2014年2月9日 星期日

【五】▌1109 大婚享 ❤ 如何選擇Pre-Wedding ?▌

說了幾篇籌備結婚最重要的二三事,
唔知有冇人睇,但係我都會照打落去xdd

好吧,不論你是已有心水定係已經Book 好
小妹已經將我最認為最重要的事,告訴左大家啦
之後就說一件,女生最期待的事!!
就是影上Pre-Wedding 婚紗相啦~


每個女生總是有無限既幻想對於自己既Pre-Wedding
小妹也同樣呀,曾經我多麼的幻想我需要到台灣影藍天白雲
但係又真心講句,影相都係要錢架嗎
除非你地絕對唔擔心錢呢個問題啦

如果今次你既婚禮係想以一個價錢內完成的,
小妹絕對建議就是在婚紗相中去慳番好過
我知道好多人會洗好多好多好多既錢係呢個Item 入面
但係又係個句,老實講呀~d 相你係唔係會日日睇先?
或者你會講,咁影得我靚既當然會日日睇啦~~

絕對無錯,影得你好睇,你一定會日睇夜睇,
仲會不斷哂比人地睇....只限於你睇到相既三個月內
因為小妹都係咁既人,所以我明大家感受的

但係都係個句,你攪個婚禮其實真係好x 忙
有陣忙到個人真係癲癲地,仲點會走去睇下d Pre-Wedding 
訓下好過啦係唔係,加上睇得多都會悶架個人認為
你話我似陳茵微,我老公係陳豪就話睇型男美女o者-口-

所以小妹既定義就係影一套就夠了(除非個套相差到自己都接受唔到-口-)
而且套相唔洗一定要飛到去九丈遠去影~
最重要係夠抵,好睇,化算就夠啦~
我朋友聽到我話,完全唔係我既Style ..
只因攪結婚,你本身既幻想,希望通通會冇哂~

好,就等我同大家分析一下究竟不同區既地方
影婚紗相會有d 咩分別呢?

首先我地講下我地既香港公司
小妹對於香港既攝影公司其實認真不是找了很多資料
但係小妹就聽說過一睇張相就知你係邊間影~
因為大公司的在香港也是那幾間,拍攝的Pose 也是差不多吧
但係價錢上算是蠻貴的,起碼都要一萬蚊單是普通的攝影
加相的話就不知加多少錢了~
雖然我不知大家的定力有多少,但係大家絕不能對PS 相抗拒
由其大家未必見到自己化到咁靚既時候~
所以係香港影相會有少少加錢加到失控既機會率

當然以上都係小妹聽朋友所言,如果你本身定力係極高
又或者你本身係有其他心水公司係香港
小妹多數也是不太建議朋友在香港攝影的
當然在香港影也是有好處的~
就是它們幫你執相既模式係好好多,起碼唔洗你成日發癲叫佢改改改改
同埋取相方便得多,起碼一個的士也可以啦~
對不對?
所以它們雖然價錢貴~但係要想到取貨問就好了!!


說完了香港,就說一下內地吧~
我地既國內地方就夠,最重要一樣野就真係D 攝影技巧~
小妹就極之佩服佢地可以將D 爛地爛場影到你勁好睇
假花假木可以影到真一樣~
最重要就係你要咩景有咩景~除左藍天白雲真心要天氣好吧~
最重要一樣野就係只要你肯R ,你想D 要咩油畫相簿相架
周邊產品的,也可以送給你~
同埋它們也會將拍攝的所有照片交你~
當然是有揀選過的底片(基本地內地的所有公司都一定會送回給你的)
價錢上也算會比較便宜的地方,通常都係以地點以價錢的

當然說得它多好,當然有不好的!!!
首先地點不方便,始終由揀衫開始就要北上去處理
但係所有衫只有前一天可揀,最重要就係款式都係個日去試
我自己影個間D 衫都唔算係好靚,最重要係殘
同埋冇得改得Fit 囉,你地知啦小妹都唔算廋架啦~
所以有時有d 衫都要加d 布遮住好肉酸架嗎

最重要的就是它們的排版真係玩死你
小妹都真係為左呢個排版部份嬲爆,發癲~
不過都係個句,一分錢一分貨~
始於成果係你自己既,你可以比你要求既野佢幫你設計~
咁你就可以減少左你極之頭痛既問題啦~
另外也要值得留意既就係睇清楚個d 內地公司
d 產品質素有機會有參次的,所以也要值得留意的!!

