2017年5月19日 星期五

【彩妝 • 用具】♬唔識化妝都唔洗驚 ❤ 有化妝神器就可以幫到手啦 ♪゚

唔知大家會唔會同小妹我一樣

去到某個年紀,會突然間地學起人地去化妝
去買一大堆既化妝品?
化一個完全不知所謂既妝容
(老實Mode: 我而家既妝都唔係好得去邊)
藍色Tone既眼影or 粉紅色眼腫既眼影?
或者畫左條粗過我眼眉既眼線?
老老實實而家望番之前d 相,
真心覺得點解自己會出到街架?

時代唔同,而家既化妝品/產品亦比我之前既多元化
重點而家既科技亦比我之前好好多,
起碼大家都可以上網學不同既You tuber稕下化妝
不過今次小妹就唔係教大家化妝
反而我想分享運用兩樣小工具
就唔洗化到鬼唔馬綠啦係唔係先?

咁首先要介紹就當然係而家Hit爆既
矽膠粉撲同埋眼線神器 

首先介紹一下呢一款O~HI! Silicon 透明矽膠粉撲
之前係不少既代購小店都好心思思想買佢架啦
不過價錢上真係貴左d食水深左d 囉
直到早前朋友係My Princess 度買左佢
即刻令我心心眼,而價錢係絕對比起小店平既
因為係My Princess賣緊$48/塊

或者大家會話其實呢舊野有咩咁特別呀?
呢個粉撲特別既地方就係佢唔會食左你好多粉
清潔方便,重點係可以用好多次都唔怕有細菌問題
唔好睇佢細細舊咁樣,其實佢有兩個小角位
可以比大家化起眼肚/鼻翼位置都可以好貼服


我就簡單地試下用手同呢個粉撲有咩分別啦
首先我都係先用手指上左係面上
再利用手指慢慢咁印開,
不過利用手指既指力慢慢地推開左D 粉底
不過就會有一點過厚或者可能揀得唔均既情況

但係利用左呢個粉撲就同平時我地使用撲既原理一樣
只係佢可以清洗同時亦唔會食左D 粉
化開妝既你實會明白我講既問題
使用撲,好似鼻翼/眼肚位置都可以好貼服


或者係大家最重視既問題之一
如何可以清潔d 粉撲?或者掃呢?
好老實小妹其實係之前每個星期放假就洗一次
而家少用真係可能用過之後個一星期內先去洗
或者一個月都不定,但係呢個矽膠撲就可以每次使用完
只需要用清水清洗就可以啦,
亦可以拎洗掃液清洗然後就再把它印乾就可以把它收進化妝袋囉
唔洗好似平時洗完掃又要等佢乾又要曬咁
真係估唔到價錢唔貴之如仲要極之方便tim


講完粉撲又點少得眼線呢個問題
成日有d 人話如果只可以帶一樣化妝品
你會帶上什麼?我就一定會揀眼線筆
因為眼線的確係可以隻眼有神,不過有好既眼線筆
亦未必可以畫到一條好既眼線

小妹都唔知學畫眼線畫左幾耐先叫有少少成績
但係而家呢,就唔洗再擔心畫眼線畫到變熊貓眼啦
因為有呢把小間尺,或者有人會話唔係呀嗎,
拎把間尺仔去畫眼線?

今次呢個眼線神器尺每邊都一個小小U型位置
可以幫助畫上下眼線,仲有d 小型圖案
幫助到大家可以係眼肚位置玩d花臣
畫D小星星或者水滴落去
成個妝容就變得好特別啦


首先比較淺弧型既位置就係可以畫上線,
只要將尺貼近眼皮位置,然後就可以由頭慢慢畫到落尾的
不過自己建議新人既朋友仔可以先利用Gel 庄既筆
或者軟身既眼線筆就比較易畫一點
同樣再利是闊口既弧型位置就可以畫上下眼線囉
個人認為下眼線比起上眼線更易畫到
或者我比新手更加冇用....(畫圈圈中)


當日快快手地化左個妝就出發去同阿仔影家庭相啦
要知道冇小朋友個陣要化妝化幾耐就幾耐
但係有阿仔之後所有野都要快快快同快
先要處理左小朋友既衫褲再攪自己既衫
再化埋妝真係挑戰緊人型極限呀喂!!
所以如果你又想學下化妝但係又唔知點入手既朋友
真係可以去到My Princess 購買我今次介紹既產品


我的美妝公主 分店位置
香港區:
銅鑼灣謝斐道506-508號聯成商業中心13樓1302 (銅鑼坊商場對面,英皇金融旁邊就是入口聯成商業中心,有樓梯位的)

九龍區:
旺角彌敦道610 號荷李活商業中心 11樓1105 室 
觀塘巧明街117號港貿中心03樓0301室

新界區: 
荃灣青山公路264-298號南豐中心23樓2301B6室
大埔安泰路1號大埔廣場2樓26號鋪
元朗青山公路99-109號, 元朗貿易中心11/F , 1102室
上水龍琛路39號, 上水廣場8/F , 813A室

望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice ❤ FB 專頁
TheZtyle ❤ BeautyLife ❤ She Blog ❤












沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...