我應唔應該.........辭職?

近日收到幾個同事離職既消息,

攪到我自己都好想唔做,或者叫做羊群心理卦?

但係朋友間都聽左我唔少次想唔做,想唔撈

都唔知講幾多十次,依然仲係呢間公司入面....

其實我一路唔走~當初就話為左份花紅,而家就係因為個市差唔敢走,...

有時係度諗,做得咁辛苦~都係為2餐

個阿頭又對自己爆衰~又偏心!

雖然佢係好幫我,唔係.....可能我一早已經比人炒左九世

但係佢所有做事方式我十分唔認同,

即係可能我膚淺~我覺得你要係老闆面前話自己幾叻

唔好搵我黎玩,我真係做唔掂

一個指引,一份會議紀錄足足做左成個復活節假

一個滅蟲報告攪到我晚晚番到屋企仲要做野,

為D咩?我連自己都唔知,

只係知每日我係十萬個唔想起身....

而家公司又轉哂制~個個月最少都開5次會

一假期前夕又做到傻~

一個月尾~永遠唔洗同Friend 出街食飯

一個星期六冇試過準備一點收工...

有時好想唔做,但係同媽咪講~佢一定話個市差到咁,點都挨住先

但係對住一班咁既同事,咁既上司~咁既老闆

有時真係做唔落去....

而家連msn 又唔敢開~Facebook 又唔敢留言,

咩都唔敢做....有時放假都要比阿頭打黎話改呢樣改個樣....



我而家真係十萬個想唔做,但係唔做又唔可以即時搵到份工,,,,

但係朋友叫我騎盧搵馬....但係我呢份工又點可能話請就請先得架

唉.....我而家都唔知應該唔做,直接咁搵工?

定係真係騎盧搵馬呢???
你地又有冇意見比下我呀?




留言

  1. 見步行步啦....有時...樂得安穩吧~~

    回覆刪除
  2. 堅持..堅持..同支持!~
    個支持係我俾你既^^

    回覆刪除
  3. 剛落機回家見到你話辭職...嚇得我呀... 其實... 依家個市真係好差呀... 唔好話你啦,我都怕我自己今年畢業搵唔到野做! 好多人都被迫放冇薪假期~ 仲有,我假使你真係搵到另外一份工作,係咪會高人工過呢一份呀? 依家好多公司都借機來壓價,如果你要轉工就真係要有定心理準備! 傻女,我唔知你份工有幾辛苦,不過依家個個人既環境都係差唔多~ 有時候轉工都要睇時機!! 不過呢d都係我既意見,決定點都係你手!! 將來你既決定係點我都支持你!!!加油!!! 係呢,大肥有冇俾意見你?

    回覆刪除
  4. 而家搵工難,搵到先走!
    [版主回覆05/02/2009 03:56:00]我都想..但係呢份難請假

    回覆刪除
  5. 而家走, 可能好似我咁要轉行~! 而且可能係一份粗中帶勞嘅工作, 你滯唔滯 / 怕唔伯先~!?
    滯而又唔怕嘅咪以自己開心嘅方向做囉 !
    不過, 最緊要唔好後悔 !

    回覆刪除
  6. 都係果句.人浮於事,市道艱難.騎牛搵馬好d

    回覆刪除

張貼留言

熱門文章