2007年9月24日 星期一

真係要鬧爆佢arrr

呢幾日真係好多好激氣arrr....
話說呢...星期6夜晚班fd話去唱k喎...去屯門唱la...都專登等到10點幾先去上去,佢就話唱到1點..我心諗點都唱通頂la...點知唱到1點就真係Cut我地啵..攪到我番屋企又番唔到,最後都要係個fd度訓...第2朝又要比阿媽鬧到我死咁....仲冇左成百四蚊...呢場k 真係貴囉...
仲有ar....我而家係用緊人仔台...即係People啦...因為我諗住轉台所以我唔想同佢續約,點知呢..咩優惠都冇哂囉....連入線既冇左囉...我開頭唔為以既...記得之前呢...用msn又係條線飛番屋企..講緊電話又會飛番哂屋企..真係激鬼死...你Cut都講聲呀...攪到人地搵我就飛哂番屋企....真係頂頂頂呀...
最嬲都唔係呢樣...琴日番去屋企又比阿爸鬧鬧鬧架屋點解咁亂ar..唉...都唔係我整亂架啦....成日番親黎就鬧...唉...又話上網個合約又完咁...又話叫我同佢傾...好啦...今日佢個同事打黎..但係我做緊野完全唔知...打番比佢又唔聽電話...打去總機....個條女ar....真係串到呢...我真係勁想爆粗囉....頂佢個肺ar...真係...同我玩野....咩我唔係$ 1752條線ar~係197 1條線...我話唔係啵小姐...你同事琴晚同我講我係啵...佢話唔係..我地冇呢個plan...我就話咁得la...咁搵番Endy同我傾啦..佢又話你等等ar...Hold 左1陣...又話唔好意思ar小姐...我Check 番個紀錄呢...你係175架...咁呢就係咁囉..你揀唔揀番高少少既網絡ar....你而家用緊3M 既,我話唔要...咁樣呢..就可能比唔番呢個Plan你架..我話咩話..我續約喎..仲要收番我貴d?佢就話係ar...因為物價貴左...我話貴左我續約喎~佢話係...我話啦...我唔想同你傾落去...係咁就Cut左佢線...真係火到黎埋...
差唔多番到屋企有個叫譚小姐既人打黎...同我傾合約d問題..我就同佢傾la..好..我就話好唔滿意你d同事既態度囉...如果係咁冇意思傾落去...咁個女仔都好好聲氣..我都明而家物價上升左...咁我都都用左網上行十年~175 2個上網...都算ok...但係我都係想拖下佢先....條氣真係頂住牙嗎
星期日我睇左場戲ar...叫迫上斷背山....其實真係幾好笑架....唔錯la...大家中系要快樂...但係小心天下路滑...我今日已經變左隻落湯雞...開左傘等如冇去冇開傘

6 則留言:

  1. 祝你中秋節快樂呀!!!

    回覆刪除
  2. 一個收費電視,一個上網.都激到人爆血管咁濟o架.

    回覆刪除
  3. 中秋節快樂呀。

    回覆刪除
  4. 我都係咁話,昨天幫屋企打上去問續約,又係一個肺人講肺話 好想打佢囉,之後同佢講有冇d野可以fax比我睇睇,佢話冇,我真係想@*e@##&佢呀

    回覆刪除

【保養】 頑強的海星精神 ♬ 超強急救MYOSKIN 海星安瓶 ✿

安瓶,也許不少女生也聽過這名字 而我第一次聽說安瓶就是準備婚禮期間, 就是去試妝時或者去影Pre-Wedding 時 一定有一些會水你同佢買一些什麼安瓶類的東西 我不是不相信它們的功效,就是不相信要那麼貴嗎 就自己在街外買一些人家推介的安瓶產品 但是...