難忘海滂的回憶....

原先今日可以去睇套3D 戲,點知比人放飛機,

我最憎人地放我飛機仲要冇聲冇氣......

好彩我冇推左另1個肯陪我睇既人~...我星期日先睇!

亦好LuckY~ V小姐琴晚神早打比我約我去行街,

唔係今日都唔知點算,又比人放飛機仲要冇飯食....

放左工就出左去尖咀去搵我個靚VV ,

點知對一個路痴黎講,我只係識行海滂附近.....

足足行左15分鐘先到長樓梯...

但係一路行既時候......突然好多好多回憶走番哂出黎

好似第一次收花又係海滂雖然得2枝....XDDD

好似有一年情人節,坐係海滂食風食足一晚啦

好似第一次玩通頂又係海滂既長梯

好似同初戀第一年既聖誕又係海滂啦

好似有一個男友第一次拖我既時候又係海滂

好似第一次睇現場煙花又係個度

唔......真係好多好多回憶係海滂.......

同VV 去食許留山吹左陣水~~~

就同左我去睇化妝品.....

想本想睇Mac 既化妝品

超憎d 人好似不可人世咁樣

而家冇錢買咁架喎~~

最後又落左旺角行街,去左睇手鐲

睇中左個手鐲......好好好好鐘意呀!!!

但係$ 488/隻....雖然係Love & Kisses既

雖然真係好靚.......但係.....好貴呀!


XOXO Signature Bangle




陪左VV 去睇介子,我就冇緣帶呢D 情侶介啦~~

番工帶介子超級唔方便......

最後都係去左朗豪買MAC....個Sales 都係串七七咁...

我最後都係買左2樣.野,星期日先去買埋濕粉~哼

我唔比你賺!!!!!!

今日有個朋友搵番我,想約我食飯......

突然覺得舊朋友又回歸啦......

連續2個星期有一半日子都有人約我去街:P

我又開始忙忙忙既日子,我既錢錢錢又洗得勁快啦....



留言

  1. 乜你俾咗咁多個第一次個海旁架.........
    不過我都有 ! 就係第一次跟人跑長跑 ! 幾乎斷氣.......^_^"
    多 d 約會咪好囉 ! 不過小心 d....會唔覺唔覺, 長多咗 d 肉肉, 自己唔知呀.....
    [版主回覆02/26/2009 22:38:00]何止肉呀~~~~~~~
    D 錢仲愈黎愈少呀

    回覆刪除
  2. 隻手鐲好靚吖,點解唔買?
    [版主回覆02/27/2009 13:33:00]你真係冇留意我打D 咩架喎:P
    "但係$ 488/隻....雖然係Love & Kisses既
    雖然真係好靚.......但係.....好貴呀!"
    488蚊一隻呀!!!!!貴到乜咁
    我都未試過買個咁貴既飾物~~

    回覆刪除
  3. 介指呀.....ok la...但我自己會喜歡黑色的...閃就...唔太喜歡啦....我喜歡d冷門的....=.=""""
    [版主回覆02/27/2009 13:32:00]唔係介子黎架~~~
    手鐲黎架,佢D 石其實唔係太閃既,
    黑色個D 我怕我會敏感或者甩色呀!

    回覆刪除
  4. 我覺得都ok喎.最緊要靚吖嘛,
    [版主回覆03/02/2009 01:56:00]帶上手真係好鐘意......
    但係唔係因錢問題,我一早買左...

    回覆刪除
  5. MAC d sales不嬲都係串架啦~ 佢都唔憂冇生意!!! 我幾次去MAC睇野同買野,我自己一個人足足睇左15mins都冇人行埋來理我~ 何想然之佢都唔怕冇生意!! 你今次買左d咩呀?眼影?? 你睇中隻手鐲好靚呀!! 係邊度睇呀?等我搵日都去望望先~
    [版主回覆03/02/2009 01:56:00]我個次唔係叫佢,都冇人理我呀
    唔係我fd 話好用~我都未必去買
    我今次買左胭脂同遮暇囉
    等靜d 先去買埋濕粉~~~
    眼影唔捨得買咁貴架.......
    我睇中呢隻手鐲係沙田一西入面有個櫃面架,我之前都係沙田買過條頸,帶左都有8個月都未有甩色或者敏感,加上真係好鬼靚.......
    我係旺角既潮特,一上第一層既正中向右既精品店有架....係中間位置,寫住Love & kisses~
    同埋瓊華有一間有得賣架~~
    但係正確位置唔記得,呢隻鐲點都要帶番佢番屋企架啦~~太愛啦

