2018年3月15日 星期四

【食 ❤ 元朗】隱藏於住宅區的西班牙菜 ◕‿◕ 元朗區內的Granada ♪゚

襯今日白色情人節,就不如又介紹一間幾有特色
今次我想介紹大家試下西班牙菜
或者係香港食呢D 特式菜,
可能係尖沙咀或者中環等等地方可以享用
但係價錢亦可能比較偏高

而唔係朋友今次介紹,真係係元朗都可以有西班牙菜食到
雖然地方唔算好就腳,但係味道好食就最足夠啦
咁今次就介紹就係元朗鳳琴街既
Granada
Granada 係西班牙其中一個好出名既名勝
而係元朗呢間Granada係少可既西班牙餐廳
而有一些食品亦需要優先預訂,
真係有少許似私房菜型式

店鋪位置不算太大,大約可以坐到約15-20人
不過位與位之間都比較接近,
如果講秘密或者談心就可能未必適合
如果好似我地一家三口或者朋友聚會都係一件不錯既事

唔知係我一早BOOK 定枱定係本身有準備
當我地入座後,店員好好詢問我需唔需要BB登同小朋友餐具
起碼我呢D 真係乜都唔記得拎既媽媽,
就唔洗怕唔知點比小朋友食野啦
首先要分享既就有一款既
黑毛豬火腿蕃茄沙津 HK$118
雖然不知道黑毛豬是多少個月大的,
但係咸度都不錯,單吃會有一點咸
連同菜吃,就會把咸度中和
加上黑醋好Fresh 成件事,
所以好快我地就清左成碟沙津啦

然後再介紹既就係它家既私房菜系列
係我訂枱時,店員推介我地的
首先有就係呢個
西班牙氣酒煮大蚌 $258

由於私房菜關係,亦因當天預訂人數量,
令份量有增有減(請按當天份量為準則)
而呢個煮大蚌超鮮甜,首先佢份量夠大啦
我地就食蚌前,就飲左d 汁先啦
有點點酒香味,加上一些奶油味道
再拎埋麵包點上醬汁超好食,
當然少不了品嘗這個超級大蚌
好彈牙好鮮甜,我食一半留一半夾麵包再吃
值得推介,記得要點!!
第二款都係私房菜,不過係我地咁岩見到隔離枱有叫
而Chef 係有預多左份量,好彩咁先叫到黎食
但係真心呢個湯好貴,但係真係好足料既

呢個叫巴斯克式雪魚海鮮湯 $478(2-3人份)
入含有雪魚,海魚,海蜆,蝦
仲有d 蕃茄一齊煮成,成盤海鮮真係好惹味
重點係d 魚煮得一點也不老,好嫩滑
如果有白飯就真係非常好啦,
不過都有麵包附送的,食完大蚌再食番d 細蜆就真係有d唔夠喉
但係值得一讚,個人覺得它家既海鮮都係好新鮮
蝦好彈牙,即係煲完都唔會老
食魚都真係好夠飽的

最後就係有呢一款既私房菜
烤西班牙幼羊架 $328 (4枝) $458 (6枝)
 呢個羊架同我地平時食開好大分別
首先份量係睇落好細,但係佢d 肉質真係好大分別
首先冇個種"蘇"味,同埋無咩脂肪係羊架上
不過就冇平時食咁啖啖肉,不過就非常嫩口啦
一分錢一分貨,雖然真係好貴,但係又真係好鬼好味
今次介紹既Granada 雖然店鋪細細
但係好有屋企感覺,起碼了解我地所需
不過或者係即點即煮既關係,
所以就比較出菜慢少少,
不過野食就Keep 住名曬熱
但係如果大家成班朋一一齊吹吹水
或者情侶們談談心都其實係一個不錯既地方

有興趣既朋友可以致電/whatapp 他們
Granada 
元朗鳳攸南街3號好順景大廈地下13號舖
28992787

※本文以用餐當日的環境、服務和食物質素為準,
口味亦因人而異,文章只作參考之用。

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB PAGE找我 ◕‿◕
謝謝唷!
CONTACT ME:MANMAN811@GMAIL.COM


沒有留言:

張貼留言

【保養】✧✦缺水。細紋。抗衰老 ❤ éPure水凝明亮精華露解決到✧✦

精華,是我一年365日也需要使用的產品之一 由其保濕精華更加是必需的 即使係夏天時,雖然天氣好熱但唔乾 係開冷氣其實都會抽乾乾肌膚架 冬天既當然就乾到爆炸啦, 所以精華真係同洗面產品一樣咁重要架 早前我就收到 由美國權威性醫學美容醫生Dr.Yulon...