2016年1月22日 星期五

【懷孕❤日記】新一年新希望 ♬ 我的小魔B (27W) ✿

不知不覺,我已經捱過最煎熬最難受要等待既時間
而我既小寶貝真的很棒,陪我已經捱過了一關又一關
轉眼佢已經六個幾月,這個陀b 日子又好似已經行左好大步

係未有小魔B 之前,我成日都覺得好似陀B
係一件好易既事,就係好快有朋友宣佈有左
轉眼佢就已經BB 出世啦
但係當自己做媽媽之時先發覺
B 其實一點都不簡單,也許我的小魔B 比較同期既BB多問題
但係興幸亦多謝佢陪我,亦堅持留左我身邊

由初初的頭三個月,要好小心飲食
又要好小心不敢做任何的勞動野,但同時亦唔敢同朋友講
自己已經準備做人媽媽
入左幾個既媽媽Group 睇左大家好期待bb 既來臨
慢慢一個一個咁離開我地既Group
心情總是一重,很怕有一天我會需要離開嗎?

直到Check 頸皮的時候又一關,到地貧時又一關
100%知道是否有這兩個問題時又一關的入侵性問題
捱過了,又要再等待結構的問題….
這一關又一關說真的,要一個BB 真心不容易
同時亦等待他出世也是不易的事

過埋整個一月份,小魔B就開始搭入第七個月啦
然而小妹既檢查也開始進入開始多的時間
正當結構也確定BB 是沒有什麼大問題的時候
我就開始準備為BB 大手購入他的物件啦
就好似BB 衫仔咁,我多數就係買上和尚袍給他
但係真的衫仔好多已經朋友轉贈了給我了

不過對於新手既我們都一路覺得,買新既野比BB 就係最好
BB BB ,床上用品等等都需要


其實.....我發覺我真的有的傻豬了
買完才覺得後悔得緊要,原來是朋友會贈送的
因為在這懷孕期間,我不單單要擔心小魔B 既成長
仲要承受到我現在既居住問題,是什麼懂得朋友知道就算了
加上要照顧一個新生Baby 也許也說是要養多個人仔
必要的就要慳得就慳啦,用到就用啦!”

其實呢句話小妹已經係大婚日子已經在實行,
說真的除非一些是一定要全新的東西,
就如床品套裝,或者沖涼用品同埋洗衣用品等等

但係好似BB 床呀,High Chair,網床等等,
我就由本身想買新的改為買二手的或是三手(誤)
好像這一張網床,原意不一定要購買的,
但由於我決定在生小魔B 回娘家坐月,
而娘家的位置就不可能有一個位置去擺BB 床
最後就決要買一張網床,一路都在吉X島看了不少的網床
最後我找到了這一張網床,二手價$350 
我買下後覺得超值的,配件超多的
加上新舊度我覺得是有85-90% 的
但係一開頭對於這一個網床完全R 爆頭,
兩個大人開足了大半小時仍是不知怎處理
看了Youtube 片也不明白,最後也需要詢問賣家怎樣開它
不過懂開一次後,小妹自己一個也可以開上它
仲為它抹了一次身呢~~~


另外就是購買這個的High Chair , 其實很多朋友也說
不需要太早去購買了,BB 暫時坐不下呢~
不過也有太多的朋友跟我說她們的寶貝
在半歲前已經不坐了.....就像我今次的賣家
她的小朋友剛好5個月大了已經不坐囉
不過今次這個比起小妹預期的舊了一點,
就是一路抹它一路仍是覺得有點給人騙了XD
雖然價錢也不是貴的,就是有一點舊的感覺
但是運作就是一切正常的( 暫時看起來XD)


在2016年既第一日小妹就已經好努力地為BB 準備東西
每次放長假期,我就每次期待是有陽光的
在聖誕節就是下雨....(有點不明白為何冬天會下雨的)
終於等到元旦日有陽光囉,我就即時將套裝內的東西去洗洗洗囉
對於準備為BB 的東西都差不多就是差一些如奶樽,消毒機等等東西
應該會在過年後就會購買好了


期待二月份跟他再見面吧,今次就暫時記錄到這兒吧

想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com


以下地方可以找到小妹架^^














沒有留言:

張貼留言

【活動】♬日本和食新概念 ❤SHISEIDO 天然新系列 WASO♪゚

豆腐,蜂蜜,胡蘿蔔及白雲耳 這幾款食材,你會想起了什麼? 想起不同既小食或者湯品? 不過蜂蜜不可以跟豆腐一齊食用的!! 咁唔通我今次係教煮野食?