2017年7月30日 星期日

【保養】♬蜂蜜 豆腐 &白雲耳❤ 天然食材化身WASO 護膚新系列♪゚

早前小妹就已經介紹左SHISEIDO 
最近推出既新系列WASO,以天然食材為主
成個系列都會以豆腐,蜂蜜,甘荀同白雲耳為主要成份

新系列的新品名為WASO ;係一種日本既思為
WA-和 代表住和諧,SO-想 代表為靈感

今次系列既靈感係源於日本和食概念,
細心挑選不同既天然既食材
純靜天然,為你提供一個水漾柔滑既肌膚
整個系列共有七款不同既產品

而小妹就帶左三款主要既產品番屋企試下
不如一齊睇下我既分享啦

首先要出場既就有以蜂蜜為主要成份既
WASO蜂蜜速效溫和潔面啫喱$215/150ml

呢枝係不需要加水,只需要乾手乾面就可以清洗面部
最重要係一枝做到埋落妝既效果
要知道我地女仔放左工番黎又要落妝
好似我呢d Working Mama 仲死
放左工衫都未換就帶阿仔去左玩先
然後唔係同佢沖涼就係要煮飯...
當到自己沖涼就極之想一野洗完野就訓教...



而WASO 系列入面呢枝洗面就做到我最想既
首先係唔需要手濕面濕,只需要倒上五蚊銀既份量
倒出黎真係有D 似蜜糖一樣,不過質地就比較水一點
不過唔知係唔係當天既份量唔夠多,做唔到豐滿泡泡既效果
不過有一個好好既重點係,佢洗完面之後係唔會乾架
你知啦夏天洗完面最怕乾面架嗎



洗完面仔又點可以手搽爽膚水先係唔係?
所以我地都可以用上佢
WASO白雪耳清爽啫喱健膚水$235/150ml

白雪耳平時係不少既湯品上都有它既存在
有些人會說它是最平價版的燕窩,所以有它的時候
我也會不斷地把它吃進肚子,但今次它在WASO 則扮演了
高效浸透為肌膚帶來源源水份既健膚水

而呢枝既健膚水同平時既爽膚水唔同
因為佢本身唔係好水而家係帶點Jelly既質地
為肌膚帶來源源既水份,感覺很清新
同時可以令肌膚有飽滿既水份


我個人做法就是先倒上化妝棉抹一下肌膚
去除一些角質及未必洗得乾淨既彩妝/防曬
再倒多少少係手拳心用手拍拍於肌底令飲飽水



最後就係要搽上面霜,今次呢個面霜主要成份就係胡蘿蔔
胡蘿蔔超強補濕啫喱(HK$285/50ml)

胡蘿蔔含有豐富水分和養分,
仲具有24小時超強補濕功效
仲有蘊含胡蘿蔔原個細胞,有效柔軟肌膚,
令肌膚瞬間回復飽滿彈性。



本身面霜會附上一枝小棒子,
可以利用小棒子輕輕拎起所需份量
補濕啫喱質地好夠水潤,唔洗一次拎咁多
唔係就會太淋難以推開架啦~


我個人建議就係拎大約一蚊既份量
因為本身呢隻既面霜比較滋潤一點
所以唔洗多份量都可以足夠搽曬成面
或者係冬天時候就需要更多既份量同補濕


這是我早前分享的WASO 系列產品資料

有興趣購買既朋友,除左到佢地既專門店之外
仲可以它家的E-Shop 購買,仲有機會有限定優惠


更多有關SHISEIDO 既資訊,可以到它家既專頁查詢
https://www.facebook.com/SHISEIDOHK/?fref=ts

望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦

↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤




沒有留言:

張貼留言

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...