【食。屯門】給自己一場Metime的好時光♬ 即砌即磅即煎岩盤牛扒✿

漫長既小學生涯先岩岩開始左幾個月，岩岩先經歷完第一次考試

成績係點真係理唔到咁多,佢盡左力我就覺得足夠了

既然試又考完，當然我同佢都要放鬆一下啦

所以就一早相約左朋友仔去左附近既Playhouse 玩，

玩完我同gogo 就覺得有d 餓，所以就係附近搵下野食

諗起朋友仔之前同我講，係寶怡花園有間即揀即磅即切既牛扒

咁即刻去試下究竟係唔係真係咁正先?

係店鋪面前面有一個好Sharp 醒既牛牛燈牌，

店鋪亦以乾淨全自助形式，

而店鋪就係你想食幾多就砌幾多，多數由200g起跳，

有不同既牛肉類選擇

就係有牛柳($0.57/g)，;牛板腱($0.67/g);肉眼($0.71/g)

西冷($0.73/g);後腰三角肉($0.79/g)

封門柳($0.79/g);日本和牛(肉眼/西冷) $1.85/g

而一入門口就有一個凍櫃可以揀選你想要既肉類，

仲可以睇下有咩岩自己食,而今次我地就揀左肉眼

睇住店員姨姨拎起一大件既肉眼去切，睇住佢砌好了，
份量亦係磅好給我看過後，就可以再選擇配料
配料有青葱/生洋蔥/蒜蓉可以揀，我就只係揀咗蒜蓉
然後就可以番埋位等一陣啦

店鋪係以全自助形式，所以位置係自由選擇

同時亦可以自己取水及把吃完既餐擺回托餐處

在每個座位上也有不少既調味料，

如岩鹽黑胡椒及一些醬汁

適合在吃牛扒時作為調味

當牛扒煎好了，就可以到點餐處拎取啦

呢一塊300g 既肉眼牛扒真係同牙籤講既一樣

真係好Large 大塊扒呀

牛扒面有一堆蒜蓉，我即時把蒜蓉放到鐵板處煎香

牛扒本身煎到約三成熟，如果喜歡吃較生的

記得要快點吃,唔係就會被鐵板的熱力加速地煮熟牛扒啦

由於我掛住影相，牛扒都煎得大約六七成熟

如喜歡吃牛的味道,就會比較清淡一點

我自己就喜歡加了一些岩鹽作調味之用，

感覺會有一點味道提昇的,所以大家在吃的時候就可以選擇這樣的

另外想提一下，大約可以加$30 可以轉做套餐

可以選三樣,如白飯/沙津/溫泉蛋及飲品,雪糕等等

同大爺食，佢最愛就係波子汽水及雪糕吧

整體個牛扒係好好食，雖然價錢上都唔算好平

但係有時真係好想食個牛扒，真係食一個好既牛扒

又可以揀牛扒既份量同種類,又唔洗搶心細食既朋友食唔曬

最重要係自助形式又唔怕比人趕你走

同埋所有店員都係好Nice 架，有機會一定會再黎食多次

是日分享:

岩盤牛扒 ミディアムレア ステーキ (寶怡花園) 

屯門良德街11號寶怡花園地下15-16號舖

就這樣完結啦，下次再見啦!(拜~)

◕‿◕如有任何合作事宜，歡迎找我呀

IG:angelbABYHOME

FB:小魔怪。私家竇