【食。旺角】▌懷舊風。回憶煲仔飯 ❤超好味又特別煲仔腸粉▌

成日心心念好想去呢度試它家的煲仔菜，

但係因為我真係好少去個一邊；

不過它家終於開左分店去到旺角，

難得出開城，即刻約朋友仔去聚一聚舊

帶埋朋友即刻去試下呢間心心思既店啦，

講左咁耐講緊邊間? 

咪就係最出名沙嗲牛肉煲麵既【煲仔榮記】

本身我真係好愛好愛吃沙嗲牛肉的，

所以知道有呢個沙嗲牛肉煲麵就好想去試下；

前排放假出開城個陣，即刻約左個 #BFF 去試下食飯先

今次我地就唔係去左樂富既總店，

反而就係去佢地係旺角開既分店；

呢間分店既裝修好特別好舊香港感覺

舊酒樓既霓虹燈招牌，小時候我有玩過的「天下太平」

而家小朋友都要背乘數表，仲有好舊式的綠色鐵框窗框

感覺好似回到舊陣時，連枱枱登登都係大排檔既啡色大圓枱

然後唔知大家係讀書時候，有冇試過好有心機去抄筆記

我有，每年開學冇耐我真係好有心機抄筆記，

同埋抄歌詞(完全出賣年齡系列)

而它家佢既餐牌就用番我地讀書時抄筆記既感覺，

D 字都仲係寫得好靚架，雖然冇圖畫冇相片，

但係一路都覺得好有回憶

首先要介紹呢個午餐輕食比大家

我地點左兩個午餐輕食，

先有呢個煲仔腸粉(轉撈丁+$8(含肉碎)

配XO醬，加配食材豬頸肉$20 及炸老蛋 $10

由於呢個撈丁真係一點即整，所以真係好熱辣辣，

同時要一黎即撈唔係就痴曬底架啦

我想話超好食，真係岩曬係下午餐時間享用

如果我一個食都夠飽

一場來到，點可能唔叫佢地既皇牌先得架，

我地再點左呢一款既煲仔湯麵 $78

呢個組合就有沙嗲汁，配左粉絲同牛肉

(如果想要配牛小排另+$50)

來到枱面時，已經有陣陣沙嗲香味；

連同有不少既芽菜，豆卜及鮮牛肉，

好惹味，同埋食粉絲本身都好易飽肚，最重要粉絲掛湯的

所以我地好推介!!!

今次我地就點左呢杯柚子梳打，真係好岩係夏天時間去飲

一場來到又點少得佢地既煲仔飯，

朋友就揀左呢個少有既煲仔飯

海味三寶煲仔飯 $128

(大蝦乾，瀨尿蝦乾及銀魚仔)

當然少不了要落佢地既蝦油同COME 撈汁

本身落左蝦油之後，將本身飯既海鮮味加強左；

而Come 撈汁真係撈飯超一流，我地落完再撈

連埋d 飯焦食，超和味呀!

雖然呢一餐飯真係唔算抵食，但係朋友都覺得好值得一試：

由其海味三寶煲仔飯 ，佢話真係可能要去到離島區先會有呢d飯食，

同埋佢地既鮮乾都做得好好，好鮮味。

然後我真心要再推介它家既煲仔腸粉，由於我影左d相全部都係煙；

就不擺出來了，但係真係好好食，好特別；

當係小食堅係一流既，勁推介!!

是日分享

📍煲仔榮記

📍旺角花園街1號鴻禧大廈地下K號舖