2014年7月19日 星期六

【保養】✿ 齊來了解自家肌 ♬ 我的Too Cool For School 小課堂 ✿ (二)

上一堂小妹就跟大家分享了日常肌膚護理(可按我回顧)
今堂小妹就同大家講一下深層清潔既重要性
因為平時大家幾努力幾乖乖咁洗面搽野都好,
其實有陣時都未必清洗得好深層
即使大家係有用埋洗面機/任何附助工具也好
其實每星期最少一次要做深層清潔,咁就可以令肌膚Keep 住好啦

咁我日常我又點去做呢個深層清潔呢?
一星期最少一次!!當然最好就兩次左右啦
如你星期日有多D 時間去整既,就可以星期4 再敷多一次就最好啦

咁今次小妹就會分享我平時一星期既特別護理啦
首先今次我就會運用番早前介紹洗面既同系列
摩洛哥礦物泥深層清潔面膜



打開它之後就會看到有點像灰泥的樣子
雖然樣子絕不討好,最重要都係好唔好用架~~~
咁使用方法就隨大家方便啦,今次我就揀選了一枝小棒
情願搽多幾次,都唔好哂左好多泥啦


搽到應該點先夠呢?就係搽到唔見到皮膚顏色就係最完美啦
係所有既深層清潔面膜都係搽到咁架
不過記得呀,避免搽眼周部份既位置呀
那敷上約5-10mins左右就夠架啦


平時我敷上其他品牌既深層清潔都去到某時間就會覺得好乾
但係呢款我敷上約10mins都仍未覺得好乾,
但係大家可能要用上d 洗面撲來清洗啦
不過會有一點點的紅出現在肌膚上但係不痛的,也只是紅一陣而己


敷上深層清潔面膜之後最好就敷上一些保濕既面膜
咁就可以將底層既Disty 野清走之後,我就再用上呢款
 Re-hydra V Mask  HK$45/pc
呢款面膜好特別可以做齊美白,保濕同時可以緊緻面部輪廓
而它都是分開兩面架,咁先用上圖既一號面膜


面膜的上半份都係用半膠庄的設計,
尚算貼近亞洲朋友既面形,即使連我咁大臉既人仕都可以貼服呢!!
起碼那個眼型位置也不會突然變得怪異,尚算正常的XD
但係它的下巴位置就是沒有面膜的...
或者你會問咁即刻下巴唔洗理啦?當然唔係啦,話左做到保濕,美白同時緊緻
下巴既位置就一於做番緊緻呢Part 啦


打開兩號的面膜之後,就會見到有一個好似小手扣的面膜
呢個面膜有兩面的, 一面就是以棉質設計的面膜
一面就是以膠質既面膜設計,而它亦附上一片小膠膜
使用前先把它拿走就可以使用囉


點去運用呢個下巴面膜呢?由於佢係做到一點緊緻的面膜
所以它的拉扯力不會太彈性,反而有一點難拉
首先把一邊的耳仔位扣在一邊的耳仔,再用一點點力把另一邊的扣位
緊緊地扣在耳旁的位置,不過當天小妹就覺得有一點吃力
原因可能是我面太大吧?加上我是當時帶上了頭GU 的
就攪到個耳扣不斷地甩不斷地甩
不過最終我除左個頭GU 就可以乖乖地Keep 在面仔上面10-15mins 囉


敷完後面形會否會即時見效?我不敢作準
但係可能會有一點點的,始終也是因為有拉緊既小小時間
所以嗎,唔笑的時候都好像有一點尖了吧xdd
(請原諒我當天實在太攰了,把照片拍完後我立即往床上倒)


好啦,如果平日既我又懶懶地但係又想保養下又會做d 咩呢?
對於我呢d 日又對夜又對電腦既人仕,其實個腦同對眼真係全個身體入面係最攰既部份
由其對眼,朝早番工可能對住無限多既數字加上資料,
晚上回家做好人妻的工作後又再做回自己喜歡的Blog 分享
所以我都會對自己對眼好一點,所以有時間我都會敷上眼膜同搽眼Gel 既
今次就等我介紹下
GLAM ROCK Abracadabra Eye Mask ($35/pc)


其實呢款眼膜早在之前係雜誌上面見識過,
說它美得過份,因為內是以蕾絲設計
究竟又係乜東東呢???就等小妹把它拆解一下啦
打開後真的是有一張黑黑的眼膜設計,一面就是常常看到的蕾絲設計
一面就黑色的o者o里設計,用法就係將黑色的位置放回眼部位置就可以囉