都係個句,大陸平既有平到你估到~
但係同樣有之價錢有跟香港的差不多的
要肯揀有信用的就好了~


當然再要說一下有關台灣的攝影公司啦
台灣,是小妹曾經最期待的攝影地方
所以小妹當初也找了不少它的資料
價錢上也算是中上的,首先價錢上約萬五蚊左右
但係就未計上機票酒店加其他洗費的
當然你可以話去影Pre-Wedding 順便去旅行沒問題

台灣有著好的風景,美美的婚紗加晚裝~
最重要台妝是曾經令小妹多麼的著迷呢
加上影著台灣的Pre-Wedding 你的身材
也可以突然地升幾級的呢!!
呵呵~~你笑小妹也要這樣說的唷~
看著朋友影的台灣相,我多想我即刻飛去影一套的呢!!

不過當我知道朋友說,單單機票酒店影相加買少少相
都起碼用成起碼三萬幾蚊,仲要未計個幾日既洗費之後
小妹就即刻有d 怕怕啦,加上係台灣影Pre-Wedding 化妝
係需要比錢買d 安瓶,粉撲等等
所以單單呢d 無謂錢,跟我既最抵婚禮好似完全兩回事
所以台灣之旅就更加可以放棄啦~

不過小妹就聽講佢地係你影完相約2-3天後就可以揀相架啦
之後就等台灣公司速遞到你家囉,當然運輸費是由我地自費的
不過聽說呢,而家有d 公司都係會送哂d 底片比你既
當然要看看你揀的公司是有冇包的唷!!


然而在日本的,韓國的~
多數也是跟上台灣的是一樣~
不過日本的攝影師,是可以好好的溝通,因為他們也是香港人來的
所以有朋友曾笑說過,比個個Pre-Wedding 錢
根本就係請埋個攝影同化妝及助手黎日本

而韓國既就可能難少少溝通同埋多數都係室景來的
當然你喜歡的就韓式的拍攝絕對可以考慮呢~


對於小妹呢個以最化算的價錢去舉辦一個婚禮
婚紗相絕對就是最可以慳既一個Item 啦
事實証明小妹的想法的確蠻成功!!
因為到而家我已經把自己的婚相擺開了一邊囉~
多貴多美的,看得久總是會悶的嗎

同埋認真的!!
女生們嗎~雖然常穿上嫁衣的女生是美的
但係真心唔洗影咁多套相架,即使比你拎到去婚宴場地
真係可能得少少人會去睇架咋
你可能影就好開心,但係你拎個陣就想死架啦
加上呀,你要諗埋你男人會唔會好鐘意影相架先
除非你地兩者都好愛比人影啦~

最重要係,大家要知道香港既地方唔係大
比你影n 咁多套相,拎n 咁套相簿都唔知邊度好
同埋影一套都係錢~大家諗清楚係唔係真心需要咁多套啦

有冇興趣睇落去?希望今次呢D 新系列認真的得到你地既支持啦

** 1109 大婚享 ❤ 系列將於不日分享**
希望你也喜歡小妹的新分享吧^^


** 1109 大婚享 ❤ 系列**


想隨時留意小妹既Blog 既動態及生活點滴
記得要Like 我既專頁啦

◕‿◕如有任何問題歡迎聯絡小妹

















1 則留言:

  1. 人地 pre-wedding 係呢張相又想要,果張相又想要,最後要補唔少 $$
    而我就係......呢張唔要嘅話就唔知揀邊張好,不停咁數住夠唔夠 30 張
    最後要算喇,要埋呢幾張喇,唔係唔夠 30 張.......

    回覆刪除

【保養】為健康。保關節.。❤只需要七枝台灣玻潤凝◕‿◕

               玻尿酸,我想大家也時常看過我介紹呢一個成份 著重保養既朋友仔一定會知道玻尿酸 就係保濕產品既主要成份之一 但係有冇諗過原來,玻尿酸唔止做補濕咁簡單 原來玻尿酸對於人體既重要性好高架, 因為玻尿酸本身主要存在於人體皮膚及關節...