ღ我的戀愛歷程----初戀-甜蜜期ღ


就係1句咁攪笑既話...我地走埋1齊...


由第一次拖手....初吻....


(真係睇番淘大個廣告,都真係d回想架xdd)


咩都係新鮮...咩都係特別....


第一次的情人節....我地去左睇戲,好似叫黑鷹15小時
套戲好悶...但係依然享受...因為可以享受2小口既甜蜜時間
即使其他野悶...始終有自己愛既人係身邊嗎


始終第一次...嗎...
人地話頭3個月係戀愛既甜蜜期....


原來係真架.....


但係掛住拍拖既我...固之然讀書都唔會好左啦....仲退得好緊要tim 呀


阿媽仲唔嘈嘈嘈...又鬧又話唔准出街..唔准講電話,
又講埋D 好難聽既說話...你都知啦...鬧起人上黎唔知自己講左D 咩
我仲好記得阿媽個陣鬧我D咩....
大約話"拍拖啦拍到你咁,抵你死呀...讀書讀乜鬼呀,我睇你點升中四呀"
已經為左呢件事好煩...阿媽又比見又唔比講電話
又好唔開心....仲要為左呢件事介手...諗番都覺得自己好傻...


為左呢件事..我已經同佢鬧交..就係為左見唔到...
就係為左D 咁小既野....同我講左第一次既分手...
聽到...依然喊到收唔到聲,阿媽聽到我係咁喊...
問我發生咩事..我喊住話"佢要同我分手呀"阿媽就勁講勁話,都叫左你唔好同呢個男仔1齊架啦
佢對你都唔會係真架啦...係你咁蠢,"中"個埋去唧
同D FD 講...原來個個1路都唔睇好我同佢...
朋友仔話"雖然你地係咁孖公仔咁出相入對,但係始終感覺佢唔係真係愛你"
聽到咁...喊得仲勁...
或者比人傷完1次唔想再有第2次啦
我就死求難求咁叫佢同番我1齊..咩叫冇哂尊嚴...個陣真係冇諗到...
唯有個陣就日日1放學即刻搭車落去上水...5-6點左右又走番屋企...(學校係我屋企對面)
1星期起碼4-5日係咁...去佢度冇野做架..唔係睇佢打機就自己睇電視
再唔係就玩隻狗...
如事者...咁就過咁既生活啦..
2002/5/16
到左佢生日..第一年既生日..同佢係我屋企既後樓梯度食蛋糕...
雖然辛苦,雖然冇穩...但係個陣真係開心架..
6月係我既博殺期..因為上次我退得好緊要,所以個陣好多時佢地去玩..我都冇去..
而佢個陣亦體諒我既苦處....咁考完出黎既成績都幾理想
都尚算可以直升中四...
2002/8/11
呢1年既生日....或者大家都係柴娃娃...
相約左幾位朋友1齊去梅窩過我既生日...
1行8人...個陣都幾攪笑...
8個人係1個冇房...只有2張床既地方...
但係依然享受...因為我地可以咁癲玩番一晚...
(有時同姊妹傾開計...都好回味呢1次梅窩之旅
成日都話幾時都去梅窩攪下生日...但係而家個個都出黎做野,真係未必個個就到)


2002/12/24 記得當日...媽咪特赦比我出街慶祝,已經開心到死啦又相約左姊妹佢地柴娃娃的去玩...去癲...周圍行...我仲好記得個日...有個男仔拎隻枝錄音筆,想錄好多生日快樂比佢女友架....回想個陣6個人大叫....真係好開心...


2002/12/31 同年既除夕....媽咪話出左1次唔比再出....冇計啦..陪唔到佢倒數已經好唔鐘意...但係冇計....望住電視..拎住電話....其實都1樣開心唧


2003/1/1 新既一年...陪唔到佢倒數...都要陪下去玩街仔架嗎......但係.......


待續....我地的第2年


 



 



留言

  1. 你可以記番之前既聖誕節, 新年係點過, 你好犀利, 可能我真係成日唔記得野啦! 又或者唔夠深刻, 我只記得約兩年前既事o既.
    我31號果段時候去旅行呀, 所以唔去啦! 不過好開心你叫我呀!
     
     
    [版主回覆12/12/2007 09:11:00]記得架....話哂都叫做初戀...初戀咩都難忘啦xdd
    但之後就唔係好多都記得啦
    咁你玩得開心d啦...去邊樹旅行呀?

    回覆刪除
  2. 我以前都試過去男朋友屋企, 就係睇住佢打機, 睇電視, 賭錢. 我都覺得果件超無聊嫁.
    [版主回覆12/12/2007 09:12:00]最無聊不過係...你又要我陪你...黎到你又係想我陪你..睇你打機...咁叫咩陪先....個人係你身邊就開心架啦?

    回覆刪除
  3. 睇到你寫番舊時D野,令我唸起好多野呀!
     
     
    [版主回覆12/15/2007 16:02:00]有點回憶嗎?

    回覆刪除
  4. 嘩~~如果我要寫可能要寫8年~~都係唔好喇....睇下你打咩好過...等你下一集
    [版主回覆12/15/2007 16:03:00]你都開始打緊啦xdd

    回覆刪除
  5. "黑鷹15小時"是好出名的戰爭片,好有水準架!
    [版主回覆12/15/2007 16:07:00]對我黎講.....1d興趣都冇

    回覆刪除
  6. 現在我都好想念我的初戀情人啊!.....唔知佢係邊呢?
    [版主回覆12/15/2007 16:08:00]嘻~~~真的嗎?
    佢係咪好靚的

    回覆刪除
  7. 我第一篇blog都係打算寫我呢10年同佢一齊既經過,不過寫寫下我已經放棄唔再寫落去...寫得太多,回憶愈深..心情更加....
    [版主回覆12/15/2007 16:08:00]你唔好再諗呢個人啦
    你仲有幾多時間比佢哂,,,,

    回覆刪除
  8. 梗係歡迎你做我model啦, 你留抵email比我啦

    回覆刪除

張貼留言

熱門文章