2016年3月18日 星期五

【食。佐敦】★。 私房菜都可以打邊爐 ♬ 來個海鮮盛宴shabushabu✿

說係私房菜,小妹想說我咁耐都係食左一次係西班牙既私房菜
對於中菜在香港反而冇點食過,但係對於私房菜打邊爐?
你又有冇試過呢?今次小妹就第一次去試啦
 係出街打邊爐一係就任食,一係就係逐點計
小妹就最怕逐碟去計既打邊爐,食得飽又覺得好鬼貴
你話食任食咩?我只覺得你唔可以要求食物質素啦

今次朋友就話帶小妹去食一間既係私房菜,
又係打邊爐最重要都係任食!
咁過隱?就等我同大家一齊去睇下究竟係乜東東啦
今次我地既目的地就係佐敦既一哥私房菜,
其實係食之前我都已經睇過不少它家既資料同食評
起碼要袋定彈藥係身先得架係唔係?

平時打邊爐,多數係見到一張張既枱同電子爐
但係今次去到反而係見到一間間既房間,
反觀就比較私隱一點,傾計吹水都唔怕比人聽到啦係唔係
由其d 明星想食下飯都岩曬呀!!
 坐底無耐,店員已經安排準備上菜,唔係任食咩?
唔比人地揀咩湯底架?講明私房菜架嗎,當然有d 野估唔到啦

首先先會送上雞煲,由於我地今次女生幾位,
店員就先送上大約半隻雞份量既雞煲,
可以選擇辣度,為左就小妹既口味,大家也要陪我吃不辣的呢~
雞質蠻滑的,因為本身在一煮的時候已經有一個小小Timer 附上,
就是怕大家不知道要煮多久嗎就會雞件煮老了就不好吃囉!

以為把雞件吃光就加上湯準備打邊爐?你就錯了,
店員把煲取走然後就送一盤盤的東西入來,
當然少不了大家最喜歡的刺身併盤吧,
我沒份吃就不把它影下了

這個刺身併盤不是可以任吃的,不過朋友說它的新鮮度絕對不錯
好似有生蝦,三文魚等等既刺身.....

除左刺身併盤之外,
仲有一盆我係食得但係唔敢食太多既海鮮併盤,
呢個併盤一上枱大家都嘩嘩嘩…..
原因就係估唔到咁大隻同咁多款
包括有手掌咁大個既帶子啦,蠔品,
鮑魚,蜆,花甲,仲有翠肉鯇同鯇魚等等

由於對於海鮮產品,都不太敢多吃
所以我只盡量吃上脆肉鯇同鯇魚
不得不說的就是脆肉鯇真心好好食,
即使煮耐左都唔會散開之如仲係好脆下

另外個隻大大隻既帶子又真係啖啖肉,超好吃的
可是嗎其他既海鮮我又唔太敢亂吃,
所以就比唔到D 咩意見大家啦



或者大家以為個湯底一定將個雞煲加上上湯
我當初食個陣都以為係,實際係再有另一個煲
就係蕃茄栗米蟹湯底,真係有一隻蟹係入面架
不過由於我係唔食得,我又唔知個蟹好唔好味啦


打邊爐之前最好就係先食下d 菜打下底先,
咁就唔怕食得太多肉太漏太滯啦

呢個蔬菜籃都係任食既,所以唔洗怕冇菜清清腸胃啦



另外仲有呢d 丸類同餃子類既產品
老老實實平時出去任食既呢d 丸呢
食一轉已經半放棄,但係今次它家既墨魚丸堅係好食
仲有D 雲吞呀,水餃又係極之好食
明明好鬼飽,我都係要再點多一次黎食



或者大家會講打邊爐又點少得有牛呀,
平時我去打邊爐得會狂點牛黎食,
不過呢任食既牛又真係食兩三碟已經唔想再食
但係係一哥入面你唔會有任食既牛,
但係只需要加$38/碟就可以有以下呢碟牛去食

呢碟本地牛頸脊先可以睇到份量真的唔細份
平時係逐碟點既呢D 肥牛,絕對唔可能有咁多啦
如果有咁大既份量起碼都要百幾兩百碟囉

最重要呢隻牛唔會食到你好滯,仲要係啖啖肉
超級好味,值得叫一碟黎試下既!!


咁或者你地有個疑問就係,點解我明明一開頭講明係任食架?
點解突然間又話呢樣要收錢,個樣又要收錢呢?
係今次我介紹既呢個一哥私房菜呢,
就以$258/(兩位起) ,星期五-日就以$268/
另收加一服務費

就可以吃到一次性既雞煲,刺身,海鮮併盤等等
而任食既就有蔬菜籃,丸類餃子類
響玲,炸魚皮,烏冬米線等等
仲有飲品都係無限量供應架

咁如果覺得以上既食品都唔能夠滿足你既胃既話
絕對可以考慮另外加錢食下不同既海鮮既



老老實實,以大約$300/位既價錢去食任食打邊爐
係唔係真係好抵呢?我唔敢講食
但係只可以講一句就係,以咁既價錢你出面食唔到咁既質素
單單講個個海鮮併盤,我都問朋友究竟呢個老闆點搵錢架呢?
仲有刺身同其他食材呢?所以今次雖然食落好似都唔係平
但係真心講句係值得一試既,由其那個私人空間
起碼打邊爐都聽到朋友講野呀,唔洗次次都好似鬧交一樣咁樣

最重要係我食完佢預先比我既野食已經真心好夠飽
當然你既胃口比較大既,再點回任吃既東西
就絕對物超所值啦,起碼我食完真係飽住番屋企呀!

這兒是: 
佐敦佐敦廣場2/F 

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^





沒有留言:

張貼留言

【活動】♬日本和食新概念 ❤SHISEIDO 天然新系列 WASO♪゚

豆腐,蜂蜜,胡蘿蔔及白雲耳 這幾款食材,你會想起了什麼? 想起不同既小食或者湯品? 不過蜂蜜不可以跟豆腐一齊食用的!! 咁唔通我今次係教煮野食?