回憶---布吉之旅28/3-1/4/2007

突然想回想了同大肥第一次去旅行的時間... 雖然記憶可能有點模糊...但係相片的確令有些回憶...


 28/3/2007 記得那天我們是11點幾機的...但係因為旅行團...要早2個鐘到達.... 個1日我同大肥~7點幾已經起身出去搭機場巴... 幾怕冇位坐...差不多9點左右已經到左機場啦!


差不多去到布吉都3點幾啦....嘩......35度呀!!!一落機即刻感覺到什麼叫煮熟雞蛋....雖然熱...雖然勁出汗....但係完全唔會立痴痴....


一落機就帶我地去超市....佢話因為布吉太熱,一定要狂飲水...攪到我地去到Super Store 就狂掃掃......


夜晚就去左呢間.....自助餐度食野...唔好食不得止....仲要食到我地....不斷去廁所....



29-3-2007


我地甩團....去左食雪糕



呢杯雪糕....賣港紙16蚊....爆好味,打後我地就去商場



第三日....我地去左旦島....呢度成個海都係魚你身邊游黎游去




但係d 魚係你身邊真係幾驚架...我縮到冇可再縮


玩完1個上午....下午就去食日本野



呢間野叫張杰倫商場....


打後我地去左食恐龍餐廳



第四夜....


我地又去食雪糕...又去食雞翼



雪糕火鍋....都係83蚊左右.....不過個朱力唔識熔既


最後一日......我將會離開陽光與海灘


雖然除左旦島外.....我未落過水...我只係知道我肥左勁多...



大肥bb我期待....我們十月曼谷之旅呀!!!


留言

  1. 2~2, 咁係同邊個去架 !?
    [版主回覆02/15/2008 20:27:00]大肥~~

    回覆刪除
  2. 開心死啦...><"好正呀, 有得去tour!!!
    [版主回覆02/16/2008 13:29:00]個陣真係幾開心架....咁大個女第一次去旅行第一次搭飛機喎

    回覆刪除
  3. 你地跟邊間團架?總括好唔好玩呢? 我三月都會同朋友去布吉,有乜好介紹呢?
    [版主回覆02/16/2008 13:36:00]我地個次係跟康泰...但係我完全唔鐘意個導遊,串柒柒咁,又只係識睇女...
    好唔好玩就因人而定啦...如果你鐘意玩水上活動呀,哂下太陽既,1定好好玩....但係你唔識游水,又想去買野....就一d都唔好玩...而我就係第2類人...
     咁跟團最好就係有得去旦島,因為自己去就好貴...同好麻煩.....其他有玩激流個d 就....唔好啦..個個唔係真既激流...只係有人倒完水比你咁囉....
    我唔知你有冇去過泰國曼谷...我男友介紹去食個間Pizza 既雞翼啦,食雪糕啦...飲"匙打bus"都好抵...買Boot 仲超抵呀!!!咁係泰國Big C 係一間超級大既超市....乜都有得買....唔....如果你捨得洗錢都幾多野可以買既.. 

    回覆刪除
  4. 隻小笨象係真定係假架?? 好得意哦 !
    [版主回覆02/16/2008 13:39:00]真架.....睇相好似好細隻.....當你正面睇已經有我個人咁高架....我見到隻象已經嚇死左.....朋友仔話我...第時點坐大象....Help !!!!

    回覆刪除
  5. 唔該哂! 但我地四個人去, 今日投票三對一, 我輸左, 跟左旅行團. 唔緊要啦! 希望都好玩啦! 若果去做Spa, 和食海鮮, 有邊度好介紹呀?
    [版主回覆02/17/2008 12:42:00]以我自己覺得啦...食海鮮既...真係唔好食..我情願你留d 錢係HK食,因為泰國係冇新鮮既海鮮,完全都係雪藏架,所以我就覺得一D 都唔好!!!以上都係我覺得啦,未必作準既
    做Spa 呢...我未做到,男友話都唔知乾唔乾淨,所以冇同我去....但係旅行團一定會帶你去,加上呢...如果你去布吉好似我咁甩團係可以玩好多野,但係你既車錢都會增加,因為佢個度冇地鐵,1定要叫車或者坐篤篤...咁呢個可以諗諗,成個布吉旅程,我最愛都係旦島,一生人去一次都開心架,不過希望你去個時d水仲清仲會又藍又綠^^
    玩得開心d 去完話我知你玩左d咩呀~^^
     
