2017年2月9日 星期四

【食 ❤ 旺角】我們女生的浪漫 ♬唔係一定要Tea 既 ✿

自從有左大少Gogo 之後,我都唔知幾耐可以安安定定咁同朋友食餐飯

甩底飯局都唔知出現左幾多次,
想約我食飯就一定要接受我早走同帶仔
慶幸我有班朋友仔,佢地未有小朋友
但係佢地好愛我既小Gogo 
所以同佢地既飯局都會多d , 因為有佢地我可以食下野

早前我又約左呢班朋友仔去提早做團年飯,
今次揀去打邊爐,本身真係十萬個唔想去
打邊爐我又驚阿仔會爆喊,我即係食唔到野
即使佢唔喊,我又驚佢手多多整到佢
但係朋友仔話佢食過係好食wor 
既然係咁就捨命陪君子啦

帶住個仔一定會遲到,所以當一到左旺角就叫佢地發板
令到我上到去就可以有得食啦
今次我地就揀左滋補醉雞煲 ($118/半隻冰鮮雞)


打邊爐又點少得飲野先得架,可樂好似成日都會飲

但係咁大杯既龍鳳可樂又見過未,重點價錢都幾相宜下
冇記錯好似$35/杯


剛上到餐廳,剛剛配料就到了
跟我預期的時間是一樣的,但係真係好肚餓
先食住少少小食頂一頂先,朋友推介呢個炸豆腐係呢度既招牌菜之一
椒鹽日本豆腐 ($38)

新鮮炸起既椒鹽日本豆腐,好夠熱表面帶點小辣,應該是七味粉既辣?
但內裡既豆腐熱得來十分嫩口,令人食完再想食多幾塊呢!
最後呢一碟我地比我食左半碟xd


講到炸野又點少得以下既食品呀,
我自己本身好鐘意食響玲,所以打邊爐實必點既一款配料
上菜時經理叫我地盡快享用,因為新鮮炸起
凍左就唔好食架啦,的確佢既爽同平時買/食到係唔同
起碼少左一陣油益味先啦


另外仲有就係鬼馬油炸鬼,同樣是油炸鬼配以墨魚滑
為免油炸鬼浸得太耐變得唔好食,強力建議大家係食個陣
先將墨魚滑部份放入湯底淥自熟透,再浸多一陣油炸鬼
就可以享用,呢個都認得唔錯架,可以一試!!


手打蝦滑 ($78)/手打墨魚滑 ($63)
滑既配料不嬲係打邊爐黎講係好貴同時唔大碟,
但係亦係睇得出呢間店鋪既材料新唔新鮮

墨魚滑係剛剛既鬼馬油炸鬼當中已經享用過,認真不錯
跟某大集團的滑完全兩回事,然而蝦滑亦睇得出是新鮮處理
比較彈牙,不錯值得推介


肥牛吃得多,牛頸脊骨食過未?
跟我一班吃得咀也刁了既朋友們,打邊爐又點會只係食肥牛咁簡單呀
今次佢地揀左呢個牛頸脊骨,比肥牛既口感更強
肉質更厚,加上紋路分明,不過新鮮程度就差一點了

本地新鮮牛頸脊骨 ($148/半碟)


最後就有普通既小配料,豆腐本身就係我最愛
今次冰豆腐既質感反而令我喜歡
因為佢大大件而唔難夾,要知道睇住阿仔真係好難食到d 咩野
呢個唔難夾仲好好食,我都加叫多左半碟自己食
另外山水豆腐就是滑滑的,但係難夾一點
加上醬汁簡直是一流呀,最後窩笋我就沒有怎吃不評價了

冰豆腐 ($11/半碟)/ 山水豆腐 ($10/半碟)/窩笋 ($25/半碟)

今次的火鍋是似於旺角波鞋街附近的樓上鋪
係地下會有一個招牌指示比大家上去
雖然佢係一樓,但係要上大廈就先要行半條樓梯
但係1/F 是冇Life 可以上同樣都要行樓梯
所以如果我地大人冇問題啦,好似我咁帶住個仔
拎住車仔/揹住佢上去都幾係野
同埋個度都係冇BB登,所以如果係預有小朋友就唔建議啦
不過當日都不少年青人去食用,或者有一次可以擺底阿仔再黎食啦

這兒是寶寶火鍋
旺角花園街75-77號花園商業大廈1樓


想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤





沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...