2017年10月18日 星期三

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare 
真係係香港都買到不少由韓國引入既產品
有時覺得居於香港是件幸福事,
起碼我地想試不同國家既野,由其是美妝

加上網購既興起,真係遠在韓國既產品亦可以在網絡上購買
然而次小妹想介紹既產品,它自韓國
但係係香港暫時應該除左代購/水貨店有機會看到它的產品

講緊係d 咩?講緊既當然就係韓國品牌Gobdigoun
Gobdigoun 其實亦係韓國品牌LG 既旗下產品之一
亦是走中價貴婦路線既品牌黎架
其實小妹好早都已經留意過呢個Gobdigoun品牌
原因當然就係因為女生都係會被包裝吸引住
由其它家既品牌設計好精美好吸晴,
絕對令人印象深刻

而早前我就收到由韓國直送到香港既Gobdigoun產品
就不如等小妹同大家一齊分享下先啦
首先今次要介紹既就係有它家既山羊乳系列

山羊乳有咩咁好呢?
咁佢地羊乳平日就係利用左新西蘭既羊乳
同時就係韓國工場研發加工
咁又點解一定要山羊乳?唔可以牛呢?
其實因為山羊乳既蛋白質同脂肪酸同我地既人奶
當中既養分係有d 似,所以可以令身體再生同循環


咁簡單地介紹左山羊乳既特點之處
就等我介紹下山羊乳既其中兩款產品啦
首先就有金色蓋既
全效修護山羊乳爽膚水 WON 55000
呢枝既爽膚水主要有三大功效
-身體再生及循環
好似我之前咁講,山羊乳既蛋白質及脂肪酸同人奶既養分係相似既
所以佢可以幫助肌膚既再生同循環
加上亦含有豐富既蛋白酶可以幫助去除害成份

-保濕及無刺激性
由於佢既成份都比較天然啦,成份亦好溫和
所以唔怕用會好敏感啦

-美白 
當中成份含有酰胺,芍藥花中的維他命C、鈴蘭、芍藥花等
都含有白色辛夷花精華成分能夠提亮皮膚,帶來美白功效

 而每枝產品樽底都會有個有效日期
而我手上呢枝就大約兩至三年既有限期
初次使用之時既產品都會有個小貼紙防止係未開封之前
會有細菌/外來東西影響產品本身

而爽膚水本身質地比較水水的,
同埋有少許似精華水偏向少許傑既狀態
而我今次亦會試下韓國既7水法


咩係7水法呢?其實大家都會覺得韓國既女生
即使唔點大化妝者好似仿素顏
肌底仍然係好似飲飽水咁,所以搽好少野都可以好完美

秘密就係係爽膚水呢度啦,利用岩既爽膚水/精華水
根據自己膚質就利用爽膚水輕輕拍打自己肌膚
油性質就拍打2次
普通/混合性就拍打4次
乾性肌既就真係拍打7次啦

而小妹我就係拍打4次,的確時間係用多左好多
同時爽膚水既使用率亦多左好多
所以要靚真係要付出的唷,
小妹就係拍打左4次既


的確7水法,係比起平昤我搽完爽膚水之後
再搽埋D 精華水都未必有有咁即時水潤效果
同埋我會覺得有時我搽左D 比較潤既爽膚水
第二朝係好易太潤而爆倉/成面油咁樣
但係今次即使拍左4次既爽膚水,都唔會有成面油
依然Keep 住好水水既感覺


然後再要介紹都係同樣係山羊乳系列既
全效修護山羊乳面霜 WON 55000


本身產品使用了阿甘油(豐富脂肪酸及亞油酸) 
及酪梨油(豐富維他命)混合了保濕 精華促進皮膚油性及份平衡。
此外山羊乳,神經醯胺及山羊乳中的蛋白質 幫助保持肌膚彈性及提亮。
煙酰胺, 維他命C及白花萃取從牡丹木蘭花提取,帶來美白功效.。

面霜以番泵狀設計,面霜唔算水狀但係好清爽
我吱左大約一蚊既份量都可以搽曬成面既
不過如果再凍d 就可能要五蚊既份量啦
質地清爽,一輕輕地推就可以吸收曬


拍攝當天其實真的很攰,因為當天原意是放小朋友的電
但係媽卻是比小朋友放光了電,
不過的確使用左它們,即使係開左冷氣既晚上
或者只開風扇既熱熱晚上第二朝都唔會整面是油的感覺
仍是令肌膚有水漾的感覺,加上係秋冬既天氣
有點點乾既時間,的確係蠻適合的
加上面霜質地清爽,輕輕打圈就已經令面霜吸收
好岩而家呢d 天氣使用

今次我介紹既就暫時係咁多先,下回我會再介紹一下
Godbigoun既其他產品,要等我唷!!
比今次既介紹天加吸晴,你絕對愛上,因為我已經心心眼囉

係度都分享番點可以買到Godbigoun既產品口啦
除左係直接係韓國購買之外,亦都可以係佢地既網店購買
會直接由EMS 經香港郵政送上你屋企/公司地址啦
大約就係5-7日工作天

它家既網店係:


明洞Godbigoun專賣店及
LG品牌保養品專賣店Beautiplex中有售

Gobdigoun Store:
地址: 首爾特別市中區忠武路1街22-10
22-10, Chungmu-ro1ga-gil, Jung-gu, Seoul
營業時間:0900-2300

Beautiplex Store:
地址: 首爾市鐘路區明洞8街26號
26, Myeongdong8ga-gil, Jung-gu, Seoul, Korea
營業時間:0900-2300

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me:manman811@gmail.com







沒有留言:

張貼留言

【保養】✧✦缺水。細紋。抗衰老 ❤ éPure水凝明亮精華露解決到✧✦

精華,是我一年365日也需要使用的產品之一 由其保濕精華更加是必需的 即使係夏天時,雖然天氣好熱但唔乾 係開冷氣其實都會抽乾乾肌膚架 冬天既當然就乾到爆炸啦, 所以精華真係同洗面產品一樣咁重要架 早前我就收到 由美國權威性醫學美容醫生Dr.Yulon...