     

    回覆刪除
  6. 好開心既旅程!!!! 好sweet sweet呢~!!! 同自己男朋友去旅行永遠係最開心既~! 我仲有1日就去台北啦~!! 我都好期待!
    [版主回覆02/17/2008 12:42:00]你講得岩呀!!!!
    咁快就去台北啦....我要手信要手信xdd

    回覆刪除
  7. 好好玩呀~睇到你Post的相片已經覺得好開心啦
    [版主回覆02/17/2008 12:43:00]都ok呀....美中不足買唔夠野呀xdd
    同埋個陣泰珠好貴...

    回覆刪除
  8. 難得的回憶,好正呀!...d相影得好靚!
    [版主回覆02/19/2008 09:13:00]真係好正....始終第一次嗎....xdd

    回覆刪除
  9. 哈哈!我今次都諗住有日唔跟團,自己去潛水。因為跟團行程得半日潛,之後又去參觀。但自己去就玩足一日。你甩團點同佢地講架?
    [版主回覆02/19/2008 09:13:00]潛水呀!反而呢個我唔知邊樹有得玩呢樣野xdd
    你首先到左布吉時...問佢第幾日潛水,打後唔跟佢地自己番酒店,但係佢好似要你簽一張野係關於你甩左團好咩意外佢唔包你咁架....咁到時你去潛水1定1定要將d passport 呀~電話呀~錢放入夾萬....千千其其真係唔好放係床肉底...個導遊話架,Room Sever 個陣佢見你床有錢就拎...因為佢會當你比既貼士架...如果你連續幾日都住個間酒店最好日日都比20珠佢,咁你張床會拾得好靚
    你仲有咩想知....你留言比我....我可以問男友仔:p

    回覆刪除
  10. 嘩~~好SWEET,睇見你好開心呀~~笑多D,唔好唔開心呀..回想起我第一次同佢去旅行就係歐洲,不過D相都唔知去晒邊嘍...黎緊佢話應承今年6月同我去日本...不過冇咩期望..哈~不過我自己點都會去!!希望你10月既旅行玩得開心D啦~
    [版主回覆02/19/2008 09:15:00]你同佢第一次就去歐洲仲開心過我喎...不過同自己鐘意既人去邊都一樣開心既!!!咁你而家決定4月定6月 去日本呀?我都希望10月真係去到曼谷....希望儲夠錢比我去揮啦!!!你都要玩得開心d,最重要我要手信xd

    回覆刪除
  11. 你哋係咪計劃年年都去一次泰國呀?
    [版主回覆02/19/2008 09:17:00]其實唔係...因為上次去布吉我同大肥日日都鬧交....
    為左我去旅行唔買野...=.=加上布吉係1個放假既地方唔岩我呢d要買野既人....所以大肥話會陪我去多一次曼谷完我心願呵~^^

    回覆刪除
  12. 十月
    我3月去曼谷玩呀
    [版主回覆02/19/2008 09:18:00]好呀!!!!玩得開心d

    回覆刪除
  13. 睇返d相,你而家比果時應該瘦左喎.恭喜
    [版主回覆02/19/2008 09:18:00]真的嗎? 你沒有騙我嗎.....

