2007年9月18日 星期二

折磨...



嗚....只怪自己的為食.....為食出事lu...
話說上星期4呢..我收工...行到去差唔多美羅個頭有間士多野,我又想買個野飲就入去行去轉la...
點知有個好耐冇食過既沙嗲魚串...好好味架...大約$4.5 1包...一串串好好味...
係ar...係好味...食完第2朝...就開始痛la...收工諗住去買龜靈膏同d涼茶啦...以為好d...
點知第3朝~開始腫啦d牙肉...慘過做咩.....原本約左班舊同事去BBQ...個陣已經想唔去la...
但係班舊同事個個都叫我去.....最後都係去左...但係食得好少野....狂飲水...
走個陣仲食左2粒好似解毒牛黃丸....唔食由至可....食左第2朝~8點幾痛醒左,要食切利痛先訓得番...
聽個同事講叫我去藥房配藥都ok....就走去試la...冇左成舊水時...仲要比人唔比飲凍野,唔准食辣野,煎炸野~仲要唔比飲凍檸茶....呀....慘過要死ar...但係冇計...鬼叫自己攪出黎咩
食左1次藥係好d...但係差唔多夠鐘又係痛...好慘ar....>.<
講完我牙痛....
又講下我d 手信.....呵呵~~番呢份工成日都有野收...都幾開心XDD
話說有個同事去完日本旅行...買左枝筆比我地~~D筆只係得我地Team有架咋~雖然好似周街都有得買咁...但係話哂都係搭過飛機ma XDD
話說我又有個同事去完曼谷定泰國唔知邊度...又買左d 手信番黎....有個NaRaYa 既筆袋(即係蝴蝶袋)同1個大象快子.....我其實想要個蝴蝶袋多ddd~~~
我等緊下1次去旅行....預定係下年年尾...因為機票平d~~~~~呵
就黎中秋...我食左好多冰皮.....始終冰皮係好食d~~~好在我食d迷你庄...
而家公司入面都幾多儲緊d 叮噹....我都儲緊....朋友們你有冇d唔要既比我la...:p
我公司送左盒大家樂月餅比我地....冇你地咁幸福有半島....>w<
我仲係公司拎左d生果番黎....阿媽話我做番我爸之前d野...因為我爸係HK做野個陣...都有D生果拎番黎架,不過而家係澳門做野唔同哂啦....見既機會都少左好多....




6 則留言:

  1. 牙痛慘過大病呀...我知你去邊間士多買野食喇...哈哈 你公司比月餅你地...都唔錯丫,我公司唔會買月餅比我地架,因為好多廠會送月餅果藍黎..哈哈!!其中有間廠都算識做,比左張大班既燕窩冰皮做禮...CCC~

    回覆刪除
  2. ♥ 小魔怪◕‿◕2007年9月18日 上午7:31

    我大約4個月前...我1個入面睇左3次牙醫ar....足足用左千五蚊ar....幾慘... 而家食左d藥好少少la...又冇好得哂....好慘~~ 我地公司因為收唔到錢收哂d月餅卷先比我地~~不過呢度d福利係唔差... 大班燕窩....嘩....聽見都流口水...~~~我都係自己買左個草莓芝士咋...但係有d似食雪糕..xdd 我d生果都係d廠拎d果藍~~但係好多都爛爛地~~~~~所以我先拎番屋企食xdd  

    回覆刪除
  3. 牙痛好慘架,快d好番哂,中秋可以食咩都得  

    回覆刪除
  4. 你係牙肉痛定係牙痛呀?係咪因為熱氣攪到咁呀?一包魚串咁大威力.我都好鐘意食o架喎. 我老公淨係食冰皮月餅,傳統月餅唔肯食,不過公司送果盒佢又食喎.抵得佢丫. 喂,我有少量叮噹呀.比你丫.你比公司地址我,我寄速遞比你.

    回覆刪除
  5. ♥ 小魔怪◕‿◕2007年9月18日 下午10:43

    月光...食左d 藥好d啦...仲算可以食d 冰皮la...但係冇得去bbq啦 陳老老...話哂都叫半島月餅~你老公係識食d 哈哈...我公司都係送大家樂咋....加上我好似食左10串都冇ar...都攪到咁...你話我慘唔慘....最衰自己為食....>.<而家成包比哂阿妹食...人地係泰國買番黎個d手信...都食唔到ar...好慘~~你速遞比我咁激~咁咪要哂錢~~我想收到你張請帖多ddddd~~

    回覆刪除
  6. 你係熱氣呀.飲下涼茶啦. 你黎緊去邊度旅行呀? 我公司ccg (正cheap精).無月餅送.但係有d客就有送美心同馬可波羅

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...