找到小妹架^^












沒有留言:

張貼留言

【保養】為健康。保關節.。❤只需要七枝台灣玻潤凝◕‿◕

               玻尿酸,我想大家也時常看過我介紹呢一個成份 著重保養既朋友仔一定會知道玻尿酸 就係保濕產品既主要成份之一 但係有冇諗過原來,玻尿酸唔止做補濕咁簡單 原來玻尿酸對於人體既重要性好高架, 因為玻尿酸本身主要存在於人體皮膚及關節...