2017年7月24日 星期一

【食 ❤ 大圍】冬菇亭內的日本餐廳 ❤ 壹級日本料理 。★。


近來身邊既朋友唔係準備結婚就是有左小朋友
所以近來同朋友間食入伙飯就真係多左好多
最近又有個之前結婚識既朋友仔
因為將會有小朋友出世既關係,
就搬近了她的奶奶家,同時為左我地既久遺既小約會
朋友就話帶我地食好野!!

佢話佢奶奶屋企附近最近開左好多間新食市
其中有一間連老爺奶奶老公都話好食抵食又好味
仲變左佢地屋企既飯堂咁話
即使朋友仔食唔食生冷野都話要要帶我地食
就睇下呢間野係乜東東啦

呢間位於美林既冬菇亭既壹級日本料理
說真的...第一次聽係冬菇亭做日本餐廳
因為多數都係做中菜/茶記多架嗎
係六點幾黎仲係好光猛,唔洗點開燈都好夠光
重點係好夠空間感,有時去到D餐廳樓底好矮
食落好有壓迫感,唔知大家有冇試過呢?

今次朋友先生發板,先來一個沙津來一個解解暑
近來既天氣唔係落雨就係焗到人都癲
這個是香芒龍蝦沙律 $78

夏天吃芒果是最好不過,既當做重點係實甜的
你以為純芒果加d 菜?唔係咁簡單
係碗底入面好多既龍蝦肉碎,由芒果生菜同埋龍蝦肉
三種滋味盡係口中,極力推介勁好食!!
重點係夠曬份量,唔係同平時既日本料理咁
食完都覺得咁就...$5X 碗啦


然後就有朋友極力推介,話佢每次黎到都必點既串燒
分別有左起的-黑豚腩串 $18/串
食豬肉串最怕又肥又濟胃,但係呢串黑豚腩串
調味做得非常之好,咬落唔會成口油仲有D 肉汁係度

菠蘿 $28
就唔洗講,又係串燒必備之物
既開胃又可以減淡左食串燒既油濟感

霜降和牛粒串及牛脷串 各$28/串
對於我呢個牛魔王人仕,食串燒唔食牛又點得先?
霜降和牛粒串,一串大約有四小舊唔會燒到好老
食落去仍有調味既肉汗存在,同時又唔會過咸

牛脷不是每個人也喜歡,但個人認為要弄得好味
首先要鹽量控制得好好,然後唔可以煮太耐
但係係呢度做到我滿意的!!


明太子手羽2只 $48/客
然後當中有小朋友既關係我地專登點左呢隻雞翼
開頭諗住明太子雞翼辣架啵,小朋友點食呀?
但係見到班小朋友仔食到津津有味,
我都唔執輸,食番隻先
雞翼中釀入左明太子豬肉(好似)食落啖啖肉
係好食既但係唔係好特別

壽司小朋友最愛吃壽司,分別就有
牛油果魚籽軟蟹卷 $88

朋友話佢地既卷物好好食,而佢為左解口頭之苦
通常都會點上這些卷物,而呢個牛油果卷物
做到外又脆內又脆,重點係食完好飽肚呀


見到隔離枱點左三文魚壽司好似幾靚咁
就決定點左三客番黎試下
三文魚好鮮冇咩雪藏感
不過三文魚份量夠長,但係厚身就仲完美啦(貪心Mode)


最後真心極力推介,唔好睇佢個樣黑蚊蚊
好似睇見都唔開胃,其實真係不知幾好食
墨汁蜆肉帶子炒烏冬 $88

黑蚊蚊係因為d 墨汁,開頭我都諗緊
其實好唔好食架,真係睇見都唔開胃
但係我想講佢d烏冬係手打個隻之外
重點係,佢d蜆肉帶子仲多過d椰菜
咩道理黎架,下次再黎一定必點囉!


今次分享既餐廳是: 壹級日本料理
Address: 新界大圍美林邨熟食亭1-4號鋪

望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓
◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤
 U Beauty ❤ Beauty Exchange We Share
Maima Buy Fanpiece 

沒有留言:

張貼留言

【Hugo成長日記】率先了解小孩的天賦潛能 ❤ 22Plus Talent Test (測試篇) 。★。

因乜解究Hugo 又要睇醫生? 仲要睇個咁靚既姐姐? 非也非也,Gogo 近來身體都暫時不錯, 係試過d 流下鼻水少少打咳次咁者 也許而家時代唔同,科技亦比之前更加唔同 好似之前唔會知道陀住既小朋友會唔會有唐仕既基因 而好似我之前亦因為係政府醫院...