2016年3月1日 星期二

【懷孕❤日記】給予自己安心 ♬ 清洗洗衣機產品 ✿

我記得我有一些已經做左媽媽既朋友講過,
當你平時本身唔係咁潔癖都好,你會為左你既小朋友
一定一定會變得好潔癖! 

係呢句說話入面,我暫時唔敢講我一定會係咁
之但係對於洗小魔既衫,我就非常著緊呢個乾淨既問題
所以當我收到不少既二手衫仔或者應該開始買左不少衫仔既時候
就會開始準備洗衫,加上早前電視亦講過其實洗衣機入面
都隱藏不少既垃圾及塵埃,
所以男人好早之前就購買過不少的清洗洗衣機的產品
清洗過一次之後,就有不少的頭髮塵埃毛粒等等

所以我男人知道我要清洗小魔B 既衫仔,
就更加努力購買不少的清潔洗衣機的產品
今次就簡單介紹一下我地買過亦用過既東西作為一個小比較
以下既產品都係一田,吉之島同埋藥房度買既



首先要講就係呢枝....專屬洗洗衣機既液體
亦係我用過咁多隻產品當中最貴,
冇特價或者冇Pick 裝既時候,$49.9/
而家就賣緊$69.9/ 2 (Pick )

呢一隻雖然真心好貴,我男人就話佢洗左第一次之後
洗衣機就浮出了好多既頭髮塵埃毛粒等等
雖然就是很貴,但是他就認為值得的
加上多了一位小成員就更加需要乾淨
所以就不斷去買了這枝東西回家,
但是長期使用的時間的確蠻肉赤的,
所以就開始找不同的產品去代替



呢一個就係我地打算搵黎既代替品
既可以做洗淨洗手盆廁所啦同埋洗洗衣機既
不過呢Pack 就好似$24.9/pack
我自己覺得就一塊掉係洗衣機係冇咩料到既
完全唔覺得會令到佢點乾淨,不過當係定期清潔都仲可以既
但係唔太建議當係重點清潔啦



第三款就係近來係我既媽媽Group 瘋狂傳既
【韓國先生】洗洗衣機粉,係我家附近既藥房只需要$7/,
每次都係使用一包既份量,係購買既時候呢,
店員就教小妹將一塊唔要既布/一件唔著既衫掉入洗衣機入面
同時再將D 粉當洗衫咁倒入部洗衣機入面
老實說既,根據店員既教法我地利用它洗左部機
的確洗到不少既塵埃係個塵袋入面,
不過呢~我地掉入去個塊布呢就變得有部份變得好白
有少少好似磨到/”到會左白左咁樣
所以就睇下大家點取捨啦


 今次介紹左三款既產品啦,我地自己比較喜歡都係第一款
比較貴一點的,睇起來冇咁傷機
二來要咁乾淨都係為左小魔B 將既衫仔更加乾淨
最重要係平時我地用左不少既洗衫粉/柔順劑等等
當幫部洗衣機做一下深層清潔啦

第二款推介紹就當然就係韓國先生,雖然係我立場
佢好似有D 傷機但係長期黎講真係需要呢D 產品
最重要它真的是可以幫助清走機內既垃圾
對於追求潔淨既家庭,你需要呢D 產品幫幫手

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^

沒有留言:

張貼留言

【保養】想美白又怕會敏感 ◕‿◕ 肌美精低敏高效/透亮保濕面膜 ♪゚

面膜我想每一個女生家中必備之物 係我自己既櫃入面起碼有超過30塊面膜或以上 但係知道做左媽媽真係未必咁多時間去敷 敷親都係急救成份為主要, 不過PQ 開始大個仔,生活作時穩定左 而我亦開始做番適當既護膚時間 而最近我就試緊呢一款來自日本品牌肌美精 ...