2016年3月14日 星期一

【食❤ 屯門】永遠長長人龍 ♬ 店小的。抵吃的大門拉麵 ✿

近來既放假節目都係同男人係屋企附近行下
因為行得太耐,小妹我對腳又唔聽話
唔係好攰咩,就痛到要坐底,
盡量都唔會去到咁遠行下街咁樣

而係屋企附近既節目,都係黎唔開去睇阿b 既野
吉x 島已經比我行到差唔多識背咁濟
早前襯要番醫院檢查,又順便買埋bb 展既野
就決定要一試呢間每次經過都唔知點解咁多人排隊既拉麵店

位於屯門吉x島超市樓層既大門拉麵
今次我地就大約未夠7點左右去排隊,
所以等左約10-15mins 左右就入到去坐啦


門口有一個好大既餐牌,如果你係有兩人或以上
當然可以先揀揀自己想食d咩先啦~
要留意番就係呢度唔係拎籌,冇得訂枱
所以要排好隊就有得入座架


坐底就有一張已經過膠既餐牌,
大家可以利用枱面上既紅筆在餐牌上畫上想要既食物


這一款是男人點的【大門油麵】$52
究竟咩係油麵,未點之時我地都唔清楚係d 咩
不過一來到的時候就有一點像撈麵的感覺
首先有一隻半熟雞蛋,在底部有一些小醬汁
同時亦可以落一些在枱面擁有既醬汁同時撈一下
有一點像吃冷麵的感覺,當然麵條是帶一點暖意感的


另外就是這個樣子絕對不討好既餃子
反而係估唔到既好味,首先佢係你下單先開始煮
所以呢個餃子反係遲過拉麵到,皮夠薄身
入面既"Hum" 又唔會太咸,即使唔落豉油都好好食
難怪差不多每一枱客人都見到佢有點呢一款產品啦


然後這個就是我的沾麵,它是大門沾麵 $58
我覺得今次它家既湯底好咸,不過最重要係個麵底好夠
起碼我食極都覺得仲有,但係同時我都飲左好多好多既水
最後呢...我真係好夠飽啦,連最後它可以加湯既問題我都冇問加到


呢間拉麵我同男人都覺得係屯門黎講,佢真係算係唔錯
起碼價錢上,麵質上都唔錯,又唔洗專登等好耐
係D 位可能未必大家喜歡啦,即係可以要兩個人同一邊咁

最大問題就係佢D 野真係比較咸,易水腫既好似我呢D陀緊B既
就盡量都唔好食住啦,睇番D 食評也許大家對它既期望好高
我自己就覺得可以下次再試佢家既湯拉麵

今次我介紹的店鋪在這裡:
屯門屯隆街3號屯門市廣場1期UG樓UG007號舖

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^

沒有留言:

張貼留言

【活動】♬日本和食新概念 ❤SHISEIDO 天然新系列 WASO♪゚

豆腐,蜂蜜,胡蘿蔔及白雲耳 這幾款食材,你會想起了什麼? 想起不同既小食或者湯品? 不過蜂蜜不可以跟豆腐一齊食用的!! 咁唔通我今次係教煮野食?