    回覆刪除
  6. 遮瑕我依家都有用緊!!真係唔錯!! 反而胭脂就真係想試下!!好多人都話好用~ 眼影我印象之中記得唔係好貴,好似百幾蚊~ 原來旺角咁多地方都有~~ 真係要去睇睇~我想買來送俾男朋友~>v<
    [版主回覆03/02/2009 13:37:00]175/一盒囉~我同事話佢之前買左~用足一年~~~佢係日日化妝架~佢話我唔係成日化妝~唔知2年用唔用得哂xdd
    但係個遮瑕呢~我就加埋濕粉就完全唔同哂~正呀xdd
    但係你有冇用開咩隔離cream 好用呀?
    我塊面好易出油呢~
    但係我有個朋友話係旺角買未必係真野,我都可能係沙田度買番算~起碼叫專櫃嗎!

    回覆刪除
  7. 係呀,眼影呢家野真係好難用得完!! 我買咁多眼影我都未試過用到見底(其實真係冇乜可能~)!!! 有時我見眼影d色靚就會買,所以買買下依家都有起碼十幾盒... 隔離cream??即係防曬呀??? 如果你係講防曬我係用SOFINA架!! 我用左3年啦,真係好好用!!!
    [版主回覆03/05/2009 22:24:00]我有幾次行開Nars 呢...
    d 眼影好貴呀~~~~我而家等緊MAC 既Ktty 眼影呀xddd
    我講打底呀~~~你用咩牌子呀???
    係呀~我對手鐲買左啦~我係Sogo 買架
    佢而家個櫃面呢~~仲有推廣呀~
    第一件20% 第二件 25%
    如果你唔係而家買呢....
    都唔緊要,我有會員卡都有20% 呀!!

    回覆刪除
  8. 係呀,NARS比起其他牌子真係幾貴... 不過我已經中毒太深,所以不能自拔!! 你又係等緊MAC既kitty呀? 我都係呀!!!最近好多blog友都係等緊呢~ 我應該下個星期二去睇,有冇興趣join埋我先??? 至於打底,我都係用緊MISSHA~ 不過我覺得唔係咁好用,所以都要睇下轉咩牌子好~ 你真係買左啦~快d post下d相俾我睇啦~~ 你咁講搞到我想快d買tim~~~
    [版主回覆03/06/2009 09:09:00]講個秘密你聽,其實我幾愛Kitty 架xdd
    所以一知道有既時候都幾恨要呀
    但係呢~我星期三去尖咀間櫃面度,佢話快出,應該係12號先有咁既,我仲打算12號收工出去睇,咁究竟係幾號出架@@?
    打底我又諗緊買唔買埋Mac~最衰我個fd 話mac 好用~攪到我而家不能自拔呀.....買左2次都差唔多洗左成千蚊啦....
    隻手鐲星期三去買既時候~佢得男庄,冇女庄~所以我決定星期日先去拎,一拎到手即刻po上黎比你睇~~~~~
    拿~你真係想買Love&kisses ,即使唔係而家買~你記得話定我知~我講低個電話no 你知~你可以有20%Discourt呀~~

    回覆刪除
  9. 哈哈,原來你同我一樣都係鍾意Kitty架~ 真係唔講都唔知~!!! 星期日率先試賣我去唔到呀..我要返工呀!! 等我仲諗住約埋你出去一齊睇化妝品tim~~ MAC既扛底我真係未試過... 唔知道閃唔閃呢~~我好鍾意d閃閃地既野呀~~
    [版主回覆03/08/2009 01:03:00]星期4~~~1齊去啦~~~
    佢12/3先全線一齊賣...

    回覆刪除
  10. 你星期日有冇去買呀??? 星期四我應該唔得啦...我男朋友剛剛放假,我要陪佢呢~ 一係等我3月尾考埋試同你出來食下飯同睇下化妝品啦~ 好冇先~?話哂我地都未見過面~~ hehehehe..>v< 我依家都唔知買唔買MAC好... 我朋友仔今個星期去美國旅行,我好可能叫佢幫我係美國買!! 因為我計返兌換率真係平好多!!!
    [版主回覆03/10/2009 00:39:00]我係星期日去睇,佢話今日先開始優先發售,我今日又夜收工,所以冇睇到呀,你3月尾~你考到幾多號呀?我月尾要入Data 呀,未必日日都得,你預番時間比我呀
    如果係可唔可以搭單幫我買埋呀>w<我想要Kitty 個眼影呀~
    我就係想買■ Lip Glass #Nice Kitty $125同Eye Shadow 4#Too Dolly $340,你估你朋友係美國買會唔會平過呢個價
     

    回覆刪除

張貼留言

熱門文章