【食。粉嶺】♬ 可一不可再 ❤ 絕對要調整味道及食材的加藤屋 ♪゚

近來每個星期都會番去娘家比阿B 婆婆睇下玩下
所以每次番去粉嶺都會留意下有咩新既食店
唔洗來來去去都係食緊大X活大X 樂咁呢D 餐廳呀

早前阿妹就話火車站附近有間新餐廳
位置比較鬆動D ,即使帶埋BB 車入去都唔覺得阻人
因為而家番左去有時都會開架車仔出黎,
所以有一間可以比我擺到車仔既餐廳我都會去試下

今次我就去左呢間風格有d 日本連鎖快餐既"加藤屋"
同樣又係以牛肉飯專門店做賣點
等我又睇下佢有幾特別啦


入到餐廳無論格局,野食既種類都係同吉x 家差不多
多左既就係不同種類既豚肉飯同埋有鐵板上既黑椒牛肉飯
咁熟面口既配搭既?
本身媽咪話佢好肚餓所以想呢個鐵板牛肉飯,
不過當日店員指Tea time 暫未供應到呢個鐵板牛肉飯
就建議我可以享用它家既下午茶餐
見佢價錢都好似幾抵食就叫左兩個下午茶試下啦

媽咪話好肚餓咁就叫左呢個牛肉飯試下
老實既佢同吉X 家既擺法真的好似
唔講唔知真係以為食緊吉X家

不過呢個牛肉飯連媽咪咁肚餓黎講都可以講唔好味
首先點解咁唔好味呢?D 牛肉好鞋同冇牛肉味
就連任食打邊爐既都比佢好
D 飯冇汁想用黎送下飯都唔得
咁媽咪講到咁差,我冇理由唔試下佢講咁架
的確D 牛好鞋好UN ,要大大力地扯開佢先食到


然後就到我既雞扒米粉,開頭拎既時候就覺得碗野好似咁清咁既
仲心諗洗唔洗搵豉油吊下味呢?
點知個湯底同D 色完全不成正比,湯底好濃味
一定有落左"師父"落去,我食完要狂飲水
雞扒就不過不失,起碼唔會覺得好鞋口先
真係個湯底太重口味,食唔慣既朋友會飲好多好多水


本身就想加點D 靖魚啦,帶子串燒啦同呢個薯餅既
不過佢每個餐只可以加一樣,咁揀左靖魚又話岩岩賣曬
帶子又要等下先因為要燒,諗諗下就算啦
試左個牛肉薯餅先啦,本身諗住呢D 都應該係現貨再炸
應該唔會難食得去邊卦,......

點知牛肉薯餅我食唔到有牛肉味,同埋D 薯餅就似食緊薯蓉咁樣
然後又好油,雖然夠但係真係唔得掂
連媽咪都問我點左樣咩野食番黎,完全食唔出係咩黎


老實講,本身對呢間有少少參考人地連鎖餐廳既加藤屋
不存在有什麼好吃之想法,但係冇諗到佢咁Copy Cat
但係味道都唔跟足d ,或者佢整好食d 其實應該都有不少既客路

加上佢既下午餐都係幾抵食既,款式都多但係....
始於佢既食材同味道真係唔係個個都可以接受到
或者遲d 佢會再改善既,但係我已經未必再有心機去試佢地


希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤



留言

熱門文章