把眼膜敷上後就好似小妹而家示範的一樣
即刻有少少禮服蒙臉俠的感覺(睇美少女睇到上腦xdd )
呢款眼膜其實都貼緊我地肌膚之如仲好舒服
如果可以的話更加可以把眼膜雪一雪就更加舒服啦


對隻眼好完一定要攪攪我個鼻先得
因為我年少時不懂對毛孔既控制,攪到整個鼻仔都係好多既毛孔
所以蘊藏了不少的黑頭及粉刺在內,所以我一定要擁有呢張"黑頭鼻頭貼"


打開後就會見到有一張如包裝圖一樣的黑頭貼
一面就是布質的設計,一面就是膠貼的設計
使用方法也是十萬個簡單,小妹就試過有兩個方案
1)清潔後再用深層清潔面膜,再輕抹乾自己的肌膚
最重要個鼻要濕濕的,再貼上去黑頭貼就可以囉!

2)在洗面後,沖涼個陣有熱水令毛孔放大的時候敷上
就更加可以令黑頭貼貼出黑頭粉刺啦


貼上去同小妹個圖一樣就可以啦
如果sales 同你講敷到你認為乾就可以撕走的話
那你就可能有小妹的第一次既經歷,痛到好似"密立"紙脫毛
所以最盡最盡真係最盡係貼三分鐘就可以撕走啦


係肉酸左少少,但係都想比大家睇下係唔係真係成功先得架嗎
小妹就當然冇可能成張都扯到出黎啦,
但係都好似扯到幾條既黑頭出黎
用完就記得立即搽番d 收毛孔既爽膚水,唔係就即係搽咩都冇用啦


最後就要介紹近來星期日會化妝前夕使用既面膜
當然的就是我當天會早起的時候xdd
它就是Egg Cream Mask  HK$30/pc
我想大家不會對它陌生吧?因為它的雞蛋面膜我也試過了
但是是以泵出來的那個泡泡面膜,它當然是有一點美白效果


首先就係洗好面後,要用上爽膚水抹好臉仔啦
就可以把面膜敷上面仔個度啦,就讓大家看看我的素顏照
近來的皮膚又好似有一點不太好了


敷上面膜後,會發覺有面膜上會有一張的網在面膜上面
就將面膜貼好在自己的肌膚後就可以慢慢地撕走那個網啦


把白色的面膜敷上約10-15 mins 就可以面上既精華
以拍打既方式令精華吸收在面仔,最後加回防曬就可以準備出街/化妝囉


經過兩堂既小課程,大家又喜歡小妹既分享嗎?
知道在夏天大家需要什麼嗎?知道應該怎去做好夏天的保養嗎?
記得唔好一味只係控油/美白,最重要都係要做保濕的

最重要的嗎!!大家出油不要在化完妝出哂油之後呢
抹都唔抹就搽粉底上去呀,唔係就真係愈攪愈厚啦
希望大家也喜歡我今次既分享,
又唔知大家又想唔想試下今次我介紹既面膜系產品?
如果我送上每款一塊比各位,你地又想唔想要呢?

如果各位想要的話,就要記得怎去玩啦!!
1)首先要"Like" 小妹小魔怪。私家竇

2)係專頁張相入面.話比我知你想要邊款面膜?同點解?
e.g. 我想要GLAM ROCK Abracadabra Eye Mask 
因為我想對自己隻眼好d xdd 
e.g. 我想要雞蛋面膜,因為我想個面光亮一點

3)最後一定要留埋電郵,咁就可以即時聯絡你啦

想試既朋友記得要參加,睇下係唔係小妹介紹既一樣好用啦!!!
希望你地都喜歡我今次既介紹,同埋支持我既 Gossip Girl 計劃啦


希望大家也會多多支持,如有任何問題歡迎大家係度問我架
又或者可以問番Too Cool For School 既各位同事啦!!


希望今次也得到大家既支持,你地既支持就係我打得更多既動力
想上一篇的文章,就可以看回這條Link啦
希望你既Keep 住支持呀!!
文章暫時分享到呢度,記得要看看我下一篇既更新啦!!!

**以上內容亦只是個人意見,不代表所有人的意見**
##產品由品牌提供##

想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^



































沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...