    回覆刪除
  14. 小魔怪:你好!第一次光臨!小雲介紹黎參觀! 你咁後生就可以搭飛機去布吉旅行!暸眼間你咁快又一年啦! 係呀!通常第一次都會早好多到機場!因為吾知車程要坐幾耐!所以實遇鬆好多時間!不過吾緊要呀!去到機場咪參觀下喎!因為我舊時都係!真係大鄉里出省! 上年三月份都係涼涼地!香港就著到一舊二舊上飛機!去到布吉就背心短褲涼鞋! 你地甩團行程吾好玩咩﹖點解第一次出門跟團就甩團呀﹖ 下次岸邊飼魚仔記得問導遊租潛鏡同吸管呀!潛落水底飼個感覺正好多呀!d魚仔會係你面前游過!好似同佢地一齊游水咁!好正架! d麵飽係自己買定導遊比你架!一人一包! 去恐龍餐廳食飯係咪要坐聰明笨伯果隻木頭車架!好得意喎! 人仔細細食成九個雪糕球!吾怪之得你話去完旅行會肥吾少!而家明白喇!吾係呀!點睇你都吾係肥呀!
    [版主回覆02/20/2008 22:19:00]歡迎你唷..
    本身我真係冇諗過咁細個我會有機會搭飛機,始終自己屋企係點;所以我諗唔係因為大肥,我冇可能有機會去到布吉,不過始於布吉唔係我既心水...
    上年3月我仲記得要著住外套出發.....但係落到布吉除褸都除唔切.....日日最低氣溫都有28度呀!!!死唔死...甩團就可以去邊都得,想食咩都可以,但係最慘係車錢好貴...下下都係Call Taxi,我地有朋友去過布吉所以識識地路...甩團冇咩問題
    我唔識游水所以冇問佢借....我就冇緣玩犢魚同游啦xdd我地面包係Big C 買架..8蚊都有4磅方包真係抵到爛
    唔係1定要坐....係我88痴痴咁坐唧XDD
    我同男友2個食足3日雪糕呀!!!!真係食到牙到痛...XDD
    歡迎多D 黎呀
     
     

    回覆刪除
  15. 我第一次搭飛機嘅時候係 12歲都未夠 ! 所以你都唔算太細搭第一次飛機 ! 計落都就嚟 11 年 !
    的確, 我都覺得....你唔肥哦 !
    [版主回覆02/20/2008 22:30:00]E...你都唔係大我好多咋喎XD
    不要看我的臉...我塊臉呃到你架XD

    回覆刪除
  16. 之前報左咩華旅行社, 今日又話唔成團, 得番乜安同乜泰, 你跟左乜泰邊個團呢? 行程係去d乜呀? 又要再搵過了, 好慘劇!
    [版主回覆02/26/2008 20:54:00]x 泰 呢....其實都冇咩特別.....最好係去旦島
    呢個真係超好玩,但係如果你想甩團就可以好似我咁....我記得大約係3700左右...
    因為我只係帶個人去....去玩d 咩都唔多清楚....
    等我呢幾日行唔行過旅行社幫你睇下

    回覆刪除
  17. 最後轉左去乜安喇!比之前個團貴左三佰, 但希望今次順利啦!唔該哂!
    [版主回覆02/27/2008 19:42:00]但係個團包左玩咩先?貴成3舊咁多

    回覆刪除
  18. 乜泰就平, 但十一點幾機, 食就唔睇好. $29XX呀! 呢度有三餐話落本喎! 睇下點先! 去哈哈島, 天堂島, 喀比國家自然保護區, 希望開心啦!
    [版主回覆02/28/2008 13:57:00]X泰個次我記得2點左右到左布吉啦.....唔知去邊行.....行到6點幾7點食自助餐....完全唔得啦...
    第2日....就好似佢地食其他野....包2餐啦
    第3日就去旦島...下午食個度啦...夜晚冇跟啦
    第4日.....全日自由....2餐自己既....
    第5日.....都係自己既....
    所以情願自己去食啦.....起碼叫有得揀
    哈哈島.....我冇去...因為玩水上活動....但係都幾貴下....
    天堂島...我未聽過.....有冇介紹話玩D 咩?
    喀比國家自然保護區?係咪有得坐象,玩四驅車個D?我記得X 泰個陣玩哂3樣要比1200 港紙呀!
    好似話咩瀑布係D 人倒水落去...唔係自然一D 都唔OK囉.....聽講係呢D ....你睇下仲有冇咩~我係知~講你知呀!!

    回覆刪除
  19. 唔該哂喇!五號出發希望順利啦!

    回覆刪除

張貼留言

熱門文章