2016年7月4日 星期一

【食 ❤ 尖沙咀】我們仨的父親節 ◕‿◕ 不一樣的One minden tapas Kitchen ♪゚

自從Hugo 出左世之後,我同男人都已經好耐冇點出過街
即使出左街都係係屋企附近行下就算
但係第一年既父親節又唔可以草草了事既
雖然呢....我個Mother'S Day 仲係坐緊月,街都冇得出呀
所以我就決定我地一家三口出左去尖沙咀食個正野啦

今次我就揀左呢間係尖沙咀既One minden tapas Kitchen
鄰近K11 商場,一出商場門口過對面馬路就係架
成日聽講XXX一號都係唔錯既正野,唔知呢間棉登俓1號又係點呢?


今次呢間one minden tapas Kitchen其實係一間西班牙菜館
平時都有不少既外籍人仕去Happy Hour ,
不過當日可能星期日同時有點雨既關係,就唔算太多人
而餐廳以全外籍伕人仕,所以落單都要用英文溝通
而其餐牌就係枱面既餐紙,不過對於我呢D 英文唔叻既
就真係要對住Openrice 去估係咩野食啦


首先來左個前菜,叫左個沙津開下個胃口先
呢個沙津係由店員推介既
'Roots & leaves salad' $88/碟
以雜菜為主既沙津,配以柚子醋
加上甘荀絲,生菜絲,藍莓粒等等
又清新既開胃,吃左沙津仲可以清下腸胃tim


第二款就係Tuna Tartare $98
本身原意就係好想食Tuna 既食品,睇到個餐牌入面有呢個食品
誤打誤撞下原來叫左個Tuna Tartare
開頭心諗會唔會好生架呢?之前食過牛肉他他好生唔係好慣食
但係今次呢個Tuna Tartare 又估唔到咁好食
首先當中有九層塔,麻油同豉油等等做成醬汁(可能有誤)
加上切碎曬既Tuna 製成圓餅狀
連同醬汁一同享用超好吃的,呢個值得推介的


另外肉類方面就點左呢個蠻多人點的小吃
IBERICO pork cheek baos  $118
它有一點像某家拉麵店的主打菜
以自家製的包皮,連同伊比利亞黑毛豬既面珠登肉
加上連同薄荷葉及胡椒調味
亦可以配以附上的類近"橋頭"的東西
一吃享用更加有不同的口感,不過就真的要襯熱食
凍左就好似冇咁好食啦


最後主食就當然要點這個西班牙海鮮飯啦,
Seafood paella $298/M Size ; $468/L Size
以焗製既形式去慢煮既Paella ,有著不同既海鮮
如蝦,魷魚,青口及蜆等等......
雖然佢話份量可以岩3-4人食用
不過可能我地今次點既野食唔係好飽肚,
所以我地覺得唔係好飽肚,太大食啦嗎xdd

但係未知係唔係因為慢煮既關係,當中d 蝦殼好難拆開
d蜆肉就有點燒得有點乾吧,就是因為呢個問題
令到我對呢個海鮮飯有一點失望啦


吃完了前菜主菜之後,當然少不了要吃甜品吧
這一款Churros, 72% Choco ($72)
曾經在另一家私房菜吃過的鬼佬版油炸鬼
配以72%黑朱古力,連同略甜的炸條
超級的好吃,比起我之前吃過的更好味
難怪店員那麼極力推介給小妹啦


另外一款也是店員推介給我們的
它就是Rice pudding 
飯係我地既主食,但係係外國人心目中又唔係呢回事
他們會利用了飯粒去製成了這一款的甜點
利用了米粒,牛油牛奶連同肉桂雪凍了
再係面頭應該是利用火槍燒了一下
配以士多啤梨做點綴的,味道有一點甜甜的
也許是我對它不算是太過鐘愛,只是覺得比較特別一點的


這一夜的父親節飯,也許是我們兩個多月的唯一吃得好既晚餐
很久沒有享用了特別的晚餐,始於有了主子的時光
就只可以享用快速的晚餐,希望遲一點主子大點
我們可以享用不一樣的晚餐吧

今次介紹的地方就是One minden tapas Kitchen
尖沙咀棉登俓1 號

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^



沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...